教育王國
標題: 12間熱門直資私立小學 邊間學費最貴？ [打印本頁]
作者: elbar 時間: 16-5-6 13:53 標題: 12間熱門直資私立小學 邊間學費最貴？
本帖最後由 elbar 於 16-5-11 09:37 編輯
直資、私立小學深受家長們歡迎，學費各不相同，哪間學費最貴？哪間可以「一條龍」直升中學，TOPick 挑選出12間熱門小學比較下，你的心儀小學又是哪間？
現時香港小學分為4種，包括官立、津貼、直資和私立，直資和私立學校均需繳交學費。直資學校校費由每年6千多至6萬元不等，而私立學校校費則由每年1萬多至11萬多不等。
另外，除了英基學校協會轄下的學校外，香港所有國際學校均是私立小學。以下為12間小學的資料：
| 學校 | 類別 | 升中 | 全年學費 |
| 聖士提反書院附屬小學 | 私立男女 | 直屬 | 76,100 |
| 聖保羅男女中學附屬小學 | 直資男女 | 一條龍 | 60,000 |
| 拔萃女小學 | 私立女 | 一條龍 | 58,000 |
| 香港培正小學 | 私立男女 | 直屬 | 46,500 |
| 聖保祿學校 | 私立女 | 直屬 | 45,000 |
| 拔萃男書院附屬小學 | 直資男 | 一條龍 | 42,750 |
| 九龍真光中學（小學部） | 私立男女 | 聯繫 | 42,000 |
| 德望學校（小學部） | 私立女 | 直屬 | 37,310 |
| 嘉諾撒聖心學校私立部 | 私立女 | 直屬 | 35,000 |
| 聖若瑟英文小學 | 私立男 | 直屬 | 34,500 |
| 聖保羅書院小學 | 直資男 | 直屬 | 30,000 |
| 英華小學 | 直資男 | 一條龍 | 15,000 |
貴價名牌小學之選：
現時政府資助大學學位每年學費約42,000港元，以這個價位作分界線的話，有6間小學的學費高於這個價位，分別是聖士提反書院附屬小學、聖保羅男女中學附屬小學、拔萃女小學、香港培正小學、聖保祿學校和拔萃男書院附屬小學。換言之，這數間名牌小學的學費比讀大學的學費還要貴！
以上6間小學中，聖保羅男女中學附屬小學﹑拔萃女小學和拔萃男書院附屬小學皆有「一條龍」升中配套。
平價名牌小學之選：
每年學費低於42,000港元的名牌小學亦有6間，它們分別是九龍真光中學（小學部）、德望學校（小學部）、嘉諾撒聖心學校私立部、聖若瑟英文小學、聖保羅書院小學和英華小學。
以上6間學校中，只有英華小學有「一條龍」配套服務，其餘5間小學則只有「直屬」和「聯繫」配套。
TOPick綜合了家長在選校時會遇上的問題，並把答案羅列如下：
1. 直資和私立學校有甚麼分別？
直資小學全名為「直接資助計劃小學」，享有一筆按學校合資格學生人數計算的政府津貼，但可收取學費，學校由法團校董會／校董會自行管理。直資小學可自行決定小一收生辦法。全港有 21 間直資小學，約佔學校總數的4% 左右。
學生不論居住校網，都可自行報名。學校可自訂收生日期，及設立面試，相關的收生準則，唯不能設筆試。
私立小學由辦學團體自資經營，沒有政府補貼，由校董會自行管理。由於沒有政府補貼，收取學費也比較高。私立小學可自行決定小一收生辦法。全港有 42 間私立小學，約佔學校總數的 8% 左右。
2.「直屬」跟「一條龍」有甚麼分別？「聯繫」又是甚麼？
全港小學與中學有「一條龍」、「直屬」及「聯繫」三種不同的關係。
一條龍學校，即小學和中學結合成「一條龍」，只要小學成績達到中學基本要求，小六畢業生毋須考試或參加升中派位，便可直升「龍」內的中學。
直屬學校，根據教育局制定的中學學位分配辦法，直屬中學經校方扣除重讀生及自行分配學位數目後，可最多保留餘額 85% 學位予其直屬小學的學生。
聯繫中學，經校方扣除重讀生及自行分配學位後，可最多保留餘額 25% 學位予其聯繫小學的學生。
就讀直屬及聯繫中學的學生，小六在申請中學「統一派位」時，如果該名學生以直屬或聯繫中學作為第一選擇學校，且派位組別為第一或第二組別時，便有資格獲派保留學位。
作者: hkpapa852 時間: 16-5-6 14:10
原來年年最多人考既TSL, 九龍區幾間著名私小: APS, SFA, KTS 等小學都只虛有其表, 其實唔受人歡迎 
作者: papa71 時間: 16-5-6 14:56
hkpapa852 發表於 16-5-6 14:10 
原來年年最多人考既TSL, 九龍區幾間著名私小: APS, SFA, KTS 等小學都只虛有其表, 其實唔受人歡迎 ...
