教育王國

標題: 主流融合定輕度學校？ [打印本頁]

作者: kokchung81 時間: 16-3-13 22:06 標題: 主流融合定輕度學校？

大家比d意見，向呢度好少評論特殊學校，上google搵都唔多，反而融合都仲有人講下。我囡囡今年升小，有1-1.5年發展遲緩，之前讀國際幼稚園，諗住冇咁大壓力，愉快學習。準備升小問題出現啦，國際學校d小學全部要考，阿囡怕羞，識都唔答人，全軍覆沒，加上好多冇支援，有支援個d就好貴學費。我已經自行抽左間融合做得唔錯o既學校，問題係我阿囡同中文字唔係朋友，政府做左評估叫阿囡讀輕度特殊。佢好肯學，但要重複兩三次先明，我呢個case係咪應該唔試融合直接去特殊學校。

希望有讀緊特殊o既家長比d意見

作者: piglet0529 時間: 16-3-14 07:12 標題: 引用：大家比d意見，向呢度好少評論特殊學校，上g

原帖由 kokchung81 於 16-03-13 發表
大家比d意見，向呢度好少評論特殊學校，上google搵都唔多，反而融合都仲有人講下。我囡囡今年升小，有1-1.5 ...

如果你有爬文, 會見有的家長repeat K3 先上小一, 另加特殊training, 如你女兒已評遲緩over一年, 加上中文唔得, 可以老實話你知就算間小學融合做得幾好也跟不上, 如你真的想試也揾定睇定輕度特殊預中途轉校

作者: methy 時間: 16-3-14 09:15 標題: 引用：大家比d意見，向呢度好少評論特殊學校，上g

原帖由 kokchung81 於 16-03-13 發表
大家比d意見，向呢度好少評論特殊學校，上google搵都唔多，反而融合都仲有人講下。我囡囡今年升小，有1-1.5 ...

主流課程就算融合都深&教得快，要默書測驗考試，有調應可幫助小小，一大班人上堂，唔攪事，家長又接受小朋友成績唔會太亮麗，可以安然讀到畢業。

輕度無默書測驗考試，功課程度分levels,慢慢教到識，唔谷唔趕，師生比例高，支援足。

自己參觀下主流小學&特殊學校，同老師了解下，觀下課就好易做到決定。

作者: taviatsui 時間: 16-3-14 16:09 標題: 回覆：主流融合定輕度學校？

主流真係日日追課程，學唔識都無時間教多你幾次，如此落去好難跟得上

作者: funghon 時間: 16-3-14 16:23 標題: 引用：主流真係日日追課程，學唔識都無時間教多你

原帖由 taviatsui 於 16-03-14 發表
主流真係日日追課程，學唔識都無時間教多你幾次，如此落去好難跟得上

...

我都係咁諗

陳錦鴻吾見左好耐，我都估到。

作者: sum311 時間: 16-3-21 10:04 標題: 回覆：kokchung81 的帖子

建議你參觀下特殊和主流，一般你打去特殊學校，他們都會有人招待你去參觀！
特殊唔追課程，主科分程度上，但家長心態係，仔女成績點差都好，寧可佢主流畢業唔俾人標籤，但要考慮佢讀得開唔開心，同埋學唔學到野，仲有社交有冇問題。
如果唔係自閉得好勁，又或輕度又唔太差，無特別大行為問題，一般都會叫佢在主流試讀下一二年級，觀察下個女在學校除左成績仲有邊方面有大問題，再考慮特殊。
千祈唔好諗住特殊係踏腳石，讀完可以返出去主流（真係有家長咁諗），特殊課程慢，個差距只會越來越大。
預左行特殊條路將來唔會考DSE,讀完中學就出黎就業，輕度加自閉可以去工場，能力高會去VTC或松嶺讀多一兩年先公開就業！

作者: kokchung81 時間: 16-3-21 21:47 標題: 回覆：sum311 的帖子

Thx everyone

歡迎光臨教育王國 (/)