教育王國

標題: 小學考試時不可去廁所 [打印本頁]

作者: cch0928 時間: 16-3-27 17:34 標題: 小學考試時不可去廁所

你們孩子的學校是否這樣？有朋友的小朋友小息時冇去，考在二十分鐘話急，監考書記話佢小息冇去唔俾去，忍了十幾分鐘後結果瀨了出來，我個人覺得好荒謬，DSE考試都冇可能唔俾考生去廁所，小學係咪仲有呢D事發生？定係個別事件？

作者: YolandaTam 時間: 16-3-27 17:40 標題: 引用：你們孩子的學校是否這樣？有朋友的小朋友小

原帖由 cch0928 於 16-03-27 發表
你們孩子的學校是否這樣？有朋友的小朋友小息時冇去，考在二十分鐘話急，監考書記話佢小息冇去唔俾去，忍了 ...

好正常。平時上課都唔俾，何況考試。

作者: cch0928 時間: 16-3-27 17:46 標題: 回覆：YolandaTam 的帖子

係因為我地大人覺得小朋友會玩嘢所以唔俾？去瀨了的羞辱是咁樣是一種合理的教育嗎？只是因為他們是孩子就要咁教？真是正常嗎？十幾歲去公開試才有去廁所的權利？

作者: Yanamami 時間: 16-3-27 17:50

本帖最後由 Yanamami 於 16-3-27 17:51 編輯

阿女(P6)話有同学考考下試要去厠所，不过蝕左既時间係唔会補番，所以如非忍唔到，無人会去~低年班同学，考前老師会提佢地要去厠所先~每间学校做法不—。

作者: cch0928 時間: 16-3-27 17:55 標題: 回覆：Yanamami 的帖子

咁我覺得合理正常的，公開考試都不會補時啦！我想知唔俾小朋友去，搞到佢瀨，殺人儆百的文化仲有嗎？呢D我十年前聽過的事，點解仲會發生？我個人覺得好可悲，係我怪獸定學校冇進步過？

作者: longlokma 時間: 16-3-27 18:06 標題: 回覆：小學考試時不可去廁所

明白孩子會難受…………但如果小息后20分鐘會急到咁厲害，即孩子小息時已有一定程度便意，你有冇了解佢為什麼小息時唔去呢？如果有特別原因就教孩子下次要同老師解釋小息点解冇去；冇特別原因或小息因貪玩而唔去這就只好當是一場教訓

作者: Yanamami 時間: 16-3-27 18:10

cch0928 發表於 16-3-27 17:46
係因為我地大人覺得小朋友會玩嘢所以唔俾？去瀨了的羞辱是咁樣是一種合理的教育嗎？只是因為他們是孩子就要 ...

我諗提防出貓多过覚得玩野啩……

作者: YolandaTam 時間: 16-3-27 18:15 標題: 回覆：cch0928 的帖子

唔係覺得小朋友玩嘢，係驚有人趁去廁所時出貓。公開試考生去廁所，試場要有專人跟實，小學無公開試咁多人手，僵化嘅就一刀切唔俾去。

作者: cch0928 時間: 16-3-27 18:18 標題: 回覆：Yanamami 的帖子

吓!DSE 成人考生出貓能力斷估都大過都小學生喎, 呢公開專業試都唔可以唔俾考生去廁所。原來咁多家長都覺得對小學生來講呢D係合理的教育，好似係我太怪獸。

作者: Jane1983 時間: 16-3-27 18:19

吾補時間，好合理。

吾比去厠所，搞到癩係好可悲。小朋友小息無去，可能係人太多，可能係掛住玩，可能係senses吾準确。如果係掛住玩，可以罰佢，但吾係吾比佢去。

作者: cch0928 時間: 16-3-27 18:23 標題: 回覆：YolandaTam 的帖子

佢係考口試喎，要約多過先出得。冇得出貓的。只可以話，真是僵化，孩子可憐。如果家長覺得合理，鬧佢抵死，好慘。冇人反映，件事都好似合理化。

作者: cch0928 時間: 16-3-27 18:37 標題: 回覆：YolandaTam 的帖子

中學校內試都冇人跟，照放去厠的。

作者: CALVEN 時間: 16-3-27 20:53

可以去，但會少左時間，

我會提小朋友一定考試前去一次，除非肚瀉。

作者: A-Mum 時間: 16-3-27 20:59

我聽過有小學生收埋貓紙係廁所水箱

不過去厠所係人權，我覺得應該俾去，搵人看住囉

作者: karen55407 時間: 16-3-27 21:12 標題: 回覆：小學考試時不可去廁所

我女試過考試期間開大，監考老師補返時

另外，呀仔學校小息後第一堂上半堂是不準去厠所，要下半堂才可以，我覺得合理嘅。

作者: MC1128 時間: 16-3-27 21:21

本帖最後由 MC1128 於 16-3-27 21:23 編輯

好驚訝, 有小學唔准去?

