教育王國

標題: 得個吉 [打印本頁]

作者: ng10875520 時間: 16-4-11 12:54 標題: 得個吉

其實有無仔女去左外地讀書但讀唔成得個吉反嚟(畢唔到業)

作者: mugtaitai 時間: 16-4-11 13:13

ng10875520 發表於 16-4-11 12:54
其實有無仔女去左外地讀書但讀唔成得個吉反嚟(畢唔到業)

當然有。我兩個表弟，我姑仔，仲有幾個朋友都係咁

作者: nintendo 時間: 16-4-11 13:23

有，好多。
好多唔認冇畢業，反正親友唔會問佢拎張證書睇。

作者: db7mu23 時間: 16-4-11 13:26 標題: 回覆：得個吉

識10人左右!

作者: ng10875520 時間: 16-4-11 13:57 標題: 回覆：得個吉

如果真係唔認嘅咁其實做家長嘅係咪都唔面對現實呢？去外國讀書係面子問題?

作者: Mighty 時間: 16-4-11 14:12

其実看情形吧。　如果子女努力過、但不習慣、結果回来了、做父母的、無需要周囲去唱吧。　出外国読書、現今不是面子不面子、以前可能真係有銭先可譲子女到外国読書、EE+、中産都可以、当然是辛苦的。　不知楼主出貼有何原因？

作者: ng10875520 時間: 16-4-11 14:24 標題: 回覆：Mighty 的帖子

就係因為我唔係有錢人,諗住盡父母責任盡力比機會仔仔去讀,佢亦知我地苦心,但自知仔唔係讀書材料，又唔敢比壓力,所以好矛盾,驚到最後得個吉,

作者: siumiu2010 時間: 16-4-11 14:47

投資一定有風險, 何況係仔女

作者: 亮燈 時間: 16-4-11 15:13 標題: 引用：就係因為我唔係有錢人,諗住盡父母責任盡力

原帖由 ng10875520 於 16-04-11 發表
就係因為我唔係有錢人,諗住盡父母責任盡力比機會仔仔去讀,佢亦知我地苦心,但自知仔唔係讀書材料，又唔敢比 ...

我同你情況一樣，但都送兩個仔去英國讀書，而我絕無諗過回報，點解？

點解？我之前都講過，子女既飲食、住宿、衣著、教育…等，係我地為人父母既責任，如果事事講回報，我一定唔會贊成生小朋友，買股票、樓好過。佢地既教育係好重要，包括家教、知識…等，所以有能力而佢地又願意的話，一定要送佢地出國讀書，無論成功或失敗回來，因為這種經歷唔係咁多人可以擁有既！呢樣就係重點！

作者: ng10875520 時間: 16-4-11 15:43 標題: 回覆：亮燈的帖子

我唔係講回報呀～我知做父母係要無條件付出嘅。。我只係擔心大家經唔起考驗,因為我只係個年輕媽媽,我識得嘅道理行過嘅經歷都有話比仔知。。怕自己仲有嘢做得唔夠好。。。又怕做多左令大家有壓力。。

作者: 亮燈 時間: 16-4-11 16:10 標題: 引用：我唔係講回報呀～我知做父母係要無條件付出

原帖由 ng10875520 於 16-04-11 發表
我唔係講回報呀～我知做父母係要無條件付出嘅。。我只係擔心大家經唔起考驗,因為我只係個年輕媽媽,我識得嘅 ...

明白，咁就簡單，順其自然，無為而治，只要事前分析清楚俾孩子知，之後條路就由佢地自己行出黎！將來會點？冇人會知，出國後既事情，無論家長及子女，都係一路行、一路學，記住：路，係人行出黎！大家一齊努力行啦！

作者: ng10875520 時間: 16-4-11 16:32 標題: 回覆：亮燈的帖子

你嘅說話好似明燈咁！多謝晒！

作者: 亮燈 時間: 16-4-11 16:45 標題: 引用：你嘅說話好似明燈咁！多謝晒！ +

原帖由 ng10875520 於 16-04-11 發表
你嘅說話好似明燈咁！多謝晒！

客氣，因為我自己係咁做，係咁諗，呢D係暫時既經驗，將來如果成功，就有成功既經驗，如果失敗，亦有失敗既經驗！

作者: merci2046 時間: 16-4-11 17:48

回覆亮燈的帖子

是呀! 不要把子女當成基金, 而自己是基金經理日日去評核和計算是否跑嬴/跑輸大市......

