教育王國

標題: 大埔區選校分享 [打印本頁]

作者: rainbow_ho 時間: 16-4-7 13:58 標題: 大埔區選校分享

各位，想請教如小兒屬b1，大抽獎選校可如何填呢？因聽聞第二志願已應保守些，請問二、三，四，五志願，你們會如何排呢？

作者: Fanny_ma 時間: 16-4-7 16:03

本帖最後由 Fanny_ma 於 16-4-7 16:17 編輯

大埔區中學排名
莫壽增，迦密栢雨
王肇枝
沐恩，恩主救（上述五間皆是英中）
救恩（微調中中），羅定邦(直資英中）
圓玄二中（微調中中）
孫方中
何郭佩珍（微調中中）聖道

作者: little_yolky 時間: 16-4-7 16:37

rainbow_ho 發表於 16-4-7 13:58
各位，想請教如小兒屬b1，大抽獎選校可如何填呢？因聽聞第二志願已應保守些，請問二、三，四，五志願，你們 ...

如果係確確實實的B1, 何解要乙二就保守? 我哋大埔區一直夠位俾B1生的。唔知你自行邊間, 但正路柏雨同莫記乙一兩間只可活一間, 乙二就唔駛填了, 其他乙二至乙五, 咪就填埋餘下三間英中, 乙五救恩囉。不過係真B1至好喎, 你知啦, banding都係估估吓架咋。

作者: blythecat 時間: 16-4-7 17:54

如果 b2 點排好

作者: yuyueng 時間: 16-4-7 18:11

大埔區B1有位多呀，邊使保守呀，可進取D，揀自己最鐘意既得啦！

作者: little_yolky 時間: 16-4-8 09:30

blythecat 發表於 16-4-7 17:54
如果 b2 點排好

上面 #2講的救恩以下都係B2的。你無考羅定邦嗎?

作者: hkpapa852 時間: 16-4-8 10:07

以過去3屆DSE成績/入U率計:

B1中學	聖公會莫壽增會督中學, 迦密栢雨中學, 王肇枝中學
B2A-1C中學	南亞路德會沐恩中學, 恩主教書院
B2中學	救恩書院, 羅定邦

所以大埔區既B1位其實都唔係真係咁夠

作者: little_yolky 時間: 16-4-8 10:33

hkpapa852 發表於 16-4-8 10:07
以過去3屆DSE成績/入U率計:

不過, 以英中=B1既標準計, 沐恩&恩主教我哋都會列入B1考慮, 始終, 都有好多家長好like呢兩間, 貪沐恩夠自由, 恩主教夠純樸。

羅定邦係直資, 正常唔係邊緣人, 唔會咁早搏。B2生好多都會報, 所以問樓主有無報。

作者: hkpapa852 時間: 16-4-8 10:42

little_yolky 發表於 16-4-8 10:33
不過, 以英中=B1既標準計, 沐恩&恩主教我哋都會列入B1考慮, 始終, 都有好多家長好like呢兩間, 貪沐恩夠自由 ...

英中=B1 本身就係一個不太正確既概念

沐恩同恩主教兩間過去3屆畢業生升讀local degree都維持在3X%左右, 以B1水平嚟計, 只可以話勉強合格

救恩同羅定邦更加唔好講了, 3322率都只係得3X% (羅上屆剛好有40%), 頂多只算B2B中學

作者: rainbow_ho 時間: 16-4-8 11:38

謝謝大家的意見，王𦘦枝報第二OK嗎？但聽講王𦘦枝都好多人報，我怕個隨機號碼不好

作者: dorothy111 時間: 16-4-8 14:26 標題: 回覆：rainbow_ho 的帖子

提示: 作者被禁止或刪除內容自動屏蔽

作者: 小吱 時間: 16-4-8 16:11 標題: 回覆：大埔區選校分享

之前聽講有d 區唔接受同區叩門。
請問大家知唔知大埔區d 中學接唔接受同區叩門呀？

作者: Fanny_ma 時間: 16-4-8 17:40

本帖最後由 Fanny_ma 於 16-4-8 17:40 編輯

hkpapa852 發表於 16-4-8 10:42
英中=B1 本身就係一個不太正確既概念

沐恩同恩主教兩間過去3屆畢業生升讀local degree都維持在3X%左右, 以 ...

