教育王國
標題: 選天主教崇德英文書院請考慮清楚 [打印本頁]
作者: karen2323 時間: 16-4-22 11:00 標題: 選天主教崇德英文書院請考慮清楚
本人的子女就讀該校，如家長想選讀，請參考本人的經驗及感受才作決定。
缺點：該校行精英班，就讀精英班的尖子，對於一些成績稍遜的同學，態度不佳，凡是比賽，只準勝利，輸了只會搵人出嚟祭旗。
好處：有鬥心。
缺點：同學間鬥爭激烈，凡是分組做報告的話，唔計分的，無人理，或推落其中一個同學身上去做。
優點：盡早適應社會的現實及殘酷。
老師方面：有心的老師不多，最多的老師係：乜太，你個小朋友成績咁差，唔得架喎！你去同佢補下習啦！吓！已經補緊？咁即係呢個補習老師唔掂啦！你搵過另一個啦！(原來收幾萬元一個月人工嘅老師係無責任嘅！)
有老師對成績唔好的學生，在課室罵他們是：白痴、低能。由第一堂開始，已經對一些成績無咁好的同學講，要他們退修該科選修科，甚至言明，少過某個分數，學校會強迫學生去退修。他們的目的是在文憑試做靚個成績。
老師見到班上某些同學被排擠，老師唔會去幫手解決，理由係同學已經係中學生，老師係唔會插手處理。
又有家長致電學校問老師某些問題，但老師故意在學生面前搬弄是非，令被排擠的同學受到同學在言語上圍攻，情緒大受影響。
以上那些全是本人親手經歷或其他家長交流訊息時接收到的。當然崇德依然是元朗區一間受歡迎的中學，喜歡此校的家長可能好唔高興，但這些全是事實，每人要求唔同，又或者有家長好認同老師的做法又當別論。
當然如果貴子女是自動波溫書的人，仲要在小學時一定要係名列前茅之人，否則入到去只會自討沒趣。
作者: 奥脫福 時間: 16-4-22 11:43
Why such kind of sharing usually be offered during the eve of selection deadlines? Seems those irregularities of schools happen in seasonal cycles: December, April and July!
作者: chesswin 時間: 16-4-22 11:46
你放個証明你個小朋友讀緊, 咁先有說服力
作者: 妹妹頭 時間: 16-4-22 11:52
回覆 chesswin 的帖子
已見在不同FORUM有同樣言論, 唔明有咩心態?
作者: karen2323 時間: 16-4-22 13:44
唔信唔緊要，我都預咗無人信，我只係希望以過來人身份提醒將會交表的家長，如果有細心睇的，會見到我寫咗學生係自動波及成績在小學係好嘅，但照交表無妨，但如果自問小朋友不是很top那種，將來要有心理準備會面對咩環境，如果附近有街坊係讀呢間學校的，可即管求證一下。
至於要證據的，我不知想要甚麼證據？唔通叫我將該校那位老師名字公開？還是公開該位學生姓名？
我在另一個post都出此內容，純粹將自己所見所聽告訴多一些元朗區家長，如果係以為我有何居心，如：想少D競爭對手嘅，我無話可說，亦無任何證明。
啱聽嘅可以聽入耳，唔啱聽可以當呢個家長係卑鄙小人亦無妨，我只是以為這個平台可以發表不同意見，原來在所有家長心目中Band 1中學一定沒有害群之馬的。難怪有些學校的老師可以橫行無忌。
作者: BBHAPPY2004 時間: 16-4-22 14:50 標題: 回覆：karen2323 的帖子
点解你吾幫子女校呢？可能這間學校不適合他。
作者: wing~ 時間: 16-4-22 16:34
間間學校都有呢D問題,最緊要搵合適自己仔女學校.入到BAND1學校唔一定好事.要睇本身能力
作者: siden 時間: 16-4-22 16:58 標題: 引用：你放個証明你個小朋友讀緊,+咁先有說服力
原帖由 chesswin 於 16-04-22 發表
你放個証明你個小朋友讀緊, 咁先有說服力
作者: siden 時間: 16-4-22 17:04 標題: 引用：唔信唔緊要，我都預咗無人信，我只係希望以
本帖最後由 siden 於 16-4-22 17:09 編輯
原帖由 karen2323 於 16-04-22 發表
唔信唔緊要，我都預咗無人信，我只係希望以過來人身份提醒將會交表的家長，如果有細心睇的，會見到我寫咗學 ...
