教育王國
標題: 好擔心。。。唔知點處理 [打印本頁]
作者: Starrie 時間: 16-3-20 02:22 標題: 好擔心。。。唔知點處理
我自己本身係資優，但由於當時未有足夠支援以至成長過程一直唔開心，覺得不被理解，討厭自己古怪。。。。。社交同情緒都出現問題。
而我妹妹有自閉傾向，基於家族歷史，所以仔仔出世後都有留意有關資訊，
而家BB 20個月大，出現各種各樣吻合資優嘅行為同特質，睇完討論區知道評估要到6歲先做，
但係BB而家已經出現情緒同社交問題，想請問各位過來人，係6歲前有咩可以做係可以幫到小朋友同其他人恊調？
應該上普通的playgroup定係有其他針對情緒或社交嘅課程可以報讀？
我唔知應該點處理亦搵唔到同路人傾訴，因為一般人難以理解作為資優兒童所面對嘅困難同感受，如果處理不當，影響亦非常深遠。同時，大部分唔知道家族背景嘅人都認為我過分敏感，
但係我好清楚可以見到自己小朋友同其他同齡小朋友嘅分別，我並非指學術方面，而係佢對事物嘅理解能力同表達方式，有時候就好似只有我能夠明白佢嘅世界，因為佢嘅思考的確比較獨特，我應該要點樣處理先可以令佢能夠有一個快樂童年而唔需要經歷我曾經經歷嘅不快呢？
作者: piglet0529 時間: 16-3-20 07:34 標題: 引用：我自己本身係資優，但由於當時未有足夠支援
原帖由 Starrie 於 16-03-20 發表
我自己本身係資優，但由於當時未有足夠支援以至成長過程一直唔開心，覺得不被理解，討厭自己古怪。。。。。 ...
作者: piglet0529 時間: 16-3-20 07:41 標題: 引用：Quote:原帖由+Starrie+於+16-03-20+發表我
原帖由 piglet0529 於 16-03-20 發表
香港的資優服務未去到學前, 坊間大部分是私人以資優標榜的學術興趣班, 顧不到他們的情意發展, 如果唔介意, ...
作者: Starrie 時間: 16-3-20 11:52
多謝你嘅解答
作者: piglet0529 時間: 16-3-20 14:13 標題: 回覆：Starrie 的帖子
想問一下, 你小時候有經歷那類不快? 我見我仔有時會話成班同學冇人識/鈡意佢喜歡既野, 佢地好蠢之類, 當然我有教他不要係同學面前講(阻止不到他這想法), 我仔大概四歲幾開始上社交班, 所以不乏玩伴, 都想知道你以第一身來說小時候有甚麼不快?
作者: Starrie 時間: 16-3-20 15:16
我自細就好鍾意睇書靠自己學識好多唔同知識，亦好鍾意舉手答問題同問問題，呢d表現係其他同學眼中叫扮晒野，扮乖
有時會覺得老師根本就解答唔到我嘅問題，我睇書有時會發現一d同老師講嘅野唔同，會好天真咁直接問老師，但係老師會覺得我質疑佢同阻礙其他同學學習，
我好難理解其他同學，亦覺得冇人明白自己，唔係冇朋友只係唔係好啱玩，我嘅興趣同大家都唔同
作者: Starrie 時間: 16-3-20 15:20
總之當年未有資優呢樣野就經常比人誤解，比人批判，令到我好唔鍾意自己，唔想同其他人唔同，唔知點解自己會咁唔同
作者: s.andp 時間: 16-3-20 15:21 標題: 引用：我自己本身係資優，但由於當時未有足夠支援
提示: 作者被禁止或刪除 內容自動屏蔽
作者: Starrie 時間: 16-3-20 15:54
會唔會有咩書係有關點陪伴資優兒呢？ 我只係想佢可以開心d
作者: Starrie 時間: 16-3-20 16:05
其實仲有好多唔同嘅缺失，但係最多時係覺得寂寞，因為冇任何人可以分享我覺得開心嘅事，呢種寂寞唔係表示冇人或冇事做而係心靈上，情感上，希望幫到你了解你仔仔
作者: Starrie 時間: 16-3-20 16:32
如果站在第一身黎睇，我可以比一個建議各位資優兒童嘅家長，就係絕對信任你嘅孩子，要多理解佢地嘅動機，因為資優兒童做每一件事背後都有動機，而呢個動機係可以好單純好善良嘅
作者: piglet0529 時間: 16-3-20 19:41 標題: 引用：如果站在第一身黎睇，我可以比一個建議各位
原帖由 Starrie 於 16-03-20 發表
如果站在第一身黎睇，我可以比一個建議各位資優兒童嘅家長，就係絕對信任你嘅孩子，要多理解佢地嘅動機，因 ...
