教育王國

標題: 理性討論：SC vs SPCN（大圍） [打印本頁]

作者: lvmh88 時間: 16-4-5 23:44 標題: 理性討論：SC vs SPCN（大圍）

小囡難得有SC am 同 SPCN 全日offer，7月B, 性格活潑開朗，家住九龍中, 真心問意見，以下係我自己分析：

SC - 好處：PN 較近屋企，15分鐘內到紅磡，就算K1 返九龍塘都係15分鐘內到。而我囡活潑好動，似一般人形容嘅SC學生。SC學術較SPCN為深（我知深唔代表一定好）, 有net，還有英普班（不過我唔好英普班，不是必須），所以升小學時較有彈性，簡單來說有多啲選擇。唔好處：大班，一定冇細校咁caring。冇小學backup，好靠家長點培養小朋友。

SPCN - 好處：德育好好，本人覺得呢點對女仔特別重要。有小學back up，比例聽聞最多60%，但起碼有入場券，因為呢間係我其中一間心儀小學（呢點同時係缺點，因為升唔到小學就大鑊，因學術較淺，就算自己出去考都較蝕底，而且有可能被標籤st Paul 棄將or 人哋會覺得我搵水泡)。唔好處：大圍尚可接受，車程30分鐘，但到N4要返回大埔就要成40-45分鐘。另一問題係冇net學校主張從生活中學習,冇咁注重學術。

咩意見都好，多謝先！

作者: Cutekillq 時間: 16-4-6 00:41 標題: 引用：小囡難得有SC+am+同+SPCN+全日offer，7月B,

原帖由 lvmh88 於 16-04-05 發表
小囡難得有SC am 同 SPCN 全日offer，7月B, 性格活潑開朗，家住九龍中, 真心問意見，以下係我自己分析：

S ...

我建議樓主選SC. 我相信spcn基本上都易上sp小學，所謂6成因為4成自己唔讀上去比較多。但樓主無提及自己宗教意向，似係純為小學靠山而讀。讀左（30-60分鐘車程）仲要好多外補。到入學後應該會發現原來讀sc既朋友仔已學緊xxyyzz, 你仲學緊aabbcc.... 但又日日擔心能否涵接上去。我覺得樓主適合SC多啲

作者: chloe620 時間: 16-4-6 00:56 標題: 回覆：理性討論：SC vs SPCN（大圍）

如果係女就spcn,始終有小學back up ,同埋小學得60%因為好多唔想係大埔出cwb 返學，所以寧願搵同區！

作者: jaklynn 時間: 16-4-6 04:05 標題: 回覆：lvmh88 的帖子

如果我係樓主，我一定揀SPCN，原因如下：

1. 雖說升上St. Paul's Convent不是100%，但如其他媽媽所說，唔升既40%唔少係因為路途遙遠，那麼，如果你住九龍中，唔介意過海的話，你女兒入番SPC小學機會其實係好大

2. SC係名幼，好多小朋友考小有亮麗的賽果，但我亦聽有亮麗賽果是某批學生，而同時又有批學生係乜都考唔到等抽獎的、或不是考到一線既直私；那麼，似乎SPCN入一線小學既保証較SC高（我覺得SPC小學中學一定係一線）

3. 無論囡囡讀邊一間，你都係悉心安排、悉心栽培既媽媽，所以外補、興趣班既情況，可能都差不多

4. 純粹個人信念，幼兒園幼稚園階段，培育一個小朋友既心智、品格、性情是很重要，全日制+標榜有愛心+小班教學+唔谷學術既學校，這方面應該較優勝。

你女女7月B，考N都有咁亮麗的成績，証明女女各方面既質素唔會係差、甚至係天生優秀的一群，入SPCN又輕鬆啲又有all rounded啲既development，同時又有小學backup，why not？就算外補，都抱住較輕鬆既心情，其實你女女既處境幾正，媽媽可以安心。

作者: tsangnamnam 時間: 16-4-6 04:11

“有可能被標籤st Paul 棄將or 人哋會覺得我搵水泡”
-->唔會有哩個問題，唔使擔心

作者: miumiu250 時間: 16-4-6 05:07 標題: 回覆：理性討論：SC vs SPCN（大圍）

我都簡st Paul

作者: cat20203 時間: 16-4-6 05:21

逆向思考: 如果兩間waiting, 你要寫求位信(最心儀0個一間), 你一定會選....?
選一間同家長育兒理念一致的.

BTW, Congrats!

作者: lvmh88 時間: 16-4-6 07:12 標題: 引用：Quote:原帖由+lvmh88+於+16-04-05+發表小囡

原帖由 Cutekillq 於 16-04-06 發表
我建議樓主選SC. 我相信spcn基本上都易上sp小學，所謂6成因為4成自己唔讀上去比較多。但樓主無提及自己宗教 ...