我們養仔女, 只希望他們有機會多見世面和具備求生技能
至於成就如何, 就看他們自己的修行和造化
畢竟自己的路最終要自己行

作者: lui 時間: 16-4-11 18:44 標題: 回覆：merci2046 的帖子

有能力（節衣縮食都係）點都會試下。香港教育制度系不好，佢在香港唔得在外國可能徱。

作者: 亮燈 時間: 16-4-11 19:47 標題: 引用：回覆+亮燈+的帖子是呀!+不要把子女當成基

原帖由 merci2046 於 16-04-11 發表
回覆亮燈的帖子

是呀! 不要把子女當成基金, 而自己是基金經理日日去評核和計算是否跑嬴/跑輸大市......

如果我係基金經理，我呢兩隻基金依家係嚴重跑輸大市

，但雖然係咁，我仍然會繼續幫佢地，無論將來點，我都無悔！

作者: 亮燈 時間: 16-4-11 19:49 標題: 引用：有能力（節衣縮食都係）點都會試下。香港教

原帖由 lui 於 16-04-11 發表
有能力（節衣縮食都係）點都會試下。香港教育制度系不好，佢在香港唔得在外國可能徱。

...

你所講既，就係我。依家唔止教育制度唔好，而係整個制度都唔好！

作者: Ruby1219 時間: 16-4-11 19:51 標題: 引用：Quote:原帖由+merci2046+於+16-04-11+發表

原帖由亮燈於 16-04-11 發表
如果我係基金經理，我呢兩隻基金依家係嚴重跑輸大市，但雖然係咁，我仍然會繼續幫佢地，無論將來點 ...

我睇回報，不過個回報係阿仔開吾開心，同我地關係好吾好，性格有冇獨立咗，成熟咗。好彩呢d方面我地都係賺😊😁

作者: 亮燈 時間: 16-4-11 19:58

Ruby1219 發表於 16-4-11 19:51
我睇回報，不過個回報係阿仔開吾開心，同我地關係好吾好，性格有冇獨立咗，成熟咗。好彩呢d方面我地都係賺& ...

同意，佢地可以獨立成長，呢個回報已足夠。

作者: lui 時間: 16-4-11 20:31 標題: 引用：Quote:原帖由+lui+於+16-04-11+發表有能力

原帖由亮燈於 16-04-11 發表
你所講既，就係我。依家唔止教育制度唔好，而係整個制度都唔好！

...

這個制度只利讀書叻的（大部死讀叻的），其他要啟發的冇運行

作者: skate 時間: 16-4-11 21:01 標題: 回覆：得個吉

咩情況下會無證書？

作者: Ruby1219 時間: 16-4-11 21:23 標題: 引用：Quote:Ruby1219+發表於+16-4-11+19:51+我睇

原帖由亮燈於 16-04-11 發表
同意，佢地可以獨立成長，呢個回報已足夠。

😁😁

作者: ng10875520 時間: 16-4-11 22:13 標題: 回覆：得個吉

原來大家都係節衣縮食。。。。。。所以我諗希望個仔知道屋企為佢嘅付出都係想佢有個正面嘅人生觀,可以獨立,積極嘅思想

作者: cffw 時間: 16-4-11 22:43 標題: 回覆：得個吉

提示: 作者被禁止或刪除內容自動屏蔽

作者: ng10875520 時間: 16-4-12 07:47 標題: 引用：有。我呢代個個出國升學，但唔係全部畢業，

原帖由 cffw 於 16-04-11 發表
有。我呢代個個出國升學，但唔係全部畢業，有個讀到好無心機，結果父母要佢返香港

...

咁到最後回港後咪好大打擊自信心?

作者: jollyma 時間: 16-4-12 08:47 標題: 回覆：得個吉

最大關鍵係佢想唔想,有時只係身邊朋輩影響,唔試就好似有遺憾咁,見到而家啲細路好多係高分低能,全部係靠屋企谷出嚟,一有中學收,就放軟手腳,全冇責任感,好唔甘心第時自己小朋友大個出嚟做嘢,要under呢班所謂高分低能人。如果可以出國體驗下放眼世界,個人係會成熟好多

作者: 梁媽媽 時間: 16-4-12 09:14

亮燈發表於 16-4-11 15:13
我同你情況一樣，但都送兩個仔去英國讀書，而我絕無諗過回報，點解？

點解？我之前都講過，子女既飲食、住 ...