作者: Starrie 時間: 16-3-20 19:50
Thank you Piglet
作者: s.andp 時間: 16-3-20 20:28 標題: 引用：會唔會有咩書係有關點陪伴資優兒呢？+我只
提示: 作者被禁止或刪除 內容自動屏蔽
作者: QQson 時間: 16-3-21 01:35 標題: 回覆：Starrie 的帖子
其實你已經俾咗答案自己，呢類小朋友每一個行動都有動機，呢個動機最易找出來的不是坊間的導師，而是你！不需為孩子找特別課程，你需要上一些遊戲治療的課程，理解概念，在孩子日常生活中應用便可以容易更理解孩子所想。在孩子的成長過程中，找出他人生中的伯樂導師，適當地解釋孩子的思想，導師自然會協助你引導孩子成長。情緒訓練不用外判，自己教最有效，其他技能才能外判，因為家長不是張張刀鋒利！
作者: Starrie 時間: 16-3-21 07:21
回覆 QQson 的帖子
多謝意見，我搵下有關遊戲治療嘅資料先
作者: Starrie 時間: 16-3-21 07:22
回覆 s.andp 的帖子
Thank you
作者: piglet0529 時間: 16-3-21 10:52 標題: 引用：回覆+s.andp+的帖子 Thank+you
原帖由 Starrie 於 16-03-21 發表
回覆 s.andp 的帖子
Thank you
作者: QQson 時間: 16-3-21 17:35 標題: 回覆：Starrie 的帖子
最有效是家長上遊戲治療課，利用概念日常與孩子相處減壓力，看書亦可以。家長要幫孩子解開日常細小小的心結，代孩子向未來有心的老師說話。因為老師未必在相處短短的時間能容易馬上明白深入的原因，家校合作相當重要。不要只期望孩子長大去上這些課程，不要把父母關心了解子女的工作外判，因為你經歷過孩子的心路，所以你有能力做好，其實我同你的遭遇是相同的，所以你會好快掌握技巧。我不是在推銷課程，只是純分享經歷。建議去一些非牟利組織舉辦的課程，找一些有口啤的，甚至去政府或慈善團體有關地方找小冊子。我不記得自己在 CAC 還是小童群益會找的，但課程不是由小童群益會舉辦。有本書叫"你的敏感我都懂"，找來看看吧！你可能看見自己！
作者: Starrie 時間: 16-3-21 18:40
我都發現bb一遇到失敗就發脾氣，然後就不願再嘗試，我暫時只盡力引導同鼓勵，但都未見十分有效，有時因為害怕失敗，連回答問題也不是願意，語言能力頗高，但只是興之所致才突然說一句英文，我從來沒有刻意教導知識方面，今天就當玩遊戲跟他試一下，原來bb已經在我不知情下學懂很多不同生字，如果同一問題問第二次，他就會開始搗蛋，他不算多說話，只對自己有信心的方面才表現自己，不喜歡被指揮，要由他自己帶領。。。。種種都令我覺得不知所措，我將會在cpda先做一個screening, 我也擔心有機會是adhd或自閉傾向，做完screening 可能可以比到建議令我知道要如何面對，今早都有睇過遊戲治療的章程，但礙於工作以至時間未能配合，如果bb是資優兒童，你們會辭職照顧孩子嗎？
作者: s.andp 時間: 16-3-21 18:51 標題: 回覆：好擔心。。。唔知點處理
提示: 作者被禁止或刪除 內容自動屏蔽
作者: Starrie 時間: 16-3-21 21:01
如果係資優，你會發現佢對事情嘅理解同其他人唔同，好多人會覺得佢地好曳，佢地對抗權威，能言善辯，我行我素，悲天憫人，但係另一方面，佢地嘅才華係好容易被發現，資優兒就係一種特別嘅人種，難以被別人了解
作者: s.andp 時間: 16-3-21 22:18 標題: 引用：如果係資優，你會發現佢對事情嘅理解同其他
提示: 作者被禁止或刪除 內容自動屏蔽
作者: s.andp 時間: 16-3-21 22:25 標題: 回覆：好擔心。。。唔知點處理
提示: 作者被禁止或刪除 內容自動屏蔽
