教育王國
標題: 又想問吓打機問題 [打印本頁]
作者: stockmike 時間: 16-4-5 12:55 標題: 又想問吓打機問題
小兒小二同我講，學校而家好多人打機。主要打 minecraft 及 Crush of Clans. 又最近親戚聚會，他們數個仔女近高小，個個行埋一齊但各自打機，和我想像的跳崩崩盡情玩的狀況好大出入。仔仔當然被吸引，全晚係則邊睇，有幸玩咗幾舖。
究竟而家係唔係打機文化已在小學盛行？請大家分享貴校有否此狀況出現(即同學仔閒時是普遍打機?)，我想知仔仔是否重心癮想打機而將學校情況誇張化。
作者: MASAYA 時間: 16-4-5 13:10
暫時學校初小部打機文化唔算大，親友聚會就各自打機，我兩個小朋友都會埋堆湊熱鬧，我唔會阻止，因為佢地唯一可以打機時間就係呢度，你話好唔好，我一定話唔好，如果長時間或沉迷，但偶然一次就冇所謂，完全禁絕引誘更大
以我所見，初小唔多人打機，父母畀小朋友睇片仲多，但升中前後就好多都打機
作者: little_yolky 時間: 16-4-5 13:22
stockmike 發表於 16-4-5 12:55 
小兒小二同我講，學校而家好多人打機。主要打 minecraft 及 Crush of Clans. 又最近親戚聚會，他們數個仔 ...
我屋企男女家所有親戚, 得我兩個女無打機, 但同Masaya一樣, 聚會時就會睇人哋打, 不過佢哋唔會打, 只會睇。D爸爸媽媽好奇怪的, 一邊話好羨慕我兩個女女咁鐘意睇書, 但一邊又買部機俾佢哋打, 口不對心。
作者: Jane1983 時間: 16-4-5 13:41
久吾久打機，無所謂，沉迷真係唔好。但打得多，好少小朋友可以吾沉迷。
見過疏堂親戚，兩個仔一人一部電子奶嘴，兩兄弟、一家人相見猶如不見，學業、親情和眼力，全部都無，好無謂。
作者: MrBeast 時間: 16-4-5 16:16
約法三章、限時限侯便可，你們有冇聽過marshmallow experiment? 有self control 的小朋友學業也不差的
作者: babywoman 時間: 16-4-5 16:28 標題: 回覆：又想問吓打機問題
minecraft，我仔（小三）識，仲買左本功略。因要錢玩，所以冇玩。但上youtobe睇人地玩多.
我仔主要睇片，睇人地玩遊戲，但估計以後都會玩。平時做完功課，假期會俾玩。如果出街，我唔會俾電話佢玩。
作者: babywoman 時間: 16-4-5 16:32 標題: 回覆：又想問吓打機問題
忘記講，我識幾個同學仔，都少玩的，甚至不玩。估計得我仔玩得多啲，冇法，屋企有個勁鍾意打機嘅爸爸
作者: little_yolky 時間: 16-4-5 16:33
MrBeast 發表於 16-4-5 16:16
約法三章、限時限侯便可，你們有冇聽過marshmallow experiment? 有self control 的小朋友學業也不差的 ...
作者: kayi0556 時間: 16-4-5 16:43
唔知係唔係近期興核突膠， 我囡學左其他朋友d仔囡整核突膠
上次gathering小朋友同小朋友玩， 有個大姐姐小五教整核突膠，
我囡依家成日話要整， 我囡初小jar, 成日話要買膠水同白膠漿
你地d細路係唔係都鐘意玩？
作者: Yanamami 時間: 16-4-5 17:14
little_yolky 發表於 16-4-5 13:22
打機唔會响學校打, 但响屋企就好普遍, 唔係初小, 係幼稚園！
我屋企男女家所有親戚, 得我兩個女無打機, 但 ...