我立即訪問大、細女, 佢哋讀同一間小學, 兩人均說考試期間有需要可以去廁所, 但不會補時

小學生是絕對有可能突然需要去廁所的, 尤其開大(真係突然而來), 萬一真係...... 成班同學都受影響, 何必呢?

作者: YolandaTam 時間: 16-3-27 21:35 標題: 回覆：MC1128 的帖子

咁小女學校咪好唔人道?小女試過因為之前嗰堂overrun無咗小息，上下一課要求去洗手間，俾老師嘲諷話係BB嘅行為唔准去。因此好多同學唔敢喺校內飲水。

作者: gigayan 時間: 16-3-27 21:49 標題: 引用：咁小女學校咪好唔人道?小女試過因為之前嗰

原帖由 YolandaTam 於 16-03-27 發表
咁小女學校咪好唔人道?小女試過因為之前嗰堂overrun無咗小息，上下一課要求去洗手間，俾老師嘲諷話係BB嘅行 ...

非常唔人道！

可以去完罰佢企，甚至罰佢抄！但唔係唔俾去！

覺得唔俾去廁所係正常嘅人，記得去旅行跟團時，小心d唔好亂食嘢，係車上急起上黎就唔好喇！

作者: MC1128 時間: 16-3-27 22:03

YolandaTam 發表於 16-3-27 21:35
咁小女學校咪好唔人道?小女試過因為之前嗰堂overrun無咗小息，上下一課要求去洗手間，俾老師嘲諷話係BB嘅行 ...

我唔敢批評貴校, 可能個別老師一時失去同理心

大家係成年人, 自己想一想, 有無試過「急不可待」的一刻呢?

作者: karen55407 時間: 16-3-27 22:49 標題: 引用：Quote:YolandaTam+發表於+16-3-27+21:35+咁

原帖由 MC1128 於 16-03-27 發表
我唔敢批評貴校, 可能個別老師一時失去同理心

大家係成年人, 自己想一想, 有無試過「急不可待」的一刻呢?

話時話，男生小息掛住玩，如果上堂時可隨意去廁所的話，真可以一上堂就紛紛話去廁所，莫講話唔捨得小息去廁所，連水都忘記飲

作者: little_yolky 時間: 16-3-27 23:02 標題: 引用：Quote:原帖由+MC1128+於+16-03-27+發表我唔

原帖由 karen55407 於 16-03-27 發表
話時話，男生小息掛住玩，如果上堂時可隨意去廁所的話，真可以一上堂就紛紛話去廁所，莫講話唔捨得小息去廁 ...

但去廁所係人權，我教兩個小朋友，小息一定要去廁所，如果上堂時真急，老師唔俾去，你就自己衝出去，萬事有媽媽同你撐腰。否則瀨咗，成世都俾人笑。

不過，當然係乖小朋友先可以用呢個方法啦。

作者: little_yolky 時間: 16-3-27 23:05 標題: 引用：你們孩子的學校是否這樣？有朋友的小朋友小

原帖由 cch0928 於 16-03-27 發表
你們孩子的學校是否這樣？有朋友的小朋友小息時冇去，考在二十分鐘話急，監考書記話佢小息冇去唔俾去，忍了 ...

如果係我小朋友，我一定同學校反映。學校話唔理既話，你就同佢講同蘋果反映，甚至同律師反映，因為學校剝奪天賦人權！

作者: longlokma 時間: 16-3-27 23:15 標題: 引用：Quote:原帖由+karen55407+於+16-03-27+發表

原帖由 little_yolky 於 16-03-27 發表
但去廁所係人權，我教兩個小朋友，小息一定要去廁所，如果上堂時真急，老師唔俾去，你就自己衝出去，萬事有 ...

我以前都同孩子講，真係有需要即刻去厠所时，無論係要呕定大小便忍無可忍，衝出去解决左先，有乜都之后解釋再算

作者: 大件仔 時間: 16-3-27 23:27

平時上堂都比去厠所, 考試就未聽亞仔講過, (亞仔成日講學校考試得好小時間做卷, 做慢D都做唔晒, 連打個哈欠都唔夠時間, 所以無人會去厠所).

