教育王國

標題: 焦急媽媽急問意見，需要退學嗎？ [打印本頁]

作者: twingirlbabies 時間: 16-4-20 08:16 標題: 焦急媽媽急問意見，需要退學嗎？

我女女兩歲多，2歲時插班N, 頭兩個月返學完全冇問題，會自己行返班戶搵返自己位坐，晌農曆新年期間我接到學校通知佢果班的雙班主任同時離職，因女女剛適應老師，我唔係咁好受但都要接受。

問題出現晌假期開學後，我女女如常快樂咁自己行入班房，佢一入到去坐好後問我“Miss xxxx”（舊主任）去左邊呀，我話放假咁我就離開左課室，跟住第2日返學未入班房就喊，之後直頭收埋自己晌床底我根本扯唔到出黎換校服，我亦唔想迫佢因怕佢對返學討厭，所以我就問下新老師佢晌學校有冇事發生過，老師話冇，一切正常。

如事者我自己幫佢請假三星期，因佢情緒差到連房門都唔出，我完全唔知佢發生咩事，連我話公園都唔去，等左幾星期佢好啲我就帶佢出多啲街。

到4月我決心帶佢返學，夾硬換校服，抬佢行返學，入到學校課室佢大喊話好驚，要走，我忍心離開。點知佢返左2個星期啦，抗拒程度每日提高，我每日送完佢返學都聽到佢大喊尖叫，而收聲的時間亦每日需時更多，我可以話佢係一日比一日更驚返學。

我問過女女點解妳唔想返學，佢只答好驚學校，好驚哥哥，好驚老師，話返學唔開心唔好玩。我正煩惱究竟我應該繼續迫佢日日返學，定幫佢退學等9月先讀另一間K1? 究竟呢個係佢適應期定同學校唔夾？我宜家放棄係咪半途而廢? 定係佢係超細b所以未能喜歡返學？但點解頭2個月又適應得好好?

我想講教有經驗媽媽比意見我，見到女女每日咁尖叫式喊法又咁驚學校好心痛，點先對佢最好呢？

作者: Cutekillq 時間: 16-4-20 08:32 標題: 引用：我女女兩歲多，2歲時插班N,+頭兩個月返學完

原帖由 twingirlbabies 於 16-04-20 發表
我女女兩歲多，2歲時插班N, 頭兩個月返學完全冇問題，會自己行返班戶搵返自己位坐，晌農曆新年期間我接到學 ...

找別的學校插班。尊重小朋友決定

作者: meetrush 時間: 16-4-20 09:42 標題: 回覆：twingirlbabies 的帖子

如果是我，會尊重她的想法，畢竟這是N班，主要是學自理，不是傷心難過的地方。
讓她休息，透透氣，K1再開始上課囉。

作者: Cutekillq 時間: 16-4-20 09:54 標題: 回覆：焦急媽媽急問意見，需要退學嗎？

一係同學校相量，請該老師當面和小朋友見面，看咩事，研究邊個位有問題。不過小朋友可能發顛。如果佢咁驚，唔讀都好既。返下playgroup都得

作者: popopaco 時間: 16-4-20 10:02 標題: 回覆：焦急媽媽急問意見，需要退學嗎？

俾我唔會俾佢再讀，尊重佢決定，反正n班唔一定要讀，中有幾個月，等佢慢慢開心返之後，9月再返學

作者: acfun 時間: 16-4-20 10:03

尊重小朋友決定x2. 咁驚唔會係適應問題, 好可能係學校發生左D唔開心事.

作者: vpo0615 時間: 16-4-20 16:00

驚到咁好嚴重喎, 唔好俾佢返學住...講真學校未必會話俾你知個小朋友响學校發生咗乜事, 所以你未必搵到問題所在.......而家揾唔揾到K1學校?

