教育王國
標題: 資優與反叛 [打印本頁]
作者: idy926 時間: 16-5-13 11:39 標題: 資優與反叛
挑戰父母權威,一言九頂,試底線,堅持己見,情緒敏感且強烈~~~點解兩者特質咁似?!兩者相加,咪仲難搞??
作者: 準媽咪 時間: 16-5-13 14:36
idy926 發表於 16-5-13 11:39 
挑戰父母權威,一言九頂,試底線,堅持己見,情緒敏感且強烈~~~點解兩者特質咁似?!兩者相加,咪仲難搞 ...
挑戰父母權威,試底線,堅持己見,情緒敏感且強烈 <---- 我仔呢 D 齊晒 !
作者: idy926 時間: 16-5-13 16:35
本帖最後由 idy926 於 16-5-13 16:42 編輯
準媽咪 發表於 16-5-13 14:36 
挑戰父母權威,試底線,堅持己見,情緒敏感且強烈
所以我覺得亞女反叛期由幾歲巳經開始,而家11歲,青春期,以上特質更加勁,尤其十分敏感,好好地傾下計都會覺得我話佢,
,郁下就發忟,我話吾係咁意思,佢係都話我係!激C人!嘜都爭論一餐,日日都好似對薄公堂咁!想問多d佢學校生活又吾肯講(自細都係咁)!我要同老公商量點樣變方法好好同佢溝通 -.-"
睇書都話要安撫佢地,吾好硬踫,但如何吾會變縱容,真係要取平衡
作者: Brainwave 時間: 16-5-14 21:32 標題: 回覆:資優與反叛
敏感即係點?我仔3歲,依家一d都唔話得,佢做某些事,只係好casual咁提一提佢,已覺得我話佢,叫我唔好講,又會發嬲,最近真係好難搞,唔識湊。

作者: 964000 時間: 16-5-14 23:21 標題: 引用:敏感即係點?我仔3歲,依家一d都唔話得,佢
原帖由 Brainwave 於 16-05-14 發表
敏感即係點?我仔3歲,依家一d都唔話得,佢做某些事,只係好casual咁提一提佢,已覺得我話佢,叫我唔好講, ...
我女同你仔一樣,叫我「吾好叫我乖D」「吾要話快D」,受軟吾受硬。
有時我會玩公仔role play形式教佢,例如我會扮Mickey mouse 好冇禮貌,冇同人打招呼,咁我就叫呀女又扮老師教訓Mickey,佢自然收到,吾洗話佢。
或者佢專登講相反詞,例如我叫佢吾好掂D滾水,佢會話「我要掂D滾水呀!」咁我會話「好呀,你快D掂啦,碌親隻手好痛架,要去醫院架,好呀快D掂啦」佢就即刻收聲。
對著D小朋友要鬥智鬥力考驗EQ

作者: Radiomama 時間: 16-5-15 10:23 標題: 回覆:idy926 的帖子
我仔也是11歲,會留空間及面子給他,兩公婆輪流扮演好人:當他與daddy硬碰時,mami會適時介入讓雙方可以下台。
學術上讓他自己撞下板,他才會心甘情願改變。
生活上,他有自己的一套,只要不引致生病,我會放他一馬。我只在他早晚服哮喘藥時會囉嗦。
***
不過其他家長所講的三四歲小孩,則應該另外處理。
我仔年幼時,我們對他在待人態度和禮貌、控制脾氣方面絶對嚴管;他從沒有扭計、扭玩具、哭鬧情緒等,反之daddy喜歡跟他説笑話,久而久之,他是一個好幽默和開朗的男生。

