教育王國

標題: 點解會有啲咁嘅怪獸架 [打印本頁]

作者: 洋蔥頭媽咪 時間: 16-3-8 13:46 標題: 點解會有啲咁嘅怪獸架

本帖最後由洋蔥頭媽咪於 16-3-8 14:20 編輯

個仔行為/情緒有問題，家長仲要死撐，孩子多口影響同學，家長就演譯成孩子創意無限，孩子粗言污語對同學，家長又懶其他同學都係咁，不停搬個仔有資優問題出黎，要全世界圍住佢轉，遷就佢，仲要投訴老師，抹黑學校，叫 (sen 自閉/讀障)小朋友就入去讀，將歪理演譯成真理。
知小小就扮代表，真心覺得老師好惨，同學仔有啲咁嘅同學都好慘。完全明白有怪獸家長，才會孕育出怪獸孩子。

http://www.edu-kingdom.com/forum.php?mod=viewthread&tid=3234237&extra=page%3D1

http://www.edu-kingdom.com/forum.php?mod=viewthread&tid=3231726&extra=page%3D1

http://www.edu-kingdom.com/forum.php?mod=viewthread&tid=3177357&extra=page%3D1

作者: Jane1983 時間: 16-3-8 16:50

吾知内情，其實好難講。
退一步睇，如果家長真係怪獸，學校係唱吾衰的，辦得好一樣多人報，無理投訴老師，亦吾易成功。係過程有些煩，被滋擾的同學有d不便，睇開d，又過左去。

作者: 為為媽咪 時間: 16-3-8 17:30 標題: 回覆：洋蔥頭媽咪的帖子

咁做一定有目的，難為了學校，亦浪費學校時間去處理無理要求

作者: 洋蔥頭媽咪 時間: 16-3-8 17:47 標題: 引用：咁做一定有目的，難為了學校，亦浪費學校時

原帖由 為為媽咪 於 16-03-08 發表
咁做一定有目的，難為了學校，亦浪費學校時間去處理無理要求

學校當然唔怕佢抹黑，如果間學校差佢仲唔走咩，點會得把口，最慘係老師同班同學仔。

作者: 為為媽咪 時間: 16-3-8 17:49 標題: 回覆：洋蔥頭媽咪的帖子

非常同意

作者: 為為媽咪 時間: 16-3-8 17:50 標題: 回覆：洋蔥頭媽咪的帖子

走得到先得架，又資優操行成績咁好

作者: 洋蔥頭媽咪 時間: 16-3-8 18:01 標題: 引用：走得到先得架，又資優操行成績咁好 +

原帖由 為為媽咪 於 16-03-08 發表
走得到先得架，又資優操行成績咁好

我都係第一次見怪獸

作者: 為為媽咪 時間: 16-3-8 18:03 標題: 回覆：洋蔥頭媽咪的帖子

同意

作者: 洋蔥頭媽咪 時間: 16-3-8 18:09

為為媽咪發表於 16-3-8 18:03
同意

樓上家長小朋友應該同佢仔同班，所以都不值佢行為。做人有時都要過倒人過倒自己，識投訴就大曬 ? 損人不利己，咩心態 !

作者: 為為媽咪 時間: 16-3-8 18:36 標題: 回覆：洋蔥頭媽咪的帖子

我們不是同班

作者: 為為媽咪 時間: 16-3-8 18:37 標題: 回覆：為為媽咪的帖子

無咁好彩

作者: 洋蔥頭媽咪 時間: 16-3-8 18:47 標題: 引用：我們不是同班 +

原帖由 為為媽咪 於 16-03-08 發表
我們不是同班

初頭都唔知佢地低年級發生咩事，只見佢不停抹黑及唱學校，另外一位回覆嘅家長應該同佢同班，都不值佢行為。我亦唔認識佢，只係覺得佢太過份。

作者: 為為媽咪 時間: 16-3-8 19:11 標題: 引用：Quote:原帖由+為為媽咪+於+16-03-08+發表我

原帖由 洋蔥頭媽咪 於 16-03-08 發表
初頭都唔知佢地低年級發生咩事，只見佢不停抹黑及唱學校，另外一位回覆嘅家長應該同佢同班，都不值佢行為。 ...