作者: geminialing 時間: 16-5-6 14:58
hkpapa852 發表於 16-5-6 14:10
原來年年最多人考既TSL, 九龍區幾間著名私小: APS, SFA, KTS 等小學都只虛有其表, 其實唔受人歡迎 ...
上述果D都好多係傳統名校, 知名度都高D
作者: hkpapa852 時間: 16-5-6 15:16
geminialing 發表於 16-5-6 14:58
佢寫最受歡迎, 咁APS, SFA, KTS雖然都受歡迎但同上述比又真係爭左少少
上述果D都好多係傳統名校, 知名度都 ...
九龍真光中學（小學部）
聖若瑟英文小學
作者: geminialing 時間: 16-5-6 15:25
本帖最後由 geminialing 於 16-5-6 15:29 編輯
hkpapa852 發表於 16-5-6 15:16
APS, SFA, KTS會唔夠呢兩間受歡迎?
九龍真光中學（小學部）
咁坦白講, 我都係開始搵升小學資料先識KTS同SFA, 講一般巿民我估真光知名度應該高D掛
當然了解多左, 亦知道佢地受歡迎程度係唔同
同埋你睇返佢比較好多都係一條龍, 直屬或聯繫學校
佢個主題部份都係討論呢樣,
APS同KTS無聯繫中學呢
作者: hkpapa852 時間: 16-5-6 15:34
geminialing 發表於 16-5-6 15:25
咁坦白講, 我都係開始搵升小學資料先識KTS同SFA, 講一般巿民我估真光知名度應該高D掛
當然了解多左, 亦知 ...
作者: geminialing 時間: 16-5-6 15:44
hkpapa852 發表於 16-5-6 15:34
我諗港同, 坑真, CKY既知名度, 亦唔會差得過嗰兩間學校, 中學亦表佢地既中學出色
...
相信個作者無子女升小, 或者無做足功課
作者: datejust 時間: 16-5-6 15:48 標題: 回覆：12間熱門直資私立小學 邊間學費最貴？
咁陳守仁vs聖心私立大家會選那間呢？
作者: hkpapa852 時間: 16-5-6 15:49
本帖最後由 hkpapa852 於 16-5-6 15:51 編輯
geminialing 發表於 16-5-6 15:44
如果係對升小有認識的家長應該會贊同, 但一般巿民未必識CKY, 亦唔知坑真同九真分別
相信個作者無子女升小, ...
其實10個教育版既"新聞"記者, 10個都係流, 佢地D新聞稿呢..... 有時真係幾有創意
我諗佢地根本連佢地講呢間"聖若瑟英文小學"同灣仔間聖若瑟小學都攪唔清..... 如果唔係, 點可以將個間歸類做"名牌小學".... 又一次証明, 嗰個TopXXXX網站既人, 都係對香港學校資訊無乜認識..... 好心佢地唔好成日懶叻亂貼D錯漏百出既所謂教育Tips
作者: meowloo 時間: 16-5-6 16:30
本帖最後由 meowloo 於 16-5-6 17:01 編輯
似乎只係隨心揀較歷史攸久的12間龍校, 4男4女4 co-ed...