作者: YanKanMom 時間: 16-4-5 17:44
囝高小，從同學家長得知，打機文化在班中好普遍，可能有部分同學會沉迷。囝笨手笨腳，加上家中無機打，他在這方面與同學無交流。不要小看電子遊戲機之威力，囝原本有點自豪自己不愛打機，但當他參加了一個交流活動後，眼看其他同學投入打機，自己也會投入看別人打，回家後便央求我們給他打了。
作者: Yanamami 時間: 16-4-5 18:18
MASAYA 可能仲衰，打機都只係沉迷+浪費時間，密偈可以破壞關係，影響社交
******************
边係单对单密偈？你out了……Snap chat可以四人組齐齐傾~总之有傾唔完既偈……我地幾十年前咪又係煲电話粥？
作者: Olympian 時間: 16-4-5 18:21 標題: 回覆：YanKanMom 的帖子
仔小一，早排發現佢上YouTube "睇"打機，我地唔准佢睇，佢都聽話。係我心目中打機係毒藥，會盡量阻止或延遲佢接獨到。我留意到我仔"睇"打機個表情，跟睇片好唔同。佢睇片個樣放鬆好多，睇打機個樣就好緊張咁。我覺得睇得多都唔健康。
作者: MASAYA 時間: 16-4-5 18:29
Yanamami 發表於 16-4-5 18:18
MASAYA 可能仲衰，打機都只係沉迷+浪費時間，密偈可以破壞關係，影響社交
******************
作者: YanKanMom 時間: 16-4-5 18:36
回覆 Olympian 的帖子
囝好偶然會玩現已out了的Angry Bird, 他是會很緊張輸赢的，因過到關可繼續玩落去及取高分。我估電子遊戲最吸引人的地方便是不斷挑戰自己更上一層楼，搞到自己不能自拔吧。
作者: MrBeast 時間: 16-4-5 18:42
本帖最後由 MrBeast 於 16-4-5 18:51 編輯
little_yolky 發表於 16-4-5 16:33
我諗, 自小可以培養到一種或以上興趣既小朋友, 係唔會沉迷打機的。好似大女唔會沉迷, 但細女就會。佢無乜嘢 ...
我又諗，除左睇書又或較學術的興趣如天文地理之類，體㙯其實都難，我個一去到d位kick住時又或有壓力就話唔想學落去 
ps, 我個拉唔到琴，我都是上utube 找片比佢偷C
作者: MrBeast 時間: 16-4-5 18:48
Yanamami 發表於 16-4-5 17:14
女仔打机㽼唔大，不过如有手机，就一日到黑FB, IG, 乜chat物chat, —样机不離手~ ...
作者: stockmike 時間: 16-4-5 20:10 標題: 回覆：又想問吓打機問題
小弟回想初小無錢買唔到任天堂，日日睇鄰居打機。有幸人哋會鬆一舖俾我打，高小用利士錢買世嘉，租帶打通宵趕還帶，但因又係無錢加上好多嘢玩成走廊朋友，慶幸無持續。初中打電腦 game 又試過通頂，無持續因為打爆就唔會玩。到出到來做嘢開始有自己錢即買 PS 及大量 game, 來補償番初小的心靈，但發覺自己原來買番來擺，興趣不大。回顧屋企人從無阻止打機，相信無上癮原因係較遲接觸遊戲機. 我啲初小打機鄰居出來工作仍有打手提 gameboy，有仔女後都有俾ipad 。但現今打機環境不同，而家隨手及可帶出街，電力强勁。遊戲内容沒完沒了，俾錢買嘢如供樓，多人網上溝通，出走廊無人玩，去公園由小一對上唔見晒。小弟小時如生活在今，因家人不管，一定係打機迷。
作者: MASAYA 時間: 16-4-5 20:26
初小父母唔提供，小朋友可以有咩途徑沉迷？高小、初中先開始已經輸在起跑線，除非資質特優，否則好難縮短呢個差距，唔夠打已常輸就好難沉迷，沉迷打機基本上都係父母鬆手造成
作者: TanmaAmy 時間: 16-4-5 21:14
我個女小六,聽佢講大部分玩手機game
怪彈,Line 跑跑薑餅人等
最弊有D仲用真錢買點數
作者: 洋蔥頭媽咪 時間: 16-4-5 23:00 標題: 回覆：又想問吓打機問題
我仔都有打機，初小唔會玩但高小就有，其實現今資訊發達小朋友身邊好容易接觸到，我覺得與其禁止倒不如教孩子學習自我控制適可而止。
我仔高小起開始有玩 minecraft ，換個角度去睇其實都可以訓練小朋友創意，滿足下佢地意欲甚至幫佢減下壓，當然家長要教小朋友適量控制時間，避免過度沈迷，其實打機都可以係正面嘅。仲有因我仔鍾意玩 minecraft， 會上 YouTube 睇片，我亦刻意買啲英文版嘅書比佢睇，英文亦進步左，睇片對學習英文其實都有幫助。
作者: little_yolky 時間: 16-4-6 09:14
stockmike 發表於 16-4-5 20:10
小弟回想初小無錢買唔到任天堂，日日睇鄰居打機。有幸人哋會鬆一舖俾我打，高小用利士錢買世嘉，租帶打通宵 ...
