教育王國

標題: 想找接受亞氏保加小孩的主流幼稚園，大家可有介紹？ [打印本頁]

作者: crystalupala 時間: 16-5-9 21:27 標題: 想找接受亞氏保加小孩的主流幼稚園，大家可有介紹？

2012龍仔12月細B, 亞氏保加，認知能力無問題，智力正常，言語發展較遲緩，鍾意講英文唔鍾意學中文（爸爸是外國人），好動坐唔定，其實已經讀緊一間國際學校K1, 但太貴好難負擔，亦想小朋友重讀K1做大仔，所以再考幼稚園，考幾間幼稚園都收，但媽媽坦白告知學校仔仔是亞氏寶寶（我代朋友發帖問的，我不是媽媽），校方便立即說唔收因為學校無資源。現在想請教有什麼幼稚園比較有愛心、會包容有學習障礙或發展遲緩的小朋友，希望知道的家長可分享一下。謝謝！
（小朋友住九龍，盡量希望不用過海返學，所以九龍新界好些）

作者: Baby豬1209 時間: 16-5-10 00:12 標題: 回覆：想找接受亞氏保加小孩的主流幼稚園，大家可有介紹？

可以上網搵D有兼收位既幼稚園問下

作者: KCHK 時間: 16-5-10 08:33 標題: 回覆：想找接受亞氏保加小孩的主流幼稚園，大家可有介紹？

咁係想找什麼類型的學校? 要學術性定係托管型? 用廣東話定英文授課?

作者: irenelwl 時間: 16-5-10 16:49

阿氏保家的小孩學習問題應不大, 但普通幼稚園可能驚揹飛, 一聽到症名便淆底唔收..如果小朋友沒有太大問題, 是否一定要同學校講定先? 相反, 很多幼稚園階段的小朋友慢慢先發現問題, 我仔係到K2因小學家姐的問題而發現佢的問題, 校方一直都唔覺得佢有大問題, 咁少問題係有, 我通知左校方之後都一直很包容同幫忙, 但普通幼稚園確實資源係零, 樣樣都要出去搵~~

比多D資料, 我對姨甥係小童群益會的幼稚園, 學校搵埋免費CP同小孩做評估, 真係超好~

作者: crystalupala 時間: 16-5-10 23:23 標題: 引用：阿氏保家的小孩學習問題應不大,+但普通幼稚

原帖由 irenelwl 於 16-05-10 發表
阿氏保家的小孩學習問題應不大, 但普通幼稚園可能驚揹飛, 一聽到症名便淆底唔收..如果小朋友沒有太大問題, ...

謝謝你啊！叫朋友試下小童群益會既幼稚園先

作者: farm712 時間: 16-5-11 00:23 標題: 回覆：crystalupala 的帖子

找一間有教會背景的幼稚園，我個人覺得較安心。

作者: willwill22 時間: 16-5-12 15:22

不用聽其他沒用的資料：觀塘浸信會一定幫倒佢。

作者: Yukiruirui888 時間: 16-5-12 15:57 標題: 引用：2012龍仔12月細B,+亞氏保加，認知能力無問

原帖由 crystalupala 於 16-05-09 發表
2012龍仔12月細B, 亞氏保加，認知能力無問題，智力正常，言語發展較遲緩，鍾意講英文唔鍾意學中文（爸爸是 ...

深井考慮嗎？如考慮我可以比資料妳，係中英教學

作者: irisban 時間: 16-5-14 12:01 標題: 回覆：crystalupala 的帖子

你係咪要local K1?

作者: crystalupala 時間: 16-5-16 11:58 標題: 回覆：Yukiruirui888 的帖子

深井就遠了點。anyway,多謝你

作者: crystalupala 時間: 16-5-16 11:59 標題: 引用：不用聽其他沒用的資料：觀塘浸信會一定幫倒

原帖由 willwill22 於 16-05-12 發表
不用聽其他沒用的資料：觀塘浸信會一定幫倒佢。

謝謝你！已告知小孩的媽媽了

作者: olima 時間: 16-5-25 16:25 標題: 回覆：crystalupala 的帖子

神召第一幼稚園，在旺角東，可向校長表白，她說如果情況不嚴重，又沒傷害別人意圖的也會收。

作者: silvertiny 時間: 16-5-26 15:55

旺角, 香港保護兒童會, 朋友個小朋友喺嗰度讀兼收的, 幾年來小朋友進步好大.

作者: fionchiu2000 時間: 16-5-29 20:08

我仔仔有自閉症普系，我坦白同校長講，佢叫我唔使介意，學校有資源會幫到小朋友叫我放心，所以搵一間有愛心嘅學校好重要，我仔仔個間係保良局嘅幼稚院

作者: taboba 時間: 16-5-30 14:14

回覆 crystalupala 的帖子

現在很多幼稚園/幼兒園都有參加社署的到校康復計劃
http://www.swd.gov.hk/tc/index/site_pubsvc/page_rehab/sub_listofserv/id_psosps/
免費的. 但要評估咗同有社署的輪候號碼先可申請. 其實除咗幼兒中心有資源做正統訓練之外, 其他學校應沒有特別設備提供. 都係派治療師及社工, 到學校做一般訓練. 好處是不用家長同小朋友去做, 壞處是學校資源有限, 例如課室.

作者: kittieli 時間: 16-6-3 23:19

我女情況一樣，都係12年11月龍b，比佢做大女，點知面試時同學校講佢有自閉問題時，都表示唔收，到現在都搵唔到幼稚園，勁擔心，搵社工同打去教育局問，答案一樣，無辦法。。。。in到心灰意冷。。。

作者: chingchingma89 時間: 16-6-4 00:05 標題: 回覆：想找接受亞氏保加小孩的主流幼稚園，大家可有介紹？

我仔上年K1時都俾一幼稚園勸退，我地幫佢搵咗一間本身有 I 位的幼兒學校，之後學校還參與到校計劃。我仔都讀得開心，起碼學校都了解佢的情況，亦都接受到佢。

作者: Shirleyloveyou 時間: 16-6-18 13:38 標題: 引用：2012龍仔12月細B,+亞氏保加，認知能力無問

原帖由 crystalupala 於 16-05-09 發表
2012龍仔12月細B, 亞氏保加，認知能力無問題，智力正常，言語發展較遲緩，鍾意講英文唔鍾意學中文（爸爸是 ...

兼收位的學校好有愛心的我小朋友就係讀緊

歡迎光臨教育王國 (/)