教育王國

標題: 升中壓力大名校生焦慮自殘管教嚴功課多港孩不快樂 [打印本頁]

作者: elbar 時間: 16-3-31 09:14 標題: 升中壓力大名校生焦慮自殘管教嚴功課多港孩不快樂

本帖最後由 elbar 於 16-3-31 12:03 編輯

有調查發現不足4成兒童認為學校課程有趣，較過去兩年的比例低。

【晴報專訊】虎爸虎媽加上學業壓力，令港童不快樂！嶺南大學連續第4年公布兒童快樂指數，以10分為滿分，指數由前年的6.74，跌至去年的6.49，連續兩年跌，更是調查有紀錄以來最低。另外，有精神科醫生指有學生升名校後，疑不堪壓力自殘，後確診為焦慮及抑鬱症。

調查去年10月至今年1月進行，訪問2,600多名小四至中三學生及家長，發現不快樂兒童的學習壓力上升，父母傾向管教嚴厲，對子女的不當行為會強烈責備，這批兒童與雙親關係明顯轉差，分數由前年的3.38跌至去年的3.04。

小四家課時數最長

嶺大公共政策研究中心榮譽研究員何濼生教授分析，8至9歲及14歲兩個年齡組別的快樂指數跌幅較明顯；而父母緊張子女學業表現程度提高，對家庭生活及幸福感所造成的負面影響增加，加上校內對學業成績有一定比較，但認為與小三TSA無關。

調查亦發現，在各年級學童中，小學四年級家課時數最長，由去年的平均每日140分鐘增至151分鐘；中學生家課時數，由去年平均每日95至115分鐘增至110至126分鐘。另外，不足4成兒童認為學校課程有趣，較過去兩年的比例低。

學業壓力影響睡眠質素

嬰幼兒發展兒童基金會主席葉柏強醫生指，近年社會氣氛，不論家長及學校均過分着重學業成就，忽略個人身體、生涯規劃發展等，增加港童學業壓力，更直接影響他們睡眠質素，甚至出現精神健康問題。

精神科專科醫生麥永接指，曾有中一學生升上地區名校後，不堪功課量大增，性情大變，後演變成不願上學，甚至有自殘行為，感厭世，被確診為焦慮及抑鬱症；而近年焦慮及抑鬱症的青年求助個案上升，甚至有年輕化迹象，由18至19歲蔓延至中小學生。

每日只做兩頁功課小一生笑顏重現

學生壓力爆煲，有家長選擇當「虎爸虎媽」，但亦有人選擇「放手」，讓子女輕鬆學習。趙太的兒子就讀小四，她一直抱着「望子成龍」心態，希望他名列前茅，縱使每天功課多達十份，兒子完成後仍逼他繼續背默學校沒要求溫習的課文，及買額外補充練習訓練，令原本開朗活潑的兒子，脾氣變得暴躁、亂擲課本、無故罵人，惟趙太坦言：「為他前途着想，一定要逼。」

另一邊廂，兒子就讀小一的黃太認為，小孩應有開心童年，每天放學後玩樂、吃小食一小時，讓他們輕鬆一會，才做功課，故她上月安排兒子轉校，入讀同區另一津貼小學，擺脫昔日每天「功課奴隸」的生活，現每天只做兩頁功課，其餘時間都是閱讀、運動，兒子由以往的緊張、不開心，重現笑顏。

何濼生教授

作者: 已刪除用戶 時間: 16-3-31 11:03 標題: 回覆：升中壓力大名校生焦慮自殘管教嚴功課多港孩不快樂

竟然仲有不足4成兒童認為學校課程有趣

，講真「有趣」二字我都講唔出口

作者: Naurto 時間: 16-3-31 11:09 標題: 回覆：升中壓力大名校生焦慮自殘管教嚴功課多港孩不快樂

所以不斷地看重band 1a, b, c分別. 只會加重自己和小朋友壓力……

作者: esmehouse 時間: 16-3-31 11:10

香港小朋友真係好苦

作者: YmOra 時間: 16-3-31 11:36

苦了自己,苦了孩子.