作者: idy926 時間: 16-5-15 13:26
[ 本帖最後由 idy926 於 16-5-15 14:15 編輯 ]
Radiomama 發表於 16-5-15 10:23
我仔也是11歲,會留空間及面子給他,兩公婆輪流扮演好人:當他與daddy硬碰時,mami會適時介入讓雙方可以下 ...
後生仔最怕人哦,不過你仔仔有哮喘,好難吾囉嗦呢!希望佢明你苦心!我女都係超過敏人,好多種食物敏感,鼻敏,皮膚濕疹,我都想我吾做黒白天哦....
學術嘅野,我女由三年班開始巳經吾比我跟佢D功課,成績—路都中上,但最近又叫我揾人幫佢補習,真係吾明佢諗乜。
而家我地係揀中學上有D分岐,其實如果做評估,個報吿有冇分析强項弱項的呢?對選校同將來發展有幫助嗎?
上次我去資優學苑講座,講師聽我話我女係學校常有憂慮情況,再加上大部份資優特質,佢建議我做test,但當時我老公吾太想,話個個細路都係咁,但當佢睇左相關書籍後,再諗返佢由細到大的成長,先慢慢接受個女係有吾同
作者: hha 時間: 16-5-15 14:09 標題: 引用:敏感即係點?我仔3歲,依家一d都唔話得,佢
原帖由 Brainwave 於 16-05-14 發表
敏感即係點?我仔3歲,依家一d都唔話得,佢做某些事,只係好casual咁提一提佢,已覺得我話佢,叫我唔好講, ...
係呀,我都想知敏感係點?我個仔六歲,又係話吓或提點吓就話自己'無用'、'好蠢'、'成日做唔到好孩子'、'個腦一定係壞咗'之類非常負面的説話,好難攪!

作者: yanfaifai 時間: 16-5-15 15:59 標題: 回覆:資優與反叛
我女十歲,反叛,挑戰父母、老師、教育制度等,日日話人針對她,對細佬打罵,功課hea做,書唔肯溫 ,日日忍氣吞聲,我就死

作者: conniewktang 時間: 16-5-15 17:08 標題: 引用:我女十歲,反叛,挑戰父母、老師、教育制度
原帖由 yanfaifai 於 16-05-15 發表
我女十歲,反叛,挑戰父母、老師、教育制度等,日日話人針對她,對細佬打罵,功課hea做,書唔肯溫 ,日日忍 ...
我仔6歲,日日已激到我死!

作者: joys2334 時間: 16-5-16 12:24
idy926 發表於 16-5-13 16:35 
所以我覺得亞女反叛期由幾歲巳經開始,而家11歲,青春期,以上特質更加勁,尤其十分敏感,好好地傾下計都 ...
"尤其十分敏感,好好地傾下計都會覺得我話佢"
依樣野啱, 我都辛苦左十幾年,
同佢講野要好似客戶服務員,
如果講得粗聲粗氣,
又會來一場DRAMA
作者: idy926 時間: 16-5-16 13:32
joys2334 發表於 16-5-16 12:24 
"尤其十分敏感,好好地傾下計都會覺得我話佢"
客服部起碼有糧出
作者: 準媽咪 時間: 16-5-16 15:35
Radiomama 發表於 16-5-15 10:23 
我仔也是11歲,會留空間及面子給他,兩公婆輪流扮演好人:當他與daddy硬碰時,mami會適時介入讓雙方可以下 ...
要吸取前輩 你既經驗
但父母都要協作先得 ! 呢方面 我就有點頭痛 !

作者: 準媽咪 時間: 16-5-16 15:40
idy926 發表於 16-5-13 16:35 
所以我覺得亞女反叛期由幾歲巳經開始,而家11歲,青春期,以上特質更加勁,尤其十分敏感,好好地傾下計都 ...
會否佢小時候 被誤會得多 ? 心理上覺得長輩咩都系怪責佢呢 ? 所以你依家講咩都 "銀" 耳 !!
至於縱容, 唉 ! 系好深既課題呢 ! 正如你講, 只想以柔制鋼, 但恐怕 式得其反 !!!