個人意見，大埔整體中學水平參差，即使所謂BAND1亦只是言過其實。
無可奈何，3X%3322 已經比同區大多中文中學為佳，所以我們稱救恩作龍頭中中，而且該校亦錄盡全區邊緣人。

作者: little_yolky 時間: 16-4-8 21:28 標題: 引用：+本帖最後由+Fanny_ma+於+16-4-8+17:40+編

原帖由 Fanny_ma 於 16-04-08 發表
本帖最後由 Fanny_ma 於 16-4-8 17:40 編輯

真係同九龍差好遠⋯⋯

作者: Fanny_ma 時間: 16-4-8 22:02

little_yolky 發表於 16-4-8 21:28
真係同九龍差好遠⋯⋯

之所以我們會放救恩作BAND2頭，因為大埔已經沒更好選擇。
羅定邦亦是同樣道理，相對而言上述兩校的確是五間英中後的較佳選擇。

作者: mrs.so 時間: 16-4-9 11:18 標題: 回覆：大埔區選校分享

足夠學位下的確唔需要乙二保守

除非心屬一間，否則任何一間傳統英中都可以就乙三填沐恩或恩主教，王肇枝最盡乙二，乙一柏雨或莫記

今年到我細既升中，我用回三年前大既策略，不過唔同於是我一間大埔英中都無心儀，我認同大埔傳統英中真係表面風光實在參差，所以我細既向外區選校，外區心儀中學就似王肇枝要揀學生面試，感恩全部有得面試，算是贏了頭彩，其餘靠天意安排。

今年五間傳統英中一如以往都係以王記收表量為首，但唔需要因為收表量多而放棄電腦派位，大家首輪都係兩間，又怕柏雨死讀書，又怕莫記太自由，中庸就交哂去王記，恩記，每間小學策略都係保住頭三志願%，所以不要盡聽小學策略，當然唔可以挑戰難道即係將柏雨莫記填乙一乙二，兩間唔放乙一無可能派到，電腦派位乙一王肇枝應該可以，因為每年乙二都有人派入王記，反而北區家長心儀恩記，可能北區擔心跨區會跌band，所以保守去恩記

作者: beaglelam 時間: 16-4-10 22:51

回覆 mrs.so 的帖子

請問區外有什麼好的選擇？

作者: zngo 時間: 16-4-11 02:03 標題: 回覆：mrs.so 的帖子

mrs.so 請問莫記同王記你會點揀,阿仔鍾意同D勁同學一班，亦鍾意比較有實力的老師，因為上堂氣氛好D，係咪王記有精應班會比較合適呢？就算未入到精應班佢自己都會努力入讀，因為佢唔鍾意迦密，但我真係怕莫記太鬆！如果入到精應班，讀書氣氛係咪會好過莫記呢？而家小學的上堂氣氛佢真係極度不滿呀！

作者: 千語mami 時間: 16-4-11 05:03 標題: 回覆：大埔區選校分享

莫記幾時開始變鬆? 學生之間讀書氣氛好, 學校校規唔太嚴有乜問題呢?

作者: zngo 時間: 16-4-11 08:22 標題: 回覆：千語mami 的帖子

因為聽到有仔女已經讀緊的家長講，初中很鬆太自由，高中開始谷成績，學校初中開始拍拖風氣相當嚴重，所以我怕阿仔在初中關建時期會越來越懶，冇咗自覺啫！

作者: little_yolky 時間: 16-4-11 08:55

zngo 發表於 16-4-11 08:22
因為聽到有仔女已經讀緊的家長講，初中很鬆太自由，高中開始谷成績，學校初中開始拍拖風氣相當嚴重，所以我 ...