多謝你平心靜氣，雪亮的眼睛

作者: 洋蔥頭媽咪 時間: 16-3-9 08:13 標題: 引用：Quote:原帖由+洋蔥頭媽咪+於+16-03-08+發表

原帖由 為為媽咪 於 16-03-08 發表
多謝你平心靜氣，雪亮的眼睛

我相信大部份家長都係明事理嘅，作為家長當然希望子女成才，問題係當家長得知自己子女行為/情緒出現問題，家長取態對小朋友其實影響深遠。事件中家長根本唔接受老師批評，不肯面對現實只懂投訴/抹黑，其他家長指出的問題佢亦自圓其說，自欺欺人，把所有責任全推到在其他人身上，試問其孩子又怎能改善 ? 問題惡化，最終吃虧咪又係自己小朋友。
無論資優又好，特殊須要照顧又好，我絕對相信學校/老師其實都係想教番好小朋友，如果家長願意虛心啲接受事實，家校合作，孩子問題都會容易解決好多。
我囝囝班中亦有一個資優同學行為比較古怪/曳，但老師/同學對佢尚算包容，由其老師從沒劃花其操行，原因每次老師致電家長告訴問題時，家長都會冷靜地與老師頃談，家校合作共同教番好小朋友。

作者: 200904 時間: 16-3-9 11:55

我想問，到底什麽是資優？怎麽現在好像講到資優就好像是個貶義詞一樣？

作者: 積奇百事 時間: 16-3-9 12:23

佢係咪時間錯亂, 一時話搵左十間都轉唔到, 一時話自己轉左校, 個仔升中入左間名校精英班

作者: Jane1983 時間: 16-3-9 12:46

回覆 200904 的帖子

因為資優的同時，有些小朋友亦會有行為、情緒或社交問題，小朋友的表現、家長取態、老師處理等等都會令件事的發展好吾同。

作者: 為為媽咪 時間: 16-3-9 12:58 標題: 回覆：Jane1983 的帖子

唔做功課，破壞學校，同學物品都話自己操行唔應該攞C，真係奇聞

作者: 洋蔥頭媽咪 時間: 16-3-9 13:08 標題: 引用：佢係咪時間錯亂,+一時話搵左十間都轉唔到,+

原帖由 積奇百事 於 16-03-09 發表
佢係咪時間錯亂, 一時話搵左十間都轉唔到, 一時話自己轉左校, 個仔升中入左間名校精英班 ...

佢之後又話有兩個仔，大仔讀了一年就轉校，轉校後如魚得水，而家行為問題係細仔，但又冇交待點解不滿學校又要幫細仔再揀番同一間，不過全部都係佢片面之詞。根本心知間學校係好野黎，否則比你都唔會揀啦。

作者: 洋蔥頭媽咪 時間: 16-3-9 13:16 標題: 引用：回覆+200904+的帖子因為資優的同時，有些

原帖由 Jane1983 於 16-03-09 發表
回覆 200904 的帖子

因為資優的同時，有些小朋友亦會有行為、情緒或社交問題，小朋友的表現、家長取態、老 ...

