教育王國

標題: 請教各位家長，考小學英文好定學術強比較有利？ [打印本頁]

作者: swnatalie 時間: 16-3-26 07:53 標題: 請教各位家長，考小學英文好定學術強比較有利？

本帖最後由 swnatalie 於 16-3-26 07:55 編輯

我係新手家長，其實諗緊幫小朋友揀間語境好定學術勁比較好？我target local school謝謝各位指教

作者: Yanamami 時間: 16-3-26 07:58

考小学當然係target间有band1中学backup既小学為先啦~

作者: swnatalie 時間: 16-3-26 08:11

本帖最後由 swnatalie 於 16-3-26 08:14 編輯

回覆 Yanamami 的帖子

謝謝你！請問考有band 1中學back up 既小學，面試時著重英語定學術能力多d？ps 其實係諗緊幫小朋友揀間語境好定學術高既K, 等考小學時準備好d

作者: lovecupid 時間: 16-3-26 08:14

考私校直資，是考理解力和團體參與
考叩門，就考特異功能，中英普數等實力

作者: swnatalie 時間: 16-3-26 08:23

回覆 lovecupid 的帖子

謝謝你！因為家庭以廣東話為主，聽聞小學面試考英文聽講都好深，所以才有呢個疑問

作者: Yanamami 時間: 16-3-26 08:23

swnatalie 發表於 16-3-26 08:11
回覆 Yanamami 的帖子

謝謝你！請問考有band 1中學back up 既小學，面試時著重英語定學術能力多d？ps 其實 ...

好耐之前有个帖，有个daddy问点解佢女英文近乎native, 女小拔唔收(不过SPCC小学收左)｡我諗平均發展样样好，比只係英文—样强更好~

作者: swnatalie 時間: 16-3-26 08:26

回覆 Yanamami 的帖子

啊！原來有甘既例子！唔該晒你！我明白了

作者: Yanamami 時間: 16-3-26 08:29

趁孩子細培養閱讀习慣，語文自然不会差，但唔好只偏向英文，勿忘DSE中文是死亡之卷~

作者: stockmike 時間: 16-3-26 11:23 標題: 回覆：請教各位家長，考小學英文好定學術強比較有利？

十間有九間玩睇書及數學加數，英文對答一定有，考貢多間只得 SFA 坐定定筆試。我覺得係小朋友 presentable 同在場有禮唔爭嘢緊要過學術，小朋友肯出聲贏咗一半人。

作者: karen55407 時間: 16-3-26 11:49 標題: 引用：+本帖最後由+swnatalie+於+16-3-26+07:55+

原帖由 swnatalie 於 16-03-26 發表
本帖最後由 swnatalie 於 16-3-26 07:55 編輯

我係新手家長，其實諗緊幫小朋友揀間語境好定學術勁比較好 ...

學術強比較有利

作者: HappyCheerBaby 時間: 16-3-26 12:29

回覆 swnatalie 的帖子

如要本地學校，就要揀學術強學校，不過，又要睇你小朋友鍾唔鍾意。

作者: Charlotte_mom 時間: 16-3-26 12:52 標題: 引用：十間有九間玩睇書及數學加數，英文對答一定

原帖由 stockmike 於 16-03-26 發表
十間有九間玩睇書及數學加數，英文對答一定有，考貢多間只得 SFA 坐定定筆試。我覺得係小朋友 presentable ...

而家考小學係十八復武藝。間間多人考，一個小節一小時一般6-7人，唔主動表現已經輸左一半就真。我好個仔讀間幼稚園主打英文好。但小朋友太被動（深思熟慮未唸得完善唔出聲、有一關要交換parts砌野佢話：自己都無用咪由得人地拎）。結果全軍覆沒而家等抽獎。
學術強係緊要，中英數都要fit。學你話齋睇書係必答題。但性格主動合群敢試都好緊要。

作者: ChiChiPaPa 時間: 16-3-26 13:01 標題: 引用：+本帖最後由+swnatalie+於+16-3-26+07:55+

原帖由 swnatalie 於 16-03-26 發表
本帖最後由 swnatalie 於 16-3-26 07:55 編輯

我係新手家長，其實諗緊幫小朋友揀間語境好定學術勁比較好 ...

