教育王國

標題: 請問... [打印本頁]

作者: TamCnine 時間: 16-3-7 17:59 標題: 請問...

BB就快1歲了
佢好中意望燈, 望風扇轉,望車輪轉, 其實識轉既野佢都好中意...
佢玩玩具車, 只會玩個車輪
佢唔中意抺臉, 總之唔中意比人掂塊臉
佢成日都R自己耳仔
唔識bye bye, 教左好耐都唔做, 但識用手指指想要既玩具
叫佢會應, 但只係間唔中
聽到吸塵機聲, 會尖叫, 叫到好用力, 扯住成個人咁....
脾氣好大....

請問會唔會有機會係??

作者: chingchingma89 時間: 16-3-7 19:46 標題: 回覆：請問...

佢可能有感統問題，亦有可能有autistic features。我仔是自閉症譜糸，小時對聲音異常敏感。建議你快去健康院檢查一下。

作者: newsky 時間: 16-3-7 23:34

回覆 chingchingma89 的帖子

出街見到靚嘅嘢會指俾你睇嗎？有無身體語言？如拍手點頭跳舞？一般要兩歲先確診到！

作者: fishcowcow 時間: 16-3-9 12:10

你仔好細, 所以很難說, 不過A仔BB時期的確係比較鍾意轉既野同埋燈光, 不過最重要既係, 佢會唔會都鍾意望人樣? 即係望人既表情, 我而家出街見到人地啲BB, 就算係好細個未夠一歲, 佢會眼定定咁望住我個樣同表情, 但我回想我仔細個係鍾意望啲會郁既野, 例如風扇, 噴水池, 車輪等等, 但佢望我時係好快閃過的, 好少眼定定望我個樣, 如果你仔都係咁, 要留意下, 當然你仔仲細, 會有很大的進步空間, 未必一定有問題的

作者: chingchingma89 時間: 16-3-9 13:50 標題: 回覆：請問...

我仔係mild case，好多嘢要較大才能發現（約三歲後），如與人交往和與同輩的社交等等，不過如他只留意轉的東西，或眼神弱（儘管有眼神接觸），那要加點留意。

作者: TamCnine 時間: 16-3-10 11:06

謝謝各位的回答! 我其實比都比較擔心。BB下星期一歲了, 由佢開始識玩玩具, 佢都好中意玩車輪。如果個玩具有個牌, 佢只係會玩個牌。出街佢都會望人, 有時會撩下人, 見到小朋友有時會尖叫。如果係咁, 我係咪可以放心D?? 但佢見到會轉既野同D發光既招牌就會特別興奮。見到會閃既野有時會指比我睇, 識拍手但唔係成日會做, 唔識自己放野入口, 跌左奶咀寧願喊到嘔都唔會有衝動自己申手去執, 教左好多次都係唔識... 比餅餅放係佢手教佢放入口佢只會掉。唔識bye 同hello, 教左幾個月了! 唔識講ba ma, 之前都識講da da, 而家淨係一味係到怪叫.. 好似扮緊bi bu車咁叫... - - 可能我比較憂慮.. 來緊一歲去健康院, 唔知我bb咁情況, 轉介去評估機會大不大? 定係我等佢18個月先直接去私家做評估??　謝謝各位解答！！　

作者: may_chung 時間: 16-3-10 15:16

提示: 作者被禁止或刪除內容自動屏蔽

歡迎光臨教育王國 (/)