教育王國

標題: 過來人, 講吓當年派第4意願, 3年後的結果, 好嗎? [打印本頁]

作者: joli3bb 時間: 16-4-26 12:57 標題: 過來人, 講吓當年派第4意願, 3年後的結果, 好嗎?

本帖最後由 joli3bb 於 16-4-27 14:46 編輯

3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年頭3個志願只好替他挑選BAND 2 中的中學, 第4個志願開始先填BAND 2尾的中學, 好啦! 終於等到派位當日, 結果一出, 大失所望, 同班同學90%派到第一或第二志願, 阿仔可能運氣唔好, 派到第四志願, 當時大家都好失望, 他一個人孤身作戰, 非常之唔開心, 一個人去中學考分班試, 唯一好彩就係考到入精英班(中一只得一班), 同時該校的班主任真係好好, 對同學又關心, 又親切, 班主任同同學感情非常好, 漸漸地阿仔開始喜歡了這間學校, 因而朝住目標前進, 中二也升讀精英班, 成續一天比一天好, 中二更遇上數學的啟蒙老師, 阿仔對數學漸漸有興趣, 自已手機上網睇A MATHS, 其後更考獲全級10名以內(當然以校內成縯跟其他中學比較可能已經差好多) 但對佢既信心卻增加不少, 推動力也大了, 今年中三啦! 將會面對選科, 佢自己已經有決定讀理科, 仲要讀多一科M2.

相比, 他的小學同學雖然入讀了區內數一數二的BAND 1中學, 但由於工課壓力問題, 本來小學是全級10名之內, 但中一已經趺到全級30名, 好冇信心, 越讀越冇心機.

我好記得當年小學選校家長會時, 老師曾講過, 何謂一間好既中學? 總之小朋友讀得開心的中學, 就係一間好的中學, 講得冇錯.

所以, 希望各位家長唔好咁介意學校的Banding, 其實最緊要係靠小朋友自己發奮, 如果小朋友冇進取心, 比佢入到全港數一數二中學都冇用.

最後, 希望大家的仔女可以入讀到心儀的中學.

作者: gracelam 時間: 16-4-26 13:00 標題: 引用：3年前,+我同大家一樣,+為左幫阿仔挑選學校

原帖由 joli3bb 於 16-04-26 發表
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

多謝鼓勵!!

作者: 719117 時間: 16-4-26 13:01 標題: 引用：3年前,+我同大家一樣,+為左幫阿仔挑選學校

原帖由 joli3bb 於 16-04-26 發表
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

多謝鼓勵

作者: babytai 時間: 16-4-26 13:01

多謝分享

作者: chocolatebean 時間: 16-4-26 13:03

joli3bb 發表於 16-4-26 12:57
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

任何時候, 都係塞翁失馬,焉知非福!

加油!

作者: 妹妹頭 時間: 16-4-26 13:03

回覆 joli3bb 的帖子

有意思 !

作者: whywhywhywhy 時間: 16-4-26 13:51 標題: 引用：3年前,+我同大家一樣,+為左幫阿仔挑選學校

原帖由 joli3bb 於 16-04-26 發表
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

多謝你講晒我心聲，完全同意,我都係由得小朋友選擇想入的學校，希望佢可以入到自己合適嘅學校，努力讀書就好了

作者: intel123 時間: 16-4-26 13:55

作者: Shadowang 時間: 16-4-26 14:00 標題: 回覆：過來人, 講吓當年派第4意願, 3年後的結果, 好嗎?

一向都係以小朋友開心學習為至要，家長不要抱有上名校的虛榮心，太大壓力適得其反!

作者: Himma0904 時間: 16-4-26 14:09 標題: 引用：3年前,+我同大家一樣,+為左幫阿仔挑選學校

原帖由 joli3bb 於 16-04-26 發表
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

毛管戙，謝分享🙏🏻

作者: mrs.lo 時間: 16-4-26 14:10 標題: 回覆：joli3bb 的帖子

我都同意！

作者: RoseRose1980 時間: 16-4-26 14:24

Shadowang 發表於 16-4-26 14:00
一向都係以小朋友開心學習為至要，家長不要抱有上名校的虛榮心，太大壓力適得其反!

...

