教育王國

標題: 細b讀書問題 [打印本頁]

作者: qinqinyan 時間: 16-4-27 16:15 標題: 細b讀書問題

本人有個仔仔，來緊讀k2,細同班同學一年，好多人勸我俾佢做大b。我想問下，如果佢k3畢業後我俾佢讀間小一，跟住下一年再參加大抽獎去第二間學校由小一開始學得嗎？

作者: PhoeX 時間: 16-4-27 17:32 標題: 回覆：qinqinyan 的帖子

讀緊小一可以再參加大抽獎咩？定係你指叩門考其他小一？我兩個女都係做大B. 真係好好多。

作者: qinqinyan 時間: 16-4-27 20:54 標題: 引用：讀緊小一可以再參加大抽獎咩？定係你指叩門

原帖由 PhoeX 於 16-04-27 發表
讀緊小一可以再參加大抽獎咩？定係你指叩門考其他小一？我兩個女都係做大B. 真係好好多。

...

我就系想問如果讀緊小一是否仲可以參加大抽獎？係唔係只可以讀多一年k3

作者: Jane1983 時間: 16-4-28 08:03

回覆 qinqinyan 的帖子

一生人只有大抽獎一次。
如果你仔K3抽左獎，但升讀小一後，想於來年去另一間學校重讀小一，可以去考直資、私校，或者叩官津。不過要注意，有少數學校吾收重讀學生。

作者: Chirley 時間: 16-4-28 10:28

想問你呢句『好多人勸我俾佢做大』,原因係點解?!
其實做大B 或係細B真係好睇小朋友本身,
我囝應該比你囝大一歲 (我囝已讀緊K2), 佢都係細仔,
我亦識D媽媽佢地既小朋友都係細B, 係岩過去既上學期,
因K2開始寫字啦~有D小朋友肌肉未必OK, 或其他問題而被勸諫轉做大B,
其實對我黎講年齡比同班既細差不多一年唔係問題,
主要都係睇小朋友佢本身應唔應付到, 如你想幫你囝轉做大B無問題, 但最好睇清楚原因...
另如果你小朋友已係讀緊一年班, 之後做既只係轉校, 唔會有第2次大抽獎

作者: 小曳人 時間: 16-4-28 10:52

本帖最後由小曳人於 16-4-28 10:53 編輯

首先，一生人只可參加一次大抽獎，但你可以隨時要求edb安排學位 (當然好可能唔係你想要嘅學校啦)
至於讀緊小一可唔可以抽獎，provide that 你讀嗰間學校無攞政府資助，應該可以，e.g. 讀緊國際學校grade 1 係可以入紙抽獎嘅！

作者: day_bo 時間: 16-4-28 11:02 標題: 引用：本人有個仔仔，來緊讀k2,細同班同學一年，

原帖由 qinqinyan 於 16-04-27 發表
本人有個仔仔，來緊讀k2,細同班同學一年，好多人勸我俾佢做大b。我想問下，如果佢k3畢業後我俾佢讀間小一， ...

社會身邊一直會有很多聲音，無論是育兒、升學等等，聽多不同意見是好，但聽完後自己加以分析，認清自己小朋友情況和自己追求什麼，自然找出最適合你兒子答案。有時十個有九個都認為是對的事也不是絕對答案。無論做大B或細B也可快樂讀書成長。N1、K1真的明顯大細B很大分別，我也是過來人，明白內心爭扎，但K2已拉近，K3分別不太明顯了。但現實是，考直私小學時，的確有D蝕底，我意思不是能力上。例如中B和細B（我仔12月出世）表現和背景差不多，相信學校會選擇中B。所以要多方面分析，例如你仔仔能力、性格、你對小學要求等等......我明白人人情況不同，加油呀！
P.S.以上純屬個人意見，不喜勿插

作者: Ocean419 時間: 16-4-28 11:17 標題: 回覆：細b讀書問題

如果要在k1或p1之間選擇邊一年repeat, 我一定會揀k1不會揀p1

作者: qinqinyan 時間: 16-4-28 11:39 標題: 引用：如果要在k1或p1之間選擇邊一年repeat,+我一

原帖由 Ocean419 於 16-04-28 發表
如果要在k1或p1之間選擇邊一年repeat, 我一定會揀k1不會揀p1

但我仔已經要升k2了

作者: MrBeast 時間: 16-4-28 12:09

qinqinyan 發表於 16-4-27 16:15
本人有個仔仔，來緊讀k2,細同班同學一年，好多人勸我俾佢做大b。我想問下，如果佢k3畢業後我俾佢讀間小一， ...