你的標題和內容所問的不一樣。如果問選小學應選語境好還是學術強的本地學制小學，我就認為應選普通話和英語語境都好的學校。不過，現實係好多其他因素都可能影響選校，不會只比較語境和學術。

作者: swnatalie 時間: 16-3-26 13:56

多謝各位既寶貴意見

甘考小學最難應該係性格主動呢樣，好難話做d咩去改變，但有前輩們既提點，我會諗d方法

作者: swnatalie 時間: 16-3-26 14:03

ChiChiPaPa 發表於 16-3-26 13:01
你的標題和內容所問的不一樣。如果問選小學應選語境好還是學術強的本地學制小學，我就認為應選普通話和英語 ...

唔好意思！出post既時候未有仔細想清楚，導致誤會，sorry.

其實，我諗住幫阿女揀間語境好定學術強既幼稚園，對考小學幫助大d

作者: mcl203 時間: 16-3-26 14:18

本帖最後由 mcl203 於 16-3-26 14:28 編輯

swnatalie 發表於 16-3-26 14:03
唔好意思！出post既時候未有仔細想清楚，導致誤會，sorry.其實，我諗住幫阿女揀間語境好定學術強 ...

我覺得2樣都唔重要....可以揀既話....揀間考到直私機會大D既 KG....江湖地位強既用於叩門

現今競爭激烈....要條路有機會行得順D...由KG開始計劃吓

作者: stockmike 時間: 16-3-26 14:51 標題: 回覆：請教各位家長，考小學英文好定學術強比較有利？

我兩件每個當年都考十間以上一般的直私小，結論係英文對答係必要，同時主動及有禮，跟住數落先學術。當年收小兒的學校(有一半收)，小兒均未能對其學術口試題全答對，只知他本身有禮主動。但我哋除 SFA 外無考神校，如 target 神校就要其他師兄師姐幫手作答。

作者: assado 時間: 16-3-26 20:45 標題: 回覆：請教各位家長，考小學英文好定學術強比較有利？

語文細個是學習較易掌握，不單要認睇，講都好重要，特別是好口音，所以我認為語文為較重要。

作者: swnatalie 時間: 16-3-26 20:46

回覆 stockmike 的帖子

多謝前輩分享！非常受用！請問前輩有沒有建議可以點幫小朋友養成主動的性格嗎？

作者: stockmike 時間: 16-3-27 02:30 標題: 引用：回覆+stockmike+的帖子多謝前輩分享！非

原帖由 swnatalie 於 16-03-26 發表
回覆 stockmike 的帖子

多謝前輩分享！非常受用！請問前輩有沒有建議可以點幫小朋友養成主動的性格嗎？ ...

小弟當年主力培養看書，找人一對一補英普，主要練Oral 及拼音(因小弟家未能提供語境，同埋我好信語境要起碼保持到高小才能鞏固)，少做無謂操練，interview 英普流利一定先聲奪人，何況人生于不只一個 interview, 值得長遠投資，留個深印象俾人。另外，多同佢哋傾計，佢哋講嘢就算我知佢成個故事講乜，我都會俾佢哋講晒，我先會回應。我相信講嘢有組織的人個腦係轉得好快，我唔希望佢哋自小因為大人的心急或體貼而被奪去講幾句完整說話的權利。不過主動出聲與否好大程度是天生，每孩子各有所長，但做家長起碼不要埋未佢哋肯發言時的機會。

作者: socute 時間: 16-3-27 08:00 標題: 引用：Quote:原帖由+swnatalie+於+16-03-26+發表

原帖由 stockmike 於 16-03-27 發表
小弟當年主力培養看書，找人一對一補英普，主要練Oral 及拼音(因小弟家未能提供語境，同埋我好信語境要起 ...

多謝分享。請問你的小朋友是讀語境好的幼稚園嗎？

作者: stockmike 時間: 16-3-27 12:10 標題: 引用：Quote:原帖由+stockmike+於+16-03-27+發表

原帖由 socute 於 16-03-27 發表
多謝分享。請問你的小朋友是讀語境好的幼稚園嗎？

小弟子女當年均未能就讀英普班，所以全家英文唔得都請賓妹，諗住俾子女有個講英文對象，點之原來賓妹學廣東話好快，攪到佢哋學晒 Chinlish. 小兒到上小學先攺晒啲 Chinlish. 另外你話 target local 小學，我唔知係唔係津小？因聽聞津小會揀人 in (我一位朋友親身經驗)，會睇邊間 Kindergarten 出品，什麼必須 111 也是煙幕，入去就做卷，相對學術成份很高。