但係阿仔咁有鬥心, 應該都係自律吧。我兩個親戚仔女都讀緊, 大既好自律, 所以如魚得水, 細既成日打機, 所以中一時成日收到老師電話, 不過依家好D了。入親男女校, 都預咗有拍拖既人, 咁你要同仔仔討論清楚, 睇佢想要乜, 拍唔拍拖都係要睇仔仔型唔型仔, 同埋佢自己夠唔夠定力。如果仔仔自律性唔高, 入王枝緊係好D, 但個人認為自行階段莫記收既學生係比王枝高, 所以對於想爭成績既小朋友, 可能莫記會好D, 因為叻人多D。
我另一位朋友仔响王枝讀緊中一, 話老師樣好惡, 但其實好闗心小朋友。佢最初入中一, 因為好多嘢玩, 所以參加咗好多活動, 搞到成績唔掂, 家長日老師叫媽咪幫佢搵人補下數, 但媽咪話無錢, 咁老師教咗佢D方法响屋企點幫小朋友, 小朋友唔明又主動搵老師教, 老師又好細心教佢, 下學期就好掂了。

作者: rainbow_ho 時間: 16-4-11 09:46

請問有冇仔女在迦蜜柏雨讀的呢？可否分享下這校是否只讀書，谷得好勁，好有壓力的呢？

作者: rainbow_ho 時間: 16-4-11 09:52

很多人都話莫記好鬆，但這校成績很好。我兒子是有測驗考試才無奈讀書的，如沒測考，就不會讀，是否應選這校呢？但我又怕迦蜜和王肇枝好谷好辛苦

作者: zngo 時間: 16-4-11 09:59 標題: 回覆：little_yolky 的帖子

雖然阿仔好有鬥心，但眼見小4同佢轉去超輕鬆學校之後，佢真係由好自律好積極變得又曵又懶惰，可能真係因為學校叻人小又曳又唔讀書的人太多，攪到唔使溫習都考得好所以冇晒動力！我怕佢去到莫記太自由變得越來越懶，不過佢話自己情願選擇去勁學校考包尾，自己努力追上去，都唔想去冇咁好既考第一，因為佢覺得呢個第一只係假像唔係真正自己努力的實力!唉！我真係好鬼怕佢初中就拍拖，因為佢都非常受同學歡迎！我相信佢會唔夠定力！

作者: zngo 時間: 16-4-11 10:05 標題: 引用：很多人都話莫記好鬆，但這校成績很好。我兒

原帖由 rainbow_ho 於 16-04-11 發表
很多人都話莫記好鬆，但這校成績很好。我兒子是有測驗考試才無奈讀書的，如沒測考，就不會讀，是否應選這校 ...

做家長真係唔容易，我阿仔反而鍾意比較谷，但佢又唔想只讀書，所以佢想去莫記又讀書又有活動，可能真係家長太多顧慮諗多咗！

作者: zngo 時間: 16-4-11 10:10 標題: 回覆：little_yolky 的帖子

我真係好後悔當初冇聽mr.so意見，格梗同阿仔轉去超鬆嘅小學

作者: YmOra 時間: 16-4-11 10:20

zngo 發表於 16-4-11 09:59
雖然阿仔好有鬥心，但眼見小4同佢轉去超輕鬆學校之後，佢真係由好自律好積極變得又曵又懶惰，可能真係因為 ...

係呀!

養兒一百歲,長憂九十九.慢慢學習放手.

你的孩子都好明白自己,知道要點才有動力推自己進步.

作者: zngo 時間: 16-4-11 10:41 標題: 引用：Quote:zngo+發表於+16-4-11+09:59+雖然阿仔

原帖由 YmOra 於 16-04-11 發表
係呀!養兒一百歲,長憂九十九.慢慢學習放手.

你的孩子都好明白自己,知道要點才有動力推自己進步.:go ...

係時候要開始慢慢放手，但我真係要時間學習

作者: mrs.so 時間: 16-4-11 10:47

回覆 beaglelam 的帖子

沙田英中十幾間
聖心, 沙循, 兩林, 等等...都好好, 當然呂中, 曾記, 培英, 蘇淅, 沙崇...就更加理想

作者: little_yolky 時間: 16-4-11 10:58

zngo 發表於 16-4-11 10:10
我真係好後悔當初冇聽mr.so意見，格梗同阿仔轉去超鬆嘅小學

咁輕鬆完之後程度仲可以嗎? 我親戚以前讀8舊, 成績唔係最top, 但都係B1, 但又係定力唔夠, 大個仔喇, 就成日靜靜打機, 又唔主動溫書, 咁............今年大個D至好少少。操慣都係咁, 你真係要諗下。

但王肇枝都好多人報, 好似話自行收表最多係佢, 鬆咗咁耐, 佢谷唔谷得架?