作者: Ocean419 時間: 16-4-6 09:28 標題: 回覆：又想問吓打機問題
我仔初小，佢同身邊好友都冇手機，家中電腦只限做功課要用時有大人在旁。玩手機只限出街食飯佢食得快比佢玩一陣，d apps 都係同學英文有關為主
作者: wan_sosin 時間: 16-4-6 10:32 標題: 回覆：又想問吓打機問題
我仔都係小二，無聽到學校有打機風氣喎，反而高年班D嘅同學常唱低B歌仔，什麼ABCD好急C
作者: stockmike 時間: 16-4-15 01:33 標題: 回覆：又想問吓打機問題
安謂係呢排佢因不需返學已無提要求打機及多自動波看番圖書。我真希望下年佢同班唔好係多機迷，我無心理準備貢早面對 peer influence 的威力。
作者: cherrieshum 時間: 16-4-16 15:15 標題: 回覆：又想問吓打機問題
好多男仔被手機害死
作者: Yanamami 時間: 16-4-16 16:05
我地学校同学無論男女，都操体艺&樂器，無乜太多時间打机~
作者: aomori 時間: 16-4-16 17:03
會否沉迷，其實好睇小朋友本身是否喜歡打機。有D小朋友可以打幾鋪就唔玩，但只要是智能電話已經係一種大引誘，唔啱打機也可傾計 whatsapp 同上網! 出街見到人人一機在手就知! 總之易俾難斷! 此物亦挑戰了很多高小或中學生和父母的親子關係!
作者: bobpinpin 時間: 16-4-16 21:33 標題: 回覆：又想問吓打機問題
其實小朋友愛打機可以有好多理友，假如想小朋友少打，可以用其他有等同滿足程度的事情俾佢做。同佢傾下，或者有意外收穫。
作者: 大件仔 時間: 16-4-16 22:37
打機真係好難攪, 好小搵到學生不喜歡, 小學生家長仲可以控制, 去到中學佢可能彩你都傻, 身邊好多朋友都係咁.
我亞仔暫時都可控制, 近來多左玩電腦, 整下片咁, 唯一好處IT科考試年年100分
作者: stockmike 時間: 16-4-17 00:25 標題: 回覆：又想問吓打機問題
我真係想問吓過來人，暴君式唔俾玩 work 嗎？
作者: sarahdad 時間: 16-4-17 08:53
本帖最後由 sarahdad 於 16-4-17 08:53 編輯
我從小至大不準女兒碰手機及玩電子遊戲, 娛樂以看書, 落樓下公園玩為主,所以她沒有玩手機和打機的習慣.
作者: stockmike 時間: 16-4-17 09:26 標題: 回覆：又想問吓打機問題
我已向朋友中學家長收風基本上中學一定用手機玩 Whatapp. 重有女仔大多不打機反而㷛劇，這我是已接受及有心理準備。就只想問吓過來人，有無試過暴君式禁打機致初中青春期？成功或失敗，效果如何？青春期仍 work ?
作者: birdbird 時間: 16-4-17 10:26
本帖最後由 birdbird 於 16-4-17 11:30 編輯
stockmike 發表於 16-4-17 09:26
我已向朋友中學家長收風基本上中學一定用手機玩 Whatapp. 重有女仔大多不打機反而㷛劇，這我是已接受及有心 ...
我仔已初中, smartphone 亦只係早4個月前才有,
我仔由細到大, 我係唔比佢打機, 佢只可以在出門旅行時坐飛機玩一陣 tablet.
佢d 同學玩 minecraft, 佢玩過, 覺得冇咩趣味
佢反而鐘意放長假時同 Daddy 玩 xbox 足球 game.