X2 ek 好多家長都好鐘意用dse成績同入U率作為好學校,就算入左九成入U率中學,難保你係其餘一成喎

作者: kck123 時間: 16-4-26 14:35

我知道自己仔女並非天生讀書材料, 所以也不強求他們入讀一所好TOP的中學, 總之, 希望佢唔係最差的一份子, 唔好學壞, 已經開心, 最緊要小朋友識諗, 否則迫佢都冇用, 會反效果

作者: yamyau 時間: 16-4-26 14:39

作者: 3excellent 時間: 16-4-26 14:48

提示: 作者被禁止或刪除內容自動屏蔽

作者: anthony8899 時間: 16-4-26 14:52

但有時真的要看彩數，老帥好不好、同學好不好、讀書環境好不好，都有關系。其實大家都想找到一家校風好的中學。校風好，小朋友自然會有進步，無論在什麼中學都會有發展。

作者: chocolatebean 時間: 16-4-26 14:53

joli3bb 發表於 16-4-26 12:57
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

係, 一間B2學校能遇上好老師, 又唔被同學影響(算好彩了)

其實我諗家長唔係一面倒要揀B1學校, 而係大家怕B2/3學校遇到唔知咩同學,子女學壞問題較大

作者: Scurry999 時間: 16-4-26 14:53

本帖最後由 Scurry999 於 16-4-26 15:09 編輯

回覆 joli3bb 的帖子

Agree! 中學只係小朋友其中一個新階段, 派得唔好, 唔係一世, 只要大家開心(小朋友+家長), 唔好學壞就 OK, 最重要係小朋友要有自信心, 一旦失去信心做其他事都好難追翻上嚟, 我小朋友讀書唔叻, 但運動叻, 每次落埸信心出晒嚟, 越打越好, 希望我小朋友都派到心儀中學!

作者: 719117 時間: 16-4-26 14:58 標題: 引用：Quote:joli3bb+發表於+16-4-26+12:57+3年前

原帖由 chocolatebean 於 16-04-26 發表
係, 一間B2學校能遇上好老師, 又唔被同學影響(算好彩了)

其實我諗家長唔係一面倒要揀B1學校, 而係大家怕B2 ...

冇錯，最怕學壞，尤其初中，朋輩影響好大，

作者: 妹妹頭 時間: 16-4-26 15:03

回覆 719117 的帖子

入BAND 1 中學, 唔一定個個家長係想子女就狀元(我就係其中一個), 我只係想佢有一個好既學習環境, 將來讀唔讀到大學, 我控制唔到, 但依家我可以做既, 就係幫佢盡量去搵一個好既學習環境, 有學習氣氛, 耳濡目染

作者: rabbitmonkey 時間: 16-4-26 16:05 標題: 回覆：過來人, 講吓當年派第4意願, 3年後的結果, 好嗎

同意, 謝分享!其實只希望佢入ㄧ間校風好, 讀得開心嘅學校!最緊要唔好學壞

作者: YmOra 時間: 16-4-26 16:20

對!合程度的中學好緊要,讀得開心又有衝勁好緊要.其實,想入一間常常令子女天天都怕起床怕返學的心態呀!還是想入一間可以令孩子天天都想返學的中學呢!

作者: hung888hung 時間: 16-4-26 16:35

塞翁失馬焉知非福

作者: alhy.love 時間: 16-4-26 18:23 標題: 引用：3年前,+我同大家一樣,+為左幫阿仔挑選學校

原帖由 joli3bb 於 16-04-26 發表
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

謝分享

請問讀中中，學英文困難嗎？

作者: joli3bb 時間: 16-4-26 19:35

冇錯，係中中，但上英文堂，老師多數講英文，間中會講中文，學校升高中時，理科全部會轉英文，因為要配合大學課程，而其他高中科目都會有中文班和英文班教授，視乎學生成績而定

作者: kck123 時間: 16-4-26 19:45

其實上左中學已經唔識點教佢地做功課，亦好難問仔女攞嚟睇，自己都未必識，問得多佢地又唔高興，始終係反叛期，所以真係好靠佢地自己開竅，所以做家長都好煩，起碼要佢地中學畢業，先可以放低。

作者: dse2017 時間: 16-4-26 20:09

提示: 作者被禁止或刪除內容自動屏蔽

作者: tsunmom 時間: 16-4-26 20:20 標題: 引用：3年前,+我同大家一樣,+為左幫阿仔挑選學校

原帖由 joli3bb 於 16-04-26 發表
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

謝謝你的分享。
也祝願大家都派到心儀又配合小朋友程度的中學

作者: aeiou_drm 時間: 16-4-26 20:26 標題: 引用：3年前,+我同大家一樣,+為左幫阿仔挑選學校

原帖由 joli3bb 於 16-04-26 發表
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

Thanks for sharing!