新派直/私影都無, 更遑論其他無中學的學校..
不過想請教一下, ESF果類(國際學校)唔算私校的話, 其實叫咩學校?因為以前有資助？
見作者咁寫 -- 除了英基學校協會轄下的學校外，香港所有國際學校均是私立小學。?
作者: ppmmbb 時間: 16-5-6 17:00
hkpapa852 發表於 16-5-6 15:49
其實10個教育版既"新聞"記者, 10個都係流, 佢地D新聞稿呢..... 有時真係幾有創意
我諗佢地根本連 ...
聖若瑟英文小學唔差架，如果中學部唔係當年聽政府話由英中轉中中，我相信而家小學部肯定難入過SFA！
作者: hknote 時間: 16-5-6 17:39 標題: 回覆：12間熱門直資私立小學 邊間學費最貴？
坦白講， 有人貪樓上所提及既有中學才去考。亦有人唔在乎無中學聯系去考九龍那三間名校，因有實力保證。
試下全部無中學聯系。看看邊間出名。
作者: teambuilder 時間: 16-5-6 19:01
BK 多人提都唔代表知名度高，小一多人考亦唔一定代表受歡迎。如果記者係冇小朋友，話唔定佢既感覺更客觀。
作者: ppmmbb 時間: 16-5-6 19:41 標題: 引用：BK+多人提都唔代表知名度高，小一多人考亦
原帖由 teambuilder 於 16-05-06 發表
BK 多人提都唔代表知名度高，小一多人考亦唔一定代表受歡迎。如果記者係冇小朋友，話唔定佢既感覺更客觀。 ...
作者: Lindytiger 時間: 16-5-6 19:44 標題: 回覆：geminialing 的帖子
你又講得啱！我作為港島人，嗰3間九龍區熱門小學都係上嚟EK 先識。有次同一個中學校長提起其中一間，佢都答我唔知如來咁出名。
作者: geminialing 時間: 16-5-6 20:09 標題: 引用：Quote:原帖由+teambuilder+於+16-05-06+發
原帖由 ppmmbb 於 16-05-06 發表
邊間多人考而唔受歡迎？
作者: Yanamami 時間: 16-5-6 20:30
本帖最後由 Yanamami 於 16-5-6 20:41 編輯
Lindytiger 發表於 16-5-6 19:44
你又講得啱！我作為港島人，嗰3間九龍區熱門小學都係上嚟EK 先識。有次同一個中學校長提起其中一間，佢都答 ...
無理由~有—年APS有十个八个入SPCC, 又有1x个入SSGS, TSL又有1x个入SPCS, SFA又多入St Jo,中学校長無理由唔識~
作者: teambuilder 時間: 16-5-6 20:31
回覆 ppmmbb 的帖子
早有得報名會多d人考...
作者: Lindytiger 時間: 16-5-6 22:17 標題: 回覆：Yanamami 的帖子
校長唔係唔識，只係唔知原來咁'出名'，有家長咁追捧啫。
作者: mcl203 時間: 16-5-6 22:32
直資、私立小學深受家長們歡迎，學費各不相同，哪間學費最貴？哪間可以「一條龍」直升中學，TOPick 挑選出12間熱門小學比較下，你的心儀小學又是哪間？
****************************************************************
其實大家係咪諗多左....似乎.....以上咁寫無提過比較存在.....亦無話得呢12間係熱門小學
作者: HaYi 時間: 16-5-7 08:41
就係個題目， 熱門代表咩 ？ 好多人會考？ 定係好多人考入不放手？
培正好多是培幼上, 冇咩位俾其它外人考， 如好多人會考就應該同事實相差， 好多培幼生入左不會坎可能是事實。
作者: Yanamami 時間: 16-5-7 09:11
所以記者寫好多野，只代表記者，不代表大众~
| 歡迎光臨 教育王國 (/) |
Powered by Discuz! X1.5 |