教育王國

標題: 一定要去地鐵站 [打印本頁]

作者: mo515 時間: 16-5-14 19:49 標題: 一定要去地鐵站

阿仔接近21個月，每逢星期日會坐地鐵去上playgroup, 最近發現去公園玩，玩到咁上吓佢會拉我地去地鐵站，如果唔去會發脾氣用頭撞我(因未識講嘢，只講bb 話)，最後每次要抱佢走，有無方法防止阿仔咁樣?佢開始大個啦！我同佢講話返屋企，佢都一定要去地鐵站

作者: KCHK 時間: 16-5-14 20:54 標題: 回覆：一定要去地鐵站

請問評估左未? 你知道地鐵站有咩野吸引佢嗎？定係佢覺得去地鐵站去到佢想去的地方？

作者: mo515 時間: 16-5-14 21:52 標題: 回覆：KCHK 的帖子

未評估，但我估佢有輕微自閉症，佢好喜歡坐地鐵時睇地鐵裏面閃吓閃吓嘅平幕，最近發現佢某d 商店好抗拒入，行入去立即哭，怎算好?

作者: KCHK 時間: 16-5-15 18:10 標題: 回覆：一定要去地鐵站

咁應該佢想入地鐵站找光的刺激，建意你同小朋友上下感統堂先

作者: SK921 時間: 16-5-16 10:09

我小朋友都好怪, 每日都要指定行某一條路線, 似有問題嗎?

作者: KCHK 時間: 16-5-16 12:51 標題: 回覆：SK921 的帖子

這是固執行為之一，除左這行為古怪外，有無言語delay ？

作者: mo515 時間: 16-5-16 13:22 標題: 回覆：KCHK 的帖子

有，言語評估遲咗9個月

作者: 跳躍精靈 時間: 16-5-16 17:31

我個仔又係好仲意搭交通工具的
A仔小朋友係好仲意某D特定事物同埋行程的
例如佢今日認為係有搭地鐵呢個SCHEDULE
完成唔到會好不安

但其實佢地需要的只係好簡單一個溝通ga咋
每日一開始，例如早餐時候啦，你可以簡單brief一次今日行程安排
例如"我地先食早餐，然後去公園玩，再買野，最後返屋企"
"我地食早餐，然後搭地鐵返學/搵小朋友玩(視乎你平時點演繹返playgroup呢件事啦)，最後返屋企"
預先知道自己今日會去邊，做乜野，就唔會有"突然冒起要搭地鐵"呢類行為

當然，我都唔係一次成功啦，但我記得都唔使太耐的，可能keep住兩三個禮拜到，小朋友摸清自己個schedule，安全感會大d，少d不安燥動ga la

作者: KCHK 時間: 16-5-16 19:22 標題: 回覆：一定要去地鐵站

簡單d 來講A仔通常唔懂變通, 係佢心目中每一日都有一個流程, 如果當日因其他事只這個'行程'變動左, 佢就唔知道要點樣做, 就好似電腦hang 機咁, 需要好勁的工程師reset ，又或者個工程師set 呢個program時已經預計好有可能發生的問題及預早通知warning，媽媽們, 你地就係呢部電腦的工程師, 慢慢去記低佢地所有古怪行為, 其實係有機會拆解的, 努力吧！

作者: mo515 時間: 16-5-16 20:54 標題: 回覆：KCHK 的帖子

Thx! 照顧A 仔真的好辛苦!

作者: 99819872 時間: 16-5-16 23:53 標題: 引用：阿仔接近21個月，每逢星期日會坐地鐵去上pl

原帖由 mo515 於 16-05-14 發表
阿仔接近21個月，每逢星期日會坐地鐵去上playgroup, 最近發現去公園玩，玩到咁上吓佢會拉我地去地鐵站，如 ...

