教育王國

標題: E位和I位有什麼分別？ [打印本頁]

作者: 2babymun 時間: 16-3-11 00:03 標題: E位和I位有什麼分別？

早排評估到小朋友有輕微自閉症譜系。評估機構叫我小朋友可以排早期訓練或兼收位。
因唔知道二種形式如何。E位定I位好？有無人幫到我？

幼稚園兼收位6－8個小朋友上堂？是否輕微，中等，嚴重也一齊上課？如果要上堂，是每日抽D時間幫助昵幾個小朋友做訓練？有無小朋友讀幼稚園兼收位媽媽可以分享下？小朋友成效如何？謝謝。

作者: SKB 時間: 16-3-12 16:25 標題: 回覆：E位和I位有什麼分別？

要位要自己帶去上training. 3/5 日每星期2-3小時。

I位就正常返幼稚園上堂，課堂中，後會有老師或社工來做training。

作者: mrspizza 時間: 16-3-12 16:35

E 定 I 位比較嚴重，還是小朋友程度大致相約，只是訓練時間上不同?

作者: SKB 時間: 16-3-12 16:42 標題: 引用：E+定+I+位+比較嚴重，還是小朋友程度大致相

原帖由 mrspizza 於 16-03-12 發表
E 定 I 位比較嚴重，還是小朋友程度大致相約，只是訓練時間上不同?

其實depends on你想佢點training,同堆自己有無時間帶和陪小朋友做training, 仲有一開始就要決定排咩位,要自己衡量。

即你返上午班，咁咪最好E位下午training就唔會撞時間。

咁I位我可以好簡單有小朋友返學，學校會同人理學家/治療師安排training。

作者: mrspizza 時間: 16-3-12 16:49

如果驚無kindergarten 收，選I位是否較安全？好驚小朋友無人收無書讀。。。。

作者: SKB 時間: 16-3-13 00:15 標題: 回覆：E位和I位有什麼分別？

但唔係你話排I位就即有得讀，你𢵧好I或E，仲要排，我當年由K1下學期開始排I位，排到K3先有得讀，佢在原本的幼稚園（私幼）都算跟到，到有位都掙扎轉唔轉。

Full time mum 排E位都OK，可自己帶去做密集訓練，小朋友而家幾歲？排左未？

作者: mrspizza 時間: 16-3-13 14:14

私人評估後，排緊E，但9個月後CAC再評多一次。我小朋友們2 yrs old。私校知嗎？態度supportive?

作者: 2babymun 時間: 16-3-13 16:15 標題: 回覆：SKB 的帖子

我小朋友而家剛3歲。而家讀緊學前班。來緊9月讀k1。
我剛排兼收位。若改早期訓練也可以。但要半年內。因而家起排小朋友最少都要等一年。
有讀兼收位的小朋友是否進步很大？能跟到主流小一小學嗎？
我其實還爭扎早期定兼收？是否應該2者訓練無差別？作為媽媽，也想給他最好訓練。

作者: SKB 時間: 16-3-13 23:12 標題: 引用：我小朋友而家剛3歲。而家讀緊學前班。來緊9

原帖由 2babymun 於 16-03-13 發表
我小朋友而家剛3歲。而家讀緊學前班。來緊9月讀k1。
我剛排兼收位。若改早期訓練也可以。但要半年內。因而 ...

我無上過E位既堂，不過我覺得，係我自己覺得既，E位既訓練應該prod D。

點解我當時排I位，最主要無人手帶佢上課外training，如果讀E位，我就繼續讀全日班私幼，是勁谷的，不過小朋友學術上智力都算跟到，係專注和社交弱，同私幼校長傾過，佢鼓勵我轉校去讀個I位。

我仔唔算好嚴重，但都有一般A仔既特徵如轉車輪，地鐵火車，記地圖路線車站等，分析力弱，但記憶好強，好細心，N年前發生的事情都會記住年月日星期幾等，好奇妙的外星人。

作者: angels'mom 時間: 16-3-18 17:38

我當年選了E位，當時和而家都覺得比較適合自己，I位學校我唔知好唔好，而因爲我是full time mom，所以帶個仔上E位堂時，自己都可以學埋點樣訓練佢。

亦好興幸揾到適合的幼稚園，重讀K1那年班主任幫了我仔好多，其實我仔一共在三間幼稚園讀了三年半，每次轉校都是必須的。第一次是因爲老師和校長對自閉症都不怎麽認識，唔知可以點樣幫我個仔，同埋30人一班太多人了。第二次也是因爲由小班變成大班，同埋由下午班改爲上午班，所以又要轉。

家長要多瞭解自己心儀的幼稚園，希望選擇到適合的。

歡迎光臨教育王國 (/)