作者: MariaTsui 時間: 16-3-31 12:00 標題: 回覆：升中壓力大名校生焦慮自殘管教嚴功課多港孩不快樂

經歷兩次升中，父母選擇合適的中學給小朋友真的不易，老師和大部分的家長都要看高一線，難為了小孩

作者: little_yolky 時間: 16-3-31 12:13

Charlotte_mom 發表於 16-3-31 11:03
竟然仲有不足4成兒童認為學校課程有趣，講真「有趣」二字我都講唔出口

...

係, 最憎個視藝project, 年年搵個印象派畫家唔知乜水, 叫小朋友做, 又要評畫, 又要寫感想, 但上堂又無教。

去圖書館借咗疊書俾阿女睇, 阿女話：媽咪, 我做到頭痛呀。

夜晚仲發埋燒添。

阿女細個時好鐘意畫畫的, 依家反而唔鐘意視藝, 話好悶。

香港既功課, 就係不斷咁磨滅你僅有既興趣, 如果到最後小朋友仍然對該科有興趣, 咁真係要俾心機培養吓了, 可能以後可以做到果方面既專家都唔定。

作者: 已刪除用戶 時間: 16-3-31 15:36 標題: 引用：Quote:Charlotte_mom+發表於+16-3-31+11:03

原帖由 little_yolky 於 16-03-31 發表
係, 最憎個視藝project, 年年搵個印象派畫家唔知乜水, 叫小朋友做, 又要評畫, 又要寫感想, 但上堂又無教。
...

咁高中千祈唔好揀

我聽幾個case由愛藝術變成討厭，喊住drop

作者: little_yolky 時間: 16-3-31 15:58

Charlotte_mom 發表於 16-3-31 15:36
咁高中千祈唔好揀我聽幾個case由愛藝術變成討厭，喊住drop

佢話要讀中史同歷史喎, 我愁到呢。

作者: KK20010609 時間: 16-3-31 16:18

提示: 作者被禁止或刪除內容自動屏蔽

作者: 王家爸爸 時間: 16-3-31 16:35

Naurto 發表於 16-3-31 11:09
所以不斷地看重band 1a, b, c分別. 只會加重自己和小朋友壓力……

所以我覺得以前分五個Bands好啲，錯配機會細啲。

作者: 王家爸爸 時間: 16-3-31 16:37

Charlotte_mom 發表於 16-3-31 11:03
竟然仲有不足4成兒童認為學校課程有趣，講真「有趣」二字我都講唔出口

...

其實呢啲調查，好睇份問卷點寫，唔同問法可以有好唔同既結果，誤導成份可以好高。

作者: CrabPincers 時間: 16-4-1 07:44 標題: 引用：我也是最憎個視藝科

原帖由 KK20010609 於 16-03-31 發表
我也是最憎個視藝科

我女同仔最憎視藝，音樂同體育

有次星期日在街食飯，甘岩電視做城市論壇，講學生自殺問題，我不是太記得，邊個（主持定市民）話香港學校只著重學業，忽略興趣科，好似體育/視藝呢d科，我不是太記得嘉賓點答，但就心諗，依家一星期兩堂，我仔都憎到死，還要加？不好啦

作者: 晴晴小B 時間: 16-4-1 09:59 標題: 引用：Quote:原帖由+KK20010609+於+16-03-31+發表

原帖由 CrabPincers 於 16-04-01 發表
我女同仔最憎視藝，音樂同體育

有次星期日在街食飯，甘岩電視做城市論壇，講學生自殺問題，我不是太記得， ...

