教育王國

標題: 外交大使的自白 [打印本頁]

作者: 外交大使 時間: 16-3-15 15:28 標題: 外交大使的自白

做公關呢一行每日都會接觸突發嘅問題，尤其做forum media古怪離奇嘅事，更加係充滿壓力同忿怒，好彩外交大使一直都係IQ 零蛋，但EQ爆棚嘅一群。其實，都唔係好彩，全因為外交大使嘅父母(除咗大個要搵錢養佢地之外)，讀書學嘢係完全冇壓力。但係填鴨式教育底下，點解可以冇壓力？呢個真係一個謎。除咗識游水同好鍾意小朋友之外，外交大使根本就冇任何興趣，但之後又發現暑期工去教游水，又有意義又賺到錢，真係好正！唔識游水係會死，所以真係基本求生技能。

父母唔加壓，子女日後就面對唔到社會壓力？
社會壓力，生活壓力，工作壓力，家庭壓力，社交壓力... 乜都有壓力點解父母仲要預早比定壓力？外交大使覺得父母係子女最自在，最冇壓力嘅嘅避難所。壓力愈少愈好啦！老老實實你地都唔想做人咁大壓力架，正所謂：「己所不欲，不施於人。」

細個時朋友們話我好幸福，因為父母好好！
父母很好是真的，慶幸自己係佢哋女兒，雖然曾經面對窮困，家中摯親病逝，生活/情緒曾經一蹶不振。但如果得唔到父母嘅愛，外交大使亦會想將自己夢想嘅父母，投射落自己仔女身上。希望自己能夠做到，能每晚與仔女傾心事的朋友，或許不能每個晚上，只要佢哋需要我，我就會義無反顧地送上最無添加嘅擁抱。

唔做功課嘅學生！
小學成績尚算不俗，去到中學家中出現巨變，學業只求升班 (數學從來未曾合格過，哈哈哈)，當然入唔到大學啦！但大專生涯亦非常精彩，認識好多朋友，到現在仍然是閨密。功課從來都係teammates 做，而我身負更大嘅責任，就係每日帶比佢地歡笑，人生苦短幽默係好重要。

好鍾意一句說話「人生係一場長跑賽，贏在起跑線又有何用？」倒不如欣賞一下沿途風景啦！外交大使一D都唔叻，但樂天性格卻係我最值得驕傲嘅事。而家，係親子王國打份工，有仔有女(佢地好可愛，我地好FRIEND)，有老公，父母得償所願外交大使可以供養兩老，有很多好好朋友，有好老闆，更有好同事。當年一事無成，從來冇諗過有今日，外交大使心滿意足！

希望不會在明天，因為世事邊有咁著數，咁易比你捱過。但希望係會在後天的！

國民們，我地一齊努力，一齊學做父母，好嗎？

作者: ANChan59 時間: 16-3-16 11:06 標題: 回覆：外交大使的帖子

重請唔請人？

作者: anixon 時間: 16-3-17 07:27

大使，幸福的十大奢侈品，我諗你有齊晒。

(1) 生命的覺醒和領悟
(2) 一顆自由、喜悅、充滿愛的心
(3) 走遍天下的氣魄
(4) 回歸自然
(5) 安穩平和的睡眠
(6) 享受屬於自己的時間和空間
(7) 彼此深愛的靈魂伴侶
(8) 任何時候都真正懂你的人
(9) 身體健康、內心富足
(10) 感染並點燃他人的希望。---->

歡迎光臨教育王國 (/)