作者: cathy.w 時間: 16-4-26 20:51 標題: 引用：3年前,+我同大家一樣,+為左幫阿仔挑選學校

原帖由 joli3bb 於 16-04-26 發表
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

作者: BoBo1021 時間: 16-4-26 20:55

回覆 joli3bb 的帖子

作者: zanezane 時間: 16-4-26 21:18

本帖最後由 zanezane 於 16-4-26 21:19 編輯

回覆 joli3bb 的帖子

謝謝分享，我阿女只不過係小一，但係我都想知長遠睇點樣去裝備小朋友。。。。
我知都係要睇3次呈分先有得諗點排位，呈分成績當然是重要。

除左學業成績，有什麼最好初小時發展下?
例如課動係要廣定專? 獎重唔重要?
Presentation能力係咪都重要?

作者: fionakong2008 時間: 16-4-26 22:03 標題: 回覆：過來人, 講吓當年派第4意願, 3年後的結果, 好嗎?

好認同好認同，六年前我女派第三志願，我兩母女喺條街喊到死去活來(我而家都好記得當時情景)，我女死唔服輸，話過要發奮，等睇唔起佢入呢間嘅同學和家長無嘢好講，中二起年年三甲，中五做埋su主席，攪聯校活動時被當年第一志願學校老師讚佢做得好。學校比咗好多機會佢，有比賽、推薦佢去先，有幸代表香港到日本交流，區優秀青年贏咗同區所有學生仲贏咗個x拔女仔，呢啲我相信如當初入到頭二志願肯定得不到的。

作者: conniecheung 時間: 16-4-27 00:51 標題: 回覆：過來人, 講吓當年派第4意願, 3年後的結果, 好嗎?

作者: 妹妹頭 時間: 16-4-27 08:42

回覆 zanezane 的帖子

現在小一, 可以有好多野可以預早去準備, 除了要保持好既成績之外, 你可以發掘下小朋友有咩課外活動/運動佢係特別喜歡, e.g. 游水, 田徑.... 就可以專門培訓, 對升中都係一種(除呈分成績之外)有利地方.

作者: ykconniechan 時間: 16-4-27 09:22 標題: 回覆：過來人, 講吓當年派第4意願, 3年後的結果, 好嗎?

多謝你的分享! 非常認同"總之小朋友讀得開心的中學, 就係一間好的中學!"

作者: joli3bb 時間: 16-4-27 10:19

冇錯, 我好記得當天收到派位結果時, 阿仔家長們問點解派到呢間中學? 有些家長仲問, 呢間中學在那? (講真當時我都唔知呢間中學的正確位置), 阿仔已經好失落, 做父母的也不敢多講說話.

現在他會對我地講, 好彩派左呢間中學, 若果當年派左去第一志願, 可能要HEA住讀, 冇心機讀, 所以我都在此寄語大家, 一定要自靠自己, 唔好因為派唔到心儀學校而放棄.

Fiona 你個女好叻呀! 我都好感激你一起在此分享你個女當年的升中結果,

希望可以幫到將會升中的家長, 給他們一點鼓勵, 給同學們一點堅毅, 永不放棄的精神, 努力向上

作者: YmOra 時間: 16-4-27 11:46

joli3bb 發表於 16-4-27 10:19
冇錯, 我好記得當天收到派位結果時, 阿仔家長們問點解派到呢間中學? 有些家長仲問, 呢間中學在那? (講真當 ...

...所以我都在此寄語大家, 一定要自靠自己, 唔好因為派唔到心儀學校而放棄....

講得很好呀!

做家長嘅無理由唔信自己的孩子唔得嘅!

往往係家長先行有放棄嘅心在先.

作者: chaters01 時間: 16-4-27 11:47 標題: 回覆：過來人, 講吓當年派第4意願, 3年後的結果, 好嗎?

