教育王國

標題: 九月頭B幼稚園選擇 [打印本頁]

作者: yucoyi 時間: 16-4-14 13:22 標題: 九月頭B幼稚園選擇

我個女今年K1，得藍田啟思同新寶城greenville有PM offer。究竟揀邊間好呢？
人地話啟思係happy school，但程度低，除非諗住讀啟基小學，又唔係就唔好讀啦。

我初頭諗住讀住K1，下年再考過第二間，repeat K1。但原來好多學校都唔收9月頭超大B。說實話，我個女到現在講野都係唔得，唔係好識講野(連自己個名都唔識叫)同答問題。我估佢就算今年再in，入到好學校既機會都好渺茫。所以藍田啟思同greenville兩間，你地係我，會點揀呢？

作者: mykate 時間: 16-4-14 14:09 標題: 引用：我個女今年K1，得藍田啟思同新寶城greenvil

原帖由 yucoyi 於 16-04-14 發表
我個女今年K1，得藍田啟思同新寶城greenville有PM offer。究竟揀邊間好呢？
人地話啟思係happy school，但 ...

路過。

唔好介意。。。

你女女兩歲幾半，呢個年齡應該會講自己名字之類。。。可能要留意下。

作者: yucoyi 時間: 16-4-14 14:13

回覆 mykate 的帖子

係呀，排緊協康會做測試，睇下係唔係有發展遲緩

作者: 貝珠 時間: 16-4-14 16:24 標題: 回覆：九月頭B幼稚園選擇

Greenville 讀過的人都讚，語境很好。但你女女語言慢d，啟思好似廣東話為主，會不會適合d呢？

作者: ME1227 時間: 16-4-14 19:50 標題: 回覆：九月頭B幼稚園選擇

Greenville

作者: 大埔之友 時間: 16-4-14 19:57 標題: 回覆：九月頭B幼稚園選擇

Greenville 好似較好, 上小結果都幾好. 語言方面, 現在都講唔到名, 要睇醫生,真係較慢. 但你地平時又有無人同佢講野? 有無上N 班 playgoup. 之前母嬰健康院應該有check, 無轉介你地咩?

作者: MrBeast 時間: 16-4-15 06:18

若真的speech delay，通常speech therapist 都會建議focus on 母語先，hence 如家中以中文為主，最好讀中文為主的kg.

作者: puichingforsure 時間: 16-4-15 07:42 標題: 回覆：九月頭B幼稚園選擇

提示: 作者被禁止或刪除內容自動屏蔽

作者: yucoyi 時間: 16-4-15 10:37 標題: 回覆：大埔之友的帖子

有轉介，但至少排一年。排協康會囉家陣，應該五月中有得做測試，到時就知咩事。

咁即係簡d講，如果佢一切正常，就greenville，有delay，就啟思。

其實我只係驚讀啟思影響佢小一出去考直資/私立。即係會唔會人地一見佢啟思出既，就覺得佢一定差過人？最驚標籤左啫。

作者: yucoyi 時間: 16-4-15 10:41 標題: 回覆：大埔之友的帖子

佢有上playgroup。佢老師話佢起步係慢左，但覺得佢pick up得幾好。佢話應該係小問題。我唔知啦，佢去健康院個日非常唔鍾意個醫生，超搗蛋，希望到時做assessment個陣合作，又唔係唔知佢咩事就麻煩。

作者: 貝珠 時間: 16-4-15 11:18 標題: 引用：有轉介，但至少排一年。排協康會囉家陣，應

原帖由 yucoyi 於 16-04-15 發表
有轉介，但至少排一年。排協康會囉家陣，應該五月中有得做測試，到時就知咩事。

咁即係簡d講，如果佢一切 ...

咁你又唔好咁講啟思，我識人讀九龍塘啟思考入培正小一。都係果句，選適合小朋友的學校最重要。

作者: 99dogdog 時間: 16-4-15 17:49 標題: 引用：有轉介，但至少排一年。排協康會囉家陣，應

原帖由 yucoyi 於 16-04-15 發表
有轉介，但至少排一年。排協康會囉家陣，應該五月中有得做測試，到時就知咩事。

咁即係簡d講，如果佢一切 ...