作者: Starrie 時間: 16-3-22 00:54
我長大後做過mensa嘅題目check過自己iq, 亦睇過有關書籍，終於解開自己由細到大古古怪怪嘅原因，而家我係擔心bb有遺傳
作者: 小曳人 時間: 16-3-22 10:17
孩子得20mth，我會話係trouble two，佢地未識得表達自己嘅情緒，所以脾氣大！
試下用語言幫佢講出佢嘅感覺，唔好只係"開心"、"唔開心"，"好"、"乖"、"曳"！
試下陪佢睇d講感受嘅故事書，資優都可以有唔同強項，我兒用呢個方法好work，因為佢理解能力好強，再深嘅字詞佢都好易理解，了解佢感受係解開佢情緒化嘅key
關於play therapy, 我仔上緊，9歲，上咗十幾堂，係少咗發脾氣同樂意體諒他人，但對於一個咁細嘅小朋友... 可能未係咁適合
想睇書，去圖書館走走，你會有收獲！
我都睇緊 :孩子，你的敏感我都懂！
呢d細路真係好敏感！
其實你孩子好幸福，有個了解佢嘅媽媽！加油呀！
作者: QQson 時間: 16-3-22 10:20 標題: 回覆：Starrie 的帖子
遺傳不是主因，身教是誘因，孩子在胎兒及成長期學會思考的規律。他們不是由語言學會這些，是由腦電波及行為觀察學成。資優這一個迷思是家長陷阱，因為覺得係甚至証實係而引發壓力，迷失育兒真諦。其實所有小朋友也有特別思想，只是成長過程的挫折會減低古靈怪而安守本份。
作者: QQson 時間: 16-3-22 10:28 標題: 回覆：小曳人 的帖子
與其說我的孩子幸福，倒不如說我很幸福，因為這個孩子我更了解自己過去，重新活一次。要面對自己的過去不是容易的事！即使孩子跟自己相似，他也不能避免重踏舊路，人要經歷才能成長，不是聽完便明白，幾聰明都無法打破大腦神經的天生軌跡。做家長為一能做是盡可能幫佢解開無謂或微細心結，幫佢唔好浪費時間，缩短迷失期。路始終是孩子自己走出來！
作者: Starrie 時間: 16-3-22 10:30
佢都有trouble 2 嘅情況，不過其實唔多，我懷疑佢出現特別情況並唔係單單因為佢哭鬧，而且哭鬧情況唔多同短暫，相反係我發現佢太成熟，經常克制自己，非常在意其他人目光，我尋晚都立即預留左你的敏感我都懂，一陣會睇下，遊戲治療並唔係建議小朋友上，而係建議我自己讀有關課程，幫助了解孩子
作者: Starrie 時間: 16-3-22 10:33
回覆 QQson 的帖子
Qqson, 坊間咁多唔同嘅育兒課程，點解你會揀遊戲治療呢？呢個系統有咩特別之處？我想了解多d
作者: Starrie 時間: 16-3-22 10:43
回覆 QQson 的帖子
你完全講中我心聲亦令我放鬆好多，我就係怕佢會好似我一樣迷失自己，我都係有左BB先開始慢慢解開心結，雖然佢可能一樣要有唔同嘅經歷，但我希望我可以做佢嘅依靠，就算佢揾唔到同伴，希望佢能夠接受我成為佢嘅同伴，係佢成長路上唔會太孤單
作者: Starrie 時間: 16-3-22 10:48
回覆 小曳人 的帖子
睇黎我又要開始我睇書嘅習慣，多謝你建議，我會試下你嘅方法，幫助孩子學習情感嘅表達
作者: QQson 時間: 16-3-22 11:15 標題: 回覆：Starrie 的帖子
我在育兒上亦迷失過，所以不斷睇書(我睇左超過幾百本書)、不斷問人(我唔會隨便問身邊家長，我會找社工、一些真正幼兒導師、專家去問) , 在缘分下遇上遊戲治療。
你要預左往後好多人問小朋友係唔係、或叫你做測試的意見。我覺得每人有不同需要，有些家長覺得自己唔了解自己小朋友就去做啦，如果你真的了解，為何要一個只見孩子數小時也沒有的人向你分析你的孩子？而且孩子無時無刻也在變化。這是我一直的迷思。專家的意見在你迷失的時候是你的燈，但真正了解孩子的一定是生佢的父母。因為有太多資訊，我這過來人的提示是你要好清楚自己的理念及學習分析不同的意見。我的意見亦不一定切合你的需要。共勉之！
