教育王國

標題: 同學仔鍾意打機、玩YouTube, 唔鍾意睇書 [打印本頁]

作者: broadband 時間: 16-5-18 23:27 標題: 同學仔鍾意打機、玩YouTube, 唔鍾意睇書

囡囡調轉，所以無共同話題。無朋友，好孤獨。

作者: Yanamami 時間: 16-5-19 00:04

全班都無个啱傾？課外活动呢？总有一齐既人啩？

作者: stockmike 時間: 16-5-19 02:01 標題: 回覆：同學仔鍾意打機、玩YouTube, 唔鍾意睇書

要講兩件事。第一，我仔話同班有人中咗睇書毒，情緒好唔隱定。第二，我仔今日問我可唔可以俾錢 join 網上 proidgy 數學 game ? 我未應承又未拒絕，我都掙扎中，點解貢快問我攞錢玩數學 game. 開咗頭會唔會下次變 Minecraft, 跟住又第二啲

作者: S-Kwok 時間: 16-5-19 06:56 標題: 引用：要講兩件事。第一，我仔話同班有人中咗睇書

原帖由 stockmike 於 16-05-19 發表
要講兩件事。第一，我仔話同班有人中咗睇書毒，情緒好唔隱定。第二，我仔今日問我可唔可以俾錢 join 網上 p ...

我仔都玩過Proidgy，但我冇比過錢喎。
不過，我個人對呢隻game冇咩好感，因為我覺得根本就係一隻game, 掛名比少少數學成份吧！（可能我了解唔多，你可再了解多點）

作者: Jane1983 時間: 16-5-19 07:49

吾係睇書做common interest，咁有無運動或者其他共同話題？

作者: 妹妹頭 時間: 16-5-19 08:12

回覆 broadband 的帖子

如果只係打機, 玩YouTube 至係朋友, 依D朋友要黍做咩? 冇依D朋友也沒關係, 樓主小朋友幾年級? 升到高小, 自然會有好多機會去識一些有共同興趣話題既朋友, 多D參加課外活動, 我女都係小一時沒有朋友, 到小二參加幼童軍, 依家好開朗, 有好多岩傾既朋友, 大家都鍾意露營, 遠足, 游水, 大把野傾...

作者: Yanamami 時間: 16-5-19 08:33

我女都鈡意睇Youtube(英文片同奧运)唔鈡意睇書……不过佢係老師眼中好学生~

作者: MrBeast 時間: 16-5-19 08:54

會不會只是阿女靜，唔知有邊位同學中意睇書？如果真是一個都冇，我諗我會搵校轉。on the other hand，如上面所說，看utube都不一定是壞事。

作者: babywoman 時間: 16-5-19 09:39 標題: 回覆：同學仔鍾意打機、玩YouTube, 唔鍾意睇書

我仔又鍾意睇Youtube, 又間中玩Minecraft免費版，咁又真係好多朋友嘅

，但聽佢講最多嘅係喺學校與同學玩"一一武器版"手指遊戲，最近又開始玩"包剪揼"升級版，講games應該少啲

作者: PY-Sing 時間: 16-5-19 09:44

本帖最後由 PY-Sing 於 16-5-19 15:18 編輯

小朋友幾大? 如是低小, 應該一定識到D 朋友.

小兒初初都話D 小朋友好唔乖, 唔中E 佢哋.
咁我訧話唔會個個都唔乖, 實有一個你中E佢, 同你FRIEND.

我亦出殺手"揀": "請嘢食".
要小兒帶多少少"0"食, 如紫菜請人吃, 俾機會佢多D 同人傾計.

作者: babywoman 時間: 16-5-19 09:46 標題: 回覆：同學仔鍾意打機、玩YouTube, 唔鍾意睇書

不過，睇左Youtube,又真會減少睇書。當時俾佢睇是想佢listening好啲，有效果，但已返唔到轉頭

，希望平衡到。

作者: IloveJJ 時間: 16-5-19 09:46 標題: 回覆：同學仔鍾意打機、玩YouTube, 唔鍾意睇書

提示: 作者被禁止或刪除內容自動屏蔽

作者: little_yolky 時間: 16-5-19 09:59

IloveJJ 發表於 16-5-19 09:46
我仔小息係睇書，去圖書館借書，做功課，同食野(邊睇書)。佢話全班無人係咁，個個都係玩，同出去操場玩。佢 ...