作者: little_yolky 時間: 16-4-11 11:00

mrs.so 發表於 16-4-11 10:47
回覆 beaglelam 的帖子

沙田英中十幾間

沙田D B1仲要成績真係唔錯添。我今年底開放日都想去睇下, 不過驚人哋話女女咁細(到時小四)咁早睇嚟做乜。

作者: mrs.so 時間: 16-4-11 11:04

本帖最後由 mrs.so 於 16-4-11 11:06 編輯

回覆 zngo 的帖子

最終都轉左, 不要望回頭了, 向前看...
在我眼中大埔五間英中係好普通既中學, 又唔係突出到好似QE, 林護, 鄧顯, 中婦會, 聖言, 循道呢類穩定成績既中學

如果講莫記鬆既定義係秀琼校長要學生主動學習, 提高讀書興趣

至於拍拖唔好想咁多, 男女中學一定有拍拖, 以前就話沐恩多人拍拖, 呢樣都係社交既一種, 擔心拍拖不如家長做足思想教育, 我相信家長既愛和關心可以讓仔女填補好多好奇同疑慮

每間中學都有質素既老師, 就如睇醫生你夾唔夾到, 全港既老師都係基準試合格有牌, 所以差極都係教學操守問題重要過老師本身知識學問有幾多, 我好明白中學階段老師就係學生既伯樂, 我大既今年升中四, 呢幾年既中學生活, 有起有跌, 外人問讀邊間呀, 嘩...好叻喎, 好多人想入又係爭崩頭, 但我好想講, 唔係所講既咁神咁勁, 好普通一間中學

我同家長講, 如何守著大學入場券, 靠自己讀書, 我唔認同柏雨/莫記會特別多叻學生, 因為首輪最叻都係收30%, 70%只要係BAND ONE都係會同等派位機會, 只係首輪時家長會點揀, 現時好多家長為避開死讀書唔去柏雨, 又避鬆唔去莫記, 但又要聽學校講柏雨/莫記/王記揀兩間, 家長套餐就會柏雨/莫記+王記, 今年傳聞柏雨收表最後個日都係1XX, 而莫記係4XX, 就會想到情況好極端

幾鬆幾嚴都好, 靠自己讀書, 只要有鬥心, 即使BAND ONE入救恩係頭既尖子, 一定會拎到大學入場券, 寧做雞頭莫做鳳尾意思一樣

作者: zngo 時間: 16-4-11 11:15 標題: 引用：Quote:zngo+發表於+16-4-11+10:10+我真係好

原帖由 little_yolky 於 16-04-11 發表
咁輕鬆完之後程度仲可以嗎? 我親戚以前讀8舊, 成績唔係最top, 但都係B1, 但又係定力唔夠, 大個仔喇, 就成日 ...

佢話自己鍾意進取D嘅學校,應該仲谷得！

作者: zngo 時間: 16-4-11 11:29 標題: 引用：+本帖最後由+mrs.so+於+16-4-11+11:06+編輯

原帖由 mrs.so 於 16-04-11 發表
本帖最後由 mrs.so 於 16-4-11 11:06 編輯

回覆 zngo 的帖子

睇怕今次我應該比佢自己決定，都係佢自己最清楚自己，希望沙崇收佢，不過機會都會係零，因為佢操行得B一，老師在成績表評語仲寫佢唔遵守課堂常規，佢成日上堂睇書，成績又不是全級三名內，只有等抽獎睇佢運氣！

作者: little_yolky 時間: 16-4-11 11:43

mrs.so 發表於 16-4-11 11:04
回覆 zngo 的帖子

最終都轉左, 不要望回頭了, 向前看...