多謝你嘅意見。我同先生都冇宗教背景，但我自己讀咗7年天主教學校女校（非名校），大概都知道其特色，重德育、品德培養，當時遇著一個超嚴嘅老師，堂堂比人罰，但所學嘅唔係知識，係做人道理，真係影響我一生，所以我話呢點對女仔好重要。

作者: soniacky 時間: 16-4-6 07:33 標題: 回覆：理性討論：SC vs SPCN（大圍）

St cat,
1.距離短，有休息時間，腦部plasticity 高好多，學嘢快
2. 頭三年小朋友要的是媽媽，不是全日上堂，除非你要番工

學術和機會兩間相距不大

作者: MarcusMaC9 時間: 16-4-6 07:34 標題: 回覆：lvmh88 的帖子

對天主教學校德育既贊同高，及鍾愛spc, 咁就spcn啦！

路程遠近依點，你報得証明可接受範圍，不用多想了。

作者: aarhusbaby 時間: 16-4-6 08:24 標題: 回覆：理性討論：SC vs SPCN（大圍）

不如咁諗, 你讀左SPCN 1年後覺得唔好/學術追唔上你k仲可以再報其他名幼, 但調返轉就較難n2先入SPCN 了

作者: lvmh88 時間: 16-4-6 08:25 標題: 引用：如果係女就spcn,始終有小學back+up+,同埋小

原帖由 chloe620 於 16-04-06 發表
如果係女就spcn,始終有小學back up ,同埋小學得60%因為好多唔想係大埔出cwb 返學，所以寧願搵同區！

...

今年搬咗去大圍，似乎多咗九龍人報，呢點似乎變數頗大。

作者: Iamamother 時間: 16-4-6 08:34

那麼借位問，如果男仔揀spn 是否什麼着數都無？課程不夠考名校！

作者: pingu529 時間: 16-4-6 08:46

我覺得兩間外補情況未必一樣，始終SPCN返全日，除非每個weekend返幾堂。要睇下你想平日o個半晝留响學校定返興趣班/响屋企玩。兩間升小都唔大問題，你女女好叻呀，恭喜晒!

作者: lvmh88 時間: 16-4-6 08:46 標題: 引用：St+cat, 1.距離短，有休息時間，腦部plasti

原帖由 soniacky 於 16-04-06 發表
St cat,
1.距離短，有休息時間，腦部plasticity 高好多，學嘢快
2. 頭三年小朋友要的是媽媽，不是全日上堂 ...

無奈我們是雙職父母....

作者: lvmh88 時間: 16-4-6 08:49 標題: 引用：不如咁諗,+你讀左SPCN+1年後覺得唔好/學術

原帖由 aarhusbaby 於 16-04-06 發表
不如咁諗, 你讀左SPCN 1年後覺得唔好/學術追唔上你k仲可以再報其他名幼, 但調返轉就較難n2先入SPCN 了

...

你好，我知道你都有offer，恭喜你！
我offer letter 都冇寫開學日期，可能9月10月都唔定11月又唔定，到時K1已經開始報名，又未上過堂都唔知岩唔岩，轉軚都轉唔切。

作者: pingu529 時間: 16-4-6 08:50

回覆 lvmh88 的帖子

大圍校交通唔算好方便，又唔算近沙中線，有其他好offer o既外區人未必一定首選呢間

作者: aarhusbaby 時間: 16-4-6 09:19 標題: 回覆：lvmh88 的帖子

你女女仲叻啊！我地有考SC 連2nd in 都冇😅！
不如你先打去學校問清楚details 先再諗, 上網見今年開學日係9 August。

作者: kaboBB 時間: 16-4-6 09:49 標題: 回覆：理性討論：SC vs SPCN（大圍）

絕對明白樓主憂慮，SC offer放棄好可惜，但spcn又好吸引，不過大圍校舍真的好隔涉，交通都幾不便。

作者: carolwong669 時間: 16-4-6 10:11

Cutekillq 發表於 16-4-6 00:41
我建議樓主選SC. 我相信spcn基本上都易上sp小學，所謂6成因為4成自己唔讀上去比較多。但樓主無提及自己宗教 ...

媽媽, 我見你另一個POST話你放棄左ST CAT OFFER? 點解又叫人揀ST CAT?>
可唔可以再分析多少少???