作者: Starrie 時間: 16-3-22 13:04
開始時我比較慌亂，而家暫時約左一個兒童心理學家見面，約左健康院同埋約左另一個機構做screening, 我諗而家我都係調整好自己心情之後再處理
作者: MASAYA 時間: 16-3-22 13:30
QQson 發表於 16-3-22 11:15 
我在育兒上亦迷失過，所以不斷睇書(我睇左超過幾百本書)、不斷問人(我唔會隨便問身邊家長，我會找社工、一 ...
作者: 小曳人 時間: 16-3-22 14:42
Starrie 發表於 16-3-22 10:30
佢都有trouble 2 嘅情況，不過其實唔多，我懷疑佢出現特別情況並唔係單單因為佢哭鬧，而且哭鬧情況唔多同短 ...
我讀過8堂嘅遊戲治療intro班，係中大搞嘅，導師個大仔都係資優嘅，佢會盡量每日有15分鐘special time俾個仔，要守秘密，要當自己唔係媽媽，我就做唔到喇！
作者: QQson 時間: 16-3-22 15:10 標題: 回覆：小曳人 的帖子
不需要每天做遊戲治療，唔會有咁多時間同精神。你可以利用技巧在日常生活用，將D技巧溶入日常生活，好好用，你會自然觀察到佢諗咩，好容易接觸到佢內心世界。小朋友會好信任你。如果你每天抽15 分鐘做，家長會有壓力好易失入為做而做的陷阱。
作者: Starrie 時間: 16-3-22 16:43
回覆 QQson 的帖子
睇到第十四頁，d眼淚不停流，多謝你
作者: QQson 時間: 16-3-23 09:25 標題: 回覆：Starrie 的帖子
其實家有聰明的孩子真的不用想得太大壓力。試諗吓，上一代在沒有知識下也能教育我們，我們也有美好生活。現在我們有這麼多資源，為何仲咁大壓力？咁多擔心？這是因為公眾的壓力吧！不要活在廣告下、不要活在別人的眼光下、更不要與其他資優兒比較，每個孩子都是獨特及唯一的。以親身經歷的分享，人生漫長，只要是有動力去做，資優兒總能找出自己的天空。我在工作後所進修的課程比學生時期多很多倍，唯一的遺憾是語文能力不是靠後天發力便可以，語文能力要日積月累，所以我送給孩子的是良好語文能力。往後孩子可以依靠這能力追求無窮的知識！
作者: Starrie 時間: 16-3-23 13:58
回覆 QQson 的帖子
最初擔心係因為自己對呢樣野認知不足，毫無方向，擔心自己處理不當，而且不願意接受，現在感到輕鬆
很多了，眼淚只係感動，因為從書中我真的看到自己，感覺是喜悅的，相信我一定會揾到方法好好同bb相處
作者: BabyCTY 時間: 16-3-23 17:45 標題: 回覆：Starrie 的帖子
小孩得20個月大，最重要的係媽媽的陪伴吧，教識他表達自己，讓他信任你，分享心情。成長過程佢地人有別人羨慕的優點，亦有別人不能接受的缺點，媽媽要照單全收
作者: QQson 時間: 16-3-24 00:05 標題: 回覆：Starrie 的帖子
我以前也為此哭泣過，是擔心的眼淚。回頭再看，海闊天高！老實講，寫給你的同時其實也在鼓勵我自己，呢個 project 好漫長！學校老師同我講有個高手的孩子背後一定有個更高手的家長先可以降服隻怪獸…… 
作者: Starrie 時間: 16-3-24 02:06
哈哈哈。。。。我個仔花名叫暴龍，然後我d朋友都講笑叫我做哥師奶，我都係回答，唔係哥師奶點會夠膽生暴龍，佢固執到令我都覺得頭痛，但係又唔知到底制止佢定隨佢探索好，壓力都好大
作者: Starrie 時間: 16-3-24 02:10
佢有佢自己一套邏輯，有時我都要d時間先解讀得到，佢知道咩野係正確但係又偏偏要用番自己個一套，仲要其他人跟佢個套，我都仲揾緊方法點引導番佢
作者: 準媽咪 時間: 16-3-24 10:41
s.andp 發表於 16-3-21 22:25
某程度我也懷疑過自己是資優，一直以來我也是悲天憫人丶我行我素、不服從強威，而記性丶組織丶分析丶表達丶 ...