普通又有咩辦法, 我幼稚園讀沙田, 班朋友仔入B2小學都谷到痴線, 我哋大埔都仲係B1叫谷下, 沙田真係差唔多全民皆谷, 我哋又有幾多人真係夠料跨去沙田？咁, 咪普通都要留响大埔囉。

雖然話讀書係靠自己, 但真係老師有料差好遠, 留意下學校DSE成績, 如果公布得詳細既, 會發現某D學校會年年某D科攞4或5以上比例既係較多。柏雨近年俾人唱得勁, 報既人少咗, 但其實我都有朋友仔讀緊, 佢話都OK, 唔係傳聞中咁跨張, 反而莫壽增鬆嗎? 我親戚中一就不斷接老師跟進電話了, 老師都唔會怠慢。但係收表就1XX同4XX既分別, 三成喎, 學生質素無分別？最top既學生又唔跨區既, 有幾多自行一會揀王肇枝唔揀莫壽增, 有就一定有既, 但我諗唔會好多。雖然話七成大抽奬, 唔會全部B1A都黑仔入唔到, 俾B1C入晒掛。所以大抽奬果七成應理解成各校收生質素都平均。

作者: zngo 時間: 16-4-11 12:18 標題: 引用：Quote:mrs.so+發表於+16-4-11+11:04+回覆+z

原帖由 little_yolky 於 16-04-11 發表
普通又有咩辦法, 我幼稚園讀沙田, 班朋友仔入B2小學都谷到痴線, 我哋大埔都仲係B1叫谷下, 沙田真係差唔多全 ...

我覺得班主任嘅質素最影響學生

作者: dorothy111 時間: 16-4-12 09:09 標題: 回覆：zngo 的帖子

提示: 作者被禁止或刪除內容自動屏蔽

作者: dorothy111 時間: 16-4-12 11:48 標題: 回覆：dorothy111 的帖子

提示: 作者被禁止或刪除內容自動屏蔽

作者: elbar 時間: 16-4-12 11:51

dorothy111 發表於 16-4-12 09:09
Yes, totally agree. 班主任可以任講笑任改學生花名，學生冇做d咩錯事就隨意一個B-操行分(小四時)，就係咁 ...

SPCC ?

作者: kin818kin 時間: 16-4-12 12:20

zngo 發表於 16-4-11 11:29
睇怕今次我應該比佢自己決定，都係佢自己最清楚自己，希望沙崇收佢，不過機會都會係零，因為佢操行得B一， ...

你仔的情況同我仔簡直一模一樣。又係唔係壞學生，唔搞破壞，只係上堂多嘴，又會上堂睇其他書........操行比左B，早排見直資，都要最後一輪先收到通知，睇怕都係操行問題拖左咁耐。

其實好唔明學校，小朋友又唔係做什麼大錯事，明知升中緊張關頭，點解唔可以放寬d 呢？

現在好多中學收生要求起碼要B+，人地學校唔知，會覺得B & B- 的學生係搞破壞唔專重老師的學生。

作者: zngo 時間: 16-4-12 12:47 標題: 引用：Quote:zngo+發表於+16-4-11+11:29+睇怕今次

原帖由 kin818kin 於 16-04-12 發表
你仔的情況同我仔簡直一模一樣。又係唔係壞學生，唔搞破壞，只係上堂多嘴，又會上堂睇其他書........操行比 ...

我阿仔超唔好彩遇到不負責任的班主任，五年級時，由2月請假請到5月差不多月中先返，仲要續個星期請，於是個個星期不同的代課老師，大佬呀，佢教主課數學，我阿仔咁緊張自己學業，仲要第一次呈分，阿仔點會冇不滿佢班主任吖，於是佢班主任又打電話比我投訴，話我仔上堂黑面對佢冇禮貌，我答可能因為老師請假其間，阿仔好緊張學業，所以有D不滿，嘩！我一講完就大件事，阿仔從此以後就冇好日子過，不斷被針對，但阿仔係絕對不會屈服於強權的人，所以關係越來越差，但老師繼續間中請假一天，阿仔繼續不滿點解又要自修，亦開始佢上堂睇其他書，六年級一開學又話大肚，唉！點解唔搵一個有責任感的人做高年級班主任呢？五六年級同一個班主任，可唔可以唔好成日請假？仲要比個操行B一，真係全部B1a學校都唔會收，班主任仲要同我講，佢成績咁好，一定入到B1中學㗎啦！所以只能怪自己仔唔係一個會討好別人的小男孩！