若樓主係想睇下上到小一跟唔跟到才決定是否需要做大，除非你肯定你小朋友發展是超前，otherwise我覺得有些risky

作者: 小曳人 時間: 16-4-28 14:25

我好肯定讀國際學校grade one 係可以抽獎！

因為我大仔抽獎嗰年，佢表弟都抽，仲抽到第一志願，但阿表弟當時已經讀緊Grade 1！

作者: 小Monkey 時間: 16-4-28 14:59

回覆 Ocean419 的帖子

實際我囝(細b)當年k1有心儀k收, 是有點蝕, 但所有人勸我k唔值得repeat, 因理解及學術跟到, 只是肌肉發展慢的.我想做大or細B視乎細路的能力

作者: Ocean419 時間: 16-4-28 15:13 標題: 引用：我好肯定讀國際學校grade+one+係可以抽獎！

原帖由 小曳人 於 16-04-28 發表
我好肯定讀國際學校grade one 係可以抽獎！

因為我大仔抽獎嗰年，佢表弟都抽，仲抽到第一志願，但阿表弟當 ...

肯定得。我仔幾個舊同學k2後入esf 小一，個個都入表甲一抽41神校，不過抽唔中姐

作者: mayyylai 時間: 16-4-28 17:02

回覆 qinqinyan 的帖子

如果妳決心想佢做大 B，不如試下問學校可唔可以 repeat K2?
咁其實當年點解又要讀早一年呢？

作者: Anniemun 時間: 16-4-28 18:30

其實唔會全班同學都係1月份出生，都大一年架，自理可能冇人咁叻，但讀書應該唔關事。

作者: Lindytiger 時間: 16-4-28 21:22 標題: 回覆：細b讀書問題

呢個topic 係EK, 冇論幼稚園定小學討論區已經有冇數次既提問；每次總會有家長100%支持/反對做大/細b。我當年都曾經為呢樣野頭痛過。其實沒有一個百分百肯定既答案，只有父母自覺合適與否。其實到左小一，叻既細b學術水平同大b唔會有咩分別，甚至可能名列前茅。但如果本身唔係高大既，可能大小手肌唔夠好，變左寫字唔夠靚同埋運動冇咁好；亦可能自理能力稍差一點。不過到左二年級又應該有進步啦。所以做大b如否，真係睇小朋友發展啦。

作者: tina_yauyt 時間: 16-4-28 22:39 標題: 回覆：Lindytiger 的帖子

我覺得大b細b最明顯嘅差別只在於幼稚園時, 小肌肉發現有的分別，但去到小學時，睇唔到有咩大分別, 我小朋友而家小二，佢嗰班考第一嘅同學仲係全級第一，係同年12月31日出生，全班最細！

作者: Baby豬1209 時間: 16-4-28 23:17 標題: 回覆：細b讀書問題

我大仔k2時老師有問過讀不讀多年，因為我仔係12月尾b，超細，但是我冇考慮過，照上k3，現正佢小一了，成績中上，比起同年1月份出世既仲好成績！所以我覺得父母要觀察小朋友既發展，不是一刀切以年齡黎分要重讀，幼稚園咁易已經要重讀，將來dse又重讀，到真正畢業時可能已經大過同學幾年

作者: lhingw 時間: 16-4-29 08:18 標題: 引用：本人有個仔仔，來緊讀k2,細同班同學一年，

原帖由 qinqinyan 於 16-04-27 發表
本人有個仔仔，來緊讀k2,細同班同學一年，好多人勸我俾佢做大b。我想問下，如果佢k3畢業後我俾佢讀間小一， ...