多謝分享呀
睇到我眼濕濕
好感恩睇到你呢篇文
我心釋懷了少許
因真係好驚累左小朋友
唔識講
希望上天安排的都是最好的

作者: kin818kin 時間: 16-4-27 12:01

回覆 joli3bb 的帖子

多謝分享﹗

作者: kin818kin 時間: 16-4-27 12:04

chocolatebean 發表於 16-4-26 14:53
係, 一間B2學校能遇上好老師, 又唔被同學影響(算好彩了)

其實我諗家長唔係一面倒要揀B1學校, 而係大家怕B2 ...

正是﹗

作者: 5kin 時間: 16-4-27 12:16

升中如是，升小學亦如是

作者: dream100 時間: 16-4-27 13:21 標題: 引用：3年前,+我同大家一樣,+為左幫阿仔挑選學校

原帖由 joli3bb 於 16-04-26 發表
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

好多小學時名列前矛，上到中學就成績倒退，呢種情況比比皆是。我識一個仁x小學年年考頭一，二，運動又叻既女仔，佢媽咪同我講，上到林護第一次考全級9x, 第二次140。中三先發力追番上4x。最後都上都科大。

作者: MariaTsui 時間: 16-4-27 15:40

chocolatebean 發表於 16-4-26 14:53
係, 一間B2學校能遇上好老師, 又唔被同學影響(算好彩了)

其實我諗家長唔係一面倒要揀B1學校, 而係大家怕B2 ...

其實B2也有好學校,我認識之中都有幾間,由於有開精英班,英文班,在這些班的學生,多數是比較嚴謹的老師所教導,而且學校放很多資源在這些班,這類學生較有自信,6年後,不一定差.

作者: HELENNNN 時間: 16-4-27 15:47

本帖最後由 HELENNNN 於 16-4-27 15:51 編輯

2年前, 我情況亦是一樣,派了第4志願band 2尾-band 3頭學校, 放榜當日係最尾一個離開學校的。但囡囡雖然成績麻麻, 但好乖巧操行A 呀, 所以都希望可叩到另一間好d 中學, 但叩了好幾間學校 , 都毫無消息 , 反而比佢差的同學仔可以叩到 (當時大家真係好灰!) 我諗可能系上天冥冥中有主宰,始終都係要讀番此間學校 , 唔比你轉….哈哈哈!。

做父母都希望子女讀得很開心,囡囡至今讀了2年, 佢可能入到一間合適的學校 , 攞到不錯的成績 ,有d科目仲攞到全級第一及頭幾名, 真係我估不到, 意料之外! (當然不能跟其他中學的成績比較 ) 但佢真係自信心強番晒 ! 另因佢好乖及成績不差,老師有好多機會比佢幫手做,而囡囡知道自己其實都不是太差的, 讀得很開心! 回想如果比佢去了另一間中學, 可能係底下游一份子, 仲增添壓力!!

所以最緊要係靠小朋友自己識諗,最緊要唔好學壞!

作者: 5kin 時間: 16-4-27 15:57

dream100 發表於 16-4-27 13:21
好多小學時名列前矛，上到中學就成績倒退，呢種情況比比皆是。我識一個仁x小學年年考頭一，二，運動又叻既 ...

band1生入返band1校，一定有大部分會keep唔到响前列，
成校都band1，實有人考第尾，
唔代表小朋友學習能力差咗，
只係其他同學仔表現好過佢

作者: Daddle 時間: 16-4-27 17:11

joli3bb 發表於 16-4-26 12:57
3年前, 我同大家一樣, 為左幫阿仔挑選學校而煩惱, 佢讀區內數一數二的BAND 1小學, 成績算是BAND 2中, 當年 ...

引述: "他的小學同學雖然入讀了區內數一數二的BAND 1中學, 但由於工課壓力問題, 本來小學是全級10名之內, 但中一已經趺到全級30名, 好冇信心, 越讀越冇心機."

大家点睇呢? "一個好冇信心, 越讀越冇心機"，卻就讀"區內數一數二的BAND 1中學"的前小學全級10名內"的學生，但成績仍是"全級30名", 一般Band1中學每級最少都有144人喎，都仲係好好呀！如能保持成績，甚或再跌到到全級70名，這位在"區內讀數一數二的BAND 1中學的"冇心機"學生，都應可入大學。直糸唔公平咯！

作者: 嵐嵐21 時間: 16-4-27 17:21

同意！

作者: mcl203 時間: 16-4-28 03:44

Daddle 發表於 16-4-27 17:11
引述: "他的小學同學雖然入讀了區內數一數二的BAND 1中學, 但由於工課壓力問題, 本來小學是全級10名之內, ...