咁其實你自己都標籤緊間學校「程度低」！每間學校都有佢既特色和優點，唔通深就一定最好？最緊要個小朋友培養到學習興趣又跟得上先得，如果間學校偏深而又要夾硬谷佢就只會適得其反！有朋友由啓思去名津小，成績長期名列前茅，奧數亦時常攞獎；所以揀幼稚園都要迎合小朋友個性，打好根基就自然事半功倍！

作者: MrBeast 時間: 16-4-15 23:46

yucoyi 發表於 16-4-15 10:37
有轉介，但至少排一年。排協康會囉家陣，應該五月中有得做測試，到時就知咩事。

咁即係簡d講，如果佢一切 ...

考小一面試表現是最重要，有offer功勞最大是父母，其次才是kg，事實上我身邊不少名幼生都不一定有好offer.
至於選kg, 我會考慮小朋友發展、資質，尤其是細B，miss match 不單學不到野，還會影響自信。

作者: 964000 時間: 16-4-16 06:15 標題: 引用：Quote:原帖由+yucoyi+於+16-04-15+發表有轉

原帖由貝珠於 16-04-15 發表
咁你又唔好咁講啟思，我識人讀九龍塘啟思考入培正小一。都係果句，選適合小朋友的學校最重要。

...

咪係，我識人啟幼考入英華，德望，一D都吾差喎

作者: yucoyi 時間: 16-4-16 09:30 標題: 回覆：964000 的帖子

其實我自己當年都係啟思入聖心。但太多親朋戚友講太多negative comment，我驚到時真係入小一麻煩就大獲。

作者: anpanman_baby 時間: 16-4-16 16:15 標題: 引用：其實我自己當年都係啟思入聖心。但太多親朋

原帖由 yucoyi 於 16-04-16 發表
其實我自己當年都係啟思入聖心。但太多親朋戚友講太多negative comment，我驚到時真係入小一麻煩就大獲。

...

唔好咁容易受人影響，小朋友係自己架麻，其實呢個世界無最好的學校，只有最適合自己小朋友的學校。以你小朋友的case,啟思會比較適合，因為啟思係母語教學，翠恩英文上堂時間比較多，怕會令你小朋友更加有混淆。其實我小朋友n班都係啟思，啟思課程比較輕鬆但唔代表零學術，而且學術只係全人發展的一部份，與人溝通/相處，自理、學習興趣、品德教育，啟思做得唔錯。

作者: QKiu 時間: 16-4-22 00:57 標題: 回覆：yucoyi 的帖子

我都係路過，其實兩間學校我也不太懂；不過想分享下我case, 我仔現在兩歲9個月，在歳半至兩歲時已發現佢講嘢一直較慢，唔多講到單字，連爸媽也很少講，因關注問題，兩歲時已搵協康做評估，健康院唔比位排政府，我搵醫生寫信排政府評估... 協康結果是智力正常，說話遲緩約一年...(但政府現在還未排到)... 由那時開始已四出搵私人機構或排NGO做治療...幸得多方朋友幫忙，好快比我排到(因好的機構都好多人排，至少半年以上,睇要咩時間)...做了約四個月治療再加上有N班返學，明顯進步很多, 現時已可追回進度，但都要多鼓勵及跟進佢說話表達... 但因為佢in N 班時表達唔到，只有兩間英文為主的學校有offer, 我都焗住比佢返(雖然深明中文學校對佢較好)，因為想佢接觸多些同齡小朋友，希望刺激到佢多説話...果然效果真係ok...佢又真係讀/認到好多英文字，也讀得開心，仲攞埋進步奬(因入學時真的是一舊飯，只懂喊炸)... 但中文字就好少睇，所以認唔到... 黎緊K1, 我同佢轉返一間中文幼稚園了，希望佢都可以開心學習...BTW, 政府評估還未排到... 以上case for 你參考下...祝囡囡愉快學習...

作者: mapp2009 時間: 16-4-26 10:06

本帖最後由 mapp2009 於 16-4-26 10:13 編輯

DEL

歡迎光臨教育王國 (/)