作者: Iamamother 時間: 16-4-6 10:16

那麼借位問，如果男仔揀spn 是否什麼着數都無？課程不夠考名校！

作者: ensy 時間: 16-4-6 10:45 標題: 回覆：lvmh88 的帖子

如果心儀SPC，又無理由唔讀SPCN，怕你兩三年後會後悔！

兩間學校offer嘅嘢好唔同，係要取捨，只可話係開心嘅煩惱，恭喜！

作者: Cutekillq 時間: 16-4-6 10:53 標題: 引用：那麼借位問，如果男仔揀spn+是否什麼着數都

原帖由 Iamamother 於 16-04-06 發表
那麼借位問，如果男仔揀spn 是否什麼着數都無？課程不夠考名校！

Spn有個post有位朋友分享左仔仔報spn的原因，值得睇下

作者: Cutekillq 時間: 16-4-6 11:05 標題: 引用：Quote:原帖由+Cutekillq+於+16-04-06+發表

原帖由 lvmh88 於 16-04-06 發表
多謝你嘅意見。我同先生都冇宗教背景，但我自己讀咗7年天主教學校女校（非名校），大概都知道其特色，重德 ...

如果樓主著重德育，就唔洗諗一定spcn。我覺得呢2間既比較似係：德育vs 學術（雖然sc唔係sell學術但因為spcn課程較淺，所以咁比）。樓主可諗下4年俾人教德育，自己補學術好；定4年俾人教學術，自己教德育好。如果入唔到spc 讀其他教會小學會不會好可惜。我自己都心儀spc，但我有信心自己教好德育，所以我係你會選sc, 以後還有大把choice. （其實我有朋友讀spc讀得好唔開心，日日補習到顛左， P5 先忍心跳船，其實spc 是否適合小朋友都要認真考慮清楚，佢真係好辛苦又好唔想補習又好跟唔上進度，佢都係spk升上spc的）

作者: Iamamother 時間: 16-4-6 13:21

回覆 Cutekillq 的帖子

有冇link? Tks

作者: lvmh88 時間: 16-4-6 14:10 標題: 引用：Quote:原帖由+lvmh88+於+16-04-06+發表多謝

原帖由 Cutekillq 於 16-04-06 發表
如果樓主著重德育，就唔洗諗一定spcn。我覺得呢2間既比較似係：德育vs 學術（雖然sc唔係sell學術但因為spcn ...

Good point .....我都想自己教，但無奈雙職父母要返工，平日靠婆婆加工人幫手。唔係話想將教育子女的責任交比人，但無可否認婆婆一定係錫孫㗎啦，就算我條線畫得幾咁實都好，一去到婆婆到就好易散，而小朋友好識睇眉頭眼額的，所以先諗返全日都未必唔係一個好方法。至於究竟SPC係咪自己諗咁好？是否適合囡囡？其實到第資考小學一樣都會遇到呢個問題，只係人哋有多三年去做資料搜集，但我得幾日囉......真係頭都大...

作者: Cutekillq 時間: 16-4-6 14:10 標題: 引用：回覆+Cutekillq+的帖子有冇link?+Tks

原帖由 Iamamother 於 16-04-06 發表
回覆 Cutekillq 的帖子

有冇link? Tks

各位SPN的家長們那post

圖片附件: myphoto.jpg (16-4-6 14:10, 125.17 KB) / 下載次數 25
/forum.php?mod=attachment&aid=NjYwMDZ8YTAyZDZkOWN8MTc1NDQ4ODM2OXww

作者: Cutekillq 時間: 16-4-6 14:19 標題: 引用：Quote:原帖由+Cutekillq+於+16-04-06+發表

原帖由 lvmh88 於 16-04-06 發表
Good point .....我都想自己教，但無奈雙職父母要返工，平日靠婆婆加工人幫手。唔係話想將教育子女的責任交 ...

我贊同0-6歲好重要，如果建立好德育個基礎，就將來畢生受用。咁選spcn啦

作者: Iamamother 時間: 16-4-6 14:37

回覆 Cutekillq 的帖子

thank you~

作者: mamath 時間: 16-4-6 14:47

lvmh88 發表於 16-4-6 14:10
Good point .....我都想自己教，但無奈雙職父母要返工，平日靠婆婆加工人幫手。唔係話想將教育子女的責任交 ...

大家情況好似. 我選spcn的其中一個原因就是德育和自理, 因為囡囡的性格較倔強, 需要調教. 因為我們在職, 因此不想只交給工人.

回看我大仔都曾有全日offer, 但最後選了學術型的half day KG. 大仔學術不錯, 但始終自理等方面不夠好, 因為有工人在. 但大仔算易教, 還可以. 細囡似乎德育更重要些.

你可以看看孩子的性格再衡量. 始終全日班難求, 你若真喜歡SC, K1再考都得.