作者: zngo 時間: 16-4-12 12:56 標題: 回覆：zngo 的帖子

考呈三前大約一個星期就放產假，但好出奇竟然全部教晒，即是在很短時間內很有效率地提前完成，於是考呈三前又唔使上數學堂！

作者: kin818kin 時間: 16-4-12 14:12

zngo 發表於 16-4-12 12:47
我阿仔超唔好彩遇到不負責任的班主任，五年級時，由2月請假請到5月差不多月中先返，仲要續個星期請，於是個 ...

咁阿仔成績好就睇派位及自行啦﹗派位係唔睇操行既，所以只要KEEP 到B1都唔駛太擔心。

作者: zngo 時間: 16-4-12 15:27 標題: 引用：Quote:zngo+發表於+16-4-12+12:47+我阿仔超

原帖由 kin818kin 於 16-04-12 發表
咁阿仔成績好就睇派位及自行啦﹗派位係唔睇操行既，所以只要KEEP 到B1都唔駛太擔心。
...

不過就好激氣囉，呈一阿仔全級考第四（佢班主任講），但當阿仔知道操行得B一，所有B1學校都唔會收佢時，佢好似生意失敗咁，佢問我咁佢班真係又打人又鬧老師仲成日講粗口好曳嗰D同學係咪攞D，阿仔成個人即刻變得曵哂，佢話自己已經完全冇哂希望，我用咗好長時間同佢講開解佢，最後佢聽到沙崇校長話面試比重高，先開始有返D動力振作返！

作者: zngo 時間: 16-4-12 15:28 標題: 回覆：zngo 的帖子

當然佢都有自我檢討

作者: little_yolky 時間: 16-4-12 15:30

zngo 發表於 16-4-12 15:27
不過就好激氣囉，呈一阿仔全級考第四（佢班主任講），但當阿仔知道操行得B一，所有B1學校都唔會收佢時，佢 ...

點解唔即刻同校長反映, 佢考級四咁高, 平時又唔係曳, 其他老師應該知道, 校長都應該想小朋友考得好D中學, 等學校都風光D噃。

作者: zngo 時間: 16-4-12 15:43 標題: 引用：Quote:zngo+發表於+16-4-12+15:27+不過就好

原帖由 little_yolky 於 16-04-12 發表
點解唔即刻同校長反映, 佢考級四咁高, 平時又唔係曳, 其他老師應該知道, 校長都應該想小朋友考得好D中學, ...

我驚講完日子仲難過，所以唔敢講！

作者: kin818kin 時間: 16-4-12 15:46

zngo 發表於 16-4-12 15:27
不過就好激氣囉，呈一阿仔全級考第四（佢班主任講），但當阿仔知道操行得B一，所有B1學校都唔會收佢時，佢 ...

你仔好生性

提你高興

作者: little_yolky 時間: 16-4-12 15:48

zngo 發表於 16-4-12 15:43
我驚講完日子仲難過，所以唔敢講！

其實學校知道主科班主任大肚, 係咪要換個班主任呢, 始終教呈分班仲要係小六真係相當辛苦, 對老師同小朋友都唔好。

作者: kin818kin 時間: 16-4-12 15:54

zngo 發表於 16-4-12 15:43
我驚講完日子仲難過，所以唔敢講！

你同老師對話時就係太老實，所以搞到老師唔開心，有時大家心理知道就算。

其實同老師講電話真係要好小心，仲要講到好明白做老師辛苦，如果係自己小朋友有唔對，就請老師多多包容多多體諒，自己會回家再提醒小朋友，而小朋友的真實感覺唔需要同佢講得太白。

今次當一次好珍貴的教訓，以後要更小心了﹗

作者: kin818kin 時間: 16-4-12 15:57

little_yolky 發表於 16-4-12 15:48
其實學校知道主科班主任大肚, 係咪要換個班主任呢, 始終教呈分班仲要係小六真係相當辛苦, 對老師同小朋友都 ...

