教育王國

標題: 面試班？ [打印本頁]

作者: cathyangel 時間: 16-4-18 14:34 標題: 面試班？

頭先同隔離部門同事食飯，佢個仔半嵗，已經開始搵定學校資料，佢話佢阿姐3個女都由st cat入左女拔！佢問佢阿姐要點鋪路？阿姐介紹左間面試班俾佢，叫佢問下個老師應該點做？我上網搵到間面試班，但係打去又無人聽，因為唔近屋企，睇資料話要一個星期返2堂，心大心細中！但係見ek有前輩分享過這間面試班，好似真係幾好咁？但問題係打極電話都無人聽？應該上去睇下嗎？

作者: Cutekillq 時間: 16-4-18 18:03

你小朋友幾大？

作者: cathyangel 時間: 16-4-18 22:12

回覆 Cutekillq 的帖子

今年考k1

作者: Cutekillq 時間: 16-4-18 22:28 標題: 引用：回覆+Cutekillq+的帖子今年考k1

原帖由 cathyangel 於 16-04-18 發表
回覆 Cutekillq 的帖子

今年考k1

心儀邊啲學校？大b定細b?

作者: Choilailai 時間: 16-4-18 23:51

可PM邊間嗎？

作者: 99dogdog 時間: 16-4-19 01:37 標題: 回覆：面試班？

我識既近呢兩年入到名幼既小朋友不下20個（大部分係龍b), 冇一個有返過面試班，playgroup就有！呢班小朋友入既名幼包括SC, KV, KM, LH, PC, VIC! 幼稚園面試班幫助唔大，就算教到佢識幾多都好，小朋友去到陌生環境會有好多變數，一緊張可能會完全唔出聲甚至喊，咁又可以點呢？考幼稚園主要都係睇合眼緣，亦有機會睇埋父母跟學校理念是否一致，運氣就更加重要！小朋友外向唔怕羞的話會較有優勢！
所以幼稚園面試班作用不大，小學面試班就比較有用！

作者: LLKK 時間: 16-4-19 03:10 標題: 回覆：面試班？

你講緊為k1定考小一報讀？

作者: cathyangel 時間: 16-4-19 10:28

回覆 Cutekillq 的帖子

心儀龍校，7月算細b嗎？

作者: cathyangel 時間: 16-4-19 10:29

回覆 LLKK 的帖子

考k1呀！

作者: cathyangel 時間: 16-4-19 10:33

回覆 99dogdog 的帖子

因為e個面試班話要小朋友友尸自己上堂不用大人陪，我想考spk，希望到時肯自己入去唔扭計！我平時有同阿女上playgroup但是好似作用不大，所以又想試下

作者: Cutekillq 時間: 16-4-19 10:37 標題: 引用：回覆+99dogdog+的帖子因為e個面試班話要

原帖由 cathyangel 於 16-04-19 發表
回覆 99dogdog 的帖子

因為e個面試班話要小朋友友尸自己上堂不用大人陪，我想考spk，希望到時肯自己入去唔 ...

咁上下好啲。安樂啲。如果上左都唔得就認命：P

作者: LLKK 時間: 16-4-19 12:24 標題: 引用：回覆+LLKK+的帖子考k1呀！

原帖由 cathyangel 於 16-04-19 發表
回覆 LLKK 的帖子

考k1呀！

你心儀的學校，正是我女剛入到的。其實我很反對面試班，大仔就咁都考到名幼，所以我覺得不需要。但細女超級嗲、怕羞和唔肯講嘢。12月前考的學校都衰晒，我萬念俱灰唯有報了面試班，上了4堂之後去考spk。講真，我覺得老師普通，廣東話勁多懶音，英文文法又錯，教些中文生字又過深，是有點無謂。但唔知點解我女上時又好積極參與，interview 時那幾分鐘好似另一個人咁，所以有幸考到。我覺得成功的主因，是因為大個咗，已經快3歲了，你人成長咗叻咗。其實佢上班前，1月又居然俾佢考到間好嘢，所以我覺得是成長了的因素居多。

