教育王國

標題: 選I位，或重讀正常幼稚園？ [打印本頁]

作者: youngerwai 時間: 16-3-9 13:57 標題: 選I位，或重讀正常幼稚園？

我囝囝4歲3個月，現讀正常幼稚園K2,
在尤德評估整體慢同齡1年，主要問題-語言表達弱，專注力不足，大小肌肉弱，尤德兒科醫生建議入I位幼稚園，
今年1月開始有耀能到校服務，囝囝被安排做言語治療先，每星期一次，每次一小時，3個月後再轉其他治療，可以轉物理治療或訓練專注力等，
因為是細B，我們已決定重讀K2,
有同班主任傾過，她覺得囝囝未有評估報告慢1年咁多，只是專注力不足和大小肌弱，其他與同班同學無異，記憶力，中英數認字能力仲好強，
因為囝囝這問題，我已經辭職，4月開始做全職媽媽，希望多些時間同佢在家做訓練，
同時，今年4月底我們應該會排到所選的I位幼稚園分配，9月入學，因為我們很早已經社工排隊，
而家我們要決擇：
1 - 接受I位？
2 - 還是原校重讀，繼續耀能服務？加上繼續在家自行訓練？
其實不太知道I位的針對性訓練有幾多，
究竟選哪一樣比較好？
好擔心選錯害了囝囝一世！
請大家俾D意見！🙇🏻🙇🏻

作者: youngerwai 時間: 16-3-9 14:10 標題: 回覆：youngerwai 的帖子

補充，
現在讀緊的幼稚園，囝囝讀得好開心，老師校長很好，近屋企，步行到，上午班，我們都唔捨得，
I位離家很遠，要搭半小時車程,全日班。

作者: piglet0529 時間: 16-3-9 15:44 標題: 引用：補充，現在讀緊的幼稚園，囝囝讀得好開心

原帖由 youngerwai 於 16-03-09 發表
補充，
現在讀緊的幼稚園，囝囝讀得好開心，老師校長很好，近屋企，步行到，上午班，我們都唔捨得，
I位離 ...

細B重讀啦, 又有到校服務

作者: may_chung 時間: 16-3-10 14:54

提示: 作者被禁止或刪除內容自動屏蔽

作者: momo;);) 時間: 16-3-10 22:47 標題: 回覆：選I位，或重讀正常幼稚園？

你個仔同我個仔一樣...無論年齡,言語,大小肌問題等等..但佢認字個啲都吾得。。宜家做功課做到想死....我都1516要吾要重讀好..

作者: youngerwai 時間: 16-3-11 11:11 標題: 回覆：momo;);) 的帖子

你小朋友讀緊幼稚園？幾年班？我相信重讀一定有幫助，小朋友一年時間可以進步好多。我們家長都要一齊努力協助和鼓勵,加油！

作者: Lingyau1221 時間: 16-4-18 13:34 標題: 回覆：youngerwai 的帖子

到校服務應該比正在輪候i,e,s位小朋友，如果你一旦放棄i位，即你小朋友已不在輪候冊上，有機會不可使用到校訓練，你最好問清楚⋯

作者: Lingyau1221 時間: 16-4-18 13:35 標題: 回覆：youngerwai 的帖子

或者你轉E位吧⋯

作者: ada9200 時間: 16-4-22 12:24

同我仔情況差不多, 但我已決定入讀i位, 放棄主流位及不要到校服務, 因為只有一個理由, 就係唔敢錯過黃金學習機會, 話晒i位係針對性教學。

歡迎光臨教育王國 (/)