作者: idy926 時間: 16-5-16 17:03
準媽咪 發表於 16-5-16 15:40 
會否佢小時候 被誤會得多 ? 心理上覺得長輩咩都系怪責佢呢 ? 所以你依家講咩都 "銀" 耳 !!
至於縱容, 唉 ...
都或者係㗎,如果以前識揾書睇,或者網上交流下,我諗而家會好d,不過,後知後覺都總好過無知無覺吧,唯有努力下啦,我都有同C6講亞女諗法,因為見佢兩個硬撼情況比之前多左,大家都吾開心,咁辧法吾係落去
作者: idy926 時間: 16-5-16 17:13
本帖最後由 idy926 於 16-5-16 17:19 編輯
964000 發表於 16-5-14 23:21 
我女同你仔一樣,叫我「吾好叫我乖D」「吾要話快D」,受軟吾受硬。
有時我會玩公仔role play形式教佢,例如 ...
以前女細時我都係咁,但好快就無用,例如佢會話公仔吾識講野,或者木偶個鼻吾會長因為佢吾係人,吾會生長....
真係啤啤聲,你想扮低B敎佢時佢又變邏輯型
作者: 964000 時間: 16-5-16 20:54 標題: 引用:+本帖最後由+idy926+於+16-5-16+17:19+編輯
原帖由 idy926 於 16-05-16 發表
本帖最後由 idy926 於 16-5-16 17:19 編輯
咁到時又要變招

作者: 準媽咪 時間: 16-5-17 22:40
idy926 發表於 16-5-16 17:13 
以前女細時我都係咁,但好快就無用,例如佢會話公仔吾識講野,或者木偶個鼻吾會長因為佢吾係人,吾會生長. ...
幾年前 (好似 3 年歲) 玩煮飯仔, 已經失敗, 叫我唔好食 (我扮投入食野) 系假既 !
唔明咁細個 可以咁無童真 ?!!

比佢撞板, 衰左就知蠢, 會學精 ! 我地一向系咁方針; 但有 D 野唔系即時見到個結果, 佢一定懶理, 例如 牙齒護理 及保護眼睛 ; 唉 !

作者: idy926 時間: 16-5-17 23:38
本帖最後由 idy926 於 16-5-17 23:42 編輯
準媽咪 發表於 16-5-17 22:40 
幾年前 (好似 3 年歲) 玩煮飯仔, 已經失敗, 叫我唔好食 (我扮投入食野) 系假既 !
唔明咁細個 可以咁無童 ...
童真,我女未識講野時都仲有嘅,但k1時班主仼已話從來冇見過佢好似其他小朋友咁蹦跳活潑囉....講起保護眼,我女3歳幾時成日縭埋電視黎睇,姑媽就話:吾好咁近睇電視,吾係就要帶眼鏡,吾靚㗎啦.亜女即刻話:哦!咁係咪帶左眼鏡就可以行埋去睇呀?!
成日話吾聽,到而家,近視只係一百幾十,但牙就巳經補左好多隻
作者: 964000 時間: 16-5-18 22:13 標題: 引用:Quote:idy926+發表於+16-5-16+17:13+以前女
原帖由 準媽咪 於 16-05-17 發表
幾年前 (好似 3 年歲) 玩煮飯仔, 已經失敗, 叫我唔好食 (我扮投入食野) 系假既 !
唔明咁細個 可以咁無童 ...
其實再大個D,要當佢大人咁教,我直呈比D科學書圖片佢睇,牙齒有微生物,吾刷牙會在牙齒咬蛀洞。不過有時都會扭兩扭,又要用第招氹下。