我就最憎常識科，學埋啲豬籠草，咩咩樹蛙，浪費時間。

作者: Tophand8899 時間: 16-4-1 10:10 標題: 回覆：升中壓力大名校生焦慮自殘管教嚴功課多港孩不快樂

中文科最好，個個答案都好似啱，根本唔駛讀

作者: anixon 時間: 16-4-1 10:32

大部份香港學童睡眠質素都差，根本唔夠瞓。

作者: MariaTsui 時間: 16-4-1 10:54 標題: 引用：Quote:原帖由+KK20010609+於+16-03-31+發表

原帖由 CrabPincers 於 16-04-01 發表
我女同仔最憎視藝，音樂同體育

有次星期日在街食飯，甘岩電視做城市論壇，講學生自殺問題，我不是太記得， ...

家中的哥哥都憎視藝和音樂，中學選了一間不重視這兩科我學校，他讀得很開心。

作者: TwinWong 時間: 16-4-1 11:10

本帖最後由 TwinWong 於 16-4-1 11:27 編輯

YmOra 發表於 16-3-31 11:36
苦了自己,苦了孩子.

其實錯配或家長要望高一線, 最後子女力有不逮就會讀得最痛苦

作者: 5kin 時間: 16-4-1 11:50

TwinWong 發表於 16-4-1 11:10
其實錯配或家長要望高一線, 最後子女力有不逮就會讀得最痛苦

有多少家長肯承認自己高估小朋友嘅能力？又有幾多家長選校時能放棄㨂高一d？
真係入咗間讀唔嚟嘅學校，
有幾多家長願意跳船？

有幾多家長耳仔軟，聽人講話可以揀高d就仆到去做？
又有幾多人三句唔埋就叫人去高d？

作者: chesswin 時間: 16-4-1 13:22

望子成龍其實好正常, 但我認為最好係因材施教.
做家長好多時都係期望過高, 亦想達到自己當年未能實現的願望, 或者複制自我，最後苦了孩子, 其至害了小孩及自己。
幸好我不是怪獸家長, 我仔女玩多過讀書

作者: daisy17772 時間: 16-4-1 13:22

本帖最後由 daisy17772 於 16-4-1 13:23 編輯

Are your schools 小四家課時數最長? My girl's seems to be P5 having the largest amount of hwk. At easter last year, there were 21 pieces !!!!!! (only few pieces were correction)

作者: 妹妹頭 時間: 16-4-1 14:47

回覆 daisy17772 的帖子

我果位小姐都係小四, 但一D都唔多功課, EASTER 13日假期, 學校都只係有6樣功課, 阿女放第一日已經一次過做晒, 剩下果D假期可以玩, 又可以溫下習, GOOD

作者: Yanamami 時間: 16-4-1 15:13

我女P6都好得閒，十幾日假，—开始放已完成七成，日日懶懶閒，正好用黎睇下中学booklist入边既書~

作者: ms.giggle 時間: 16-4-2 08:51 標題: 回覆：升中壓力大名校生焦慮自殘管教嚴功課多港孩不快樂

我也深明這brand 1名中學的壓力，我小學明明考開全級頭十，咁亞媽緊係為我選最好最好的，佢估唔到，我去到中學，差不多前后左右都叻過我，心情低落有誰知…可能係自己小學太渣，不是什麼程度深嘅學校，去到中學全英文實在吃不消，聽唔明，靠自學。所以我認為選校，要了解自己小朋友性格，是否遇強愈強？也要了解小學的真正能力，一定要選適合的中學，而不是最好最受歡迎那間。

作者: daisy17772 時間: 16-4-2 13:47

本帖最後由 daisy17772 於 16-4-2 13:50 編輯

glad to see many moms here not blindly push their kids.  Some even allow much playing time.

My girl is in P6, through the three internal exams experience for applying for S1, I've come to believe that kids have their own ways out, not everyone can copy the same mode expected from the HK system and parents.  I even told my girl, when you go to secondary school, it's more on your own way, it's not up to me to decide for you whether you wanna go to a top university, a modest one, or not even study a degree.  Having said that, I don't mean I'm a parent who don't have expectation on them, but rather I always let them know parents are only assisting them, it's their own call to their find their way out.

I've seen quite a few cases that children are being pushed harshly, then one day they fell like an angle from hell.  Self motivation is the essence of moving themselves forward in the long run.

歡迎光臨教育王國 (/)