作者: karinepig 時間: 16-3-27 20:30

如主要考私小，請問做卷即學術比較不重要，反而對答重要d？

作者: teambuilder 時間: 16-3-27 21:00

我覺得兩樣都重要喎，考私小係講緊二三十人爭一個位，唔係二揀一咁簡單。另外每間學校要求都唔同，而大部份小學老師都係香港人，面試都係香港人說英語，咁你認為佢地要求會有幾高？另一方面，你所謂的學術，係講緊幼稚園程度，咁又要有幾高？

所以覺得重唔重要，強唔強，其實係好個人的。而幼稚園教既，係深極有個譜，有家長會覺得英文深，但其實只係自己識既vocab太少，並唔係深。但要夠擔講，就要配合語境來訓練，否則面試時真係講唔出口的。而學術，其實只係一般加減數和簡單句子朗讀，視乎你小朋友反應和自信，好多時好多題唔識答都會有 offer，仲要唔係一間半間，係真實個案。

作者: stockmike 時間: 16-3-27 22:04 標題: 回覆：請教各位家長，考小學英文好定學術強比較有利？

小弟經驗是考直私小多，神校或津小叩門無玩過。間間考來考去三幅被，英文對答，串字讀字，寫名或其他中文字，數學加數，數難啲會有雙位加減或情境數學題。睇圖書然後講番內容， group play 睇禮貌性格。又興畫畫問畫乜？但我不知真正原因。我大個件初考時都狂收風考乜？到細個件考已經唔多理，只努力做好上述項目。總結我覺得比較直得放心機的是看圖書及英文 oral listening，幫到上面好多項目及終身受用。學術 K2 人仔你話可以幾叻？出得深大把人唔識答，識答可能去到陌生環境變唔識。有啲背晒 X 數表學足加減去考，但一條文字題已玩到 K2/K3 生由應該識變唔識。重有，考完唔好鬧或俾佢聽到悔氣說話，啲細路會怕鬧或責怪然後話乜都識，包你無真話聽。

作者: maymay321 時間: 16-3-27 22:37

本帖最後由 maymay321 於 16-3-27 22:38 編輯

呢個年代有一個offer絕對唔容易，經歷完，其實真係唔係要小朋友18般武藝，最重要是肯回應，唔一定要社交高手，但要願意參與同回答，英文能力是基本入場券。同意oral 同listening要得，再加上中英文認字能力。講真，冇一間幼稚園會幫忙得晒，好多名幼小朋友都係家長自家伴讀，又或者交「興趣班」搞掂，如果假手於人，k1好開始了，如果自己出手，就n班就可以循序漸進，自己全方位培育發展。

作者: maymay321 時間: 16-3-27 22:41

本帖最後由 maymay321 於 16-3-27 22:42 編輯

所以選定幼稚園，自己再補足啦

作者: karinepig 時間: 16-3-27 22:44

多謝前輩指教！

作者: keep-calm 時間: 16-3-28 01:27 標題: 引用：+本帖最後由+maymay321+於+16-3-27+22:38+

原帖由 maymay321 於 16-03-27 發表
本帖最後由 maymay321 於 16-3-27 22:38 編輯

呢個年代有一個offer絕對唔容易，經歷完，其實真係唔係要 ...

謝分享。另想問其實「一體一藝」對考小學是否重要？謝

作者: stockmike 時間: 16-3-28 04:01 標題: 引用：Quote:原帖由+maymay321+於+16-03-27+發表

原帖由 keep-calm 於 16-03-28 發表
謝分享。另想問其實「一體一藝」對考小學是否重要？謝

我覺得考小學係接近零，考中學唔知，等其他高人指點。

作者: conniewktang 時間: 16-3-28 08:16 標題: 引用：Quote:原帖由+keep-calm+於+16-03-28+發表

原帖由 stockmike 於 16-03-28 發表
我覺得考小學係接近零，考中學唔知，等其他高人指點。

考中學如果不是特異功能，九成九看成績。

作者: Yanamami 時間: 16-3-28 09:50

本帖最後由 Yanamami 於 16-3-28 09:56 編輯

conniewktang 發表於 16-3-28 08:16
考中學如果不是特異功能，九成九看成績。

考中学，成績係基本，但有好成績既人唔少，就要有d体艺做嫁㛇，尤其是考傳統直資~体艺就如配菜，有就令主菜生色不少，無就有d“卦”~津校要靠自行時盡收成績好既去溝谈d大抽獎符碌入嘅~傳統直資—般申請者成績都好好，要有多dd其他嫁㛇~