做大B定細B，應該視乎小朋友發展及能力。其實轉大B，很多時是家長希望小朋友叻D，但如果小朋友轉大B後，能力及成績也去唔到最叻，家長是否可接受？會不會更大壓力？

我小朋友12月細B，k3下學期開始大B細B差距明顯縮小，其他人跟本不會察覺他是細B。不過要考學校就真的比較吃虧（因面試時只有4歲半多一些，還像一個BB一樣）。

作者: MrBeast 時間: 16-4-29 08:47

本帖最後由 MrBeast 於 16-4-29 08:50 編輯

我又覺得很多時決定做細的家長是覺得人地得佢個冇理由唔夠人叻，但去到小一時跟得辛苦，自信全失時又會不會後悔呢？

不過我都同意，孩子資質、性格和家長support 是主要考慮因素，問題係除非好obvious case，幾歲人仔父母如何evaluate

作者: qinqinyan 時間: 16-4-29 09:21 標題: 引用：想問你呢句『好多人勸我俾佢做大』,原因係

原帖由 Chirley 於 16-04-28 發表
想問你呢句『好多人勸我俾佢做大』,原因係點解?!
其實做大B 或係細B真係好睇小朋友本身,
我囝應該比你囝大 ...

因為佢真係好細，12月尾，幼稚園都唔系好想收佢，自理能力比較差，小肌肉都唔得，佢讀迦南幼稚園，k1已經開始寫字，成日都話寫到手痛，其實都只是一張，最多10個字。

作者: day_bo 時間: 16-4-29 10:03 標題: 引用：Quote:原帖由+Chirley+於+16-04-28+發表想

原帖由 qinqinyan 於 16-04-29 發表
因為佢真係好細，12月尾，幼稚園都唔系好想收佢，自理能力比較差，小肌肉都唔得，佢讀迦南幼稚園，k1已經開 ...

其實K1真係寫唔到尤得佢，我當年我囝（12月細B）K1都寫唔到，為了完成功課，捉住佢手寫草草完成就算，冇迫佢要做到為止。老師有打電話比我要求我同阿囝練多D，但我冇理佢，因深知根本小肌肉未發展好迫都冇用。就這樣過左個K1。奇妙地K2突然開始寫到，還變左喜歡寫字，而家K3寫字非常整潔，有D字寫得靚過我，我好意外。默書也有此情況，K2溫好耐默書都唔識，我又尤得佢（當然我看到佢已盡力），默唔識都係改正，沒大不了。但到K3突然做到，溫一陣就識左（我估因為阿囝K3 Phoenix 開始掌握到）。
所以，我意思是每個小朋友有他們的步伐，未到那階段做不到也迫不出來，迫到也太辛苦那小朋友。
明白做大B或細B是一個很難決擇。但我覺得按自己小朋友的步伐支持、鼓勵佢，走那條路也一樣可以成功、可以快樂成長。

作者: Lindytiger 時間: 16-4-29 10:04 標題: 回覆：qinqinyan 的帖子

K1 冇論係大細B, 根本就唔應該咁快寫子。應該先訓練小手肌，畫下線，學習空間感，正如走路都未做好就叫佢跑步一樣。

作者: day_bo 時間: 16-4-29 10:23 標題: 引用：K1+冇論係大細B,+根本就唔應該咁快寫子。應

原帖由 Lindytiger 於 16-04-29 發表
K1 冇論係大細B, 根本就唔應該咁快寫子。應該先訓練小手肌，畫下線，學習空間感，正如走路都未做好就叫佢跑 ...

係呀！所以唔識寫就算，不用太介懷，硬要佢寫到無乜意思。我捉住佢手快快做完，快D有得去玩仲好有意思

作者: Olympian 時間: 16-4-29 16:19 標題: 引用：K1+冇論係大細B,+根本就唔應該咁快寫子。應

原帖由 Lindytiger 於 16-04-29 發表
K1 冇論係大細B, 根本就唔應該咁快寫子。應該先訓練小手肌，畫下線，學習空間感，正如走路都未做好就叫佢跑 ...

冇錯。K1係唔應該寫字。係練習線條。

作者: Lindytiger 時間: 16-4-29 17:57 標題: 回覆：Olympian 的帖子

所以每當我聽見K1 要練字，又要考試既幼稚園，而家長又好buy 時，我真係無言

作者: MrBeast 時間: 16-4-30 07:15

其實如只寫一二大人，同連線有乜分別？

作者: MrBeast 時間: 16-4-30 07:20

本帖最後由 MrBeast 於 16-4-30 07:21 編輯

day_bo 發表於 16-4-29 10:03
...K2溫好耐默書都唔識，我又尤得佢（當然我看到佢已盡力），默唔識都係改正，沒大不了。但到K3突然做到，溫一陣就識左（我估因為阿囝K3 Phoenix 開始掌握到）。

