教育王國

標題: 阿仔間學校唔接受a仔 [打印本頁]

作者: lavender_baby 時間: 16-5-18 16:14 標題: 阿仔間學校唔接受a仔

阿仔原定今年9月入讀全日主流K1，但喺半個月前做評估為自閉譜系，呢段其間係咁搵訓練之餘都聽咗唔同方面嘅意見，有中心主任建議我向幼稚園果邊講定阿仔嘅情況先，好等到時阿仔返咗學如果出現異樣校方會有事前準備，但因為而家學校未完成第二期注冊，所以要我而家向校方坦白我真係無勇氣（驚會取消我仔嘅學位），然後我就打電話去學校以「想報讀」為名而問佢哋會唔會收有自閉症嘅小朋友，結算聽電話果個人直接叫我搵其他幼稚園，我果下個心真係實曬，我以為一間有兼收位&有到校服務的幼稚園會比較包容A仔，點知都係咁⋯

我好傍偟，究竟要唔要俾阿仔照入去“讀住先”，定係另搵出路，但係連呢間資源充足嘅學校都唔想收我仔，我仲可以搵咩學校？我知道密集訓練對阿仔係最好，但奈何我哋真係負擔唔起私營企業嘅收費，如果唔返幼稚園，又驚佢越大越適應唔到群體生活

作者: peonybibi 時間: 16-5-18 16:41 標題: 回覆：lavender_baby 的帖子

咁入去讀住先啦，k1已經無得等，唔好諗咁多，你都會報暑期密集啦，仲上緊感統，加上你仔都識講少少嘢，識同人玩，呢間幼稚園又有到校。

作者: lavender_baby 時間: 16-5-18 16:52 標題: 引用：咁入去讀住先啦，k1已經無得等，唔好諗咁多

原帖由 peonybibi 於 16-05-18 發表
咁入去讀住先啦，k1已經無得等，唔好諗咁多，你都會報暑期密集啦，仲上緊感統，加上你仔都識講少少嘢，識同 ...

距離返學只剩三個幾月，我自己都無信心我仔嘅改變可以有幾大

作者: peonybibi 時間: 16-5-18 17:21 標題: 回覆：lavender_baby 的帖子

如果無訓練俾佢，應該唔會有改變，但有訓練嘅話，一定有進步。除非你搵到第二間好啲嘅幼稚園俾佢讀，否則都要俾佢讀呢間，所以暑假要俾佢適應定返學環境先

作者: bb-8 時間: 16-5-18 18:07 標題: 回覆：阿仔間學校唔接受a仔

樓主請問係邊度幫仔仔做評估???
嚟緊我囡9月會讀n班，我都怕佢會俾老師投訴，因為佢係好慢熱個隻，除咗言語係慢d，其他都叫正常，所以諗住做下訓練睇下會唔會好d

作者: lavender_baby 時間: 16-5-18 18:11 標題: 引用：樓主請問係邊度幫仔仔做評估??? 嚟緊我囡9

原帖由 bb-8 於 16-05-18 發表
樓主請問係邊度幫仔仔做評估???
嚟緊我囡9月會讀n班，我都怕佢會俾老師投訴，因為佢係好慢熱個隻，除咗言語 ...

係健康院轉介去兒童體能智力評估中心度做架

作者: bb-8 時間: 16-5-18 18:31 標題: 引用：Quote:原帖由+bb-8+於+16-05-18+發表樓主請

原帖由 lavender_baby 於 16-05-18 發表
係健康院轉介去兒童體能智力評估中心度做架

唔該晒，因為我2歲半先再去健康院，怕遲咗開始訓練

作者: lavender_baby 時間: 16-5-18 18:48 標題: 引用：Quote:原帖由+lavender_baby+於+16-05-18+

原帖由 bb-8 於 16-05-18 發表
唔該晒，因為我2歲半先再去健康院，怕遲咗開始訓練

你可以自己喺出面搵，我而家帶我仔做嘅訓練都係自己俾錢做，等到政府俾你果陣都唔知係幾多年後啦

作者: 球星媽咪 時間: 16-5-18 22:19 標題: 回覆：阿仔間學校唔接受a仔

我會選擇唔講先。到時先算。
我都無同我仔幼稚園講。

歡迎光臨教育王國 (/)