教育王國
標題: 又一名女學生自殺 [打印本頁]
作者: superccc 時間: 16-3-28 20:18 標題: 又一名女學生自殺
【on.cc 東網專訊】復活節假期完結，在明日恢復上學前夕，一名17歲女學生，傍晚6時許，被發現從長沙灣昌華街38號高處墮下，跌落後巷，救護員接報到場將女事主送院救治，惟經搶救後證實不治，現場遺下事主波鞋及手袋，警方正調查其墮樓原因。
作者: long0 時間: 17-2-6 18:16
《立場新聞》農曆新年假期結束後，有學生墮樓身亡。在青衣長康邨康祥樓，一名穿校服的女學生於今晨6時許，疑墮樓倒卧地面，途人報警。女生送院後搶救不治。
警方之後於樓上一單位找到女生家人，死者姓蔡，為13歲學生，警員正展開調查，初步相信女生從30樓跳下。
另外，一名16歲中四學生昨晨在馬鞍山墮樓亡。因死者身上沒有身分證明文件，一度身分未明，警方在屋苑貼紙條找尋親友，其後確定死者身分。死者姓羅，為16歲中四生，昨晨近10時，他於利安邨利興樓高處墮下，重傷倒卧石屎簷篷，街坊報警，羅送院搶救後證實不治。
作者: Jane1983 時間: 17-2-6 20:26
一日3個
作者: skkeung 時間: 17-2-6 20:35
Jane1983 發表於 17-2-6 20:26 
一日3個
多少人死，社會才反思！
作者: 701003 時間: 17-2-7 10:08 標題: 回覆：又一名女學生自殺
今朝新聞講咗，少女遺書話生活不開心!社會主流傾向"賴",唔會反思已過的!社會錯制度錯，自己唔會錯EK滿佈人版
作者: annie40 時間: 17-2-7 11:01
委過於人文化不可長。
社會和家長們總有大大小小的決點, 只能盡力改之。如果不幸地孩子有委過於人的習性，希望家長們不要心軟, 糾正孩子，力斥其非之餘，亦順道自省一番。
無論孩子暫時有多出色或多不濟，面對失望時，「頼」是快速逃避門，放下兩句負氣話，又或像鬼上身，不停的重複負氣話。其實最容易鬼上身的，通常是家長，真的很難放下嗎？
面對失望，卻依然很享受過程的孩子，習慣感恩，經常有得著，唔想「發」都幾難吧！
中華文族性格內斂勤奮，已是培養高情商的基石。放下，不放下，在於一念之間而已。
作者: nintendo 時間: 17-2-7 12:48
今天在 facebook 看到一小段 :
" 一仗功成萬骨枯。細細個搭地鐵都成日聽到，「上到車既乘客請行入去車箱中間，多謝合作」啦。但地鐵出現喺香港三十幾年，香港人到而家都係塞住喺門口度，塞住都唔緊要，你見人想入都好心讓條路比人行丫。呢個就係香港人，搭地鐵係咁，做人都係咁。塞住個路口就好話人埋怨點解上唔到車！"
其實去到有自殺念頭，已是有心理上的問題，不能以常人的標準看，這點以往己有社會已廣泛討論過。自殺，是一念之間。人都死咗，何必鞭屍？
作者: palmchristy 時間: 17-2-7 12:51
annie40 發表於 17-2-7 11:01
委過於人文化不可長。
社會和家長們總有大大小小的決點, 只能盡力改之。如果不幸地孩子有委過於人的習性， ...
同意小朋友學識諉過於人唔係好事. 面對自身問題不去自省處理, 卻把失敗歸咎於其他不可控制的環境、社會或人為因素, 將來的發展會受到限制.
但有時又諗, 如果小朋友搵到個位暫時逃避一下, 唔駛即時面對咁大壓力, 係可以減少諗埋一邊引致的慘劇. 但要教導小朋友在傷痛後勇於面對自身問題, 積極解決, 而不是繼續逃避, 甚至真的誤以為自己失敗的遭遇是由他人造成.
太叻的小朋友經常俾自己太大壓力, 又未必識減壓, 到有朝一日失手或面對挫敗時, 真係唔知識唔識面對. 太邊沿的小朋友經常面對失敗, 容易覺得自己無用諗埋一邊. 呢兩類小朋友最令人擔心. 家長除了要調整期望以外, 更要以輕鬆的心態去鼓勵孩子: 不要把問題放得太大, 一時的失敗和難關總會過去, 有難題不要收收埋埋, 要和家人分享, 一起面對, 總會有解決的方法的.