作者: Ocean419 時間: 16-4-6 17:29 標題: 回覆：理性討論：SC vs SPCN（大圍）

如果地點接受到我會揀spcn, 因為我相信德育培養比學術重要，spcn 點都叫6成機會入SPC；SC 除非小朋友有背景（父母名學舊生，有宗教分，有權力人士推薦等），否則入到SPC 或更受追捧的小學比率遠底於60%

作者: lvmh88 時間: 16-4-7 08:42 標題: 引用：如果地點接受到我會揀spcn,+因為我相信德育

原帖由 Ocean419 於 16-04-06 發表
如果地點接受到我會揀spcn, 因為我相信德育培養比學術重要，spcn 點都叫6成機會入SPC；SC 除非小朋友有背景 ...

我哋係全無背景人士，冇宗教，冇人士網絡，唔係名校舊生，我哋考小學係咩優勢都無，全靠阿囡做化。我唔知考小學有幾磨人，但我都要兩手準備，即是如果升唔返spc 咁我點幫個囡考到好小學呢？返全日可用的課餘時間不多，唔係話要學呢樣嗰樣，但就連我想比佢接觸下認識下唔同興趣都要等星期六日（當然又唔想冇咗family day），咁又點equip 好小朋友呢？所以會唔會索性留係SC, 下午課餘可安排的時間彈性好多，到時考小學話唔定有更多選擇？......

唔知....我真係唔知.....

作者: Cutekillq 時間: 16-4-7 08:50 標題: 引用：Quote:原帖由+Ocean419+於+16-04-06+發表如

原帖由 lvmh88 於 16-04-07 發表
我哋係全無背景人士，冇宗教，冇人士網絡，唔係名校舊生，我哋考小學係咩優勢都無，全靠阿囡做化。我唔知考 ...

都話德育同學術選。樓主講到德育咁重要，學術就自然排第二。如果你真心認為德育好重要，自然唔介意學術無咁好

作者: ME1227 時間: 16-4-7 09:17 標題: 引用：如果地點接受到我會揀spcn,+因為我相信德育

原帖由 Ocean419 於 16-04-06 發表
如果地點接受到我會揀spcn, 因為我相信德育培養比學術重要，spcn 點都叫6成機會入SPC；SC 除非小朋友有背景 ...

Agree

作者: zacharylo 時間: 16-4-7 10:55 標題: 回覆：lvmh88 的帖子

樓主，其實你心目中已有選擇，你想有多d 人support. 如果你女女讀SC 又方便d而且女女又係較活潑既，相信SC 係個好選擇。 SC 名氣咁大又滿足到你起學術既要求， spcn 老師講過學校係唔谷同希望家長唔好要求學校教深d 同加功課。Spcn 同 SC兩間學校都係好選擇，當然會心大心細。我一心以德育為主，學術在我角度就好次要，所以我一定簡 Spcn, 而你就平衡下邊間岩你女女再作選擇。

作者: Anfiodan 時間: 16-4-7 11:22

其實樓主自己已經有答案，大家留言都一致推薦Spcn, 但樓主仍然有顧慮，利申我係等緊spcn offer 家長
其實無最好，只有最適合，可以令小朋友發揮所長，愛上學習，已經事半功倍，我相信兩間都係好學校，就搵一間自己同囡囡都喜愛

作者: lvmh88 時間: 16-4-7 11:33 標題: 引用：其實樓主自己已經有答案，大家留言都一致推

原帖由 Anfiodan 於 16-04-07 發表
其實樓主自己已經有答案，大家留言都一致推薦Spcn, 但樓主仍然有顧慮，利申我係等緊spcn offer 家長
其實無 ...

衷心多謝各位意見，獲益良多....
我唔會hold位，希望大家等到心儀學校啦。

作者: Anfiodan 時間: 16-4-7 11:40

回覆 lvmh88 的帖子

don't get me wrong , 我唔係催你放位, 你放都未必輪到我

, 祝你同小朋友都搵到間滿意KG ~

作者: Cutekillq 時間: 16-4-7 11:41 標題: 引用：樓主，+其實你心目中已有選擇，+你想有多d+

原帖由 zacharylo 於 16-04-07 發表
樓主，其實你心目中已有選擇，你想有多d 人support. 如果你女女讀SC 又方便d而且女女又係較活潑既，相信 ...

Spcn 咁少位都入到，棄之可惜而已。係真心鍾意應該不會有此煩惱

作者: Ocean419 時間: 16-4-7 11:49 標題: 引用：Quote:原帖由+Ocean419+於+16-04-06+發表如

原帖由 lvmh88 於 16-04-07 發表
我哋係全無背景人士，冇宗教，冇人士網絡，唔係名校舊生，我哋考小學係咩優勢都無，全靠阿囡做化。我唔知考 ...