作者: bestwish 時間: 16-5-19 15:58
想問下, 樓主講緊反叛, 但主題同資優有咩關系? 小朋友評估左係資優?
我仔7歲都好反叛, 唔聽教, 對抗性。
作者: idy926 時間: 16-5-19 19:34
本帖最後由 idy926 於 16-5-19 19:42 編輯
因為我個女青春期後越來越反叛, 我睇有關青春期嘅書,發覺兩者特徴好似,有D驚
我女除左反叛,自細差吾多全部資優特質都有齊,最近本來諗住評估,點先老公又突然反對,話評完都無幫助,又貴...昨晚我又比個女寸親,本來試左2星期吾同佢碰,多讚多鼓勱,都幾好氣氛,但又因佢拖時間吾肯溫書問題(功課做到11點,拖到日日吾洗溫),仲要勁寸還咀,我終於都係爆,自己偷喊,我覺得好沮,孤獨...我吾想理個女啦!
其實評吾評都吾係最大問題,但好難教,想聽下心理學家意見,最慘係我自己情緒都係非常敏感,所以我比老公會覺得更難頂!而且多數係我對住亞女!
作者: CALVEN 時間: 16-5-19 21:22
idy926 發表於 16-5-19 19:34 
因為我個女青春期後越來越反叛, 我睇有關青春期嘅書,發覺兩者特徴好似,有D驚
我女除左反叛,自細差吾多 ...
如果你女唔温書,成績都很好,為何一定温?
作者: idy926 時間: 16-5-19 21:39
本帖最後由 idy926 於 16-5-19 22:03 編輯
CALVEN 發表於 16-5-19 21:22 
如果你女唔温書,成績都很好,為何一定温?
這就是問題,靠小聰明吾養成良好溫習習慣,中學或者大D先知會遲嗎?有D人就係咁,大個就追吾返(我就係咁)!我又吾係要佢科科A,只係想佢毎曰温返上堂學過嘅幾個生字(佢記中文字較弱,又吾肯抄,我都吾緊要,我試過陪佢畫公仔,拆部首咁記,最後佢又左推右推),但我好憎佢日曰用拖字訣,吾多功課扮到好忙...而佢中文作文成績係錯別字—欄巳連續幾次吾合格邊沿...
作者: lillymarie 時間: 16-5-19 22:06
idy926 發表於 16-5-19 21:39 
這就是問題,靠小聰明吾養成良好溫習習慣,中學或者大D先知會遲嗎?有D人就係咁,大個就追吾返(我就係咁 ...
如果已經識仲要去溫,是一件很苦悶的事。諗起阿仔三年班時唔肯背乘數表,因為他認為已識計數,無需要背。結果我挑戰他,隨時抽問他,看他幾秒鐘答對。現在8年班才明白背熟乘數表的好處。
如果目的是給他機會去嚐嚐努力後才有成果的滋味,或者可從他的興趣入手,例如運動或學樂器,這些除了用腦外,還要鍛鍊肌肉,沒得懶
作者: lillymarie 時間: 16-5-19 22:22
回覆 idy926 的帖子
另一邊廂,孩子會害怕面對自己做得不太好的事。這兒要考你的創意,活動教學。其實不一定要等做完功課才溫習,可先溫習15分鐘後才做功課
成績保持在中上的話不怕追不上。
作者: idy926 時間: 16-5-19 23:03
lillymarie 發表於 16-5-19 22:22 
回覆 idy926 的帖子
另一邊廂,孩子會害怕面對自己做得不太好的事。這兒要考你的創意,活動教學。其實不一 ...
多謝你建議。有呀!佢跳舞巳經有8年日子,係佢專長同興趣,一路都好好。不過我要返工,無辦法同佢温左先做功課,即使吾返,我覺得都迫佢吾到, 放生吧,就考試啦,睇佢自己修為,我都要抖抖氣。正話又為評估同老公爭論(個女吾知),老公覺得D評估中心扼人,我叫佢自己睇資料,無氣....算啦吾test咪吾test....我test自己
作者: idy926 時間: 16-5-19 23:08
本帖最後由 idy926 於 16-5-19 23:24 編輯
lillymarie 發表於 16-5-19 22:06 
如果已經識仲要去溫,是一件很苦悶的事。諗起阿仔三年班時唔肯背乘數表,因為他認為已識計數,無需要背。結 ...
係呀~佢話見到D字體嘅時候都係覺得自己識,到寫時就...亦都係可能因為佢作文整體成績吾差,佢就覺得吾緊要,我諗只可以等佢某日忽然好有需要寫野先可以改變佢心態
作者: lillymarie 時間: 16-5-20 07:22
回覆 idy926 的帖子
幾年前純為好奇心帶仔去做評估,那報告沒給學校看,因學校只在乎他的成績,對報告沒興趣。而且報告過了兩年後就叫做 outdated 。
其實好似度高磅重咁,俾幾仟元去度IQ。實際幫助真是沒有。現時的家長不會埋沒孩子的潛能,看看孩子們有多忙碌就知道了。基本上孩子想學甚麼,家長必定安排,連沒興趣的也要試。
我仔的IQ暫時對他沒甚麼用,因為他目前的夢想是game designing, 大學入學要求好低!
份報告對阿仔無乜意義,無話因為報告話佢最適合做工程師就立志向這方向走,(他最不喜歡工程!)。反而是我自己要學習接受阿仔將來的發展和成就,應該按他的興趣而不是智商去決定。
作者: gigiic 時間: 16-5-20 09:15
本帖最後由 gigiic 於 16-5-20 10:28 編輯
lillymarie 發表於 16-5-20 07:22 
回覆 idy926 的帖子
幾年前純為好奇心帶仔去做評估,那報告沒給學校看,因學校只在乎他的成績,對報告沒興 ...
""反而是我自己要學習接受阿仔將來的發展和成就,應該按他的興趣而不是智商去決定。""
非常認同, 孩子總有自己的路要走, 個人認為能夠做到鼓勵扶持陪伴成長, 已經很不錯了.
作者: idy926 時間: 16-5-20 10:19
本帖最後由 idy926 於 16-5-20 10:35 編輯
lillymarie 發表於 16-5-20 07:22 
回覆 idy926 的帖子
幾年前純為好奇心帶仔去做評估,那報告沒給學校看,因學校只在乎他的成績,對報告沒興 ...
是的,我巳經放下份執著,或者繼續去join"教仔講座",可能幫助更大,雖然真係知易行難。
今早我吾再嬲,大家都有個good morning.
好多謝您比我的意見,你話創意,令我諗到不如寫下紙仔比亞女,互動下,吾係學術性,可能係D低能野,或者心事,如果佢回比我,不單可溝通下,亦都不失為好方法令佢寫下字,又吾洗咁hard sell (佢細時都試過自製信箱,寫紙仔比我,但我當時忙,成日吾記得回覆,跟住就無左lu,而家到我想再續未了情
)
你個仔有dream,係好事!我都有問過亞女將來想吾想係跳舞方面發展,佢擰擰頭,話搵吾到食,但其實我知佢真係好鍾意跳舞!將來先算啦!我都有同佢講,讀書係佢自己,條路都係佢自己!
作者: idy926 時間: 16-5-20 10:20
gigiic 發表於 16-5-20 09:15 
""反而是我自己要學習接受阿仔將來的發展和成就,應該按他的興趣而不是智商去決定。""
非常認同, 孩子總有 ...
是的,同意,謝謝!
作者: 準媽咪 時間: 16-5-20 11:12
964000 發表於 16-5-18 22:13 
其實再大個D,要當佢大人咁教,我直呈比D科學書圖片佢睇,牙齒有微生物,吾刷牙會在牙齒咬蛀洞。不過有時都 ...
有啦 ! 其實牙保小冊子 就已有相關圖片, 但睇完又點 ?!!
最近發現門牙出問題, 佢應該已知驚喇, 但刷牙 都系刷幾下!!
唯有等佢試下 牙痛 滋味..........!!