作者: Park88 時間: 16-4-20 17:39

本帖最後由 Park88 於 16-4-20 23:33 編輯

回覆 twingirlbabies 的帖子

是否名幼N班，可直升K？而令你猶豫？！如果唔係，放棄吧！小朋友驚到咁，可能响學校有問題！就算是名幼N，其實我都會轉校，因為始終小朋友嘅反應咁大，返屋企仲呢埋床底！仲話好驚"哥哥"及老師，那位哥哥係邊位？老師？校工？同學？

作者: ensy 時間: 16-4-20 18:35 標題: 回覆：焦急媽媽急問意見，需要退學嗎？

PN就一定要暫停返，亦贊成K1轉校，不過問題似乎唔簡單... 放完假返一日學就咁大反應，當日可能有事發生令小朋友非常抗拒，又或者轉老師令佢情緒相當困擾。我覺得你可以考慮搵人幫手輔導下小朋友，令佢唔抗拒返學，否則幾個月後K1開學難保無相同問題。

作者: chungbb123 時間: 16-4-20 18:51 標題: 回覆：twingirlbabies 的帖子

聽到小朋友咁真係好心up，如情況繼續就要考慮遊戲治療。

作者: rai_fc 時間: 16-4-20 21:23

有沒有工人姐姐或其他照顧她的人可能會走或走了，所以她不願返學或只想在家？

作者: maxifoxy 時間: 16-4-20 22:39 標題: 回覆：焦急媽媽急問意見，需要退學嗎？

即quit，仲諗？

如果返學有陰影，影響深遠…

作者: yauyaumama2012 時間: 16-4-20 22:40 標題: 回覆：焦急媽媽急問意見，需要退學嗎？

發生呢件事，老師同校長唔會有啲咩建議嗎？如果小朋友咁大反應，而又冇方法正面搵出問題所在去解決，咁就真係考慮K1轉校啦

作者: kkfu927 時間: 16-4-21 08:53

我都會尊重小朋友決定，但亦會追查原因，才真正克服到小朋友的陰影

作者: foxchild 時間: 16-4-21 09:18

無論發生左咩事都好，返原校已不是一個選擇，因為你囡囡已認定好驚呢間學校。
快點安排轉校或上K時轉另一間。

作者: lokapo 時間: 16-4-21 12:27 標題: 回覆：焦急媽媽急問意見，需要退學嗎？

不如試下問下其他同學或家長，睇下知唔知發生咩事，或者有冇其他同學都有類似情況發生啦

作者: twingirlbabies 時間: 16-4-21 14:09 標題: 回覆：焦急媽媽急問意見，需要退學嗎？

學校說只是適應期，覺得係我過份緊張。

但我做媽咪覺得唔係咁簡單，因為佢頭兩個月唔係咁，係換左新老師後返左一日學之後突然既轉變。

我從學校問唔到任何野，我問個女佢只話好驚老師同學校，驚同學，我剛送完佢入課室佢仲係大喊大叫，老師走埋來話抱佢佢仲喊得更大聲，狂叫“好驚，好驚，媽咪救我”，個心真係好痛

作者: siusiumo 時間: 16-4-21 14:22

My heart ached when I read your posts. I am sure no one feels as worried and unhappy as you would be. I would definitely quit immediately because nothing is more important than the happiness and health (including the psychological health) of your daughter. I would not want the incident to create any long term damage to my baby. I dont think you have anything to lose by changing to another school, in any event, your daughter does not learn ANYTHING from school if she is so scared and unhappy so I think there is no point sending her back. There are lots of schools which are happy and caring and may still have vacacies due to rolling admission. PM me if you want a recommendation. But I would rather stop school than to ever bring her back again. Deep down, my gut feeling is that something must have gone wrong, but just my guess.

作者: foxchild 時間: 16-4-21 14:50

回覆 twingirlbabies 的帖子

一於決斷d quit 左去!