同意，資優小朋友有部份好叻，我亦認識部份已上1A中學。但就算資質係優，亦唔代表就高人一等，部份一樣夾雜著其他問題。

作者: MASAYA 時間: 16-3-9 13:19

200904 發表於 16-3-9 11:55
我想問，到底什麽是資優？怎麽現在好像講到資優就好像是個貶義詞一樣？

資優只係一種特質，好唔好睇下你點用啦。好似刀咁，你用黎切肉切生果咪好用，用黎殺人咪唔好。同理，法律都係一樣，如果係保障社會公義咪好，但如果假公濟私咪唔好。

作者: 洋蔥頭媽咪 時間: 16-3-9 13:28 標題: 引用：唔做功課，破壞學校，同學物品都話自己操行

本帖最後由洋蔥頭媽咪於 16-3-9 13:37 編輯

原帖由 為為媽咪 於 16-03-09 發表
唔做功課，破壞學校，同學物品都話自己操行唔應該攞C，真係奇聞

佢最過份係呢段

同學仔家長話
「…時常講粗言污言,又時常鬧人,試過打同學,時常對老師無禮貌,用學過的功夫兇老師…」
佢就回答
[ 其實培基好多學生都係咁, 我個仔都試過被同學踢到隻腳流血, 又試過被同學胸襲, 阿仔話今年有很多同學仔遺失貴重物品, 佢話老師懷疑學校有小偷。聽你咁講, 似乎培基好多小朋友都勁爆粗、有很多暴力的行為, 我個仔話佢都聽唔少, 和見唔少 ]

跟手再抹黑
[照你所說, 似乎培基老師們不太關愛學生, 師生關係惡劣, 同學間經常彼此指罵; 阿仔話D學生為左討好D老師, 經常會向老師篤同學背脊, 以致學生與學生之間既關係好差, 呢個可能與學校缺乏關愛文化有關。]

離晒譜

作者: Jane1983 時間: 16-3-9 13:34

回覆為為媽咪的帖子

其實家長只係包庇，吾好好教小朋友，最後蝕底都係自己，日後邊有咁好彩，個個就你。

作者: 為為媽咪 時間: 16-3-9 14:02 標題: 回覆：Jane1983 的帖子

佢以為全世界都傻無分析力，最叻係惡人先告狀，整爛同學野仲話人哋擺响度先俾人整爛，唔賠仲要人哋道歉話令佢受傷。唔交功課記缺㸃，老師請家長跟進就話老師俾壓力逼佢。交功課係學生責任交功課係必需，但以佢嘅道理就係交番功課，就要取消缺點。正如犯法，唔係做番好事做善事，就當無事，簡直不知所謂，仲做到好似自己係受害者，扭曲事實。

作者: tantanmama 時間: 16-3-9 14:05

可能個家長同個仔都有同樣特質--資優但唔識同人相處. 佢只係睇到自己個仔又叻又乖, 但學校唔識教, 仲要針對佢個仔, 佢個仔好慘.

作者: 為為媽咪 時間: 16-3-9 14:06 標題: 回覆：tantanmama 的帖子

佢覺得囉！用佢嘅方法學校當然唔識啦

作者: Jane1983 時間: 16-3-9 14:16

本帖最後由 Jane1983 於 16-3-9 14:17 編輯

回覆為為媽咪的帖子

如果佢真係咁離奇，以後大把佢受呀，小學同學、家長和老師已經係社會上比較容易話為的人群了。

好似我小朋友有個女同學，好野蠻的，會郁手打人。有被打的同學家長whatsapp個媽媽，希望個媽媽同佢女講吓，吾好咁做。個亞媽可能怕認左好似admssion of guilt咁，起晒摃，一味問人「有也證據？」，佢死撐之餘，吾知有無教女，如果無，佢女大個再動手，就分分鐘有嚴重後果。

作者: 洋蔥頭媽咪 時間: 16-3-9 14:21 標題: 引用：可能個家長同個仔都有同樣特質--資優但唔識

原帖由 tantanmama 於 16-03-09 發表
可能個家長同個仔都有同樣特質--資優但唔識同人相處. 佢只係睇到自己個仔又叻又乖, 但學校唔識教, 仲要針對 ...

唔係學校唔識教，亦冇人針對小朋友，係家長要全世界人遷就，完全唔接受人地批評，就算好叻又點，人係要群體生活，要互相尊重，孩子目中無人完全不受控，家長又唔去教，怎能推卸責任 ?