作者: cathyangel 時間: 16-4-19 13:37

回覆 LLKK 的帖子

我個女是好怕羞個隻，我上ek睇左d方法同阿女train下，如扮老師問佢問題，但是佢只會重覆我個問題，咁再教佢講答案，佢又一時時肯跟住講，教顏色又係全部都係紅色！我搵資料時睇左其他媽媽分享，佢女個case同我女幾似，所以想試下，反正試左唔適合就算，我都知唔係上左面試班就會考到！因為見好多話上左都無用！我只當見識下！

作者: puichingforsure 時間: 16-4-19 14:56

提示: 作者被禁止或刪除內容自動屏蔽

作者: LLKK 時間: 16-4-19 15:14 標題: 引用：Quote:LLKK+發表於+16-4-19+12:24+你心儀的

原帖由 puichingforsure 於 16-04-19 發表
如果你小朋友差唔多三歲，你可能感受面試班冇嘜用的感覺大D，因為我果個係中細B，我真心覺得如果我地冇上， ...

很同意！無上無 offer 時又可能會賴自己！

作者: puichingforsure 時間: 16-4-19 15:16

提示: 作者被禁止或刪除內容自動屏蔽

作者: LLKK 時間: 16-4-19 15:17 標題: 引用：回覆+LLKK+的帖子我個女是好怕羞個隻，我

原帖由 cathyangel 於 16-04-19 發表
回覆 LLKK 的帖子

我個女是好怕羞個隻，我上ek睇左d方法同阿女train下，如扮老師問佢問題，但是佢只會重覆 ...

認顏色要一個個階段來，練 interview 答案都係。其實氫單一標準答案，尤其是 creative 的那種happy school. 然而 interview 多問題的時候不多，我遇到的很多都是要做嘢的「動作題」。

作者: 大埔之友 時間: 16-4-19 16:43 標題: 回覆：puichingforsure 的帖子

無錯值唔值好睇結果. 比得起, 上左安心d 咪上囉.

作者: Cutekillq 時間: 16-4-19 19:01 標題: 引用：無錯值唔值好睇結果.+比得起,+上左安心d+咪

原帖由 大埔之友 於 16-04-19 發表
無錯值唔值好睇結果. 比得起, 上左安心d 咪上囉.

Agree.... 花錢，花時間，如果用左黎去一次旅行，又唔知點解又大個左好多。家長如果報堂，報啲唔好太過要你一次屈好多錢果啲，可短短地試完啱既再報。識人貪平買了24堂，上到唔想上

作者: cclemon2009 時間: 16-4-19 22:27 標題: 回覆：面試班？

如果家長有時間的話(我是在職媽媽)，自己教小朋友一定比上面試班好和有效，我自己有兩個小朋友，兩個都冇上過任何面試班和playgroup, 大仔幾年前考到多間名幼和龍校，而細囡今年只考龍校亦有幸全部有offer, 其實幼稚園面試題目吾難，主要考反應和禮貌，父母只要肯花時間由細教導他/她們基本禮貌，多帶小朋友出外見多d人和事物，並多訓練他們獨立，玩多d吾同類型的遊戲，效果一定比上幾堂面試班好。

作者: 大埔之友 時間: 16-4-20 00:53 標題: 引用：如果家長有時間的話(我是在職媽媽)，自己教

原帖由 cclemon2009 於 16-04-19 發表
如果家長有時間的話(我是在職媽媽)，自己教小朋友一定比上面試班好和有效，我自己有兩個小朋友，兩個都冇上 ...

勁, 咁多啲分享心得比其他家長.

作者: puichingforsure 時間: 16-4-20 00:53 標題: 引用：如果家長有時間的話(我是在職媽媽)，自己教

提示: 作者被禁止或刪除內容自動屏蔽

作者: cclemon2009 時間: 16-4-20 09:34 標題: 引用：Quote:原帖由+cclemon2009+於+16-04-19+發

原帖由 puichingforsure 於 16-04-20 發表
介意說說你的兩位小朋友是哪個月份出世嗎?