頭30...收晒貨有凸...若考/派入D超級一号...排到去中後段...咪要日日呆住返學

BTW...最重要係小朋友覺得適合便可....何須常常去望吓隔離如何

作者: kikiboy 時間: 16-4-28 07:01 標題: 回覆：過來人, 講吓當年派第4意願, 3年後的結果, 好嗎

多謝分享！
我常常寄語自己，無論最後入讀邊間中學，作為父母都應該給他無限量支持和鼓勵，心中有多失望也不要讓他認為這是一間差學校，希望我能做到！

作者: silvia_ng 時間: 16-4-28 07:44 標題: 回覆：過來人, 講吓當年派第4意願, 3年後的結果, 好嗎

我反而係自己一開始揀時已經揀啲呀仔同level既，冇咩越級挑戰，甚至朋友/老師話呀仔應該可以揀另一間我都唔轉，一心一意考呢間。最後如願以償入到，呀仔又係讀得勁開心+脱胎換骨。以前小學佢唔係名列前矛，但家下佢都叫做入到全級頭十同埋超多機會，我睇到"越讀越有信心"既威力！因為唔單係成績，而係成個人行出黎，去present, 真係會唔同左。

作者: adallfad 時間: 16-4-28 09:56

回覆 joli3bb 的帖子

作者: kin818kin 時間: 16-4-28 09:59

silvia_ng 發表於 16-4-28 07:44
我反而係自己一開始揀時已經揀啲呀仔同level既，冇咩越級挑戰，甚至朋友/老師話呀仔應該可以揀另一間我都唔 ...

其實有時好難評定間學校是否同小朋友同level，好多時都係靠估及靠運氣。

作者: YmOra 時間: 16-4-28 11:49

silvia_ng 發表於 16-4-28 07:44
我反而係自己一開始揀時已經揀啲呀仔同level既，冇咩越級挑戰，甚至朋友/老師話呀仔應該可以揀另一間我都唔 ...

你好了解兒子的需要,找到一所啱佢嘅中學,登你開心.

其實,家長好多時會主觀地選了知名的學校,雖然都係一間好學校,但未必可以大大提升自己孩子的成績和能力.

其實,每個孩子都好想在中學階段有所成長,建立真摰的友誼,每天都懷著興奮的心情返學,不想做包尾大班呢!

thx.thx.

作者: MASAYA 時間: 16-4-28 12:29

zanezane 發表於 16-4-26 21:18
回覆 joli3bb 的帖子

謝謝分享，我阿女只不過係小一，但係我都想知長遠睇點樣去裝備小朋友。。。。

長遠睇，小學要學既係自己學習既能力，畀你操卷谷盡考到band1但係依賴人去學習最後都跟唔上，小朋友自己學習，成績100%係佢自己，谷上去，唔知要打幾多折，以佢既學習能力選校，理論上升到中學應該適應得好好
小學廣定專，我自己個方針係小學橫向廣泛學習，中學有能力先自己縱向深入學習，小學要學得深，除非佢自己有能力有興趣，否則冇乜必要

作者: zanezane 時間: 16-4-28 14:37

回覆妹妹頭的帖子

而家返全日制，自由時間唔多，都好唔想學好多野。真的要趁初小仲有空間去試，嘗試搵出小朋友有興趣的專長發展下。
仲要留返d時間休息同閱讀。

作者: Cherry0506 時間: 16-5-4 21:52

同意
我學生個年入左五邑
我好怕佢考第一會串咀
點知原來間學校唔差
強中自有強中手
考第二十幾
仲可以進步
依家又入籃球隊，又跳街舞，讀書又唔差
同學老師又喜歡佢生活多姿多彩
哈哈～鄧佢開心

作者: jason1977 時間: 16-5-5 01:37

kin818kin 發表於 16-4-28 09:59
其實有時好難評定間學校是否同小朋友同level，好多時都係靠估及靠運氣。
...

都一半一半,如果同校有師兄師姐過來人就讀就有深淺度參考,
如果冇既單睇DSE或謂一大輪乜野數據,真係靠估豬up,
依度都有幾件數據派。
不過有時真係有D靠估當秘笈,
我就淨係豬up

歡迎光臨教育王國 (/)