所以，我意思是每個小朋友有他們的步伐，未到那階段做不到也迫不出來，迫到也太辛苦那小朋友。

你正正講出做大B的好處

作者: encina 時間: 16-4-30 08:12

我仔係10月尾，讀緊k2,可能佢班好多呢細仔，所以又無聽到呢啲聲音，
我女k1,12月尾，都係咁，反而老師話佢地班啲細仔好叻，
不過小手肌其實係要練，唔一定寫字，而係日常生活，
當然你咁問一定有原因，但班中點解會有大成年的小朋友?係因為超大仔?
無論問題係咩，都可以問下家人同小朋友意見

作者: day_bo 時間: 16-4-30 08:32 標題: 回覆：細b讀書問題

我意思是做細B，不用迫小朋友一定要同大B一樣表現，其實自然地慢慢也同同年出世分別不大。如只著眼K1&K2的確大分別，長線看不大分別。為何坊間有人說細B跟得很幸苦，可能是K1、K2硬要谷小朋友跟大B一樣，當然辛苦，其實不用比較太多，行返小朋友自己條路便可。聲明：我不是在説做細B決定一定好。我只是想說多些觀點角度讓你思考。
這些大細B討論，永遠沒絕對答案。你自己分析一下你囝仔情況吧！

作者: Olympian 時間: 16-4-30 12:42

本帖最後由 Olympian 於 16-4-30 12:48 編輯

MrBeast 發表於 16-4-30 07:15
其實如只寫一二大人，同連線有乜分別？

對空間感和小手肌精細度的要求都高很多。

其實樓主可以睇埋K2上學期才決定是否重讀。我女12月細B,今年K2,我已搵左學校比佢重讀K2。

原因係她小肌，認字，自信，都比同一學齡兒童遜。我地期望女可愉快學習，小一可每天可1小時內完成功課。現時她的能力應做唔到。我大仔讀二線唔算谷小學，所以我較清楚課程和功課量。

我女只係讀村幼，佢上個月放學忍住眼淚向我講，未能完成堂課(寫1至50兩次)，唔比上下一堂住。佢平時課堂上亦冇機會答問題，因校長話要增加課堂校益，時間有限，只會選舉手而又識答的同學答問題。表演亦唔會搵我女，話佢動作慢。

其實我女有自己的優點，如專注力好，頭腦靈活有創意，說話表達能力強。弱項寫字認字都不斷進步，只因細女起步比人慢而已，追唔切。重讀是比多一年時間，讓她自然發育，慢慢跟上落後的地方，重建自信。

如果樓主唔急，其實可以睇埋K3 先決定重讀。但K3 會用好多時間彩排結業禮，又有小一適應活動，小朋友重讀心理關口較大及較難融入，因人地讀左兩年，同學間已好熟落。睇下小朋友性格。

作者: MrBeast 時間: 16-4-30 13:13

Olympian 發表於 16-4-30 12:42
對空間感和小手肌精細度的要求都高很多。

其實樓主可以睇埋K2上學期才決定是否重讀。我女12月細B,今年K2, ...

我覺得你做了個好決定，雖然有可能在P1什至k3 catch up 到，但冇crystal ball 誰能擔保。正所謂三歲定80，幼兒life experience 對性格形成有很大影響，自信心失去了很難修補，試想下若在公司隔離個同事做乜都叻和快過你，老闆所有機會都比哂佢，就算家人有幾supportive，有邊個可以開心上班，stop kidding ourselves.
唔係話做大就所有問題都解決哂，但眼前的問題要處理左先，然後才可諗往後的問題。