亮燈兄有道理!!!
我都同我女講, 讀書叻唔叻唔多唔少講天資, 最緊要你有盡力去讀, 成績如何我亦能接受;

但人生唔係只得讀書, 你個人的品格好, 肯做肯捱, 日後出黎做野一定有你的機會, 明顯所見, 出國讀書訓練出他們的獨立, 自信, 與人相處, 眼界開闊... 這些都不是單單能計在學業成績上。

作者: Ruby1219 時間: 16-4-12 09:33 標題: 引用：Quote:亮燈+發表於+16-4-11+15:13+我同你情

原帖由 梁媽媽 於 16-04-12 發表
亮燈兄有道理!!!
我都同我女講, 讀書叻唔叻唔多唔少講天資, 最緊要你有盡力去讀, 成績如何我亦能接受;

完全同意！我今年暑假幫阿仔安排埋暑期工，幫我朋友搞e sports event, 開正佢嗰「範」，佢話都幾期待。我就好希望佢體驗下實戰工作，了解下「民間疾苦」。

作者: 亮燈 時間: 16-4-12 09:56 標題: 引用：最大關鍵係佢想唔想,有時只係身邊朋輩影響,

原帖由 jollyma 於 16-04-12 發表
最大關鍵係佢想唔想,有時只係身邊朋輩影響,唔試就好似有遺憾咁,見到而家啲細路好多係高分低能,全部係靠屋企 ...

香港太多高分低能人，點解？你睇下幾多補習雞精班就知啦！咁多學生自殺，點解？除左香港制度有問題，亦係香港教育只著重分數有關，其他就唔教，只要高分就等於叻、成功！

作者: anixon 時間: 16-4-12 10:04

我識一個細路，小學成績好差，又成日搏老師嘴，當然中一選校都麻麻。
佢主動提出要去外國讀書，因為老豆係公務員，就去咗英國。
讀完中學，返來香港，但考唔上大學。
可能有人覺得佢得個吉，但係我覺得佢脫胎換骨，因為見佢思想變得好正面、積極、兼且有禮貌。
之後佢做吓嘢又再進修，幾年前入咗上市公司，而且步步高升。
佢上司鍾意佢英文好，表達能力好，有創意、有自信。

作者: hennyyoyo 時間: 16-4-12 10:38 標題: 回覆：得個吉

呢個問題,我家姐同我講過!我諗作為父母,只係希望佢可以有更好前程。我女都不是一個讀書叻嘅人,佢讀得開心就算,我有同佢講佢努力讀,我會繼續供(太差的大學就不考慮),否則返來做麥當當

講真,邊有包生仔呢回事?我只係自己盡力做父母的責任吧!

作者: 馬媽媽 時間: 16-4-12 10:47

anixon 發表於 16-4-12 10:04
我識一個細路，小學成績好差，又成日搏老師嘴，當然中一選校都麻麻。
佢主動提出要去外國讀書，因為老豆係 ...

這是一個好的例子; 但我亦見過說粗口,吸煙, 賭錢,....;找到工作又不用工; 出国讀書有棘有唔棘.

作者: merci2046 時間: 16-4-12 10:53

回覆亮燈的帖子

香港教育只考慮功能性和結果, 所以造就了補習班和雞精班一味靠貼士, 以最短時間拿最高分數為之最好, 用來衡工量值
但往往缺乏了自理能力, 個人批判性思維啟發, 亦無創做力,
最不幸是沒有抗逆能力, 父母全都鋪排了, 連跌倒都不用自己站起來, 到最後是不能站起來, 因此遇到困難時無法自行解困, 畢竟"辦法總比困難多"

作者: 亮燈 時間: 16-4-12 10:57 標題: 引用：我識一個細路，小學成績好差，又成日搏老師

原帖由 anixon 於 16-04-12 發表
我識一個細路，小學成績好差，又成日搏老師嘴，當然中一選校都麻麻。
佢主動提出要去外國讀書，因為老豆係 ...

其實重點係：佢有國際視野

作者: lorraine_lam 時間: 16-4-12 11:01

所以我覺得一間岩ge學校特別係去到外國好緊要
好影響成長&有冇自律性
也許去之前問多D人同聽下talk 會易D搵到好學校

作者: 亮燈 時間: 16-4-12 11:02 標題: 引用：回覆+亮燈+的帖子香港教育只考慮功能性和

原帖由 merci2046 於 16-04-12 發表
回覆亮燈的帖子

香港教育只考慮功能性和結果, 所以造就了補習班和雞精班一味靠貼士, 以最短時間拿最高分 ...