或者咁講，spcn 有6成以上機會入SPC, SC 就係零機會。個人應為不論讀邊間，想考一線直私都要外補中英數，但係sc壓力會大d因為連6成SPC 嘅backup 都冇

作者: lvmh88 時間: 16-4-7 12:12

Anfiodan 發表於 16-4-7 11:40
回覆 lvmh88 的帖子

don't get me wrong , 我唔係催你放位, 你放都未必輪到我, 祝你同小朋友都 ...

唔知點解個reply唔見咗...
其實我都唔係咁既意思, 只係身為媽媽都知道心情係點, 而且自己都唔想諗咁耐, 早D決定早D有個了結...

作者: 小曳人 時間: 16-4-7 12:13

本帖最後由小曳人於 16-4-7 14:11 編輯

Iamamother 發表於 16-4-6 10:16
那麼借位問，如果男仔揀spn 是否什麼着數都無？課程不夠考名校！

一次過答哂對於課程淺考小學問題
試問一下，家長會唔會因為100%升到小學就乜都唔做，放哂手俾學校教？！
如果唔會，咁~ 既然點都會想辦法教好小朋友，又點解要擔心考學校時嘅能力？！
just be prepared!!!
有準備嘅，好大可能會升得返小學，無準備嘅，就算90%收返，都未必輪到你！

利申：我兩個都係仔，大仔智力發展較超前，完全無諗過要考龍校"定形"，細仔時... 因為唔太想大仔讀咩小學要考慮埋個細嘅，所以曾經報過培正，但失敗，最終大仔因為想同細佬一齊返學，決定離開適合佢嘅私小，轉咗去有直屬中學嘅津校。
身邊認識人讀緊/讀過SPK，對3間SP KG情況略知一二。

我贊同選SC，因為係一間好學校，而且近屋企
但如果樓主心儀SP小學，而交通上安排到，我覺得可考慮，但如果交通上安排唔到，就唔考慮！

至於男孩子... 放心，只要你有準備，大把名校等緊你！

作者: mamath 時間: 16-4-7 12:20

小曳人發表於 16-4-7 12:13
一次過答哂對於課程淺考小學問題
試問一下，家長會唔會因為100%升到小學就乜都唔做，放哂手俾學校教？！
如 ...

如何定義為"有準備"呢? 要中英數體藝做齊??

作者: 小曳人 時間: 16-4-7 12:53

本帖最後由小曳人於 16-4-7 13:00 編輯

mamath 發表於 16-4-7 12:20
如何定義為"有準備"呢? 要中英數體藝做齊??

多親子閱讀，到K3時有一定閱讀能力，多認識四周事物，有禮，有同理心，有一定自理能力，唔會見陌生人時喊，能以圖畫表達簡單事物，能看圖說故事 (自己睇一睇多數小學面試考乜)培養孩子個人興趣，適當地參加一d演出或比賽

中英數體藝做齊？
yes，要睇中英文書，簡單加數唔可以唔識，表達能力要好，少講bb話，多講大人話。我就一定要求男孩子識游水，藝就~ 試下學樂器，但KG時唔學，好多小學都會要求學

我估~ 一個緊張孩子教育嘅家長，應該唔駛教都會做呢堆嘢！只怕有d人放哂手，有學校收/教就得！

如果你係指興趣班，我個人認為睇需要！因為鍾意數學嘅，或者K3已到去學奧數，去比賽！
你想孩子大膽見人，你可能鍾意去參加朗誦班
我就因為細仔英文閱讀能力爭d，K2開始上phonics班，睇到佢去到K3學英文順咗好多！
上興趣班，係因為你想孩子得到某方面嘅能力，有無小學backup都會去做！
(我細仔有津校必收，但佢都上緊一大堆自己要求學嘅嘢，包括跆拳、畫畫、棋，我家必修科係游水同埋一樣樂器。)

我嘅目的係教好孩子，幫佢應付未來嘅挑戰，同發展興趣，教養~唔係要鎖定要升讀某某名校，或入讀龍校就一世無憂！教好孩子有某些能力，就自然會得到學校賞識 (當中，仲要睇緣份啦~) 佢有自信，有學習興趣，就算入唔到名校，佢都會識尊師重道！做個正直嘅人！

作者: 小曳人 時間: 16-4-7 13:02

所以，我揀幼稚園時，係睇該校俾唔俾到我要嘅嘢

或者邊間較適合我家裡嘅安排

作者: sugarbun 時間: 16-4-7 13:17

Cutekillq 發表於 16-4-6 11:05
如果樓主著重德育，就唔洗諗一定spcn。我覺得呢2間既比較似係：德育vs 學術（雖然sc唔係sell學術但因為spcn ...