作者: Heyheyjoyjoy 時間: 16-4-30 18:20 標題: 回覆：細b讀書問題

問過教育局，已讀小一（就算一天）不可大抽獎。

作者: Heyheyjoyjoy 時間: 16-5-1 23:16 標題: 回覆：細b讀書問題

有些國際學校的grade 1其實只是等於本地的k3，所以他們可大抽獎。

另外，作為細b大b煩惱過來人，分享如下：我仔12月中b現讀k3，已決定讓他重讀，後一年才升小學。
這是艱難的決定，我第一考慮的是他能否應付小學的課程要求，第二他是否夠成熟。就第一點，不是小學老師、教育家，如何判斷？所以我決定讓他升k3考小學，難的易的、不同教育理念的都考，去年下半年，我和他都到地獄走了一趟。結果：兩家waiting。過程辛苦，但我們盡了力，從自己的觀察，大概猜到原因，才決定不升了，因為在這半年不斷了解各家學校，本地學校，感覺無論那類學校，課業要求高，直私考入的就全班都是本身吸收快的、或已操練的，學校必須教快教深。抽獎的，學生程度参差，好的就增潤，為學校爭光；慢的就應付功課算了，小朋友該有的多方發展又如何能造到？
我兒平時不會主動表達意見、提問，故學習會慢一些；我兒不喜歡討好別人，甚至是「包抝頸」的，得罪人多稱呼人少，故別人的包容正常會少一點，如果他還是細仔發展慢一些，會等他？就算老師有教無類，同學關係也不太好吧。

至於第二點--成熟：過五歲生日後，我忽然發現他長大了--從日常自理，到功課理解，是自然地長大了，從前要幾番解釋、提醒的事，突然他識了。

這repeat的決定來得遲，故他會不好受，其實自己也難受，始終旁人的說話你不想聽還是會聽到的，像在說我兒比人差。但是他是適齡啊，而且晚兩星期出世的話，他本來就應該是下一年才升小，一開始造大就根本無人會說三道四。我們就當造他人生第一個挫折，學懂好好面對，小時的挫折再難，該不會比長大後的難，他就能有經驗跨越日後遇到的挫折，不是更好嗎？

決定重讀是難的，希望以上分享幫到你，看看孩子的性格，看看你想有多操練（操練可加快發展，就算不識，造幾十次，幼稚園/小學的學術，點都造到的，只是你認為童年是否該有童年的無憂玩樂生活，還是補習加補習而已），決定到底該升還是留。

作者: monkeydiary 時間: 16-5-7 12:22 標題: 引用：Quote:原帖由+Chirley+於+16-04-28+發表想

原帖由 qinqinyan 於 16-04-29 發表
因為佢真係好細，12月尾，幼稚園都唔系好想收佢，自理能力比較差，小肌肉都唔得，佢讀迦南幼稚園，k1已經開 ...

迦南k2仲辛苦喎！我女都係讀迦南, k2上學期已經開始要2樣功課, 當然開始時係一星期有幾日係2樣,其餘時間1樣, 但去到下學期就每日都有2樣
你小朋友呢個情況有冇同學校傾過? 老師有咩建議? 如果換轉是我, 我都會比佢repeat 1年做好準備。另外, 你或者多d比佢玩泥膠, 做小手肌活動, 都有幫助的。

作者: Olympian 時間: 16-5-7 15:33 標題: 引用：有些國際學校的grade+1其實只是等於本地的k

原帖由 Heyheyjoyjoy 於 16-05-01 發表
有些國際學校的grade 1其實只是等於本地的k3，所以他們可大抽獎。

另外，作為細b大b煩惱過來人，分享如下 ...

大一年真係成熟好多。我大仔都係重讀K3, 那時還很怕打針，小一已好勇，不怕了。而且由冇自信變到好有自信！面對新事物時佢會有信心，認為自己有能力做到。呢個心態真係好重要，重讀一年絕對值得！當年我叫佢重讀K3, 對佢完全唔係挫折，係喜訊

因佢好驚升小學，諗起都好笑。但重讀K3那年佢就變得好渴望好期待做小學生！我都好開心。

作者: puffy0305 時間: 16-5-7 21:04 標題: 回覆：qinqinyan 的帖子

我囡囡係12月b, 今年係傳統學校讀小一，成績唔比大b差！全級15x人，考到第2x名！
我當年k2,k3都有問班主任意見，佢地經驗比我地多，佢地都話細b能力唔一定比大b差！所以我照讀上去！
朋友唔會太理解你仔仔能力，你問下老師意見先決定！

作者: piglet0529 時間: 16-5-8 06:17 標題: 引用：本人有個仔仔，來緊讀k2,細同班同學一年，

原帖由 qinqinyan 於 16-04-27 發表
本人有個仔仔，來緊讀k2,細同班同學一年，好多人勸我俾佢做大b。我想問下，如果佢k3畢業後我俾佢讀間小一， ...