我地系朋友
作者: 準媽咪 時間: 16-3-24 10:52
Starrie 發表於 16-3-23 13:58
回覆 QQson 的帖子
最初擔心係因為自己對呢樣野認知不足，毫無方向，擔心自己處理不當，而且不願意接受， ...
我早期都同你一樣, 好迷茫 ! (雖然依家都迷迷地)
加油啊 ! 要相信自己可以做到 !
作者: QQson 時間: 16-3-24 12:38 標題: 回覆：準媽咪 的帖子
係！幼稚園有幼稚園的迷惘期，小學又有小學的迷惘期 …… 其實上一代好幸福，咩都唔知又咩都知嘅好！知D唔知D又會多一份憂慮，除非你已經凌駕在知識範疇以上，但呢個需要時間吸收及個人功力與緣分。所以有資優兒應教他們尋找知識的能力而不是幫他們找尋知識。互聯網資訊豐富、現在又比以前容易找到書籍，不要擔心小孩子將來在學校悶，因為孩子自有方法解悶。鼓勵他們自己尋找追求有趣的動力。我小朋友小時我好怕他同我講我好悶，我會叫佢唔好浪費時間叫悶，諗一D方法合理、不打擾人的方法自娛。
作者: Starrie 時間: 16-3-24 14:30
不同時期就會有不同挑戰，家長要同佢地鬥智鬥力之餘，亦要培養佢地獨立思考嘅能力，而家我只能夠惡補有關知識，初步評估完成後，可能都需要重新部署，而家工作時間太長又唔隱定，如果有機會，我都想完成有關遊戲治療嘅課程又或者多參加有關教養嘅講座
作者: 準媽咪 時間: 16-3-24 17:12
QQson 發表於 16-3-24 12:38
係！幼稚園有幼稚園的迷惘期，小學又有小學的迷惘期 …… 其實上一代好幸福，咩都唔知又咩都知嘅好！知D唔 ...
嗯 ! 我都好怕呀仔叫悶 ! 出街一定叫佢帶本書 !
至於上網, 怕壞眼所以一向有限制; 而且佢上網系睇 Mr. Bean 食鬼 Domino.......... !! 平時愛書如命 但無意識護眼, 已開始有近視
作者: 準媽咪 時間: 16-3-24 17:20
Starrie 發表於 16-3-21 18:40
我都發現bb一遇到失敗就發脾氣，然後就不願再嘗試，我暫時只盡力引導同鼓勵，但都未見十分有效，有時因為害 ...
"....bb是資優兒童，你們會辭職照顧孩子嗎？"
我轉做 Full time mom 唔系因為 資優與否, 而系想自己教, 唔想佢變成皇太子 !
有良好品格, 良好習慣, 知足, 懂愛,......呢 D 先最重要 !
閣下做決定前, 先計劃下會點教, 假設一下會有咩成效先
我自覺做得唔太好, 不過我接受自己都會有盲點, 唔可能教出一個完美既人 !