之前我個小朋友返某間幼稚園返得唔開心(但未去到你囡囡既程度)，我都幫佢轉左另一間。始終做媽媽既都希望見到小朋友開心咁返學。比佢休息一陣，情緒穩定左，再轉個新環境，可能已好好多。

作者: acfun 時間: 16-4-21 15:11

點解仲送去返學?! 如果真係學校有事令佢驚成咁, 送佢返去只會令情況更差

作者: twingirlbabies 時間: 16-4-21 15:16 標題: 回覆：acfun 的帖子

老師，學校同屋企人都話佢係摟計唔返學，叫我放手比時間佢適應，所以我想睇埋今個星期。

但佢復課兩星期，每一日只係驚得更多，我覺得佢唔係適應緊，係根本適應唔到，宜家決定退學我都被評為怪獸家長

作者: vpo0615 時間: 16-4-21 17:56

試吓俾佢返出面playgroup 學校開嘅學前班, 等個小朋友轉吓新環境, 而且唔使著校服, 小朋友可能感覺舒服D.

作者: vpo0615 時間: 16-4-21 17:59

如果佢適應到其他地方嘅學前班, 咁就可以向屋企人證明到, 小朋友係真係抗拒而家嗰間幼稚園!

作者: bellarie 時間: 16-4-21 19:14 標題: 回覆：焦急媽媽急問意見，需要退學嗎？

比我吾會再返。反應太激烈。
比小朋友休息下！佢一定要享受返學

作者: Kristen0802 時間: 16-4-21 20:01 標題: 引用：老師，學校同屋企人都話佢係摟計唔返學，叫

原帖由 twingirlbabies 於 16-04-21 發表
老師，學校同屋企人都話佢係摟計唔返學，叫我放手比時間佢適應，所以我想睇埋今個星期。

但佢復課兩星期， ...

如果係我，唔理點比人話係怪獸家長我都唔會再帶佢返去，佢反應大到咁，根本唔係一般扭計咁簡單

作者: twingirlbabies 時間: 16-4-21 20:31 標題: 回覆：vpo0615 的帖子

其實佢返過3個月學前班先正式返N

之前既學前班都係分離式，佢自己拉龍入班房，我在大堂睇monitor等佢觀課，佢從第一日都冇喊過，直到返呢間幼稚園N頭2個月都一樣冇喊過，返屋企仲會講下食過咩，唱咩歌，邊個同佢玩，邊個同學有喊等等，總之一切正常。

轉捩點係轉班主任後返學之後既第2日出現大抗拒。佢宜家見到任何校服，書包都會叫我掉落垃圾桶，校服佢偷偷想擺入厠所沖走佢

作者: Cutekillq 時間: 16-4-21 20:35 標題: 引用：其實佢返過3個月學前班先正式返N 之前既學

原帖由 twingirlbabies 於 16-04-21 發表
其實佢返過3個月學前班先正式返N

之前既學前班都係分離式，佢自己拉龍入班房，我在大堂睇monitor等佢觀課 ...

咁退學會有那方面擔心？

作者: twingirlbabies 時間: 16-4-21 20:44 標題: 回覆：Cutekillq 的帖子

其實退學我所憂慮係:

1。究竟係我女自己情緒出現問題，定學校問題。
2。轉左校係咪會出現同樣情況
3。呢間幼稚園近家，升小ok,退左學冇得上K1

作者: MarcusMaC9 時間: 16-4-21 21:10 標題: 引用：其實退學我所憂慮係: 1。究竟係我女自己情

原帖由 twingirlbabies 於 16-04-21 發表
其實退學我所憂慮係:

1。究竟係我女自己情緒出現問題，定學校問題。

但而家應先安定囡囡情緒。原校升唔到K同升小問題先不理。

作者: anpanman_baby 時間: 16-4-21 21:24 標題: 引用：我女女兩歲多，2歲時插班N,+頭兩個月返學完

原帖由 twingirlbabies 於 16-04-20 發表
我女女兩歲多，2歲時插班N, 頭兩個月返學完全冇問題，會自己行返班戶搵返自己位坐，晌農曆新年期間我接到學 ...