作者: Charlotte_mom 時間: 16-3-28 10:52 標題: 引用：Quote:原帖由+maymay321+於+16-03-27+發表

原帖由 keep-calm 於 16-03-28 發表
謝分享。另想問其實「一體一藝」對考小學是否重要？謝

老土加老實講：1有學過下/有興趣：咪玩啦呢個年代邊個無學過下，有興趣就更

。係人都對某d野興趣架啦。明知小朋友有興趣父母都唔栽培，印象分都扣埋就真！2有d獎：成日聽人問小朋友考小學要咩獎，唔係要咩獎

係小朋友有咩獎呀！你估想就有咩....一山還有一山高，有學及不上有考咩本地証書，有考咩本地証書又及不上國際証書。本地賽事贏左，贏咩比賽？幾多級？又比唔上國際性比賽。咁比法，人都顛。我成日覺得一體一藝呢d，係為豐富小朋友人生，樣樣都試下搵下自己興趣同專長。考試比賽係俾自己嘅目標，間中要做下。而唔係為張cert lor ！

作者: conniewktang 時間: 16-3-28 19:06 標題: 引用：+本帖最後由+Yanamami+於+16-3-28+09:56+編

原帖由 Yanamami 於 16-03-28 發表
本帖最後由 Yanamami 於 16-3-28 09:56 編輯

咁我就唔知啦。但我識的朋友子女，無論考入名牌傳統津中或神級傳統直資（中丶小學），全部都靠優秀成績入，體藝他們都不太重視，只谷成績，但又入到喎！同啲中學校長傾開，都話成績第一！

作者: conniewktang 時間: 16-3-28 19:08 標題: 引用：Quote:原帖由+Yanamami+於+16-03-28+發表本

原帖由 conniewktang 於 16-03-28 發表
咁我就唔知啦。但我識的朋友子女，無論考入名牌傳統津中或神級傳統直資（中丶小學），全部都靠優秀成績入， ...

當然成績好以外，面試表現也很重要！

作者: conniewktang 時間: 16-3-28 19:15 標題: 引用：Quote:原帖由+conniewktang+於+16-03-28+發

原帖由 conniewktang 於 16-03-28 發表
當然成績好以外，面試表現也很重要！

中學升大學成日話睇OLE, other learning experience, 但我眼見，唔多睇！學生考得好入到神科或熟門科，不少都很少什至直程不參加課外活動，只憑優異成績入到好U好科！這是我每年親眼見的，而且數目不少。

作者: conniewktang 時間: 16-3-28 19:16 標題: 引用：Quote:原帖由+keep-calm+於+16-03-28+發表

原帖由 Charlotte_mom 於 16-03-28 發表
老土加老實講：1有學過下/有興趣：咪玩啦呢個年代邊個無學過下，有興趣就更。係人都對某d野興趣架啦 ...

Agree

作者: conniewktang 時間: 16-3-28 19:17 標題: 引用：Quote:原帖由+conniewktang+於+16-03-28+發

原帖由 conniewktang 於 16-03-28 發表
中學升大學成日話睇OLE, other learning experience, 但我眼見，唔多睇！學生考得好入到神科或熟門科，不少 ...

熱門科，上面打錯字

作者: stockmike 時間: 16-3-28 19:51 標題: 回覆：請教各位家長，考小學英文好定學術強比較有利？

我朋友說，本地大學睇成績外，如有需要去到 interview 個關，英文 Oral communication 一定要得，佔好高分，但未能證實。

作者: conniewktang 時間: 16-3-29 02:17 標題: 引用：我朋友說，本地大學睇成績外，如有需要去到

原帖由 stockmike 於 16-03-28 發表
我朋友說，本地大學睇成績外，如有需要去到 interview 個關，英文 Oral communication 一定要得，佔好高分 ...

唔好話考大學，考中學，英文oral 唔掂，成績幾好都冇用，一定不會收。唔係只英oral, 近年多了連中文粵音也不會讀的local 細路，eg連個抱字都不會讀粵音，讀類近普通話的bao, 但肯定是香港人，因其他簡單中文粵音又好正，這是典型普教中的影響，粵音不好的，結果同英文不好一樣，好多band one 中學不會收，覺得中文不太好。況且到目前為止，band one a學校多粵教中。有些band one英中見普教中成效低，連每級一兩班普教中也變全粤教中。

作者: conniewktang 時間: 16-3-29 02:25 標題: 引用：Quote:原帖由+stockmike+於+16-03-28+發表

原帖由 conniewktang 於 16-03-29 發表
唔好話考大學，考中學，英文oral 唔掂，成績幾好都冇用，一定不會收。唔係只英oral, 近年多了連中文粵音也 ...