作者: Starrie 時間: 16-3-24 21:51
見完心理輔導員，bb將會接受感統訓練，同時都建議我全職照顧孩子。。。。我都相信咁嘅安排係對bb最好嘅
作者: QQson 時間: 16-3-24 23:30 標題: 回覆：準媽咪 的帖子
佢細個時我鼓勵佢帶玩具，可能佢成日見到我睇書，所以佢大大吓主動帶書出街。至於互聯網並不是我有心的，佢兩三歲時係我阿哥教佢 search Thomas ，當時我仲鬧我哥哥，但從此佢個世界不一樣。開始時佢在 youtube search Thomas 睇卡通，慢慢佢會 search lego 學砌 lego，而家大D search 日本超人卡通睇，無啦啦會同我講句日文，仲求我去日本旅行。佢越求我，我越唔肯去，等佢有盼望嘅心將來先會珍惜。去圖書館我教佢去電腦找書，所以睇來睇去都係英文書，係上小學後才肯睇中文。所以，只要佢有好奇心，有方法，佢自然會主動去學習不同知識。
作者: idy926 時間: 16-3-31 17:35
本帖最後由 idy926 於 16-3-31 17:54 編輯
睇緊"敏感"本書，亞女自細嘅"怪"野係咁係腦海湧現，過左十一年啦，如果一早睇到Li本書就好啦！我就可以更加體諒佢，安撫佢；原來，我一家三口都係高敏嘅人，吾怪得我都易失控，尤其我認為亞女吾聽話時，打就無，但會罰同駡，有時會罰到佢情緒失控，睇黎我要改變方法....其實亞女3歲就巳經禮貌咁問：媽咪呀，請問你可吾可以吾好咁大聲駡我呀？
但係果時，我就覺得佢想控制我，越駡越有.....
其實佢地對大聲同負面字係超敏感，可能好痛苦....回望自己，又何常吾係咁呢？好多謝樓上分享左Li本書！！
吾知好吾好比本書亞女睇下，從而令佢了解下自己呢？
青春期大戰更年期，要努力吾比佢發生！
樓主，努力！睇書了解係第一步，你早著先機，你的孩子真幸運，無似得我LI個亞媽咁鬼豬
作者: 浩霆豬豬 時間: 16-4-1 05:21 標題: 回覆：idy926 的帖子
呢本書係邊度有得買？thx
作者: idy926 時間: 16-4-1 12:35
本帖最後由 idy926 於 16-4-1 12:39 編輯
回覆 浩霆豬豬 的帖子
"孩子，你的敏感我都懂！"我係圖書館借㗎...不過我老公睇左少少，話的確係有自己同亞女嘅影子，話值得買一本得閒睇下，我都想知邊度有得買
作者: Starrie 時間: 16-4-1 16:05
回覆 idy926 的帖子
多謝你鼓勵。大家加油呀。
"敏感'呢本書真係寫得好好。 作者直情好似寫緊自己心底話咁。 我都想揾下仲有冇其他好書可以參考。真係好多謝 qqson 推介
作者: hha 時間: 16-4-2 12:59 標題: 回覆：好擔心。。。唔知點處理
我三年前都睇咗呢本書，簡直覺得相逢恨晚，真係理解多咗阿仔好多古怪行為，以後對我兩個仔女再唔用isolate式的懲罰。
作者: QQson 時間: 16-4-3 12:06 標題: 回覆：Starrie 的帖子
講教育，我喜歡看洪蘭老師的作品，利用神經科學實驗講解育兒知識，十分有趣！
作者: Brainwave 時間: 16-4-3 13:37 標題: 引用：佢有佢自己一套邏輯，有時我都要d時間先解
原帖由 Starrie 於 16-03-24 發表
佢有佢自己一套邏輯，有時我都要d時間先解讀得到，佢知道咩野係正確但係又偏偏要用番自己個一套，仲要其他 ...