但學校政策同安排好難改，或者佢地應該安排雙班主任制及固定一位代課老師會好D 。

作者: dorothy111 時間: 16-4-12 16:15 標題: 回覆：kin818kin 的帖子

提示: 作者被禁止或刪除內容自動屏蔽

作者: kin818kin 時間: 16-4-12 16:28

dorothy111 發表於 16-4-12 16:15
當年都係諗住唔好咩都投訴，硬食佢一野。點知後尾發現好多中學要埋小四成績表，仲要操行冇B唔駛申請，即時 ...

男仔好多時都有咁情況﹗特別轉數快的小朋友﹗

所以我地做阿媽的米超級頭痛囉﹗

作者: zngo 時間: 16-4-12 17:10 標題: 引用：Quote:zngo+發表於+16-4-12+15:43+我驚講完

原帖由 little_yolky 於 16-04-12 發表
其實學校知道主科班主任大肚, 係咪要換個班主任呢, 始終教呈分班仲要係小六真係相當辛苦, 對老師同小朋友都 ...

對，因為教高年級真係好辛苦，其實學校處理上不太好，五年級就請事假，六年級就放產假，對大家都唔好！

作者: zngo 時間: 16-4-12 17:39 標題: 引用：Quote:zngo+發表於+16-4-12+15:43+我驚講完

原帖由 kin818kin 於 16-04-12 發表
你同老師對話時就係太老實，所以搞到老師唔開心，有時大家心理知道就算。

其實同老師講電話真係要好小心， ...

我同老師講時都不停講唔好意思，我會嚴厲教導佢，真係對唔住呢D説話，不過真係唔可以講出小孩真實感受，因為老師回應係，咁佢真係好自私，完全唔會體諒別人，心裏只有自己，唔識體諒老師，老師真係有事先請假啫，我聽完真係無言了，好後悔同佢講，仲令到阿仔係學校更差對待，阿仔對老師態度亦越來越對抗！

作者: zngo 時間: 16-4-12 17:44 標題: 引用：當年都係諗住唔好咩都投訴，硬食佢一野。點

原帖由 dorothy111 於 16-04-12 發表
當年都係諗住唔好咩都投訴，硬食佢一野。點知後尾發現好多中學要埋小四成績表，仲要操行冇B唔駛申請，即時 ...

我阿仔未𨍭校時操行B＋，點知而家仲衰

作者: zngo 時間: 16-4-12 17:48 標題: 引用：Quote:little_yolky+發表於+16-4-12+15:48+

原帖由 kin818kin 於 16-04-12 發表
但學校政策同安排好難改，或者佢地應該安排雙班主任制及固定一位代課老師會好D 。
...

我讚成雙班主任制度，學校其實固定一個代課老師，但因為班主任係續個星期請事假，但代緊的又冇期，所以一個星期換一個代課囉！

作者: zngo 時間: 16-4-12 17:52 標題: 回覆：zngo 的帖子

不過點都好，已經考完呈三，雖然跌了幾名，但保住B1就算喇，希望阿仔經過今次教訓，學會收儉脾氣，學會平常心啦！祝大家仔女都入到心儀中學！加油！

作者: kin818kin 時間: 16-4-13 10:43

zngo 發表於 16-4-12 17:52
不過點都好，已經考完呈三，雖然跌了幾名，但保住B1就算喇，希望阿仔經過今次教訓，學會收儉脾氣，學會平常 ...

大家都努力﹗

作者: YmOra 時間: 16-4-13 11:02

zngo 發表於 16-4-12 17:52
不過點都好，已經考完呈三，雖然跌了幾名，但保住B1就算喇，希望阿仔經過今次教訓，學會收儉脾氣，學會平常 ...

仍然是B1就算係過晒關啦!起起跌跌總會不時發生,最緊要係孩子不斷成長便是了.努力加油!

作者: mrs.so 時間: 16-4-20 12:18

ZNGO, 加油啦

又係時候開始填表, 大家都要加油

歡迎光臨教育王國 (/)