教育王國

標題: 食藥兩個月有意思嗎？ [打印本頁]

作者: tutik 時間: 16-4-30 18:02 標題: 食藥兩個月有意思嗎？

一向覺得呀仔特別難教，去到邊都麻煩多多，但成績keep 到，所以心理學家一路冇轉介e生，直至觀察小组结果出了，呀仔確診了ADHD, 唔算嚴重，佢就問要見e生嗎？我當然話要啦。
其實近排，呀仔在校也被鬧得太多了，主要係太多嘴，上堂傾偈。我知老師如果鬧過火，呀仔就越亂，更容易出錯，我一向也算積極幫佢，包括安撫佢心理，找合用既方法(出路)，我相信最困難的時刻已過，現在小三，好唔甘心努力到現在還是要用藥，但另一方面，我想幫呀仔重拾自尊，感受不一樣既自已，用一至兩個月既藥效去嘗試，之後就停，唔知自己有冇諗害，可以給我一點建議嗎？

作者: metrochung 時間: 16-5-1 10:45 標題: 回覆：tutik 的帖子

如果食藥的時候有改善，停藥後打回原形，有意思嗎？而且試藥不是一兩個月就試完

作者: tutik 時間: 16-5-2 00:52

回覆 metrochung 的帖子

謝謝，本意也不想他食藥，還有兩個月就暑假，我現在有點亂，會下星期睇私家向e生拿些意建。

作者: metrochung 時間: 16-5-2 20:36 標題: 回覆：tutik 的帖子

孩子仲細，可以去做下訓練，學習下點樣慢D，我估通常係個口快過個腦，所以好多衝口而出，佢哋通常都知道有D嘢唔可以做唔可以講，但已經做咗同講咗，冇得返轉頭。我唔知咁諗啱唔啱。食藥係其中一個方法，或許老師能包容多D，大家都好。加油

作者: tutik 時間: 16-5-12 09:49

Update 下大家，上星期呀仔睇咗私家醫生，言談覺得呀仔情況OK 唔使擔心，需要間合適既學校多啲，但暫時冇辦法改變，我自己提出想試食藥。
食咗18g Concerta 幾日，算係12hr 長效，放學我當然親佢有藥效想同佢温下書，但佢好抗拒，思圍上唔覺佢有乜分別，人係定咗小小，佢話幫到佢集中同識得忍住唔會上堂傾偈。同時副作用也不少，午膳時肚子脹脹的，完全唔想食，訓也較平時難入睡。
始終只想比呀仔體驗自己的專心情況，隨時也可以停藥，不竟此藥物專注力係用健康換來，勿忘初衷，慢慢長路呀仔點都要靠自己堅持。

歡迎光臨教育王國 (/)