作者: 準媽咪 時間: 16-5-20 11:23
idy926 發表於 16-5-19 21:39 
這就是問題,靠小聰明吾養成良好溫習習慣,中學或者大D先知會遲嗎?有D人就係咁,大個就追吾返(我就係咁 ...
嗯 !.....情況好類似!
打算今次期終考試唔 提佢溫習, 等佢嘗下跌出十大既滋味 !

作者: YanKanMom 時間: 16-5-20 11:24
本帖最後由 YanKanMom 於 16-5-21 09:09 編輯
lillymarie 發表於 16-5-20 07:22 
回覆 idy926 的帖子
幾年前純為好奇心帶仔去做評估,那報告沒給學校看,因學校只在乎他的成績,對報告沒興 ...
基本上我是希望按孩子的興趣走他的人生,但卻不能不兼顧現實生活。我上一代就是為了追求興趣,以致生活拮据,苦不堪然。一個人若選擇按自己的興趣走人生路,他需要有下列條件:1.
他可自給自足,或且有人願意/可以在生活需要上源源不絕地支持他; 或 2.
他甘願為了自己的興趣捱苦,就算生活水平不如人也不抱怨,仍須自我肯定精神生活是遠勝物質生活。如果孩子清楚他所走的路將會面對什麼,願意為自己的決定負責,也沒什麼可以說的了。怕就怕孩子一意孤行,唔清唔楚地行了一條難回頭的路,然後鬱鬱不歡。
歡迎光臨 教育王國 (/) |
Powered by Discuz! X1.5 |