直資中學多普教中，玩法也許不同。如果心儀官津band one ，還是多粵教中，學生廣東話的讀音不可差！

作者: stockmike 時間: 16-3-29 03:25 標題: 引用：Quote:原帖由+stockmike+於+16-03-28+發表

原帖由 conniewktang 於 16-03-29 發表
唔好話考大學，考中學，英文oral 唔掂，成績幾好都冇用，一定不會收。唔係只英oral, 近年多了連中文粵音也 ...

我幼稚園時想揀小學普教中增加語境，到而家普教緊我就想粤教返，我家粵語為母語，普教課文好多用字好怪

作者: Yanamami 時間: 16-3-29 08:22

講到普教中……
http://www.edu-kingdom.com/forum ... &extra=page%3D1

作者: conniewktang 時間: 16-3-29 08:47 標題: 引用：Quote:原帖由+conniewktang+於+16-03-29+發

原帖由 stockmike 於 16-03-29 發表
我幼稚園時想揀小學普教中增加語境，到而家普教緊我就想粤教返，我家粵語為母語，普教課文好多用字好怪

...

知唔唔普教中，間學校有撥款收㗎？又可引入大陸老師在學校教。好多時精英班才普教中，即使成績差了幾分都唔多覺。HKU做的研究顕示普教中是影響中文水平。而且更影響學生對中文的興趣，有band one 學生說，以前小學普教中，所以一直不喜歡中文，因此成績也不太好。其實學普通話，普通話堂已經夠，可講可聽PTH, 又識PTH拼音，就夠了，不用普教中。我兒子升小二，我會為他選粵教中，他即使PTH拿A，也不喜普教中，正合我心意。
自行面試收生時，見學生英文唔得，中文粵語又唔得，已幾年了有這現象，全部津小band one生，真的好驚。所以我會為自己兒子部署下。

作者: myfanwy 時間: 16-3-29 09:39 標題: 回覆：請教各位家長，考小學英文好定學術強比較有利？

睇下樓主target邊間小學。我女兒考SPCC同DG 都冇問過oral English, 只是要認字和懂聆聽英文。

作者: swnatalie 時間: 16-3-29 13:59

多謝各位踴躍發言及分享！令我唔駛估估下，走錯冤枉路
我target直私，因為唔想等大抽獎甘傍偟

睇完大家留言後，想問下考小學會考普通話嗎？因時間有限，無甘重要就唔想花心思。
原來DG唔考oral ,有點意外呢！

作者: retriever 時間: 16-3-29 14:40

本帖最後由 retriever 於 16-3-29 16:53 編輯

swnatalie 發表於 16-3-29 13:59
多謝各位踴躍發言及分享！令我唔駛估估下，走錯冤枉路
我target直私，因為唔想等大抽獎甘傍偟

咩重要真係要睇你考邊間...

重有你指既學術又係物?

IN GENERAL 我覺得表達能力, 比較CHEERFUL, 有能力同大人連續傾計溝通最重要...

英文方面, 連DB 都可以唔用英文考... 其他更加要求唔係真係咁高...
英文方面聽講能力, TSL 絕對重要.

普通話唔重要... 考既學校不多, 考到但唔識答都收...

普通話為考小, 絕對唔值得俾錢去學!

作者: hkpapa852 時間: 16-3-29 17:04

conniewktang 發表於 16-3-29 08:47
知唔唔普教中，間學校有撥款收㗎？又可引入大陸老師在學校教。好多時精英班才普教中，即使成績差了幾分都唔 ...

普教中既"資助", 只係得幾年期限, 已經完咗幾年了. 所以有D學校係完咗資助期後, 大幅削減普教中既班別

作者: hkpapa852 時間: 16-3-29 17:09

本帖最後由 hkpapa852 於 16-3-29 17:29 編輯

swnatalie 發表於 16-3-26 07:53
我係新手家長，其實諗緊幫小朋友揀間語境好定學術勁比較好？我target local school謝謝各位指教
...

其實先唔好諗考唔考到學校, 要由幼稚園適應小一, 整體學術 (中英數, 尤其係中文認讀能力)無番咁上下, 上到小一會好辛苦.

你自己去書局攞D小一補充練習睇吓感受吓就知.

香港傳統學制既小學, 近9成都係中文學校, 以粵為主要教學語言(中文科有分粵教同普教), 除英文科外, 其餘科都用中文課本 (如數學, 常識).

