教育王國

標題: 新學期，明顯的粗心，退步，可以有什麽辦法解決？ [打印本頁]

作者: 200904 時間: 16-3-8 09:22 標題: 新學期，明顯的粗心，退步，可以有什麽辦法解決？

這個學期開學後，我發現兩個女兒的功課出現很多不細心而造成的錯誤。幾乎是每隔兩天，一批功課，每科都有這樣那樣的錯誤。比如，字漏筆畫，英文漏標點符號，題目是nose，她抄成了mouth，數學更是錯得離譜。
我估計是以下原因造成的：（1）我們整個春節假期都在外遊，造成了心散。（2）上學期考得不錯，拿了不少獎，造成了自我陶醉，自我放鬆
我嘗試過好好地提醒，要求她們做完功課後要仔細檢查一次，可還是沒有用。
大家有什麽辦法嗎？

作者: CALVEN 時間: 16-3-8 10:01

我就無辦法,我小朋友都一樣,考試時都會,不過少錯d,

我話佢,佢駁咀"如果按你咁講,應該科科都一百分la"

作者: neko1234 時間: 16-3-8 12:26

我個仔一過左9月, 摸熟環境, 知道規則點玩, 就開始心散變差, 仲要越來越多甩漏, 而且一放幾日連續假就個魂都唔知遊左去邊...至少要二星期先回魂..連老師都問係咪屋企有咩事發生左, 了解完後, 聖誕後見家長, 老師都擔心佢農曆年後情況..農曆年後到而家,今個星期先開始回魂...

作者: celiakids2013 時間: 16-3-8 12:37 標題: 回覆：新學期，明顯的粗心，退步，可以有什麽辦法解決？

我仔都一樣，新年假後，學校爆發流感，學生分批請假，好心散，來緊下星期測驗，未溫書

作者: twlo 時間: 16-3-8 12:46

我個小朋友也一樣，不過我會要求佢自己拾書包，自己完成功課，我放工check。
就算拾漏或做漏(錯另計)，不提他，等老師話，下次會上心些。現在已有改善！
如果次次幫，他們會有依賴，唔上心。
但是家長們要有心理準備，老師會寫手冊

作者: neko1234 時間: 16-3-8 13:10

本帖最後由 neko1234 於 16-3-8 16:58 編輯

twlo 發表於 16-3-8 12:46
我個小朋友也一樣，不過我會要求佢自己拾書包，自己完成功課，我放工check。
就算拾漏或做漏(錯另計)，不提 ...

我都只係放工check, 但佢被老師寫手冊都唔識驚先屎, 同埋老師應該有話過佢, 最高紀錄連續一星期都有欠交欠帶...差在老師未召見我

, 我先迫住再提多二嘴, 佢唔放入書包我依然唔會幫佢放...

作者: little_yolky 時間: 16-3-8 13:15

200904 發表於 16-3-8 09:22
這個學期開學後，我發現兩個女兒的功課出現很多不細心而造成的錯誤。幾乎是每隔兩天，一批功課，每科都有這 ...

應該唔係自我陶醉, 係過咗年心散啫。唯有提佢提佢再提佢。你囡囡會寫出個mouth, 係完整既字都叫安慰D, 我個女會寫nos

作者: MASAYA 時間: 16-3-8 13:18

我覺得唔緊要，放完假慢慢warm up返再上路，冇必要由頭到尾都處於最佳狀態，實際上都唔可能

作者: 200904 時間: 16-3-8 14:01

回覆 little_yolky 的帖子

你真會安慰人！

一個問題從另一角度看，又似乎不同感覺d。她們學校英文沒有背默的，她能自己記住mouth點串，也是亮點。哈哈。

作者: 200904 時間: 16-3-8 14:04

回覆 MASAYA 的帖子

希望她們可以儘快回魂啦。再發現一次大規模粗心大意，我準備寫紙條，夾定老師，我不指出錯誤，讓她們撞下板，自己識驚。

作者: little_yolky 時間: 16-3-8 16:14

200904 發表於 16-3-8 14:04
回覆 MASAYA 的帖子

希望她們可以儘快回魂啦。再發現一次大規模粗心大意，我準備寫紙條，夾定老師，我不指 ...

小朋友識驚係家長既天大喜訊, 我細果個由細到大完全唔知驚, 細個時教佢戒片, 著褲仔等佢癩濕, 嚇驚咗就會自己叫去廁所, 點知阿細見地下有灘尿, 好開心踩水tum

知驚既細路一般都會比較自律既。

作者: little_yolky 時間: 16-3-8 16:15

MASAYA 發表於 16-3-8 13:18
我覺得唔緊要，放完假慢慢warm up返再上路，冇必要由頭到尾都處於最佳狀態，實際上都唔可能 ...

所以你明唔明解點解部份家長响暑假幫小朋友排到密密麻麻? 話驚玩創個心喎。

作者: 200904 時間: 16-3-8 16:16

回覆 little_yolky 的帖子

我越來越中意你個細女！實在太搞笑，太樂天。

作者: IloveJJ 時間: 16-3-8 16:17 標題: 回覆：新學期，明顯的粗心，退步，可以有什麽辦法解決？

提示: 作者被禁止或刪除內容自動屏蔽

作者: MASAYA 時間: 16-3-8 16:21

little_yolky 發表於 16-3-8 16:15
所以你明唔明解點解部份家長响暑假幫小朋友排到密密麻麻? 話驚玩創個心喎。 ...

都話冇必要亦唔可能，其實玩創個心就係放假去玩既目的，妳放假去旅行要keep住返工心態唔好咁放鬆既咩？

作者: little_yolky 時間: 16-3-8 16:27

MASAYA 發表於 16-3-8 16:21
都話冇必要亦唔可能，其實玩創個心就係放假去玩既目的，妳放假去旅行要keep住返工心態唔好咁放鬆既咩？ ...