我仔八月兼小肌差四個月, 人又細粒, 當年K3拍落低一班K2冇分別, 因為冇得諗做大B, 所以K3盡追小肌, 勉強追得上寫字, 今年上小一全班考第二, 即他們能力未必差過人, 希望給你點啓示, 主要你睇佢K2能力如何, 同埋如果幼稚園不算深, 有些家長選擇K3不去抽小一, 轉校去深的幼稚園repeatK3先抽

作者: manmanchubb 時間: 16-5-11 08:49

呢方面真係好睇個小朋友發展同性格，同時家長點付出引導。
我囝係超細仔，個時我既宗旨係只要唔影響佢自信情況下，我會比佢做細b,始終以學習嚟計，跟哥哥姐姐學習總比同bb 一起學習好，當然背後都要不同方式不斷增強他自信，亦要引導每人都獨特的，今天勝昨天自己便可。當然相反做大b 也有好處.
成績上細b 不一定落差，有方法讓他主動學習便可，至於大小肌體能發展就要有心理準備這方面點都會有分別，始終細其他同學一至兩年。
小一抽獎一小孩一生只有一次。

作者: MrBeast 時間: 16-5-11 13:43

本帖最後由 MrBeast 於 16-5-11 15:06 編輯

基本上只要有方法肯堅持，沒有教不到的孩子，身邊有個例子，幼時被評估borderline 弱智，阿媽不斷努力後，考入一線小學，冇話唔得，問題係有冇需要和要多少effort。

作者: micha0426 時間: 16-5-11 14:28

回覆 qinqinyan 的帖子

如果你一早無考慮俾佢考直資、私校，抽獎根本無需擔心大細B問題.. 3年級左右, 已經無分別最無大細B既分別
你呢個問題, 應該K1時就要考慮

(本人有個超細B)

作者: Jane1983 時間: 16-5-11 14:41

回覆 MrBeast 的帖子

非常同意，教育小朋友唔一定要使好多錢、補好多，但心血不能少。

作者: metrochung 時間: 16-5-12 20:19 標題: 引用：回覆+qinqinyan+的帖子如果你一早無考慮

原帖由 micha0426 於 16-05-11 發表
回覆 qinqinyan 的帖子

如果你一早無考慮俾佢考直資、私校，抽獎根本無需擔心大細B問題.. 3年級左右, 已經 ...

唔睇唔知，原來咁多人喜歡細b變大b，我自己覺得應該不需要這樣做，只是能力差小小，大小小就冇分大小b。我仔在K2時也有同樣的考慮，但K3老師已經話能力不差得太遠，叫我照上小一。小一第一次考試全级17/120，今年都升中了。所以我不覺得有什麼大問題。我小朋友是12月出世，小小分享

作者: Heyheyjoyjoy 時間: 16-5-13 00:37 標題: 回覆：細b讀書問題

唉！其實細b轉大b不是喜歡與否的選擇⋯⋯今天小學普遍教深教快，迫使一些發展沒有超前的細b無法捱過追落後的三年，父母才在升小前投降轉造大。

作者: conniewktang 時間: 16-5-13 07:46 標題: 引用：回覆+qinqinyan+的帖子如果你一早無考慮

原帖由 micha0426 於 16-05-11 發表
回覆 qinqinyan 的帖子

如果你一早無考慮俾佢考直資、私校，抽獎根本無需擔心大細B問題.. 3年級左右, 已經 ...

我個仔09年12月出世，超細B，而且早產了一個月有多，本來10年1月出世，去健康院打針，次次也延後一個多月才打。照上小一，不是很輕鬆的傳統小學，可是他讀書一點也不辛苦，全級10名內。但個樣還似K2, 自理還差少少，其他各方面不會差過女仔，也不會差過大佢一年出世的女仔。

作者: MrBeast 時間: 16-5-13 09:08

總有人唔打針又唔會病，食成世煙又冇肺癌，問題係自己個得唔得，不過記住若果唔得，唔係孩子唔得，只是父母技窮。

另外一些網友提到老師cmt ，雖然工作上見多小朋友有相當經驗，我覺得又未必有專業知識和訓練，所以只能作參考，事實上之前亦有人分享ignore 老師repeat 的建議，做細升小學，好似最後都ok。

作者: ok3 時間: 16-5-13 14:17

始終覺得做大B定細B, 真係睇父母自己嘅要求. 其他人嘅細B做得幾好又如何?! 有D人天生係天材, 10歲讀大學. 係咪自己嗰個都得? 小朋友喺初小前, 差半年甚至一年. 你話無分別(係同自己比, 唔係其他小朋友) 就根本係自欺欺人.