作者: tantanmama 時間: 16-3-9 14:33

洋蔥頭媽咪發表於 16-3-9 14:21
唔係學校唔識教，亦冇人針對小朋友，係家長要全世界人遷就，完全唔接受人地批評，就算好叻又點，人係要群體 ...

你同我都明白, 但有D人係冇辦法明白. 我覺得佢個仔有咁嘅性格同態度可能係遺傳, 亦係家庭教育嘅後果.

作者: 洋蔥頭媽咪 時間: 16-3-9 14:36 標題: 引用：Quote:洋蔥頭媽咪+發表於+16-3-9+14:21+唔

原帖由 tantanmama 於 16-03-09 發表
你同我都明白, 但有D人係冇辦法明白. 我覺得佢個仔有咁嘅性格同態度可能係遺傳, 亦係家庭教育嘅後果. ...

我覺得最慘係老師及同班同學

作者: 洋蔥頭媽咪 時間: 16-3-9 14:43 標題: 引用：+本帖最後由+Jane1983+於+16-3-9+14:17+編

原帖由 Jane1983 於 16-03-09 發表
本帖最後由 Jane1983 於 16-3-9 14:17 編輯

回覆為為媽咪的帖子

部份家長只會諗自己，又唔衰得，好自私。

作者: Jane1983 時間: 16-3-9 14:46

回覆洋蔥頭媽咪的帖子

係ga，不過我覺得呢d case最后都係自己食番晒。佢吾搞到我小朋友，我吾會教精佢。

作者: YanKanMom 時間: 16-3-9 14:47

也許那位家長對學校稱適合資優生讀的說法抱有過高的期望。現時香港的中小學，除了國際學校及極小數本地學校如聖X濟各對資優教育有比較全面的支援外，很難要求其他學校、老師做很多的，反而是家長做得多少便多少。況且在學校的管理上考慮，資優得來情緒難處理也是辣手的。

作者: 洋蔥頭媽咪 時間: 16-3-9 14:56 標題: 引用：回覆+洋蔥頭媽咪+的帖子係ga，不過我覺得

本帖最後由洋蔥頭媽咪於 16-3-9 17:44 編輯

原帖由 Jane1983 於 16-03-09 發表
回覆洋蔥頭媽咪的帖子

係ga，不過我覺得呢d case最后都係自己食番晒。佢吾搞到我小朋友，我吾會教精佢。 ...

佢小朋友仲要只係初小( 小二定小三)，已經咁難攪，又粗口又打人，再大啲都唔知有幾惡

**** 攪錯左，佢開頭仲鬧老師好罰個初小生，講到好慘，仲以為佢小朋友小二定小三，原來已經小四至真，語言技巧真了得。

作者: 為為媽咪 時間: 16-3-9 15:51 標題: 回覆：洋蔥頭媽咪的帖子

香港政府對資優同特殊教育的資源都好缺乏佢唔去鬧政府

作者: 洋蔥頭媽咪 時間: 16-3-9 16:51 標題: 回覆：點解會有啲咁嘅怪獸架

校長說: 「我們積極推行校本資優教育，老師可以把在香港資優教育學苑所學的技巧放入不同學科之中，重點培育學生高層次思維。課堂中，老師透過各種訓練方法如『合作學習』，提升學生思考及提問等能力。若學生能力高於水平，學校更會安排他們參與增潤課程，如潛能班或特別培訓班，讓他們能夠在自己的強項盡情發揮。」

課堂上，培基透過不同的學習模式幫助學生建構學習知識和掌握技能，少採用傳統「老師說，學生做」的模式。以中文科寫作為例，教師利用Brainstorm（腦激盪）的方法，先說出題目，學生會分成小組討論寫作內容、命題及要點等，然後教師會協助他們組合起來變成一篇文章。其次是採取「七何法」，教師會給學生一段短文，以比賽形式讓學生分組就相關內容作出質疑的提問，並以搶答方式提供圓滿答案，讓大家一同思考，以及學會如何豐富文章內容。]