作者: Jane1983 時間: 16-3-28 10:20

見到大家反應，都覺得安心d。掛住玩，小息吾去厠所，係錯。但糾枉過正，搞到小朋友癩係痴線。大人係公司當眾癩左，你醜吾醜？點面對同事？己所不欲，勿施于人，何况係無反抗能力的細路！

作者: hohoho36 時間: 16-3-28 11:05 標題: 回覆：小學考試時不可去廁所

我仔學校開考前會提一提小朋友去厠所。但如果考考下急都可以去既。

作者: kayi0556 時間: 16-3-28 18:51

我都提我囡，考試前唔好飲咁多水同去去厠所先，唔怕一萬，只怕萬一

作者: little_yolky 時間: 16-3-29 09:57

kayi0556 發表於 16-3-28 18:51
我都提我囡，考試前唔好飲咁多水同去去厠所先，唔怕一萬，只怕萬一

女仔都好D, 唔明點解10個癩既有9個都係男仔。好似話佢哋唔可以有少少急就去咗先。

作者: cch0928 時間: 16-3-29 10:18 標題: 引用：Quote:kayi0556+發表於+16-3-28+18:51+我都

原帖由 little_yolky 於 16-03-29 發表
女仔都好D, 唔明點解10個癩既有9個都係男仔。好似話佢哋唔可以有少少急就去咗先。 ...

未聽過喎，唔通真係？我知道小學瀬尿的都是男仔。朋友反映了，學校改唔改都好，家長一定要支持小朋友，唔好仲踏個小朋友兩腳鬧佢羞佢。唔好俾佢上到中學，先發現自己受的屈辱原來是不應該的，呢D都係因為大人的無知/無心之失不應在學校出現。

作者: little_yolky 時間: 16-3-29 10:48

cch0928 發表於 16-3-29 10:18
未聽過喎，唔通真係？我知道小學瀬尿的都是男仔。朋友反映了，學校改唔改都好，家長一定要支持小朋友，唔好 ...

有問題真係要同學校反映。好似同一學校, 大女時老師係俾去廁所的, 但今年阿妹話老師只俾乖既同學去, 唔俾曳既去。嘩！我心諗, 無論乖曳, 都會人有三急喎, 有無搞錯。

作者: kazuyukipomi21 時間: 16-3-29 12:00 標題: 回覆：小學考試時不可去廁所

大人可以忍到，小朋友未必忍到，如果舉得手話要去既，應該有需要。

作者: Busybody! 時間: 16-3-29 12:01 標題: 引用：咁我覺得合理正常的，公開考試都不會補時啦

提示: 作者被禁止或刪除內容自動屏蔽

作者: hha 時間: 16-3-29 17:25 標題: 回覆：小學考試時不可去廁所

有好多小朋友喺生理上都未能控制好自己，講真大人都有d好忍得、有d唔忍得。呢d老師簡直有問題，我覺得無論幾時要去廁所都唔可以say no, 全日制仲令學生咁大壓力連飲水都唔敢飲多兩啖嘅，小朋友點樣可以身心健康？！

作者: Anniemun 時間: 16-3-29 18:10

有啲同學仔一考試測驗就肚痛，不如樓主攪清楚同學是邊一種問題去處理吧！

作者: cch0928 時間: 16-3-29 18:19 標題: 引用：有啲同學仔一考試測驗就肚痛，不如樓主攪清

原帖由 Anniemun 於 16-03-29 發表
有啲同學仔一考試測驗就肚痛，不如樓主攪清楚同學是邊一種問題去處理吧！ ...

瀬出來就是急，不是心理壓力問題。壓力會引致瀬尿真是未曾聽，多是肚痛。

作者: nobletree 時間: 16-3-29 18:21 標題: 回覆：cch0928 的帖子

我都试過咁嘅情況，覺得又憤怒，又可悲

作者: Anniemun 時間: 16-3-29 18:25

cch0928 發表於 16-3-29 18:19
瀬出來就是急，不是心理壓力問題。壓力會引致瀬尿真是未曾聽，多是肚痛。

...

只是討論一下，唔啱聽唔緊要，小朋友是你的，但今次瀨了難保對下次有冇心理影響。。。

作者: nobletree 時間: 16-3-29 18:26 標題: 引用：我都试過咁嘅情況，覺得又憤怒，又可悲 +

原帖由 nobletree 於 16-03-29 發表
我都试過咁嘅情況，覺得又憤怒，又可悲

仲要吾係考試，係平時上堂。搞到D同学仔吾敢飲水，好吾人道，我同老師反應，都冇咩反應

作者: cch0928 時間: 16-3-29 18:32 標題: 引用：Quote:cch0928+發表於+16-3-29+18:19+瀬出

原帖由 Anniemun 於 16-03-29 發表
只是討論一下，唔啱聽唔緊要，小朋友是你的，但今次瀨了難保對下次有冇心理影響。。。 ...

明白。認同呢D經歷會引致心理問題。

歡迎光臨教育王國 (/)