咁你宜家每日接佢放學佢係仲喊緊？神情係點？老師有冇話你走左之後佢喊幾耐？有冇參與活動，情緒如何？了解多d小朋友自己係學校的情況，如果佢長時間係學校都係好驚恐，都建議退學休息一排先。或者同佢參加d遊戲治療班，等有經驗的老師同佢傾下計開解下佢。

作者: anpanman_baby 時間: 16-4-21 21:32 標題: 引用：我女女兩歲多，2歲時插班N,+頭兩個月返學完

原帖由 twingirlbabies 於 16-04-20 發表
我女女兩歲多，2歲時插班N, 頭兩個月返學完全冇問題，會自己行返班戶搵返自己位坐，晌農曆新年期間我接到學 ...

或者咁講，有d小朋友好古惑，係你面前可以喊到好淒涼，但當你離開左佢就會好快無事，我明白如果退學，怕小朋友會以後會用同一個方法去逃避新事物/新挑戰。所以你應該先了解小朋友係真係不尋常恐懼定暫時未適應新老師，如果你認為佢真係長時間情緒好差,就應該先退學罷

作者: (=.=) 時間: 16-4-21 21:33 標題: 回覆：twingirlbabies 的帖子

可唔可以同老師講轉另一班另一老師試下？

作者: jacejace 時間: 16-4-21 23:49 標題: 回覆：焦急媽媽急問意見，需要退學嗎？

睇完你bb話媽咪救我，好心痛，最多返pg, 唔好讀了

作者: maxifoxy 時間: 16-4-22 00:33 標題: 引用：Quote:原帖由+twingirlbabies+於+16-04-20+

原帖由 anpanman_baby 於 16-04-21 發表
或者咁講，有d小朋友好古惑，係你面前可以喊到好淒涼，但當你離開左佢就會好快無事，我明白如果退學，怕小 ...

但係佢講到係屋企反應都好激烈，我信個小朋友係真係驚恐

作者: Cypris 時間: 16-4-24 01:21

尊重小朋友決定, 轉個新環境!

作者: mandy_ng207 時間: 16-4-25 13:54

Will you consider observing your girl's lesson (wait outside) for one day? Just to check how she behaves during lesson when you are away.

作者: Shangrila 時間: 16-4-25 14:53 標題: 回覆：焦急媽媽急問意見，需要退學嗎？

我仔開學時又係好唔想返學，影響埋睡眠，晚晚喺廳唔肯返房瞓，以為唔瞓就唔會到第二朝！情緒又差，我哋當時都唔知點算。後來我哋帶咗佢去睇心理學家。雖然佢嗰時得兩歲多啲，但心理學家透過一邊同佢玩玩具，一邊傾計，問得出佢話學校老師同姨姨好惡。後來佢寫信請學校配合做一啲調適，例如一日只返一個鐘，再慢慢加上去。不過佢成日病又夾埋啲長假期，情況好咗之後，一放咗假就重新嚟過！其實佢到今時今日返學都仲喊，我都覺得好難受。但我同我先生一直都取唔到共識，佢唔主張退學，我就好想幫佢退學。因為影響咗返學嘅興趣，我覺得真係唔值得。
本來我今日上嚟係好想問吓大家意見，但見其他人對你嘅回應，我相信大家都係會叫我幫佢退學。俾我揀，我都係覺得應該退。
但我都會建議你可以帶佢睇吓醫生或心理學家，睇吓揾唔揾到原因。

作者: AJBabies 時間: 16-4-28 01:14 標題: 引用：其實佢返過3個月學前班先正式返N 之前既學

原帖由 twingirlbabies 於 16-04-21 發表
其實佢返過3個月學前班先正式返N

之前既學前班都係分離式，佢自己拉龍入班房，我在大堂睇monitor等佢觀課 ...