適合與否真的很重要, spc成績好, 背後唔會無付出

作者: Iamamother 時間: 16-4-7 14:08

回覆小曳人的帖子

thanks..
哎....其實講好易..
你所說的好直接同埋好理想..好多家長都係向住E個方向去做.
但係實際個小朋友受唔受教又係另一件事了.

作者: lvmh88 時間: 16-4-7 14:21 標題: 引用：回覆+小曳人+的帖子 thanks..哎....其實講

原帖由 Iamamother 於 16-04-07 發表
回覆小曳人的帖子

thanks..

同意...
講緊PN, 我囡家下先20個月，坦白講性格仲未叫好特出，要我用呢20個月嘅認知去幫佢揀學校，我都怕揀錯（仲要有頭10個月未懂表達喎）。我只知佢係活潑型，已唔揀LH KM 呢啲好學術嘅....講到受唔受教就更難定論！奈何個game係咁玩...仲要有排玩 :;pppp:

作者: 小曳人 時間: 16-4-7 14:23

回覆 Iamamother 的帖子

係~但唔受教亦有唔受教可做嘅事

更重要嘅係，讀好書唔係人生唯一成就！

我細仔都唔係讀書人，勉強佢溫書~大家都痛苦！唯有盡力而為！講到尾，家裡開心都好緊要！

加油呀！

作者: Iamamother 時間: 16-4-7 15:25

仔仔16個月的..
1. 上親PLAYGROUP都周身YUK
2. 教極佢唱完歌仔先可以食野,要成日愉愉想食.
3. 未識叫人/講野.
4. 同佢睇書5分鐘都無就走人.
有咩辨法可以始下佢.??

作者: Cutekillq 時間: 16-4-7 16:00 標題: 引用：仔仔16個月的..+1.+上親PLAYGROUP都周身YUK

原帖由 Iamamother 於 16-04-07 發表
仔仔16個月的..
1. 上親PLAYGROUP都周身YUK
2. 教極佢唱完歌仔先可以食野,要成日愉愉想食.

我覺得16個月都仲細。我建議一些比較有規矩既playgroup, repeatly咁上，越大認知多左，會吸收到，keep住做幾個月應該已有效。回家又repeat上堂教過既野。我小朋友會記得堂上x 㛄㛄講既野，我又成日提佢x 㛄㛄教，要點點點點

作者: 小曳人 時間: 16-4-7 16:08

哈哈！其實每個小朋友都有呢d問題

首先，家長自己有無閱讀習慣？
屋企d書係咪無處不在？

當然，孩子無書緣都大有人在。
閱讀唔係苦差，親子時間又點會對2歲小朋友係殘酷現實？！(有可能係大人嘅苦差！哈哈~)

我大仔2歲時都唔聽故事架，但鍾意玩認字遊戲，鍾意玩蒙特梭利教具...
當時，佢撩我玩，我會話：我要睇書呀，你要唔要一齊睇？
其實孩子最鍾意模仿爸媽...

again，個個孩子都係獨特嘅，無書緣的確難搞，但成功同讀書叻唔叻中間唔係等號！

如果我得一個書蟲仔，可能會好離地，但我仲有個無乜書緣嘅細仔，我好明白有d嘢係迫唔嚟嘅，咁~ 家長需要微調一下對孩子嘅期望....

作者: Iamamother 時間: 16-4-7 17:59

回覆小曳人的帖子

哈哈！真難攪..

作者: Iamamother 時間: 16-4-7 18:03

回覆小曳人的帖子

小曳人 , 你知唔知YORK N / K . 有無培養閱讀的課堂?
又或者有那些幼稚園係閱讀方面係出色一些.??
因為我覺得培養佢鐘意書好重要, 對佢將來中小學有用D.
如果唔鐘意書, 比你入到神校都無用啦~

作者: Cutekillq 時間: 16-4-7 18:54 標題: 引用：回覆+小曳人+的帖子小曳人+,+你知唔知YOR

原帖由 Iamamother 於 16-04-07 發表
回覆小曳人的帖子

小曳人 , 你知唔知YORK N / K . 有無培養閱讀的課堂?

我覺得家中親子閱讀最重要。你可看看這書

圖片附件: myphoto.jpg (16-4-7 18:54, 92.91 KB) / 下載次數 26
/forum.php?mod=attachment&aid=NjYwOTZ8OTM0NTE3NGN8MTc1NDQ4ODM2OXww

作者: lvmh88 時間: 16-4-7 19:12

I read that book too, very good! highly recommended !!