其實每間學校各有各問題，起碼此校校風不壞，點都叫賺咗一半。
除非banding錯配，否則算了吧。
唔係想叫你凡事啞忍，但現實係好多「好」學校也是千瘡百孔，各有各問題。將來大學，唔教書混飯吃嘅lecturer professor 更是一大堆。
若令公子或千金真在此校就讀，積極做好自己本份算吧。
作者: tiantiangood 時間: 16-5-12 21:36
本帖最後由 tiantiangood 於 16-5-12 21:37 編輯
我不會質疑樓主的身份，亦可看出她對女兒的愛護，但有時過份的保護及緊張，會直接令子女也受到影響。我相信每間學校都有好與不好的老師和學生，但我亦相信祟德的校風在本區算不錯，如果仍感不滿，相信去到哪裡也一樣。當覺得人人都不妥的時候，會否問題其實在自己。我的小朋友也在祟德，但讀得幾開心。希望你的小朋友也能。
作者: vincat 時間: 16-5-12 22:03 標題: 回覆：karen2323 的帖子
其實好多band one A學校都一樣，你成績好咪上天，所以仔女成績好既家長，當然覺得學校好，成績唔好係完全係學校無back up之下繼續讀，一定叫你去補習，都唔達標就叫你退學，仲幫你搵埋私校Tim,我朋友個女既真人真事，都係天主教學校，一樣唔會有愛心，朋友真多謝學校趕佢走，去左另一間學校繼續讀，佢個女最終入左大學，絕對唔係老師口中既地底泥
作者: 妹妹頭 時間: 16-5-12 22:28
回覆 tiantiangood 的帖子
我都就樓主的一番題點，搵左個朋友問，佢有2個女晌崇德讀(中六，中四), 但答案與樓主絕不相同，而且朋友反而說，上了中學，家長應該要放手，不用每事都去投訴，在溫室下長大亦不是一件好事，至於小朋友，兩姊妹都未有曾聽聞過欺淩事件，所以，樓主如果真係咁唔滿意依所中學，應該是考慮幫小朋友轉校，而不是不停周圍去叫他人唔好選這所學校，相信對小朋友會更加好。
作者: @@ 時間: 16-5-13 08:43 標題: 回覆：karen2323 的帖子
呢個貼文有好重嘅怨氣，如果對學校有咁多不滿，應該學校做咩你都睇唔順眼。不如你回想下你自己中學生活，再比對下眼前。
1. Bullying 呢家野處處有，我覺得係要自己解決喎。 你係公司比人欺凌會搵老闆作主？係屋企比老爺奶奶蝦搵老公？比老公老婆打搵阿媽？ (hehe 行遠咗）講返係學校，視乎欺凌性質（有d 家長可能覺得「唔同你玩」都係欺凌）學生自己學下解決係好喎。否則事事搵「大人」作主，出到社會抵受唔到「現實」做傻事就弊囉。
2. 比賽輸咗。。。我個仔都有參加校外比賽，仲輸得好難睇，無事喎。
3. 老師一定有好有唔好，家長都有正常同怪獸，老闆都有好人同變態 😅
利申：我仔精英班 😅
作者: MariaTsui 時間: 16-5-13 09:19 標題: 回覆：選天主教崇德英文書院請考慮清楚
我都覺得樓主怨氣重，其實行精英班制，不是B1獨有，B1至B3都有，因材施教，精英班多一點資源，是理所當然，現實社會都是這樣。
至於做project，一向都是一組人裡面，有人坐向其成，我對仔女都試過，下次組隊時，就懂得找拍擋，這些都要經驗讓他們明白。
一間B1校，入得去讀，可以說是精英，是精英，當然要自動自覺讀書溫習，作為中學生的父母，難道還要提他讀書，問他幾時測驗，考試，是時候放手啦！
選中學，最重要是適合孩子，什麼banding不是最重要，最好選同level深一點，讓他有目標提升，又不會像電兔追紅蘿蔔，永遠追不到，失了自信。
作者: 妹妹頭 時間: 16-5-13 09:38
回覆 MariaTsui 的帖子
同意, 樓主所講既中學, 正正是小女自己一直既目標, 所以我都有留意依間中學既動向, 向朋友(有小朋友就讀) 取經, 上網睇資料, 女兒亦因為有目標, 考試加倍努力, 希望2年後有機會入讀此校
作者: 701003 時間: 16-5-13 10:09 標題: 引用：本人的子女就讀該校，如家長想選讀，請參考
原帖由 karen2323 於 16-04-22 發表
本人的子女就讀該校，如家長想選讀，請參考本人的經驗及感受才作決定。
缺點：該校行精英班，就讀精英班的 ...
作者: 王家爸爸 時間: 16-5-13 18:39
701003 發表於 16-5-13 10:09 
我敢講，全部地區名校都係咁樣
作者: miriam 時間: 16-5-13 20:10
本帖最後由 miriam 於 16-5-13 20:11 編輯
間間學校都有唔同問題, 難道只有 B1 學校先有, 一定唔係囉.
到底係咪凡事都要插手落去處理?
我選擇係企後好多步, 睇下我囡會點做, 傾偈時咪畀下個人意見, 等佢再分析應該點做, 下下一知道就衝住去解決, 返學校搵老師, 相信我真係日日捕係學校都唔得掂.
岩岩有個實例丫, 我囡份功課交左畀同學, 同學又唔記得交, 搞到我囡個記錄有欠交功課, 該科老師都知架, 都有幫手追架, 既然老師知唔關我囡事, 唔通我打電話返學校搵班主任投訴, 叫班主任搵同學既家長投訴? 我選擇該科老師知就得喇, 假若咁不幸要補做, 我都會由得佢, 等我囡知道呢位同學靠唔住, 下次交功課交畀另一位.
作者: bobo98 時間: 16-5-13 20:52
本帖最後由 bobo98 於 16-5-13 20:55 編輯
我個人認為子女係咩程度,就讀咩學校,band1頭就讀band1頭或中嘅學校,因為好多家長都博大霧,明明係band1中或尾,係大抽獎時博band1頭學校,比你入到又點?讀唔嚟,令到個小朋友冇晒自信,因為間間小學程度唔一樣,就算你係你學校考得頭又點,可能相比之下已是中等或一般,所以家長應按小朋友的能力去揀學校,量力而為。不應麻木追求所謂的名校。
| 歡迎光臨 教育王國 (/) |
Powered by Discuz! X1.5 |