我仔小五開始, 我比佢帶只可打出打入的手機返學,
因為佢放學後要自己搭車.
佢有問過我要 smartphone, 佢話佢好多同學用 iphone.
我堅持唔比, 人地有係人地個事 (根本我覺得果d家長係不智: 小學生的駕馭能力與所用的物件唔 匹配),
我屋企就有我個規矩 & 原則, 我係唔會因為人地點 (尤其我唔認同的做法) 而改變自己個原則,
我亦解釋比個仔知道, 我唔比佢用 smartphone 的原因
因為 --
1) 佢平時已成日唔見校服、文具, 佢表現唔到佢有能力管理部 smartphone
2) 唔想佢在學校為要照顧部手機要唔去玩、打波 (小朋友的 隨身物隨處放, 玩完先至會拎番, 我仔分分鐘為o左守護部機而唔去玩)
3) 唔想佢坐車掛住打機而忘記落車 --> 遲到
4) 唔想壞人見到佢部手機而對佢有壞念. 我有比佢睇學生被搶手機的新聞, 我同佢講要 smartphone, 佢就冇得自由行, 出入一定要工人姐姐陪, 佢揀o左帶住部簡單手機自由行.
到了中學, 過o左年幾, 遇著我換手機, 我就將我部舊 smartphone 比個仔.
但係部機只能行 wifi (因為我唔想佢能隨時隨地打機), 我只留番一個 game.
我仔用部機來收 自己班 chat group的whatsapp 及上堂影相做功課.
佢用部 smartphone 用來當 mp3 聽歌用.
我亦講明我會間唔中睇下佢部手機.
(佢仍帶住部只可打出打入的手機作 voice calls)
so far, 部低檔 兼 只行 wifi 的smartphone 仍夠我仔用,
佢 d 同學亦好少有d 無聊 whatsapp, 可能因為佢地早幾年已經一人一部 laptop 返學,
慣o左用 email 及 online chat 溝通.
用 laptop 初期, 佢好沉迷上 youtube, 我亦在長假期時收起佢部 laptop.
我講明收起的原因係佢唔曉自律.
過一排之後, 佢似乎又明,
我見佢適可而止, 所以之後都冇收起佢部 laptop
註: 我仔做功課, 用 laptop 係在廳, 我地睇到.
其實, 想個細路唔打機,
除o左家長在軟硬件上的 '阻礙'' 之外,
小朋友要有d 細藝打發時間先至 唔會諗打機.
我仔要打波, 每個星期除了 training 之外,
又會同Daddy d 波友一齊玩雙打,
加上佢要照顧功課+鋼琴, 變o左佢唔係咁多空閒時間
另外, 由細到大已習慣帶本書出街, 方便坐車時睇, 餐廳等位時睇,
可能因為咁, 打機的習慣及熱情冇咁容易持續.
作者: ajfamily 時間: 16-4-18 08:29
Jane1983 發表於 16-4-5 13:41
久吾久打機，無所謂，沉迷真係唔好。但打得多，好少小朋友可以吾沉迷。
見過疏堂親戚，兩個仔一人一部電子 ...
作者: stockmike 時間: 16-4-18 14:08 標題: 回覆：又想問吓打機問題
我平時除校的電腦功課係唔俾佢用電腦 (小二), 佢應該從同學處聽了網址，自己走去登記玩 online 數學 game，(我不在場 ), 我好 surprise 佢自己入 email 同 set password. 呢啲 step 成人都未必識。我相信唔係仔仔比人特別叻，普遍細路都學得好快. 太早打機是很危險，佢哋能伸延的速度超乎想像，你能保證你孩子天生不愛打機嗎？我就不能了。
作者: Jane1983 時間: 16-4-18 14:53
本帖最後由 Jane1983 於 16-4-18 14:53 編輯
打機係一個難搞的題目。我試過比亞女打，原因係朋友仔聚會，佢吾識打、打得差，好無癮。另外，打機對練反應、motor skills亦有幫助。試左9個月，覺得弊多於利，同亞女傾過就停晒。今年暑假，可能會再試吓。
| 歡迎光臨 教育王國 (/) |
Powered by Discuz! X1.5 |