教育王國
標題: 大口環言語治療 [打印本頁]
作者: newsky 時間: 16-3-22 14:07 標題: 大口環言語治療
第一次去做言語評估 姑娘俾公仔同日常用品阿仔玩 仔仔完全唔當公仔存在！枱 櫈 枱布 床 枕頭 床單 杯 碟 叉 同公仔 甘多嘢 ！阿仔淨係玩叉，杯同碟 自己扮食嘢！其實我預左佢唔識 可能我平時好少俾公仔佢玩！但姑娘話正常佢會識轉接有關係的曰常用品！最後話認知同言語歲半水平都無！其實我想深一層 自閉症小朋友正常係呢方面較弱，點解要用公仔去作評估？我都有點予盾！預左結果係差！姑娘話要同仔仔互動多啲！但一想到平時訓練佢 佢理你都傻！仲話互動添！好多嘢講就容易！但到自己做嗰陣真係好大挫敗感！有時對個仔唔想存有希望 因為怕失望！呢半年黎不停同佢講嘢！但評估結果都係甘差！
作者: newsky 時間: 16-3-22 14:14
每次去評估都話智力未知！其實智力應該同言語有關係， 自己打定輸數！仔仔單字得五個！
作者: peonybibi 時間: 16-3-22 17:14 標題: 回覆：newsky 的帖子
玩叉，碟，扮食嘢都唔得ga?唔算識玩?要放公仔喺床，盖被，喂飲水?
作者: peonybibi 時間: 16-3-22 18:15 標題: 回覆：newsky 的帖子
聽完你講，我即刻買咗set公仔返嚟俾佢玩下，我啱啱去文具鋪買，係沖涼set,我呢排餵仔食飯，有餵埋毛公仔，你都買嚟同阿仔玩下，睇下佢喺屋企會唔會玩得好啲
作者: p_ma 時間: 16-3-22 18:18 標題: 回覆：newsky 的帖子
要同佢玩多D假想遊戲
作者: vincelo29 時間: 16-3-22 20:11 標題: 回覆：大口環言語治療
評估完有沒有跟進治療或訓練給你小朋友？
作者: newsky 時間: 16-3-22 23:03
回覆 vincelo29 的帖子
有啲小遊戲同語前技巧！
作者: vincelo29 時間: 16-3-23 02:32 標題: 引用：回覆+vincelo29+的帖子
有啲小遊戲同語前
原帖由 newsky 於 16-03-22 發表
回覆 vincelo29 的帖子
有啲小遊戲同語前技巧！
作者: newsky 時間: 16-3-23 09:14
回覆 vincelo29 的帖子
佢無講！下次要六月尾先再上！佢話我呢幾個月訓練下佢 睇下有無進步！
作者: legolas625 時間: 16-3-23 09:52
呢套評估是測遊戲技巧，通常對細的小朋友用，應該3歲要識玩哂，我仔玩親都好差，因為小朋友有自己的喜好玩法，好難要求佢好似測驗答問題咁，短時間內玩勻，所以我無特別訓練，但入面內容可以平常生活同佢玩下，當教生活認知和玩玩具，順便教下講野。我仔3歲2個月再去外面做ST評估，已用標準化評估，有大量問題和指令。
作者: KCHK 時間: 16-4-2 21:12 標題: 回覆：大口環言語治療
樓主, 同小朋友玩時多d 同佢加上旁白同講出物件名稱同現在點樣玩, 你唔好覺得佢無反應就唔做, 因為好多自閉症小朋友都係觀察形, 佢再大d 你可能會發覺佢可以好似錄影機咁全部內容做返一次出來的, 以後再大d 就會進步的了。 另外如果你驚言語治療學唔到野， 可能試下上幼兒訓練先， 可以學習點樣玩玩具， 又訓練到認知。
作者: KCHK 時間: 16-4-2 21:29 標題: 回覆：大口環言語治療
另外樓主， 真係唔好諗佢現在的智力有幾多， 因為佢個腦有幾勁真係估佢到， 只要佢地學到點樣表達自已， 你會發現佢諗野諗得好深， 自學能力好高。
作者: newsky 時間: 16-4-2 22:56
回覆 KCHK 的帖子
真係好多謝你的鼓勵！確診左半年有多 心情七上八下甘 ， 現在學緊用平常心去面對！希望仔仔未來會像你所描述甘， 一天一點進步已經好開心！
| 歡迎光臨 教育王國 (/) |
Powered by Discuz! X1.5 |