作者: MC1128 時間: 17-2-7 13:54
每次見到這些新聞都好心酸
媽媽喊:唔鬧你呀, 阿女返嚟
我每次有機會都同女討論, 遇到咩困難, 都一定有解決方法, 千萬不要這樣做, 是對父母一生的懲罰
作者: palmchristy 時間: 17-2-7 14:59
MC1128 發表於 17-2-7 13:54
每次見到這些新聞都好心酸
媽媽喊:唔鬧你呀, 阿女返嚟
有時都唔知點同孩子講. 講得多, 驚佢有樣學樣; 唔講, 又唔知佢地心裡點睇呢個課題. 總之每次有機會都會同佢地講: "有野記住同我地講, 一齊諗吓辦法, 千祈唔好收收埋埋."
呢幾年攪緊拆牆鬆綁, 好多之前"一定唔得"的事, 依家變成"想就問聲我地先啦, 有得商量的".
作者: himching 時間: 17-2-7 15:45
RIP.
聽到依啲不幸, 都十分難過, 特別係昨日果位媽媽:：「媽媽嗌你有冇聽到呀，媽媽喺度你返嚟……阿媽唔鬧你呀。」
以前對依啲新聞, 好唔好同仔女講都好猶豫, 不過近依幾年, 都會直接同佢地講, 因為相信仔女可能會更明白自殺小朋友的內心感受. 亦要佢地感受一下自殺後的結果會係點.
大人對小朋友所面對的任何問題, 最直接做的事, 係搵佢 "原因" 搵"解決方法" ,跟住一堆大道理再加一堆"恐嚇" 說話如對唔住父母, 大過會乞食等等, 務求一定要搵出"解決方法". 好彩我讀得書少, 唔識大道理, 同小朋友相處, 就自己變咗大細路, 只聽佢地up, 有時做啲事情比佢地更幼稚. 慢慢發覺小朋友又好, teenage又好, 遇到問題, 佢地只係想父母聽佢講就得, 千祈唔好加意見, "解決方法"佢地會自己去諗的. 但父母做到嗎?
作者: annie40 時間: 17-2-7 21:59
曾經認識一個女孩，見足八年，憂心足八年，因為孩子無玩伴。
十三歳那年走了，自己喊左半年，惟有上山跑步。幾年過後，隠約明白一點，想孩子樂天，我們最好學習樂天，想孩子懂得交朋結友，我們也要有多關心左鄰右舍和朋友，有幽默感的爸媽，孩子的逃生門又多一瓣。我們的生活態度，對朋友的情誼，對親屬的包容，以至消閑活動，孩子也在抄襲中。我們講的孩子不一定聽，我們退縮，害怕下的態度和選擇，經常成了孩子部份性格了.
作者: Jane1983 時間: 17-2-8 07:36
本帖最後由 Jane1983 於 17-2-8 09:52 編輯
年紀輕的學生自殺，通常離唔開幾個原因：（1）學習壓力，功課測考擔子太重，頂唔順；（2）成績跟唔上，學校、屋企兩面受壓；（3）被欺凌；（4）家庭問題 - 父母期望過高、離異或缺乏溫暖；（5）其他 - 早戀、生病等等。
多d聽吓小朋友講嘢，觀察吓佢地的生活，可以早d幫到佢。好多時在街上，見到都是一家幾口，各自打機、玩電話，一家人同一屋簷下好多年，可能無乜溝通，感情淡薄。咁樣又是否當初生小朋友的原意呢？毋忘初衷，父母放下雜務，為仔女行多步。
作者: MrBeast 時間: 17-2-8 08:32
Jane1983 發表於 17-2-8 07:36
年紀輕的學生自殺，通常離唔開幾個原因：（1）學習壓力，功課測考擔子太重，頂唔順；（2）成績跟唔上，學校 ...
作者: MrBeast 時間: 17-2-8 08:35
本帖最後由 MrBeast 於 17-2-8 08:37 編輯
himching 發表於 17-2-7 15:45
RIP.
聽到依啲不幸, 都十分難過, 特別係昨日果位媽媽:：「媽媽嗌你有冇聽到呀，媽媽喺度你返嚟……阿媽唔 ...
110% agree. listen more n talk less. 父母最好在青春期前master 到paraphrase
| 歡迎光臨 教育王國 (/) |
Powered by Discuz! X1.5 |