公平啲講，以上教學模式學校的確有，學校亦會發掘有潛能嘅學生(不只限資優生)，提供渠道讓同學發展潛力。我亦同意樓上家長所說，那位家長可能對資優抱有過大期望，始終學校只係一間津校非資優學校，當然學校或老師都一定有改善空間，但無論係點，大前題都要家長願意配合，小朋友受教，家校合作才能達至最佳效果。

作者: HaYi 時間: 16-3-9 17:17

資優是包括在SEN 中的, 一來因為資優的大多附送其它問題, 二來資優可能比一些肢體上SEN 的學生需要更複雜的安排. 而且資優有好多類, 一般學校不會有能力(或有義務)去迎合到個別資優學生所需.

我都聽我開學習中心的朋友說, 有些gift child, 本人或家長一去到就說自己是資優, 以為個D center 會另眼相看, 我朋友同我地說, 其實小朋友連好基本禮貌都冇, 教的tutor 都只好忍住, 做番standard 野, 呢個時候想人做"伯樂" 去付出額外的心去教好小朋友, 是較不合現實.

作者: little_yolky 時間: 16-3-9 17:44

本帖最後由 little_yolky 於 16-3-9 17:45 編輯

洋蔥頭媽咪發表於 16-3-9 16:51
校長說: 「我們積極推行校本資優教育，老師可以把在香港資優教育學苑所學的技巧放入不同學科之中，重點培育 ...

路過搭咀, 唔知佢係咪講緊沙田培基?

因為我有朋友仔讀緊, 話考試係深少少, 如果佢係資優, 其實應該會好適應, 因為好多資優因課程太淺, 悶而發神經, 所以培基已經係教深了, 但佢小朋友資優得嚟又要考尾X, 話搞到轉唔到校, 實情係咪真係資優? 定阿媽話自己阿仔係資優? 我女女人見人愛, 車見車載, 我都覺得自己女女好資優的。

作者: 洋蔥頭媽咪 時間: 16-3-9 18:03 標題: 引用：+本帖最後由+little_yolky+於+16-3-9+17:45

原帖由 little_yolky 於 16-03-09 發表
本帖最後由 little_yolky 於 16-3-9 17:45 編輯

妳又啱喎，我都懷疑，因為就算行為唔掂，成績都冇可能尾十

學校英文水平的確高少少，但亦唔算好深，並非傳說教淺考就深，大部份考嘅野都係學生學過嘅。

作者: celiakids2013 時間: 16-3-9 18:11 標題: 回覆：點解會有啲咁嘅怪獸架

香港資優生，大有人在，有部份會附有不同問題，情緒、行為最多。如果家長只看仔女叻既地方，而唔去改善其他問題。後果只會害了仔女

作者: little_yolky 時間: 16-3-9 19:38 標題: 引用：香港資優生，大有人在，有部份會附有不同問

原帖由 celiakids2013 於 16-03-09 發表
香港資優生，大有人在，有部份會附有不同問題，情緒、行為最多。如果家長只看仔女叻既地方，而唔去改善其他 ...

就算係唔係資優，小朋友行為有問題都唔可以唔理吧

作者: 洋蔥頭媽咪 時間: 16-3-9 19:52 標題: 引用：Quote:原帖由+celiakids2013+於+16-03-09+

原帖由 little_yolky 於 16-03-09 發表
就算係唔係資優，小朋友行為有問題都唔可以唔理吧

唔止個小朋友有問題，個家長先係最大問題

最慘佢班同學仔有排捱

作者: 為為媽咪 時間: 16-3-9 20:16 標題: 回覆：洋蔥頭媽咪的帖子

多謝你明事理嘅思維，所有正常的家長都知道誰事誰非。如該家長有睇到都希望佢自我反省，停止無謂無理要求，重新好好教育自己的孩子，資優唔好浪費，更唔好對號入座，話人針對佢