作者: Cutekillq 時間: 16-4-7 20:08 標題: 引用：回覆+小曳人+的帖子小曳人+,+你知唔知YOR

原帖由 Iamamother 於 16-04-07 發表
回覆小曳人的帖子

小曳人 , 你知唔知YORK N / K . 有無培養閱讀的課堂?

我大約歲半至2歲覺得小朋友慢慢對睇書有感覺，開頭單圖、圖咭，慢慢加入繪本有故事性的，要從多方面嘗試，同埋家長伴讀最重要。加油

作者: 小曳人 時間: 16-4-8 08:56

Iamamother 發表於 16-4-7 18:03
回覆小曳人的帖子

小曳人 , 你知唔知YORK N / K . 有無培養閱讀的課堂?

其實現時大部份私幼都強調閱讀
我知以往hkps會每星期有書派返屋企睇
其實學校不詳，
KM以閱讀報告形式做

作者: picture 時間: 16-4-9 00:25 標題: 引用：回覆+小曳人+的帖子小曳人+,+你知唔知YOR

原帖由 Iamamother 於 16-04-07 發表
回覆小曳人的帖子

小曳人 , 你知唔知YORK N / K . 有無培養閱讀的課堂?

學校多書派反屋企，但你唔陪佢讀都係無用。

好少見到有小朋友嘅閱讀習慣係完全靠學校培養。

父母的工夫不能少。

學校鼓勵閱讀好處係，唔使自己去搵書買或借。

作者: mandycml 時間: 16-4-9 10:11

小曳人發表於 16-4-8 08:56
其實現時大部份私幼都強調閱讀
我知以往hkps會每星期有書派返屋企睇
其實學校不詳，

HKPS不只是派書返屋企睇咁簡單﹗小朋友要回校讚故事俾老師聽﹗英文書當然用英文讀, 中文書用廣東話, 而國際班要用普通話讀中文書

作者: Iamamother 時間: 16-4-9 17:44

回覆 picture 的帖子

點會唔知呀！我一讀，佢就周身yuk佢一兩個月我都開始讀比佢聽，日日重覆同一二本書！
而家成屋都是書，淘寶淘左幾百本書。
問題係我迫佢聽到頭來令佢對書反感仲死啦！

我問咩學校重閱讀唔代表我x捚雙手靠學校的！

作者: Iamamother 時間: 16-4-9 17:47

回覆 picture 的帖子

我只是普通家長。不是受專業訓練的。我知老師一定有辦法的令小朋友愛閱讀，否則不同上學啦！。再加上家長配合，不是更事半功倍嗎？

作者: picture 時間: 16-4-10 00:08 標題: 引用：回覆+picture+的帖子點會唔知呀！我一讀

原帖由 Iamamother 於 16-04-09 發表
回覆 picture 的帖子

點會唔知呀！我一讀，佢就周身yuk佢一兩個月我都開始讀比佢聽，日日重覆同一二本書！ ...

你講笑定講真？ kui一兩個月大就讀書比佢聽？

作者: Iamamother 時間: 16-4-10 09:16

回覆 picture 的帖子

係架，三隻小豬，hungary catapillar.....而家仲讀緊。
Eric Carle 大部分我都有。
不過佢對飛機書同動物書有d興趣。
所以而家成日睇動物書。
而家我同爸爸，我讀爸爸就㩒實佢，佢2一3分鐘便Yuk！爸爸就叫佢不淮yuk.
如果爸爸讀就我㩒。5分鐘內一定要完。
星期六日早上食完早歺我唔比佢走，我一定要佢聽完我講一本書先可以走去玩！
我set左9-10pm story time. 有時我同爸爸都揸本書，佢都係周圍攪，我同佢講你睇下幾點？story time 呀嘛，唔玩住啦！
問題係我㩒住佢依個行為可能已經令佢對書冇興趣。

作者: picture 時間: 16-4-10 10:20 標題: 引用：回覆+picture+的帖子係架，三隻小豬，hun

原帖由 Iamamother 於 16-04-10 發表
回覆 picture 的帖子

係架，三隻小豬，hungary catapillar.....而家仲讀緊。

我反對噤實佢。
佢幾大呀？有時有D野太強硬會有反效果。

佢每次見你拿書出來就知又要受刑，必抗拒。
幼童只可以誘導，唔好強權壓逼。

要好多耐性慢慢誘導。

作者: picture 時間: 16-4-10 10:31 標題: 引用：回覆+picture+的帖子係架，三隻小豬，hun

原帖由 Iamamother 於 16-04-10 發表
回覆 picture 的帖子

係架，三隻小豬，hungary catapillar.....而家仲讀緊。

唔使擔心。

如果你和husband已經變了魔鬼，如佢只係2,3歲，換人換書，換時間，可以再試。

佢associate你兩和書 with negative things,  咁可計畫叫工人姐姐，嫲嫲 or婆婆下午陪佢看書。

先睇下插畫 5 min or less.  比佢enjoy下先。

Key thing is to get him interested. It will take time,  but once he is interested,  he will go through your library quickly.