我的A仔又係一出門口就行去地鐵方向，有時我哋會出門一早講行第二條路先，就算發晒痺氣都抱走佢

作者: SK921 時間: 16-5-17 10:23

KCHK 發表於 16-5-16 12:51
這是固執行為之一，除左這行為古怪外，有無言語delay ？

佢已經返緊pn, 暫時學校冇話佢有言語delay, 只係有好多時好固執, 一定要執好某樣玩具先出門口, 指定行一條路線, 沖完涼要放好沖涼用品於某個位, 如果唔俾佢做, 佢會大吵大鬧

作者: KCHK 時間: 16-5-17 18:28 標題: 引用：Quote:KCHK+發表於+16-5-16+12:51+這是固執

原帖由 SK921 於 16-05-17 發表
佢已經返緊pn, 暫時學校冇話佢有言語delay, 只係有好多時好固執, 一定要執好某樣玩具先出門口, 指定行一條 ...

咁應該問題不大, 就算有自閉都係高智能, 同佢上多d 社交playgroup會有幫助。

作者: metrochung 時間: 16-5-18 08:27 標題: 引用：我小朋友都好怪,+每日都要指定行某一條路線

原帖由 SK921 於 16-05-16 發表
我小朋友都好怪, 每日都要指定行某一條路線, 似有問題嗎?

未必係有問題，可以留意下行他鐘意的路線途中有乜嘢吸引佢。我仔以前成日行街市旁邊，我覺得唔乾淨，但仔偏要行，最後原來佢喜歡行過旁邊的文具店，但未入過去一次。多D觀察可能發現原因

作者: SK921 時間: 16-5-18 10:16

KCHK 發表於 16-5-17 18:28
咁應該問題不大, 就算有自閉都係高智能, 同佢上多d 社交playgroup會有幫助。

...

其實我小朋友最初返學時唔肯講野, 老師叫我帶佢去評估, 最後返左3個月到, 老師就話佢肯開口講野, 進度亦冇問題, 只係我見佢咁執著, 怕佢可能有問題, 多謝你既意見, 我會帶佢去同其他小朋友玩多D

作者: SK921 時間: 16-5-18 10:20

metrochung 發表於 16-5-18 08:27
未必係有問題，可以留意下行他鐘意的路線途中有乜嘢吸引佢。我仔以前成日行街市旁邊，我覺得唔乾淨，但仔偏 ...

其實沿途都冇舖頭, 試過如果迫佢行另一條路, 佢就唔肯行, 又好似沖涼玩具咁點都要放返同一位置, 掉轉放係唔得架, 佢執著成咁, 所以先怕佢有問題, 多謝你既意見, 我會多d觀察佢

作者: metrochung 時間: 16-5-18 11:57 標題: 引用：Quote:metrochung+發表於+16-5-18+08:27+未

原帖由 SK921 於 16-05-18 發表
其實沿途都冇舖頭, 試過如果迫佢行另一條路, 佢就唔肯行, 又好似沖涼玩具咁點都要放返同一位置, 掉轉放係唔 ...

我仔2歲都係咁，個位係乜老師坐開就只可個個老師坐，其他老師坐就唔可以，又幫老師保管水樽，其他老師又唔可以掂，不過只係剛剛入學時係咁。我仔有ADHD,有時會固執小小，大多數同佢講清楚點解要放里到，唔放之前個到，佢接受了就唔固執。小小分享

作者: SK921 時間: 16-5-18 16:34

metrochung 發表於 16-5-18 11:57
我仔2歲都係咁，個位係乜老師坐開就只可個個老師坐，其他老師坐就唔可以，又幫老師保管水樽，其他老師又唔 ...

我有同佢解釋, 但佢咩都唔理, 總之一定要跟佢意思做, 如果唔係就大吵大鬧

我小朋友最初返學時唔肯講野, 老師叫我帶佢去評估, 最後返左3個月到, 老師就話佢肯開口講野, 進度亦冇問題, 但政府果邊要排1年, 而我老公一直都覺得佢唔似有問題, 所以冇去私人機構做評估, 請問你點發現小朋友有ADHD?

作者: metrochung 時間: 16-5-18 18:34 標題: 回覆：SK921 的帖子

言語治療師發現先，叫我留意下，我再同幼稚園講

作者: SK921 時間: 16-5-19 10:32

metrochung 發表於 16-5-18 18:34
言語治療師發現先，叫我留意下，我再同幼稚園講

oic, 等我再觀察下先, thanks

歡迎光臨教育王國 (/)