我哋好D, 有D小朋友都鐘意睇書, 會問阿女交換書睇。唔鐘意睇書既小朋友, 都會同阿女做好朋友, 大家相親相愛的。不過, 近日阿女話有女同學同佢講：你好自大！阿女唔知自己幾時自己自大咗, 咁我就叫佢檢討下, 以後講嘢小心D。

阿女都無得玩game, 但係同學仔就反而好羨慕佢媽咪咁好, 因為佢唔駛補習, 成績唔好又唔會俾人鬧。

作者: haihaimom 時間: 16-5-19 12:07

回覆 broadband 的帖子

未必關興趣事，我估你女女性格比較被動同內向，試吓鼓勵佢留意吓邊啲同學活潑友善啲，小息唔好自己睇書，主動去join佢哋一齊玩。做完功課我都准阿仔睇30分鐘youtube既，我覺得冇妨喎，又可以聽吓英文，又可以同朋友仔多啲話題，社交技巧都要慢慢學。其實我仔都係書蟲一名，出街書不離手，但佢小息會同同學諗啲遊戲出來玩。

作者: SY_Joanne 時間: 16-5-19 13:51

我囝都係書蟲一名, 係班內都有啲鍾意睇書嘅同學, 佢早前都有話冇朋友同佢玩好悶, 咁我就鼓勵佢主動啲同同學仔玩 (有時我覺得係佢以為冇同學肯同佢玩), 也會帶啲零食請同學仔食; 之後佢嘗試去主動同同學仔玩, 佢回來返嚟好開心話真係自己主動時就會有同學同佢玩 (有時雖然話玩啲好幼稚嘅玩意, 但佢話都好過冇人同佢玩咁悶嘅!)

作者: mayyylai 時間: 16-5-19 14:48

回覆 stockmike 的帖子

要錢嘅上網遊戲，我就一定 say "no"。大女宜家中三，從未試過問呢樣嘢。

作者: stockmike 時間: 16-5-19 20:37 標題: 引用：回覆+stockmike+的帖子要錢嘅上網遊戲，

原帖由 mayyylai 於 16-05-19 發表
回覆 stockmike 的帖子

要錢嘅上網遊戲，我就一定 say "no"。大女宜家中三，從未試過問呢樣嘢。 ...

今日亞仔致電我，佢話終於知道點解個中書毒同學點解情緒出問題，原來佢係屋企有打機。跟手我拒絕佢 join membership 用錢玩 Proidgy 的要求。我昨晚研究過原來個 game 係要老師開 account 俾學生玩，是免費的，做 member是多啲裝備，即原來隻 game 係老師介紹玩，我真係多得佢唔少。而家唯有等佢玩到悶唔玩，我放咗的自由唔會收番，但唔對路我唔會再繼續更放其他。

作者: scyauchris 時間: 16-5-20 05:18

我囡好鐘意看書, 學校都係無乜朋友。今年班主任唔比分享食物, 所以社交問題又出現。不過其實佢只是喜歡同一同學仔玩, 佢不肯一班人玩。個位同學同了另一人玩, 佢就自己一個人多。

我女有看youtube, 不過係d英文卡通片或者係煮飯同音樂, 不過都是一星期看一兩次。佢自己都話同同學仔無話題。

作者: Jane1983 時間: 16-5-20 07:44

點樣同人相處，在一班人中如何自處。有意見不同的時候，如何求同存異，衝突的時候點樣化干戈為玉帛。吾好蝦人，被人蝦如果反應，呢d真係難過讀書。人際關係係要學，即使小朋友好鍾意睇書，自覺無社交需要，都要鼓勵佢搵朋友玩。不斷嘗試，總會搵到一兩個志同道合的。

作者: little_yolky 時間: 16-5-20 11:22

Jane1983 發表於 16-5-20 07:44
點樣同人相處，在一班人中如何自處。有意見不同的時候，如何求同存異，衝突的時候點樣化干戈為玉帛。吾好蝦 ...

係呀, 尤其係呢代無乜兄弟姐妹, 我哋又唔會放佢哋去公園同鄰居玩既小朋友, 學習既場境又少咗。如果响學校仲唔學, 真係無得學了。

作者: stockmike 時間: 16-5-20 12:54 標題: 回覆：同學仔鍾意打機、玩YouTube, 唔鍾意睇書

其實我留意到朋友啲生一個嗰响初小時係成日都會係屋企叫悶，如又少落街玩，自然好易形成世界是為他轉的感覺，易自我中心或活在自已世界，如父母怕佢悶日日平板加打機，簡直係送佢多一程。所以我一有時間就帶出街，盡量讓他參加群體活動，佢而家啱啱有班波友係會鬧人，會用傳統廣東粗口，可能我在場暫時無鬧我仔，重有傾有講，我覺得這班波友是我仔學習控制 EQ 的好地方，因我相信遲早一日佢波友會為踢波問題出口鬧我仔，我期望看看他有什麼反應，畢竟社會一定有班句句粗口鬧人或不斷揾著數要就晒佢(同自我中心差無幾)的人，到時大了先呆咗或深感屈辱而影響情緒不懂對應就死得了。

作者: virgokaren 時間: 16-5-20 14:33

自己做左幾十年人都明白物以類聚的道理，你係咩人，你d 好朋友大概都係性格相似。
小學生比較單純，朋友圈不外是同學仔或興趣班的小朋友。
覺得邊個啱傾的，做家長咪主動出擊，先同該小朋友家長熟絡，繼而約下去公園玩，一齊去食下野，自然交到朋友。

作者: cocokan2004 時間: 16-6-11 01:50

我見打機既多數係男仔. 女仔圍埋好少講GAMES 架喎. 可能你個女太靜啦.

歡迎光臨教育王國 (/)