一個4月b，另一個是2月b

作者: kamgat 時間: 16-4-20 11:40 標題: 引用：回覆+Cutekillq+的帖子心儀龍校，7月算細

原帖由 cathyangel 於 16-04-19 發表
回覆 Cutekillq 的帖子

心儀龍校，7月算細b嗎？

7月B，我覺得至少要去上playgroup，我女9月B，發展能力上同大B冇得比，但佢上開playgroup見慣老師，我覺得對interview好有幫助，至少佢唔怕老師，而且習慣互動同懂得上課規律。

作者: vpo0615 時間: 16-4-20 16:18

有D playgroup 會幫手訓練小朋友自己入課室上堂, 我諗如果讀吓呢D, 會比面試班更有幫助.

作者: cathyangel 時間: 16-4-20 21:17

今日lunch終於上左去，匯報一下先！我同我同事上去，因為佢都想睇下係點，出年幫佢仔報名。上到去見到好多都係著校服，大部份名幼小朋友，應該剛上完堂，老師會同媽媽講上堂表現。我去到時個老師同梗個媽媽傾計，佢女應該係今年考小學，因為個老師同佢揸住張學校名單逐間講，講左好耐先到我！（不過學左好多野）

到我表明來意時，個老師都好詳細解釋上堂學咩，但係佢強調係想教導小朋友習慣性，即係習慣坐定定，習慣專注老師講野，唔好周圍走，習慣答老師問題同互動。反而話認知之類要靠係屋企經常溫習，因為咁細個好難教一兩次就識，或者隔一排好易唔記得，要我地配合先會有用，係屋企跟番上堂教個套方法先得。如果只是想去上完堂就考到係無可能！咁我又問佢點改善害羞唔出聲問題，佢問左我阿女性格，再教我點做，不過佢都話性格係生成，唔好諗住做d野可以完全改變個小朋友，只可以改善。
我覺得個老師都幾中肯，好有經驗，唔會hard sell，因為我問過幾間，好多都只係話自己好勁，上堂就會考到，都無問過我女係點！仲有老師話到時有offer都要根據小朋友性格去揀一間適合的，唔一定最熱門的龍校就一定係最好，仲講左佢以前學生的例子俾我聽！最後叫我返去同屋企人適量，覺得合適先再去報名，講左差不多成個鐘！攪到我遲大到只買左個包返公司食。頭先同老公適量過應該會試下，就算考唔到都希望學下野點教女。

作者: cathyangel 時間: 16-4-20 21:21

回覆 kamgat 的帖子

我有返playgroup呀！10個月就開始上！我女都好鍾意上，但係真係純play, 去考pn 的時候又係十問九唔應，覺得無咩用！

作者: 964000 時間: 16-4-21 04:21 標題: 引用：回覆+kamgat+的帖子我有返playgroup呀！1

原帖由 cathyangel 於 16-04-20 發表
回覆 kamgat 的帖子

我有返playgroup呀！10個月就開始上！我女都好鍾意上，但係真係純play, 去考pn 的時候 ...

請問你間面試班係邊間呀？

作者: SK921 時間: 16-4-21 09:47

cathyangel 發表於 16-4-20 21:17
今日lunch終於上左去，匯報一下先！我同我同事上去，因為佢都想睇下係點，出年幫佢仔報名。上到去見到好多 ...

請問你介唔介意話我知面試班係邊間呀？因為我個係9月b, 想問定先, thanks

作者: cclemon2009 時間: 16-4-21 09:51 標題: 回覆：面試班？

題外話，好多人用幾伯蚊影面試相，我吾知對面試有冇幫助，但我自己對仔女，大仔只用pn 班校服相報名，細囡是我自己在屋企影的校服照報名，一樣有心儀 offer, 我深信別人有而我冇的(面試班和靚面試相)，我未必一定因此而輸，相反，別人有的也未必一定贏。
所以面試班可能對面試係有幫助，但冇上面試班吾代表一定輸，各位媽媽加油！