作者: Olympian 時間: 16-5-13 16:18 標題: 引用：Quote:原帖由+micha0426+於+16-05-11+發表

原帖由 metrochung 於 16-05-12 發表
唔睇唔知，原來咁多人喜歡細b變大b，我自己覺得應該不需要這樣做，只是能力差小小，大小小就冇分大小b。我 ...

我諗真係唔多人喜歡由細轉大，係覺得有需要才考慮。否則何不一早做大呢！其實做大做細b真係好睇家長咩性格。就算你去問教育心理學家，佢地都係傾向睇家長的意願。其實有些人做事喜歡有計劃，要做好準備，覺得自己好勝任，才去做一件事; 有些人隨遇而安，有問題才解決，甚至喜歡拆彈的快感。所以大家會有不同決定。自己睇下點做會令自己安心就得。

作者: HK-MAN 時間: 16-5-13 17:11

Heyheyjoyjoy 發表於 16-5-13 00:37
唉！其實細b轉大b不是喜歡與否的選擇⋯⋯今天小學普遍教深教快，迫使一些發展沒有超前的細b無法捱過追落後 ...

認同!還有3年幼稚園生活,跟以前亦不同,並非吃喝玩樂學自理,K1偷步教寫字大有學校在.當與同輩比較學術,細B父母豈能不擔心.

作者: lui 時間: 16-5-16 03:31 標題: 回覆：qinqinyan 的帖子

依家K1,升K2.那現在幫他求位k1難少少。可以k2repeat.但問題是你原校k2又多抄寫怎辦呢？你是否要入讀有d名的學校？否則試下一d冇咁出名的幼稚園。我女學校有d家長話谷，但k2先寫字。仲要每曰只有一橡寫字，中或英，一版而已（10個）。我真系好感恩，人地每日中英數，成個小時才完成。我的是細b,k2才寫字，系這個月控制才大改善。

作者: manmanchubb 時間: 16-5-17 10:33

實際係睇小朋友能力，每個小朋友有自己own speed,同埋睇家長點推動，同學校教程差距與配合。
能力上細b 不一定弱很多，但如想跟同班大仔進度跟貼一點，就要留意有關大小肌發展，呢方面是無可否認同大仔一定有距離，智能方面，唔須要擔心。

但每個小孩發展不同，我囝超細仔，已小一，我宗旨係只要唔影響佢自信情況下，我寧願囝囝跟哥哥姐姐學野，單純以學習方面，點都係跟哥哥姐姐所學的更多，但就要引導佢每個人都有自己優缺點，今天勝昨天自己，一切盡力便可。當去到K2K3便會一年比一年拉近大仔，阿囝幼稚園到小學都有大他一年到兩年的同學，除了大小肌體能係相對慢少少，其他我覺得無分別。

作者: Olympian 時間: 16-5-17 14:02 標題: 引用：實際係睇小朋友能力，每個小朋友有自己own+

原帖由 manmanchubb 於 16-05-17 發表
實際係睇小朋友能力，每個小朋友有自己own speed,同埋睇家長點推動，同學校教程差距與配合。
能力上細b 不 ...

智能是一定有差別的。就如5歲做的智能評估，和6歲的不會一樣。自己的經驗係上年較極都唔識的野，下年一講就明白。

其實大肌、小肌、智能、專注力、社交適應和言語能力等，相差一年都會有一定分別，因為兒童腦部還在發育。如果有小朋友5歲跟6歲都一樣，冇進步，那就慘了。而這些能力都是一個range，有人發展得快，有人較慢，很多人說小三會追平。

其實大部分人係中等能力，小部分人中上或中下。如果你是中上，叻過大你一年而中下的，都不出奇。就好似有人4歲會拿筷子，有些6歲仍不會。但如果你是中下，就會跟大你一年而中等能力的有明顯距離。