說出重點。其實香港人係好叻既！可惜制度令佢地變低能，可悲！

作者: anixon 時間: 16-4-12 11:05

亮燈發表於 16-4-12 10:57
其實重點係：佢有國際視野

無錯，同佢傾計會好開心，天文地理...話題都多d~
香港人經常嘅話題都係 "起邊度做嘢"、"人工"、"樓"...好悶

作者: ennaenna 時間: 16-4-12 11:10

估唔到咁多家長同我一樣

好多人系身邊講話我浪費錢...話去外國萬一去唔到名校不如系香港求其升一間...但我始終覺得阿仔開心最重要同埋國際視野真係好緊要尤其依家咩都講國際性去睇下點都好ge

作者: merci2046 時間: 16-4-12 11:17

回覆 anixon 的帖子

尤其是樓覺得有樓是何等榮耀
如果有幾層樓是無上光榮

樓--只是一個棲身之所和讓財富累積下來
但人的一生幾十年光景, 卻不應該只有樓

試幻想一下, 自己現在訓在床上, 閉上眼睛, 動彈不得, 而且只剩下3小時的生命
回顧一生, 難道只得讀書? 考試? 和買樓?

話說回來, 如果能力許可, 都會讓兒女看看世界, 做一個世界公民而不是一個高分低能

作者: AS-Ma-Ma 時間: 16-4-12 11:24 標題: 引用：就係因為我唔係有錢人,諗住盡父母責任盡力

原帖由 ng10875520 於 16-04-11 發表
就係因為我唔係有錢人,諗住盡父母責任盡力比機會仔仔去讀,佢亦知我地苦心,但自知仔唔係讀書材料，又唔敢比 ...

唔使擔心咁多，如果個細路系自己想出去嘅話，佢自然ok ga la. 同你分享吓我仔嘅情況。
我仔是一個座唔定嘅人，要佢好克版地座成日上堂，對佢黎講，從小到大系一件苦差！咁佢就要揾D野娛樂吓自己啦，比如傾計，周身郁，整蠱同學老師，駁嘴。。等等。小學時響老師眼中，佢系一個曳人，次次見家長都有排數佢。當然，成績也一般般(band 1 小學) ，當年，好多朋友都叫我同佢轉讀國際，但我無理到。
到升中時，我就疊埋心水，同佢揀間"好的band 3"中學，不再考慮那些傳統band 2學校or 會谷死人的直資。當年人人都話我傻，但我覺得我選對了。在中學裡，佢遇到幾個伯樂老師，可能加上人長大了，便漸入佳境。當然在港升U是100% impossible的。原本因他不是讀書材料，從來沒有考慮出國，及後思前想後，終於DSE後，去了英國，而家讀緊foundation.
在港，佢讀BASF, 其中會計因為無興趣，唔明+唔識+放棄 = 極底分。竟然，上個term考試，有62/100，派卷時，佢話佢開心到big hug & kiss老師，跟住同成班同學big hug歡呼一輪，老師先繼續派其他。另一科business也竟然96/100, 全班第一。
我並不是說去到外國就會變好，佢自己都有付出嘅，佢話日日放學都有揾老師私教嘅。阿仔話，最大分別系，人地唔系同你講成績，死背爛背，而系講理唔理解及何解，系要用腦諗野，唔系背野。
D外國學生嘅邏輯思維系強好多，同佢地一齊溫習，學到好多野咁話喎。

作者: ng10875520 時間: 16-4-12 12:53 標題: 引用：回覆+anixon+的帖子尤其是樓覺得有樓是何

原帖由 merci2046 於 16-04-12 發表
回覆 anixon 的帖子

尤其是樓覺得有樓是何等榮耀

作者: ng10875520 時間: 16-4-12 12:56 標題: 引用：Quote:原帖由+ng10875520+於+16-04-11+發表

原帖由 AS-Ma-Ma 於 16-04-12 發表
唔使擔心咁多，如果個細路系自己想出去嘅話，佢自然ok ga la. 同你分享吓我仔嘅情況。
我仔是一個座唔定嘅 ...

咁做媽咪嘅你一定好安慰!我聽到都好感動好登你高興

作者: 亮燈 時間: 16-4-12 12:58 標題: 引用：Quote:亮燈+發表於+16-4-12+10:57+其實重點

原帖由 anixon 於 16-04-12 發表
無錯，同佢傾計會好開心，天文地理...話題都多d~
香港人經常嘅話題都係 "起邊度做嘢"、"人工"、"樓"...好 ...