所以, 其實係香港讀書, 中文既理解能力, 遠比英語能力緊要

作者: conniewktang 時間: 16-3-29 17:25 標題: 引用：Quote:swnatalie+發表於+16-3-26+07:53+我

原帖由 hkpapa852 於 16-03-29 發表
其實先唔好諗考唔考到學校, 要由幼稚園適應小一, 整體學術 (中英數, 尤其係中文認讀能力)無番咁上下, 上到 ...

Totally agree, 而且學好中文比學好英文更難！

作者: sgss1 時間: 16-3-29 17:38 標題: 回覆：請教各位家長，考小學英文好定學術強比較有利？

語境(能清楚以母語表達自己有層次的思路）最重要.看家長是那裏的人決定那一種語言識合

作者: stockmike 時間: 16-3-29 17:59 標題: 回覆：請教各位家長，考小學英文好定學術強比較有利？

所以中文更要由細伴讀，(小弟掛住英文也 miss 咗，但因小學直接英普教，影響不大, 我都開始俾中文書佢睇，但最有興趣仍是老夫子程度), 高小細路已經唔會俾你伴讀，無看書習慣，到時你想佢認字叻唯有枯燥做練習或用迫功。所以幼稚園學術唔好淨靠學校，陪養好睇字能力可以伸展成好多好嘢。詞彙識得少係將來語文科我會形容為單腳走路，一篇作文見到十個 “開心”字老師點俾個你會開心的分數你。

作者: Yanamami 時間: 16-3-29 18:24

本帖最後由 Yanamami 於 16-3-29 18:26 編輯

hkpapa852 發表於 16-3-29 17:09
其實先唔好諗考唔考到學校, 要由幼稚園適應小一, 整體學術 (中英數, 尤其係中文認讀能力)無番咁上下, 上到 ...

都啱~但補充—下~其实真不能偏埋—边。我地小学都係中小，不过GS係英文教的~如果楼主target 直私，中英文都要顧及~尤是升英中，禁多科用英文学、用英文答卷，可以立時三刻要好先好起黎嗎？語文要浸啊~所以从小中英文係要同時平衡發展。EK有好多mami愁仔女唔係偏左向中文就係英文，大大下，小朋友覚得中/英对自己容易d, 舒服d就会用多左果个語言。所以千祈唔好話反正讀中小，先要中文强就夠，真係要从小两文三語發展~

作者: conniewktang 時間: 16-3-29 21:11 標題: 引用：+本帖最後由+Yanamami+於+16-3-29+18:26+編

原帖由 Yanamami 於 16-03-29 發表
本帖最後由 Yanamami 於 16-3-29 18:26 編輯

Agree

作者: picture 時間: 16-3-30 12:25 標題: 引用：+本帖最後由+Yanamami+於+16-3-29+18:26+編

原帖由 Yanamami 於 16-03-29 發表
本帖最後由 Yanamami 於 16-3-29 18:26 編輯

agree

所以kindergarten我重 language environment

作者: HaYi 時間: 16-3-30 13:32

我覺得好細個4-5歲, 學術正常都冇大分別,

反而
1. 語言(中英) 是最重要. 因常識同數學之類, 如語文有問題, 之後此些科的成績亦一定不會好.

2. 學習的能力: 如可以舉一反三, 有創新能力及自學能力等, 此些是要培養, 如以做功課式的操練較不能成功.

3. 如入傳統學校, 亦極需要自律的能力, 但此同"2" 有一點不同, 見過好多"2" 叻的小朋友, 在"3" 就未必合學校要求, 所以"2""3" 可以同樣高的幾乎是天之驕子, 好多直私都會選中.

作者: picture 時間: 16-4-1 20:07 標題: 引用：回覆+lovecupid+的帖子謝謝你！因為家庭

原帖由 swnatalie 於 16-03-26 發表
回覆 lovecupid 的帖子

謝謝你！因為家庭以廣東話為主，聽聞小學面試考英文聽講都好深，所以才有呢個疑問 ...

我無考SFA, 但考過的學校中，英文考得深的係CKY and WKF.

DG唔清楚因小朋友唔肯講。 For comparison, 佢話 SPCC英文考得淺好多 (或許佢考個D咁啱佢識)

作者: vincat 時間: 16-4-7 20:59 標題: 回覆：Yanamami 的帖子

你講得好啱，到考中學（當然係Band 1)唔單只要科科好，仲要加埋有運動

歡迎光臨教育王國 (/)