教育王國

標題: 到校康復計劃 [打印本頁]

作者: choichoibb2011 時間: 16-5-6 12:16 標題: 到校康復計劃

相信已經有好多間幼稚園已經推行依個計劃, 想請問下大家有冇小朋友用緊耀能O既到校服務? 請問訓練質素如何?

我小朋友本身用緊e位做語言訓練而且做得幾好, 如果轉用依個計劃就要放棄用緊o既服務。問左到校服務o個邊, 佢地唁止會提供言語治療仲有其他訓練, 我真係好煩惱唔知轉唔轉到校好, 大家有相同問題嗎?

作者: YY（芝芝媽咪） 時間: 16-5-6 18:19 標題: 回覆：choichoibb2011 的帖子

我的小朋友接受耀能到校服務，做ing言語治療、特殊幼師和物理治療，我覺得夾得來。我們排ing E位，未有通知。

我自己咁睇，如果小朋友適應到又同導師合得來，持續進步中，上課地點又近便，方便家人帶出帶入，會不會唔轉好過轉？

作者: choichoibb2011 時間: 16-5-9 14:16

回覆 YY（芝芝媽咪）的帖子

Thank you for your comment!
但係佢而家只有正統語言訓練係支助, 其他只係出面比錢上堂, 始終一路比錢上都幾大負擔, 所以先諗到校係咪好D。
而且到校服務唔係會盡量安排O係學校做訓練嗎? 咁就唔洗再同佢四圍走咁頻樸....同埋星期六日都上堂少左好多家庭時間, 冇得四圍去玩....好慘

作者: YY（芝芝媽咪） 時間: 16-5-9 23:30 標題: 回覆：choichoibb2011 的帖子

e位除了言語治療，不是還會有其他訓練(職業治療、物理治療、特殊幼師、臨床心理學家等)嗎？因我有朋友的小朋友唸幼稚園時，都是排e位，我聽她提及當年要帶小朋友去做不同的訓練，價錢好便宜(相對自費的訓練)，但家長必須好有恆心才行。

作者: KCHK 時間: 16-5-10 08:42 標題: 回覆：到校康復計劃

照道理E位應該有其他治療, 應該唔只一樣, 有無同跟你的社工傾下。正常來講到校呢個服務係比未派到E位的, 好似好小呢個情況。

作者: Vicky_Kwong 時間: 16-5-10 11:02

我問過仔仔學校的校長，到校服務同E位的分別是什麼。

到校服務︰1年裡，治療師到校時間佔22小時、特殊老師(個別課)佔38小時。治療師服務是1:12。而這個是為期2年的試驗計劃，若排到S/E/I 位，便要決定用那個服務。

E位服務︰沒有限定幾多小時，但治療師是1:6，而且已恆常運作多年，資源一定比到校服務更到位。

作者: choichoibb2011 時間: 16-5-10 11:42

回覆 YY（芝芝媽咪）的帖子

因為暫時只排到語言治療, 而且成日要請假陪佢上堂怕公司唔鍾意....最慘就係語言訓練O個邊又叫我考慮清楚, 話到校服務冇用, 每種訓練只係蜻蜓點水式做法...

作者: YY（芝芝媽咪） 時間: 16-5-10 19:36 標題: 回覆：choichoibb2011 的帖子

其實到校服務都要家長陪同上課啊！

作者: YY（芝芝媽咪） 時間: 16-5-10 19:37 標題: 回覆：Vicky_Kwong 的帖子

好詳細，謝謝你的資訊。

作者: cherryyau1209 時間: 16-5-21 08:54 標題: 回覆：到校康復計劃

我小朋友從2月開始協康到校服務，各種服務都有，小朋友進步很大。我之前比錢其他服務都沒有這個效果。

昨天收到社工通知排到e位是HKSJ，這間就係我仔之前比錢上過小組及個人言語訓練，導師太年輕經驗不足沒有幫助。我都唔知可否放棄排第二間e位。社工話放棄e位可能連在校服務都要放棄。因為在校服務只給排緊e/i的學生。

煩惱中～最想可排到協康e位，如果無辦法只能夠接受HKSJ e位，希望私人導師同e位服務老師係唔同。

作者: Fanleebbee 時間: 16-5-30 11:54

我小朋友接受緊耀能到校服務，之前係學習訓練津貼既靈實恩光做言語治療+職業治療，有明顯進步，但考慮後，轉左到校服務向幼稚園做training，言語治療，特殊教師，職業治療，物理治療。職業治療剛剛開始但就要去中心。

言語方面有進步，其他方面就慢咗啲，希望可以幫佢追上⋯

歡迎光臨教育王國 (/)