上學主要都是看智能和小肌，如果發覺小朋友跟大圍差不多，就冇需諗重讀。但如果有明顯距離就不妨諗下。通常K2會見到個差別。

其實我真心唔係好明白讀多一年又唔超齡有咩損失？最辛苦係要湊多佢地一年返半日，同埋交多一年學費。我仔用左果一年學識睇chapter books. 而家小學雖然快完成功課，但佢已經冇咁多時間同精神睇書，好在上年已睇左好多。個女我自已教佢phonics，認字，等佢第時默書容易些，多一年時間好好用。我只希望佢地小學快快做完功課溫完習，可多些時間玩。

作者: Heyheyjoyjoy 時間: 16-5-19 15:08 標題: 引用：Quote:原帖由+manmanchubb+於+16-05-17+發

原帖由 Olympian 於 16-05-17 發表
智能是一定有差別的。就如5歲做的智能評估，和6歲的不會一樣。自己的經驗係上年較極都唔識的野，下年一講就 ...

我見到阿仔大小肌差距、成熟度差距是好明顯的。除了小朋友天生的發展步伐，家長是可以透過訓練、環境去加速，如多運動、家中無傭人、有哥哥姐姐等，或者就是因每個家庭、小朋友有這些差別，所以大細b都是適齡。
我想樓主問這個問題，代表樓主、老師察覺小朋友跟同學有差別…果如是，那就即反映小朋友是上述因素中比較適合造大b。

作者: fionaytwong 時間: 16-6-3 19:58 標題: 回覆：day_bo 的帖子

認同，我3個都細B，能力各有不同，阿仔K3先叫追到，但大女、二女1D問題都冇。

作者: Barbe 時間: 16-6-3 22:07

我都覺得沒有標準答案，視乎你的小朋友，我兩個都是細B, so far 都ok。
細嗰個能力較好，讀書以來都無問題，一直都無話要追進度，現在上左小學，她都好活躍，入左學校2個校隊，成績都在前面。不過體型、動靜真係比其他同學BB

作者: ccyin 時間: 16-6-3 22:45 標題: 回覆：細b讀書問題

無一個標準答案的，每個小孩能力不同

我自己覺得大細b分別只到K2, 基本上K3開始已拉平，一個大b+無家庭support同一個細b+家人教導既話，細b一d都唔會輸蝕，只係而家年代太多人要自己小孩做大b (以前我地年代邊會有

)，要贏在起跑線，怕個個大過佢追唔上

事實上我小朋友小一時，嗰班幾個大b，成績唔係特別好的

作者: conniewktang 時間: 16-6-3 23:14 標題: 引用：無一個標準答案的，每個小孩能力不同我自

原帖由 ccyin 於 16-06-03 發表
無一個標準答案的，每個小孩能力不同

我自己覺得大細b分別只到K2, 基本上K3開始已拉平，一個大b+無家庭sup ...

我仔12月超細B，而且是早產B，從K1起，從沒有跟不上的問題。現上了小學一年級，學業上完全沒有問題，不會差過年頭大B。

作者: ccyin 時間: 16-6-4 00:35 標題: 引用：Quote:原帖由+ccyin+於+16-06-03+發表無一

原帖由 conniewktang 於 16-06-03 發表
我仔12月超細B，而且是早產B，從K1起，從沒有跟不上的問題。現上了小學一年級，學業上完全沒有問題，不會差 ...

係！！好多現實例子可證明

作者: Chirley 時間: 16-6-6 11:22

qinqinyan 發表於 16-4-29 09:21
因為佢真係好細，12月尾，幼稚園都唔系好想收佢，自理能力比較差，小肌肉都唔得，佢讀迦南幼稚園，k1已經開 ...

唔好意思咁遲先睇到MESSAGE覆你,好多細B都有大、小肌肉未得既情況, 不過都可以練下咖, 如玩泥膠、畫畫等...
K1 開始寫字而佢地D肌肉未READY, 真係辛苦咖,同埋你應該都係俾返D小朋友用既三角筆俾佢用咖?!
我囝讀有學券幼稚園, 所以K1都只係畫下線果D,
識好多小朋友都係細B (由11月底到12月底都有),
如果K1都咁辛苦, K2就更痛苦...
趁就放暑假不如你試下幫小朋友玩多D練習(即係玩D訓練肌肉既遊戲),
睇下之後情況點...祝你地成功

歡迎光臨教育王國 (/)