教育王國

標題: 小學back up真的很重要嗎 [打印本頁]

作者: maymay114 時間: 16-5-10 21:02 標題: 小學back up真的很重要嗎

我係正常得15分家長，預計孩子入小一時應該大家都會大壓力。而家n班有2校選擇，一間有小學back up但係比較傳統既小學，如果k有其他比較活動教學學校的offer，那小學不會是我杯茶。另一間係出名happy school, 讀n大d機會上k, 但小學冇back up, 好擔心小一靠大抽獎唔知命運如何。一直諗係唔係而家就要選安全一點的但未必最適合我女的

作者: geminialing 時間: 16-5-10 21:47 標題: 回覆：小學back up真的很重要嗎

既然唔鍾意傳統，呢個back up只係雞肋，我唔會選擇

作者: Jane1983 時間: 16-5-10 23:20

如果只係心儀多人爭的幾間，考小一的壓力係大，呢樣要有心理準備。但入左都吾鍾意的back up，就吾太值得考慮。

作者: 大埔之友 時間: 16-5-10 23:51 標題: 引用：既然唔鍾意傳統，呢個back+up只係雞肋，我

原帖由 geminialing 於 16-05-10 發表
既然唔鍾意傳統，呢個back up只係雞肋，我唔會選擇

係啦, 比到你都唔要的半龍是無意思. 我會先去happy school 玩一年先. 你現在n, 可以k1再考過, 或K2考小一自行分配時努力.仲有兩個機會.

作者: maymay114 時間: 16-5-10 23:59 標題: 回覆：小學back up真的很重要嗎

謝謝你們分享，其實我都偏向選happy school只不過心裡一直唔係好踏實

作者: jesswu 時間: 16-5-11 01:29 標題: 回覆：小學back up真的很重要嗎

剛經歷考小一仗……真心講，壓力非輕。
當年死撲爛撲都考唔到半龍k1，唯有認命。因為當時實在太驚小一冇著落，自行又得15分，校網又唔好，好驚人浮於事的等待大抽獎的審判……
小一係緊要，但如為了backup夾硬讀不大喜歡的學校，取個不大喜歡的小肯backup....咁呢個backup其實唔好得過大抽獎等運到幾多……

作者: cyhh 時間: 16-5-28 11:04 標題: 回覆：小學back up真的很重要嗎

不如諗吓，如果同區嘅二線或以下，同呢間back up比，你會唔會揀呢間back up，如果會的話，我會揀半龍，因為如果第一志願派唔到，以大機會都係派到2線或以下，始終一鳥在手好過百鳥在林。而且，幼稚園傳統極都會有玩樂同遊戲時間，但真係好活動形的，通常有好多親子功課，父母又是否喜歡？（利申:k1讀活動教學kg，k2插半龍，小朋友已小一）

作者: HappyCheerBaby 時間: 16-5-28 13:13

回覆 maymay114 的帖子

剛經歷完考小一，有 back up 好過無 back up 幼稚園，無 back up 去考小一真係要面對很大壓力，要大人及細佬要頂得順壓力，再加上，今時今日考小一唔容易，要考好多野，事前又要做好野預備。所以，有得揀下最好揀有 back up。

作者: amoyresident 時間: 16-5-28 15:35 標題: 回覆：HappyCheerBaby 的帖子

同意，理得佢一線定二線，有backup好過無backup, 因為二線直私動輒都2-3千人報名。

作者: siden 時間: 16-5-28 15:36 標題: 引用：回覆+maymay114+的帖子剛經歷完考小一，

原帖由 HappyCheerBaby 於 16-05-28 發表
回覆 maymay114 的帖子

剛經歷完考小一，有 back up 好過無 back up 幼稚園，無 back up 去考小一真係要面 ...

Agree

作者: 小曳人 時間: 16-5-28 15:41 標題: 回覆：maymay114 的帖子

如果唔鍾意/唔認同教学理念，咁点可以叫backup?!

記住，孩子—定有書讀，你花少少時間了解區內津小，可能會揾到你想要嘅嘢！

good luck.

作者: 大埔之友 時間: 16-5-28 17:07 標題: 回覆：小學back up真的很重要嗎

睇漏鳥, 不是樓主杯茶, 但是小朋友杯茶嗎? 這最緊要. 未必所有小朋友都適合happy school. 另, 有小學back up, 小學是90-100%上小, 定50-60%上小. 若為50%上小而入一間不適合(假設)小朋友的幼稚園. 我應為唔值. 同家長可能要面對多一個小朋友讀得唔開心, 無自信的問題.

作者: lolo1112 時間: 16-5-30 11:48 標題: 回覆：小學back up真的很重要嗎

考得私校大部分都是為back up, 因為驚入寶校，我都15分完全無考過直私，而且唔會為小朋友讀書搬屋，唔想為左讀書而影響大家平靜既生活，呢緊4/6放榜，平常心啦，最緊要以小朋友個性選擇適合學校

作者: fasic88 時間: 16-5-30 12:03

楼主小朋友是2013 或2014年出生吧，是出生率最低的年份，又何须好似2008-2011年出生的小朋友般竞争大呢

作者: miugube 時間: 16-5-30 12:07 標題: 回覆：小學back up真的很重要嗎

如果我係你，我會比我小朋友讀happy school。back up係好重要，的確會安心好多。但樓主話間半龍都唔係你杯茶，唔駛為「安心」而屈就（況且唔係100%安心）
仲有幾年幼稚園生活，可以靜待時機找心頭好的龍校～

歡迎光臨教育王國 (/)