即係冇見識

作者: 亮燈 時間: 16-4-12 13:15 標題: 引用：回覆+anixon+的帖子尤其是樓覺得有樓是何

原帖由 merci2046 於 16-04-12 發表
回覆 anixon 的帖子

尤其是樓覺得有樓是何等榮耀

講晒我想講既野！唔好為幾百呎困自己幾十年！

作者: anixon 時間: 16-4-12 13:19

merci2046 發表於 16-4-12 11:17
回覆 anixon 的帖子
尤其是樓覺得有樓是何等榮耀
如果有幾層樓是無上光榮

呢D人一出聲就見底

作者: 亮燈 時間: 16-4-12 13:29 標題: 引用：Quote:merci2046+發表於+16-4-12+11:17+回

原帖由 anixon 於 16-04-12 發表
呢D人一出聲就見底

井底的底

作者: merci2046 時間: 16-4-12 14:15

回覆亮燈的帖子

同一些展示幾百萬現金但唔出糧比人的公司一樣留於財大氣粗, 毫無道德可言

我們不想要這樣的下一代

作者: UKL 時間: 16-4-12 14:37

十仆

作者: 亮燈 時間: 16-4-12 14:39 標題: 引用：回覆+亮燈+的帖子同一些展示幾百萬現金但

原帖由 merci2046 於 16-04-12 發表
回覆亮燈的帖子

同一些展示幾百萬現金但唔出糧比人的公司一樣留於財大氣粗, 毫無道德可言

哈哈！同意，所以我跟兩個仔講，唔好理做乜野國人，總之我地係地球人、香港人，去到外國唔好影衰香港，將來你鍾意邊個國家，就去發展、定居，冇問題既！

作者: siumiu2010 時間: 16-4-12 21:31

有個朋友仔仔, 佢DSE考得吾錯, 係外國大學讀吾係專科而係自己喜歡GE系, 比好多朋友話佢晒錢, 你地點睇??

作者: 亮燈 時間: 16-4-12 21:40

siumiu2010 發表於 16-4-12 21:31
有個朋友仔仔, 佢DSE考得吾錯, 係外國大學讀吾係專科而係自己喜歡GE系, 比好多朋友話佢晒錢, 你地點睇?? ...

佢好幸福，我都希望兩子都可讀到佢地喜歡既科目(我當然唔會規定佢地要讀邊科啦！)。

作者: siumiu2010 時間: 16-4-12 21:49

香港好GE成績一定讀醫或法律, 就算吾係第日都要做專業人士, 好似得一條路, 順住這條路才叫成功, 才出人頭地, 真係父母同仔女好大壓力

作者: Ruby1219 時間: 16-4-12 22:33 標題: 引用：香港好GE成績一定讀醫或法律,+就算吾係第日

原帖由 siumiu2010 於 16-04-12 發表
香港好GE成績一定讀醫或法律, 就算吾係第日都要做專業人士, 好似得一條路, 順住這條路才叫成功, 才出人頭地 ...

我同老公不嬲叫阿仔揀科憑興趣，除非鍾意專業科目，否則好多時做工吾一定同讀既科有關。
我個仔係鍾意同讀到書，相信佢亦可以考到醫科或法律，如果佢有心。但我一D都吾會迫佢，even 吾會suggest 佢去揀，因為冇興趣就係冇興趣，亦吾會enjoy 同讀得好。

記得前年參加佢而家英國學校嘅家長聚會，有個speaker問有邊啲家長想自己個仔讀醫科，好多大部份家長都舉手，我地冇舉。其實我奇怪點解家長會有preference on 仔女讀咩科？呢樣係好personal 嘅選擇。

作者: Ruby1219 時間: 16-4-12 22:35 標題: 引用：香港好GE成績一定讀醫或法律,+就算吾係第日

原帖由 siumiu2010 於 16-04-12 發表
香港好GE成績一定讀醫或法律, 就算吾係第日都要做專業人士, 好似得一條路, 順住這條路才叫成功, 才出人頭地 ...

我同老公不嬲叫阿仔揀科憑興趣，除非鍾意專業科目，否則好多時職業吾一定同讀既科有關。

記得前年參加佢而家英國學校嘅家長聚會，有個speaker問有邊啲家長想自己個仔讀醫科，大部份家長都舉手，我地冇舉。其實我奇怪點解家長會有preference on 仔女讀咩科？呢樣係好personal 嘅選擇。家長吾應該influence, 更加唔應該Ditate

作者: wildberries 時間: 16-4-12 23:29

歡迎光臨教育王國 (/)