作者: 洋蔥頭媽咪 時間: 16-3-10 08:22 標題: 回覆：點解會有啲咁嘅怪獸架

本帖最後由洋蔥頭媽咪於 16-3-10 08:23 編輯

原來家長亦從事教育界，熟悉投訴機制，但孩子操行惡劣，累及同學，仍可不分青紅皂白，歪曲事實，怎為人師 ?
連義工家長亦想為學校說出事實，還學校清白。

http://www.edu-kingdom.com/forum.php?mod=viewthread&tid=3231726&extra=page%3D1&page=2

作者: ANChan59 時間: 16-3-10 09:55 標題: 回覆：點解會有啲咁嘅怪獸架

我會建議他 home school ，好醜他自己受番晒

與人無尤！

作者: ANChan59 時間: 16-3-10 10:03 標題: 引用：也許那位家長對學校稱適合資優生讀的說法抱

原帖由 YanKanMom 於 16-03-09 發表
也許那位家長對學校稱適合資優生讀的說法抱有過高的期望。現時香港的中小學，除了國際學校及極小數本地學校 ...

好同意，資優生最需要不單是lQ，還有EQ及AQ！

香港都有一些好的學校，不自誇推行資優教育，只是黙默地開啓小朋友的全人發展！因才施教

作者: ANChan59 時間: 16-3-10 10:10 標題: 引用：香港政府對資優同特殊教育的資源都好缺乏佢

原帖由 為為媽咪 於 16-03-09 發表
香港政府對資優同特殊教育的資源都好缺乏佢唔去鬧政府

香港政府放在特殊教育資源，遠比資優教育多好多，因為有立法會議員撐，而且班家長好齊心 ...........

資優在香港有劣勢，沒有什麼優勢，如果報學校，我會建議不用提，因為不會加分，有機會減分，入到去睇情況才透露！

作者: mayyylai 時間: 16-3-10 12:09

回覆 Jane1983 的帖子

其實佢害死自己個仔，宜家先小學，幾時去到中學，仲要上大學呢，成日同人講自己係資優，如果唔用正當教育教佢，將來未必再係資優生，龜兔賽跑聽過未。

作者: MASAYA 時間: 16-3-10 12:13

little_yolky 發表於 16-3-9 17:44
路過搭咀, 唔知佢係咪講緊沙田培基?

資優不等如績優呀，以為資優成績一定好會出事架

作者: mayyylai 時間: 16-3-10 12:14

回覆 little_yolky 的帖子

我都好想問，其實嗰位小朋友係咪真係資優，我睇過佢係其他話題到提到佢有帶小朋友去 check，我覺得宜家好多人都話自己小朋友係資優，咁究竟有冇政府註冊嘅機構可以好公平咁 check。

作者: mayyylai 時間: 16-3-10 12:16

回覆洋蔥頭媽咪的帖子

嗰位家長話佢自己個仔英文好掂，但學校老師唔識教，另佢個仔啲英文退晒步（我對呢點有少少保留）。

作者: little_yolky 時間: 16-3-10 12:26

MASAYA 發表於 16-3-10 12:13
資優不等如績優呀，以為資優成績一定好會出事架

果位家長話小朋友幼稚園時英文好掂, 但因為小學老師唔識教, 所以退步晒, 仲好多港音。老實講, 如果小朋友幼稚園英文好突出, 一般都係家長發功既功勞, 有幾多係幼稚園老師呢。去到小學退步咗, 又關小學老師事? 家長無繼續發功? 英文係要浸既學科, 唔可能話好既突然變衰咗。而且.....培基英文都唔淺了。

呢位家長無講, 因為資優都可以幾分好多瓣, 唔知佢係邊方面既資優。

作者: MASAYA 時間: 16-3-10 12:30

little_yolky 發表於 16-3-10 12:26
果位家長話小朋友幼稚園時英文好掂, 但因為小學老師唔識教, 所以退步晒, 仲好多港音。老實講, 如果小朋友幼 ...

