教育王國

標題: 呈分試階段樂器同時考级會否影響呈分成績 [打印本頁]

作者: kkhon 時間: 16-3-5 20:10 標題: 呈分試階段樂器同時考级會否影響呈分成績

打算十月考级，但11月考呈分試，担心影響呈分成績，如果考的話，E家要報名。請過來人分享經驗！

作者: pamelaywy 時間: 16-3-5 21:06

本帖最後由 pamelaywy 於 16-3-6 08:01 編輯

回覆 kkhon 的帖子

其實睇你自己時間安排得好唔好，大把人呈分一樣操四日水、練田徑三日、一樣玩學校樂團不同組
我仔就呈三，由細到大測驗考試不會停學琴停樂團，一樣照練，習慣左時間安排根本唔關係
佢今個月中呈三，依然音樂節一星期出幾場，日日樂團加時

作者: JJDBB 時間: 16-3-5 23:16 標題: 引用：打算十月考级，但11月考呈分試，担心影響呈

原帖由 kkhon 於 16-03-05 發表
打算十月考级，但11月考呈分試，担心影響呈分成績，如果考的話，E家要報名。請過來人分享經驗！ ...

我自己安排遲一年，因為唔趕住拎成績去見學校。我就考好呈分試為目標。各人睇法唔同，因應你自己需要。我放重於功課上是否專心，就因為五上時成績跌了，所以Hold住音樂級試。其實最清楚是你自己的小朋友架。佢多野学嗎？邊樣見学校重要D……等等。

作者: Yanamami 時間: 16-3-5 23:16

本帖最後由 Yanamami 於 16-3-5 23:17 編輯

睇番你小朋友本身能力~正如楼上所講，有小朋友照正常生活，有小朋要停晒所有野專心应試，好难一概而論｡我大女係後者，佢小五考笛，係年头考，禁考完笛学期尾先考呈一｡細女係前者，操五日水，考呈二前後有学界、朗誦節、辯論比賽、区際同幾间直資面試｡真係同—个阿媽生都两种做法，你先知影唔影响到自己小朋友啊~

作者: kkhon 時間: 16-3-6 14:39

多謝大家的意見！與囝囝相量後，佢話同以往一樣可以應付到想去考。

作者: Yanamami 時間: 16-3-6 15:12

kkhon 發表於 16-3-6 14:39
多謝大家的意見！與囝囝相量後，佢話同以往一樣可以應付到想去考。

禁就叫佢好好計劃每日時间，作息定時。

作者: 已刪除用戶 時間: 16-3-6 16:16 標題: 引用：多謝大家的意見！與囝囝相量後，佢話同以往

原帖由 kkhon 於 16-03-06 發表
多謝大家的意見！與囝囝相量後，佢話同以往一樣可以應付到想去考。

小朋友想考時自會安排時間温書。

我囡小學學界賽或平常訓練，都會遇著測考，一直以黎都無話為測考請假唔訓練或比賽。

我囡去得比賽自然會諗定晒係學校休息時間可以做乜，午息半個鐘可能温到一課書架，變左成績無大影響。

作者: kkhon 時間: 16-3-6 16:55

回覆 miriam 的帖子

你囡囡真懂事！我仔做樣樣都漫不經心，咁多年都要我提佢催佢，完全吾識時間管理。樣樣交6，7成貨，當我發火佢先交9成。我見有d學兄考到级成績就跌，我同佢講如果呈一成绩跌就吾比佢考。

作者: kkhon 時間: 16-3-6 17:01

玩小提琴好普遍，吾係冷門，其實考到G8對見學校有冇幫助？

作者: kkhon 時間: 16-3-6 19:46

回覆 kkhon 的帖子

Yanamami,嘩！高攀吾起喎！

作者: 已刪除用戶 時間: 16-3-6 20:33

kkhon 發表於 16-3-6 16:55
回覆 miriam 的帖子

你囡囡真懂事！我仔做樣樣都漫不經心，咁多年都要我提佢催佢，完全吾識時間管理。樣樣 ...

當然我係先君子後小人, 做唔到時唔好怪我一刀切.

作者: little_yolky 時間: 16-3-7 22:19 標題: 引用：Quote:原帖由+kkhon+於+16-03-06+發表多謝

原帖由 miriam 於 16-03-06 發表
小朋友想考時自會安排時間温書。

我囡小學學界賽或平常訓練，都會遇著測考，一直以黎都無話為測考請假唔訓 ...

我大女雖然同你細女一樣懂事，但佢底子差，一谷就病，連續兩屆校際後都病咗，緊接既測考都唔好，所以我諗我會專心應付呈分，小四最後一年參加比賽。

本來四月還有一個比賽，最後都唔參加了。這個比賽同校際咁近，對佢既技巧改善幫助不大，所以放棄了。

作者: 已刪除用戶 時間: 16-3-7 23:43

little_yolky 發表於 16-3-7 22:19
我大女雖然同你細女一樣懂事，但佢底子差，一谷就病，連續兩屆校際後都病咗，緊接既測考都唔好，所以我諗我 ...

我囡初小時測考前都會病, 有時係帶病上陣照考.

經過咁多次我決定放手, 係測考個幾日唔會要佢不停溫書, 考試期間專補完索性行街食埋飯先返屋企, 咁既情況下佢無再話病, 所以我囡係緊張到自己發病.

你大女情況應該同我囡一樣, 自己緊張下發病, 既然已知會令到考試失準, 放棄比賽係岩既, 始終去到高小呈分試時一定以成績為重.

作者: little_yolky 時間: 16-3-8 12:59

Yanamami 其实如果一心諗住升番自己中学就唔洗搞禁多野，專心讀書算~ 發表於昨天 22:51

係佢自己話想比賽, 因為成班朋友仔好似去玩咁, 好開心。不過佢唔捱得, 無辦法。

歡迎光臨教育王國 (/)