作者: cathyangel 時間: 16-4-21 10:50

回覆 964000 的帖子

Sorry, 純討論，唔想俾人話做媒！所以唔開名了

作者: cathyangel 時間: 16-4-21 10:58

回覆 cclemon2009 的帖子

我都聽好多人講自己教好過靠人！但係我又要番工，平時放工番到屋企最多得3個鐘陪個女，又無係好識教，所以都想學下野！我唔期望上完個面試班一定考到心儀學校，只係希望可以學下點教女！我都同意個老師話，唔係識做晒答晒問題就一定叫叻！咁細個應該培養守規矩同專注力，去到邊都用得著！完全解開左我心結！

作者: kamgat 時間: 16-4-21 11:09 標題: 引用：回覆+kamgat+的帖子我有返playgroup呀！1

原帖由 cathyangel 於 16-04-20 發表
回覆 kamgat 的帖子

我有返playgroup呀！10個月就開始上！我女都好鍾意上，但係真係純play, 去考pn 的時候 ...

照計會有基本禮貌會教喎，例如俾嘢小朋友會要求佢講謝謝

作者: Yeahly_ly 時間: 16-4-21 12:04 標題: 回覆：面試班？

我覺得中細B可能返下面試班會有用d....大B就in多幾間熟習下interview就ok....(但心儀學校好早就開始in另計)

作者: cathyangel 時間: 16-4-21 13:04

回覆 kamgat 的帖子

我個playgroup大多時間係做手工，講故事，唱下歌咁，老師只是派野俾家長然後同個小朋友一齊做，無要求小朋友講多謝，通常係我會叫個女自己接，順便講多謝！但係個女未必肯講，好難逼！

作者: cathyangel 時間: 16-4-21 13:17

回覆 Yeahly_ly 的帖子

我覺得睇性格！我有朋友仔女都係大b, 又係去面試唔肯答，但係平時超多野講！真係好睇小朋友心情！
我有問過個老師點樣令小朋友開口答問題？佢話要令佢地鍾意個遊戲，玩得多習慣左模式會有安全感，咁表現會穩定d,好似大人出去見工咁，如果完全唔知見工會問你咩問題大人都會緊張，何況咁細個小朋友！又要做好心理輔導，話佢知幾時會去邊到玩，其他同學仔又會一齊去，到時可能會見到同學仔，一齊同小朋友玩好開心！平時上堂的課室類似學校課室，等佢地去到見到類似地方會安心D. 我覺得幾有用！

作者: vpo0615 時間: 16-4-21 15:19

回覆 cathyangel 的帖子

我覺得你呢個PLAYGROUP 都幾HEA, 所以應該無乜作為.

作者: absun 時間: 16-4-21 15:32

三歲太細個, K1面試其實好日常生活化的,玩下玩具, 睇下小朋友禮貌, 面試班幫助唔太大!

作者: Yeahly_ly 時間: 16-4-21 16:43 標題: 引用：回覆+Yeahly_ly+的帖子我覺得睇性格！我

原帖由 cathyangel 於 16-04-21 發表
回覆 Yeahly_ly 的帖子

我覺得睇性格！我有朋友仔女都係大b, 又係去面試唔肯答，但係平時超多野講！真係好 ...

咁咪即係唔洗上面試班啦~我大女2月B~無上~去多幾間in咪月來月好

作者: 大埔之友 時間: 16-4-22 07:53 標題: 引用：Quote:原帖由+cathyangel+於+16-04-21+發表

原帖由 Yeahly_ly 於 16-04-21 發表
咁咪即係唔洗上面試班啦~我大女2月B~無上~去多幾間in咪月來月好

...

我覺得你要知1)你想考邊間, 2)學校考什麼?,3) 你認為你能否教到佢做到要求. 如果自己搞唔掂, 追唔切, 又或都是唔知學校要咩, 又你一定要某神校, 龍校. 咪出去搵人幫. 另, 我覺得最難唔係顏色, 認動物, 疊積木等. 最難是唔痴身, 有禮貌. 你睇返好多家長考完出黎講, 小朋友做到晒老師要求而唔收. 我覺得是禮貌. 一d 學校要分開考就一定要訓練佢獨自入課室唔喊. 最後, 報多唔係問題, 但真係唔好一日考四間. 見有媽咪話唔撞時間, 安排一日考四間. 可能最後佢有好學校收, 但又未必太辛苦了.