我同你有d 似，細個唔知，但現在睇返講覺得自己有d 似現在所講嘅低成就資優，由細到大因為不被理解，所以變得憤世嫉俗，挑戰權威，對任何規矩規則都好反感，一世人無努力做過任何嘢，但勝在超級專注，只要想做，基本上都畀我做到。所以喺我仔兩歲前後，開始發現佢畀其他小朋友advance, 就發咗慌咁周圍睇，周圍問，怕個仔步自己後塵。
但現在過咗差不多一年，我開始發現當時嘅心態其實有少少係想透過個仔，嚟肯定對自己嘅懷疑，因為佢同我細個實在太似。
現在，我發現係急唔嚟㗎，佢哋嘅變化大到，係幾個月就可以變咗另一個人，你唯一可以做嘅就係裝備自己，以不變應萬變，我慢慢變成一個好relax 嘅家長，都會睇呢版，但唔會諗東諗西，關唔關資優事嘅育兒資訊，理論都大量睇，呢版有jm 介紹我睇"資優兒童親職教育"呢本書，雖然我覺得内容其實好common sense, 但作為入門都唔錯。
最緊要係唔好花咗寶貴嘅親子時間用嚟懷疑，擔心。
呢d你慢慢會明㗎啦。
作者: Starrie 時間: 16-4-4 01:48
回覆 QQson 的帖子
我真係太幸運啦， 有你呢個前人filter左邊d書值得睇，我都去圖書館揾下洪蘭老師嘅書，多謝你
作者: Starrie 時間: 16-4-4 02:10
回覆 Brainwave 的帖子
佢d變化大到真係好驚人，我早兩晚同佢講"媽媽唔番工陪住你"佢第二日就好似變左第二個人咁，突然肯講番好多野，講嘅仲係之前未講過嘅詞語，又唱埋歌，變得好乖，d固執行為減少左，我問佢係唔係媽媽唔番工所以你咁開心同咁乖，佢答我係呀，我覺得同佢好似親密左好多，而家我同佢傾計，佢會坦白咁比回應我，我問佢點解屋企咁多野講，出街唔講野呢？你係唔係好驚樓下嘅姨姨呀？ (即係保安，佢從來唔會同佢地打招呼，只會講bye bye) 佢話，唉~之後我話你唔想同佢地講野呀？佢話係呀，我話唔駛驚架喎，姨姨只係鍾意你，佢又拍下我膊頭，從呢d對話我覺得自己了解佢多左，其實我早排開始做番野，佢就開始好多奇怪嘅行為，我最初其實係懷疑佢自閉或者過度活躍，但係自己試過分析過又覺得唔似，所以諗起自己會唔會遺傳左比佢，我當然都希望佢只係一個普通嘅小朋友，而今次經歷的確令我反思左自己同佢嘅關係，亦令我細心左，而家對住佢，我多左體諒同會先諗左佢嘅動機再同佢傾計，令到我地嘅關係好左好多，雖然放棄左自己喜歡嘅工作，但係如果可以換到佢健康快樂咁成長都係值得嘅。
作者: lui 時間: 16-4-19 18:48 標題: 引用：會唔會有咩書係有關點陪伴資優兒呢？+我只
原帖由 Starrie 於 16-03-20 發表
會唔會有咩書係有關點陪伴資優兒呢？ 我只係想佢可以開心d
圖片附件: myphoto.jpg (16-4-19 18:48, 84.56 KB) / 下載次數 38
/forum.php?mod=attachment&aid=NjY5NjZ8MDk2NTRiMzZ8MTc1NTM3ODk2MHww
作者: idy926 時間: 16-4-20 16:32
lui 發表於 16-4-19 18:48
這個是中大資優教育教授推介父母看的。
作者: Starrie 時間: 16-5-1 04:44
真係好多謝咁多位熱心嘅媽媽，經過呢段時間做資料搜集，我相信bb應該係感統失調，黎緊5月31號排到去協康做評估，希望結果都同我所預期一樣，唔係任何一種特殊，而家keep住同佢做多d刺激感統嘅活動，希望儘快同其他小朋友一樣啦
作者: bagelting 時間: 16-5-1 15:31 標題: 回覆：Starrie 的帖子
我自己同女兒的經歷真的都同妳類似！從小到現在都不像其他小朋友般簡單，看到她的成長亦另我再一次認識自己. 現她也在做感統訓練！大家加油💪🏻💪🏻💪🏻
作者: Starrie 時間: 16-5-1 22:25
回覆 bagelting 的帖子
多謝鼓勵，大家加油呀
| 歡迎光臨 教育王國 (/) |
Powered by Discuz! X1.5 |