萬事起頭難嘛！

9-10pm story time cancel吧！

今次慢慢來。睇下好唔好D?

作者: Iamamother 時間: 16-4-10 13:53

回覆 picture 的帖子

He is 16 mth now ar..佢又未到好擴拒既，9-10pm story time其實好relax 既..hahaha..只要佢肯聴吓我地講故仔5 min 已經完架拉。不是迫佢成個鐘。
不過想訓練下佢耐性，佢真係冇乜！

作者: zacharylo 時間: 16-4-10 15:20 標題: 回覆：Iamamother 的帖子

我點同我囝講故事佢都係走左去。不過我返間playgroup 真係好好，雖然好local全廣東話，但我囝同佢d 同學返左幾個月真係起規矩上同耐性都訓練得好好，講緊仲要係每星期一堂，學費先百二蚊堂。好興幸遇到個咁有 heart 既老師。我故上堂肯坐定定聽故事，老師話乜都跟住做。坐得最好最靚就有貼紙攞。當然我著重講德育既老師既教學就好岩我，但好多家長注重好學術個類就唔岩。

作者: picture 時間: 16-4-10 15:47 標題: 引用：我點同我囝講故事佢都係走左去。+不過我返

原帖由 zacharylo 於 16-04-10 發表
我點同我囝講故事佢都係走左去。不過我返間playgroup 真係好好，雖然好local全廣東話，但我囝同佢d 同學 ...

作者: Iamamother 時間: 16-4-10 19:48

回覆 zacharylo 的帖子

Where is it ga. tks

作者: maxifoxy 時間: 16-4-10 22:10 標題: 引用：回覆+picture+的帖子係架，三隻小豬，hun

原帖由 Iamamother 於 16-04-10 發表
回覆 picture 的帖子

係架，三隻小豬，hungary catapillar.....而家仲讀緊。

一個好差既閱讀體驗⋯

利申：我女鍾意睇書

作者: Iamamother 時間: 16-4-10 22:50

回覆 maxifoxy 的帖子

唔好睇到我變態禁！成個過程係嘻嘻哈哈既，
一個鐘既seting 比佢知道每樣野係有時序的，好似起身刷牙。中午食飯，晚上梗係bed time story 架啦！
係果個小時裡面我地要抽時間閱讀！
好多時佢聽左幾一兩分鈡走去玩，我地都一齊同佢去玩！
So far 佢閱讀未over 過5分鐘！
好似之前我地去旅行，去前幾天我日日拿住airport 書早佢睇，話比佢知機場係點。
旅遊之后，佢成日指住本書要我讀比佢知，
佢唔知几開心呀！

講真佢一D都不慘疼囉。

作者: Iamamother 時間: 16-4-10 22:58

果次去動物園，睇完動物，我每個禮拜用一個動物做主題。
貼到成屋都係，佢認得唔知幾好！
你上playgroup 返幼稚園都係禁之麻。
又有得玩，又有得學，一D都唔差囉。

但細佬仔點都要學下忍耐，唔係佢話走就走，玩就玩。
所以一定要久不久㩒下佢，唔係佢以為自己大哂

作者: lvmh88 時間: 16-4-11 00:50 標題: 引用：回覆+lvmh88+的帖子大圍校交通唔算好方便

原帖由 pingu529 於 16-04-06 發表
回覆 lvmh88 的帖子

大圍校交通唔算好方便，又唔算近沙中線，有其他好offer o既外區人未必一定首選呢間 ...

大圍校舍其實係沙中線顯徑站對面，通車後其實係方便好多，等2019.....

作者: MarcusMaC9 時間: 16-4-11 15:18

lvmh88 發表於 16-4-11 00:50
大圍校舍其實係沙中線顯徑站對面，通車後其實係方便好多，等2019.....

等到2019都準備番大埔lu...
我細時住附近...我覺得坐車好方便...或者...巴士線改左唔少啦

作者: BearBearMummy 時間: 16-7-17 10:27

請問樓主最後揀邊間？

作者: anna2015 時間: 16-8-9 00:43

呢個post 真係學左好多野...

歡迎光臨教育王國 (/)