作者: cathyangel 時間: 16-4-22 09:35

回覆大埔之友的帖子

非常認同！
唔痴身真係難攪！需然唔係間間都要自己入房interview,但係好似 st cat都有一關係分開坐，唔係旁邊或後面？我個女一定唔濟！

作者: 大埔之友 時間: 16-4-22 11:20 標題: 引用：回覆+大埔之友+的帖子非常認同！唔痴身真

原帖由 cathyangel 於 16-04-22 發表
回覆大埔之友的帖子

非常認同！

我知培正, 聖保祿會要求獨自入班房. 德望就會坐得好開. 自己考過的其他都會是父母在身邊. 喊的小朋友失敗率好高, 但亦有人話都收左. 我覺得好視乎小朋友喊到是否不可評核, 同老師有幾包容. 但一般有8,9成小朋友唔喊, 你小朋友要好突出至可以又喊又收.

作者: cathyangel 時間: 16-4-22 11:31

回覆大埔之友的帖子

我就係驚個女唔肯自己入去，我有個朋友佢個仔3月，有讀York pn, 返學無問題，好似老師都讚佢乖之類，但係去培正喊住唔肯自己入，最後都無in到，其他又係全軍覆沒！好彩最後根德園call waiting收左！

作者: 大埔之友 時間: 16-4-22 20:10 標題: 引用：回覆+大埔之友+的帖子我就係驚個女唔肯自

原帖由 cathyangel 於 16-04-22 發表
回覆大埔之友的帖子

我就係驚個女唔肯自己入去，我有個朋友佢個仔3月，有讀York pn, 返學無問題，好似老 ...

恭喜他, 我小朋友無喊但唔收. 每個小朋友唔同, 如果是我小朋友喊, 可能是因為眼訓. 所以家長要明白小朋友習性, 好好安排. 我亦唔明白點可以一日in 四場.

作者: gamee11 時間: 16-4-23 18:52 標題: 引用：我識既近呢兩年入到名幼既小朋友不下20個（

原帖由 99dogdog 於 16-04-19 發表
我識既近呢兩年入到名幼既小朋友不下20個（大部分係龍b), 冇一個有返過面試班，playgroup就有！呢班小朋友 ...

Agree!

作者: Fish1223 時間: 16-4-25 01:36 標題: 回覆：cathyangel 的帖子

請問係邊間面試班？可以pm我嗎？thx!

作者: Fish1223 時間: 16-4-25 01:37 標題: 引用：今日lunch終於上左去，匯報一下先！我同我

原帖由 cathyangel 於 16-04-20 發表
今日lunch終於上左去，匯報一下先！我同我同事上去，因為佢都想睇下係點，出年幫佢仔報名。上到去見到好多 ...

請問係邊間面試班？可以pm我嗎？thx!

作者: lochoichunjenny 時間: 16-4-27 13:14

請問係邊間面試班？可以pm我嗎？thx!

作者: hflam 時間: 16-4-27 20:54 標題: 引用：如果家長有時間的話(我是在職媽媽)，自己教

原帖由 cclemon2009 於 16-04-19 發表
如果家長有時間的話(我是在職媽媽)，自己教小朋友一定比上面試班好和有效，我自己有兩個小朋友，兩個都冇上 ...

我非常認同cclemon2009的看法。我同佢一樣系在職媽媽，從來無比2個仔女上任何面試班。2個K1前都只系上過下一些普通playgroup。结果大B考到龍幼及一些出名難考到的happy school,细B下學年都會入龍幼讀。
其實大B間幼稚園的校長都話唔希望家長太早催谷孩子。自知對仔女唔係最top 最sharp那些，我亦唔需要佢站最前。我只會教2個孩子有禮貌懂得做過好人好公民。可能有些人會覺得考到名校龍校好威好神。但贏在起跑線是否等同能做最後贏家，無人知。與其機關算盡非考到名校龍校不可，倒不如教孩子如何做一個好人有公德的人，令社會少一個壞人。

P.S.其實就算系龍校的家長好多都會好務實好謙虛的，我身邊都有好多。

歡迎光臨教育王國 (/)