當然偽資優都好多，只不過想講資優真係唔等如績優

作者: 洋蔥頭媽咪 時間: 16-3-10 12:54

little_yolky 發表於 16-3-10 12:26
果位家長話小朋友幼稚園時英文好掂, 但因為小學老師唔識教, 所以退步晒, 仲好多港音。老實講, 如果小朋友幼 ...

同意，幼稚園幾叻又點，ㄧ路讀上去才見真章，自己唔努力，可以怪老師 ?

作者: ANChan59 時間: 16-3-10 13:06 標題: 引用：Quote:little_yolky+發表於+16-3-10+12:26+

原帖由 MASAYA 於 16-03-10 發表
當然偽資優都好多，只不過想講資優真係唔等如績優

而且資優有時間性，相對性，不是永恆的！

作者: anthony8899 時間: 16-3-10 13:45

資優是指什麼？
是小朋友iq 高？點先知小朋友是否資優？

作者: bobbob 時間: 16-3-10 13:49

本帖最後由 bobbob 於 16-3-10 13:54 編輯

little_yolky 發表於 16-3-10 12:26
果位家長話小朋友幼稚園時英文好掂, 但因為小學老師唔識教, 所以退步晒, 仲好多港音。老實講, 如果小朋友幼 ...

學習語文無環境配合真係會退步，識人嘅小朋友響美國出世，細個美語咯咯聲，點知返咗香港讀咗幾年小學就退步晒變晒港式英語。
嗰位版友如果咁睇重英文水平，唯有去讀國際學校。

作者: MASAYA 時間: 16-3-10 13:52

bobbob 發表於 16-3-10 13:49
學習語文無環境配合真係會退步，識人嘅小朋友響美國出世，細個美語咯咯聲，點知返咗香港讀咗幾年小學就退步 ...

唔好講細路，華人移左民d中文耐唔講都會變得唔流暢

作者: MASAYA 時間: 16-3-10 13:53

其實資唔資優冇乜所謂，重要既係品格，但如果父母拎資優黎做擋箭牌，除左累己仲累埋其他資優生

作者: rainbowcov 時間: 16-3-10 13:55

洋蔥頭媽咪發表於 16-3-9 14:56
佢小朋友仲要只係初小( 小二定小三)，已經咁難攪，又粗口又打人，再大啲都唔知有幾惡

**** 攪 ...

即係今年小四??

作者: mayyylai 時間: 16-3-10 14:54

我大女嗰時都有個家長成日話自己個小朋友係資優，仲要小一一入學就唱通街，但係我哋玩開嗰班太太都覺得唔似，六年過後，完全唔覺呢個小朋友有邊方面係資優，而且佢好似派得唔係太理想，所以啲人成日話自己個小朋友係資優，可信程度真係要自己判斷。

作者: little_yolky 時間: 16-3-11 12:16

anthony8899 發表於 16-3-10 13:45
資優是指什麼？
是小朋友iq 高？點先知小朋友是否資優？

不只是IQ高, 資優可以分為唔同類型, 可以係藝術資優。有D機構可以check, 但話太細個check唔準的。

作者: Ryan_baba 時間: 16-3-11 12:22

little_yolky 發表於 16-3-11 12:16
不只是IQ高, 資優可以分為唔同類型, 可以係藝術資優。有D機構可以check, 但話太細個check唔準的。 ...

我識一個評估完話係社交資優. 暈低.

作者: little_yolky 時間: 16-3-11 12:24

Ryan_baba 發表於 16-3-11 12:22
我識一個評估完話係社交資優. 暈低.

社交都可以有資優咁強?????

咁我細女可能係駁咀資優, 或激死阿媽資優

作者: MASAYA 時間: 16-3-11 12:24

Ryan_baba 發表於 16-3-11 12:22
我識一個評估完話係社交資優. 暈低.

世界仔女，有前途

作者: MASAYA 時間: 16-3-11 12:26

little_yolky 發表於 16-3-11 12:24
社交都可以有資優咁強?????