唔好意思, 我平時瞓覺發夢都係諗返工嘢的。

作者: little_yolky 時間: 16-3-8 16:29

IloveJJ 發表於 16-3-8 16:17
我仔小一新年去完旅行，老師話佢直頭要重新適應上小學!連抄手冊都攪唔掂。小二新年我唔敢去旅行，暑假都係7 ...

我平時好少去旅行, 今年見兩個寶寶咁乖, 農曆新年去咗旅行(仲要係澳門而已), 點知.......大女返學默書唔合格, 數測跌咗20分。

細女就不嬲都咁衰, 所以無乜變。

作者: sososu 時間: 16-3-8 16:37

唔知係咪階段來呢 !

作者: MASAYA 時間: 16-3-8 16:44

little_yolky 發表於 16-3-8 16:27
唔好意思, 我平時瞓覺發夢都係諗返工嘢的。

咁樣好易老架喎

作者: sumchanma 時間: 16-3-8 18:10 標題: 回覆：新學期，明顯的粗心，退步，可以有什麽辦法解決？

我個你小二開學初期都係咁，我堅持10月起唔幫佢檢查，結果不斷被老師寫手冊話欠交欠帶，功課又要改正，最後因為驚老師再打交叉在手冊而要求我幫手核對，對咗兩個星期交番俾佢自己來，跟住冇再出現粗心問題！我同意驚老師的同學會易搞d！

我仔同你個小朋友同校，小一老師會包容d，唔會太惡，小朋友都會鬆懈d

作者: IloveJJ 時間: 16-3-8 19:23 標題: 引用：Quote:IloveJJ+發表於+16-3-8+16:17+我仔小

提示: 作者被禁止或刪除內容自動屏蔽

作者: skkeung 時間: 16-3-8 20:54 標題: 引用：這個學期開學後，我發現兩個女兒的功課出現

原帖由 200904 於 16-03-08 發表
這個學期開學後，我發現兩個女兒的功課出現很多不細心而造成的錯誤。幾乎是每隔兩天，一批功課，每科都有這 ...

讓她們不合格

作者: siden 時間: 16-3-8 21:20 標題: 回覆：新學期，明顯的粗心，退步，可以有什麽辦法解決？

我夠想等佢欠交/功課錯漏唔提佢等佢俾老師修理。

但老師唔會得閒話佢，只會寫手册，學校仲講到明欠交得多扣操行分。

佢又唔會驚，功課拿丙-或被老師寫手册乜hard feeling 都冇。

根本放唔到手

作者: tws2010 時間: 16-3-8 21:31

如果正值青春期仲大煲, 跌廿名都見過, 全級第一名跌去廿尾

作者: 200904 時間: 16-3-8 21:34 標題: 回覆：sumchanma 的帖子

今日回家又有一張工作紙只做了一面啊！手工都要等我一起做，阿媽我是手工蠢材都不知道！唉！
我已宣布明天起，不檢查了。

作者: minniebaby1126 時間: 16-3-8 21:57

我個小朋友一樣，從摸熟環境後, 知道規則點玩, 就開始心散變差, 仲要越來越多甩漏, 寫字越核突, 是是但但做完功課, 錯漏百出, 而且多口又多手，左耳入左耳出。今天仲比老師罰，唉！可以點樣

作者: neko1234 時間: 16-3-9 12:53

本帖最後由 neko1234 於 16-3-9 13:09 編輯

siden 發表於 16-3-8 21:20
我夠想等佢欠交/功課錯漏唔提佢等佢俾老師修理。

但老師唔會得閒話佢，只會寫手册，學校仲講到明欠交得多 ...

一樣...

幾份功課..可以有無數種甩漏法..唔記得要做...有做錯頁數...有字都未寫好,寫得半個字...有中間漏幾題...有成頁無做...有唔識skip左無做漏空,但又唔記得問下我...

功課下下拎乙-, 叫佢用心做, 就同我講, 乙-都算唔錯呀, 都唔係丙...好啦, 到拎左丙返來...我都唔敢落井下石, 只係話你唔用心, 老師係睇得出架, 鼓勵佢用心去做...

唔係我唔想放手..係佢根本唔在乎..

默書唔合格返來, 我話你知咩事啦,我無鬧, 之後依然無主動溫, 只係我捉佢溫時, 佢態度合作左少少咁...

我突然慶幸我仔讀傳統學校, 如果讀自由度高既...佢都唔知會自由奔放到咩地步.....

作者: momomo0303 時間: 16-3-9 13:53

提示: 作者被禁止或刪除內容自動屏蔽

作者: under_the_tree 時間: 16-3-10 00:19 標題: 引用：Quote:MASAYA+發表於+16-3-8+13:18+我覺得

原帖由 little_yolky 於 16-03-08 發表
所以你明唔明解點解部份家長响暑假幫小朋友排到密密麻麻? 話驚玩創個心喎。 ...

完全同意。未升中二，三都唔夠胆放鬆

作者: S-Kwok 時間: 16-3-10 08:03 標題: 引用：Quote:200904+發表於+16-3-8+14:04+回覆+MA

原帖由 little_yolky 於 16-03-08 發表
小朋友識驚係家長既天大喜訊, 我細果個由細到大完全唔知驚, 細個時教佢戒片, 著褲仔等佢癩濕, 嚇驚咗就會自 ...

你細女真係正

作者: 哈利媽 時間: 16-3-10 11:24

我嗰個一樣, 下學期閞始都係好心散, 所以經歷咗第一次嘅中英默書唔合格, 同埋老師25/2已通知10/3默書, 不過我睇漏咗唔知道, 所以昨晚先記得話要溫

歡迎光臨教育王國 (/)