間幼稚園係咪名幼唔放棄唔得？如果唔係名幼而又係私幼咁我會選擇quit！因為你比得起嘅學費出去都應該搵到私幼學位，好過小朋友日日返學都咁驚心動魄，真係會有陰影架！好似我個囝3歲讀k1其實都鐘意返學嘅，開頭返學都好開心，但返返下2個月左右突然有晚臨瞓同我講話唔鐘意返學，唔鐘意老師、同學，我問咩事佢就話老師惡（佢同我講老師惡嘅原因係佢搣同學所以老師罰佢）跟住個兩日如常返學但都會提住話唔想返學，會喊！故此我有問班主任，係咪我小朋友曳所以你有罰過佢呢？老師話無，無鬧過無罰過，亦都無發生搣同學呢件事！老師話呢個可能係小朋友嘅過渡期，過咗就無事！我問老師時亦都係當住小朋友一齊問，因我都想知如果真係小朋友曳而比老師罰係應該，我都會加多把嘴話佢，但無曳嘅話都想老師同我自己一齊鼓勵小朋友要開心返學學知識！咁老師亦好好，亦都當面同我囝講老師幾時有鬧你呀，我仲有陪你玩滑梯食茶點呢（校內有戶外操場有滑梯玩）！仲鼓勵小朋友如果返學表現好老師就請食糖獎勵你啦咁！結果第2日老師亦如佢所承諾請咗我囝糖糖！宜家好間唔中間唔中會講下唔想返學，但我發覺原因主要係佢自己未瞓夠扭眼瞓先咁講！所以如有需要可以問清楚老師究竟有無咩事發生，如果老師都無明確答覆，即無法解決到，我會同小朋友轉校，如果轉咗新環境都係咁，可能如樓上jm講要同小朋友尋求一下心理輔導睇下問題係邊！但當中我諗媽媽你要再比多d關心小朋友同講解下返學有咩好處吸引下佢等佢願意返啦！加油！

作者: gumgumma 時間: 16-4-28 11:07

可唔可以分享係邊間幼稚園??

作者: connie.chungkp 時間: 16-4-30 09:53 標題: 引用：老師，學校同屋企人都話佢係摟計唔返學，叫

原帖由 twingirlbabies 於 16-04-21 發表
老師，學校同屋企人都話佢係摟計唔返學，叫我放手比時間佢適應，所以我想睇埋今個星期。

但佢復課兩星期， ...

帶小朋友返學的都係你？可能你屋企人無帶過佢返學無親眼見到個情況先咁講。如果你想屋企人認同你嘅決定，可以俾佢哋去試帶下 ; 如果你唔左乎佢哋點諗，就堅持自己決定，無謂俾小朋友驚多次

作者: connie.chungkp 時間: 16-4-30 09:59 標題: 引用：其實退學我所憂慮係: 1。究竟係我女自己情

原帖由 twingirlbabies 於 16-04-21 發表
其實退學我所憂慮係:

1。究竟係我女自己情緒出現問題，定學校問題。

1.繼續响度讀相信你唔會响度搵到答案
2.可以帶佢去其他學校，查詢下報下名插班都好，睇佢會唔會都抗拒其他學校環境。甚至乎報下其他幼稚園playgroup 俾佢試返下

作者: connie.chungkp 時間: 16-4-30 10:06 標題: 引用：其實退學我所憂慮係: 1。究竟係我女自己情

原帖由 twingirlbabies 於 16-04-21 發表
其實退學我所憂慮係:

1。究竟係我女自己情緒出現問題，定學校問題。

3.如果小朋友始終都唔返呢間學校，就算可以升大學都無用

間學校有幾多班pn?可以轉班？

作者: 星星的後裔 時間: 16-5-1 13:15 標題: 回覆：焦急媽媽急問意見，需要退學嗎？

退n 班, 轉校k1. 先處理情緒, 再處理事情.

歡迎光臨教育王國 (/)