咁我細女可能係駁咀資優, 或激死阿媽資優

呢個世界應該仲有破壞資優同失憶資優

作者: ANChan59 時間: 16-3-11 13:02

little_yolky 發表於 16-3-11 12:16
不只是IQ高, 資優可以分為唔同類型, 可以係藝術資優。有D機構可以check, 但話太細個check唔準的。 ...

Multiple Intelligence 多元智能。

作者: 洋蔥頭媽咪 時間: 16-3-11 13:11 標題: 引用：Quote:little_yolky+發表於+16-3-11+12:24+

原帖由 MASAYA 於 16-03-11 發表
呢個世界應該仲有破壞資優同失憶資優

真的可能有

作者: 蝦米豬 時間: 16-4-3 15:44 標題: 引用：Quote:原帖由+MASAYA+於+16-03-11+發表呢個

原帖由 洋蔥頭媽咪 於 16-03-11 發表
真的可能有

嗰個post我有追開。起初我都覺得那位太太離譜。但從另一角度想，個仔在學校已經是這樣，回到家會是哪種光景?通常小朋友在學校比在家乖一點。按這纙緝想，那位太太一定在家見盡自己小朋友的劣行。遇上重大不願面對不可承受的現實與壓力，自我保護機制開得更盡，因而影響其他人。我希望那位太太要保重，因為隱藏著可能是抑鬱，要找不同渠道發洩

大家都知小朋友模仿力極高，我試過在家不小心漏口說了"shit"字，孩子很快便模仿了。話說該男孩在校粗口橫飛，很大機會是在家中學的(不要辯護說Disney video或電視教)的，不知那個家每天是否六國大封相，爸爸又去了哪兒，那位女士承受來自自家夫家親友的壓力等等，她的生活都苦。

我有朋友母親不接受學校專家的評估結果，當無事發生，把報告撕掉，還說學校/醫生攪錯，朋友因而錯過補救良機，影響日後升學就業，我朋友媽媽只是一個學歷低的基層主婦，都做出"愚蠢行為"自我保護，本帖所指的媽媽事主是教育界專業人士，她的自我保護更厲害方式不同而已。我只希望她面對現實，為了個仔為了自己，不要做一些最終傷害彼此的行為

作者: 洋蔥頭媽咪 時間: 16-4-3 19:49 標題: 引用：Quote:原帖由+洋蔥頭媽咪+於+16-03-11+發表

原帖由 蝦米豬 於 16-04-03 發表
嗰個post我有追開。起初我都覺得那位太太離譜。但從另一角度想，個仔在學校已經是這樣，回到家會是哪種光景 ...

該位家長事後嘅行為，除對其小朋友毫無幫助外，亦嚴重影響到身邊嘅同學/家長/學校及老師，亦令有關老師承受極大壓力，作為家長對自己小朋友言行完全不肯接受批評，仲要把問題全歸究學校及老師，要求炒老師及改回操行評級，真的完全不能接受，以為熟悉投訴及抹黑就能由黑變白，完全沒想過最終受害咪又係小朋友。
其實家長如能面對現實，虛心啲接受問題及意見，願意家校合作，我絕對相信無論老師或其他家長，都是想教好小朋友。希望該家長能及早回頭是岸啦

作者: celialing 時間: 16-4-5 16:36

Jane1983 發表於 16-3-9 13:34
回覆為為媽咪的帖子

其實家長只係包庇，吾好好教小朋友，最後蝕底都係自己，日後邊有咁好彩，個個就你。 ...

真係架,你包庇佢,只會令佢個膽越來越大,小時你覺得小事,加上係影響緊人地小朋友,唔係自己個個,佢自己一定包容多咗,但說實在,真的不可以只信晒小朋友,咁樣只係害佢唔係幫到佢,同保護到佢囉

作者: sukilan 時間: 16-4-11 13:01

歡迎光臨教育王國 (/)