教育王國

標題: 請問仔仔應該大約幾多歲學樂器? [打印本頁]

作者: IJLo 時間: 16-3-5 08:15 標題: 請問仔仔應該大約幾多歲學樂器?

現在兩歳半有多, 上PN.
想開始學之前帶佢見識一下不同樂器, 見識下, 睇下佢對那一種有興趣. 謝謝!

作者: mntabo 時間: 16-3-5 21:19 標題: 回覆：請問仔仔應該大約幾多歲學樂器?

兩歲半太早了
你可以三歲度俾佢試下上些音樂啟蒙班果類，學下咩叫高音、低音、音階、拍子等，學下親子非洲鼓、敲擊呢d,掌握好拍子感和學看譜，到四五歲帶佢去聽音樂會，中樂西樂都去見識下，佢會講到自己想學乜。

作者: lamhoilam 時間: 16-3-6 18:23 標題: 回覆：IJLo 的帖子

每樣樂器均有不同，如鋼琴，四歲或以上，小提琴，五歲或以上。

作者: 綠林仙子 時間: 16-3-7 06:46 標題: 回覆：請問仔仔應該大約幾多歲學樂器

提示: 作者被禁止或刪除內容自動屏蔽

作者: IJLo 時間: 16-3-8 21:45 標題: 回覆：請問仔仔應該大約幾多歲學樂器?

謝謝大家! Ok, 我只諗住早啲plan 下, 留意下邊啲啟蒙班好, 報名日期等. 就等佢3 歲後先至報. Thanks!

作者: vpo0615 時間: 16-3-11 15:18

如果係音樂PLAYGROUP而家可以報架喇, 唔使等3歲.

作者: 小曳人 時間: 16-3-11 17:05

咁細，你留意一下tom lee, 栢C 嗰d幼兒音樂play group 先
到你覺得佢有興趣，先考慮幾時開始學樂器

同意樓上講：鋼琴要四歲，小提琴最好五歲，早d唔係唔得，係大人細佬都辛苦，佢又學得慢

作者: vpo0615 時間: 16-3-16 15:24

之前睇過D鋼琴老師接受訪問話, D小朋友咁細過嚟學彈琴, 但佢哋連26個英文字母都未識得晒(即未識睇咩C大調之類).....言下之意係佢唔建議咁細個去學樂器.....當然你可以上D音樂PLAYGROUP.

作者: Sukiyung514 時間: 16-3-28 23:37

音樂啟蒙班似乎幾有用！但應該幾多歲先比仔仔去呀？

作者: Chloelmw 時間: 16-3-29 12:05

以我教琴的經驗，最好4.5-5歲開始學 ^^

作者: vpo0615 時間: 16-3-29 16:10

雖然有D離題, 不過想呻吓.....最近見到有親戚帶小朋友學豎琴.....而且呢D鋼琴/小提琴以外嘅樂器愈嚟愈多人學(因為學校嫌鋼琴/小提琴太多人識, 無特別)....我都

, 唔知小朋友如果唔識任何一種樂器, 將來係咪唔使出嚟行?

作者: HaYi 時間: 16-3-30 17:27

通常幼稚園開始學樂器的都想小學入樂團(一般要要求3級以上), 而樂團是冇鋼琴, 小提琴又好多人識, 所以冷門的一般會選大提琴或吹的, 但吹的太細吹不夠氣, 都要5,6歲以上, 學豎琴可算好冷門, 一般人我相信只會學基本鋼琴加一種樂團會收的, 不會選哩D太冷門的做為第3樣, 除非屋企好有條件之類另計.

playgroup 好似2.5歲都有, 我的小朋友BB時都有學過Kindermusik, 之後柏斯通利, 4歲多單對單學鋼琴, 大的入了小學先加另一些樂器, 不過hea 學.

作者: lmy_0425 時間: 16-3-31 09:39

提示: 作者被禁止或刪除內容自動屏蔽

作者: vpo0615 時間: 16-3-31 13:04

而家好多父母都推個好細個嘅小朋友去學樂器, 美其名話係早D培養小朋友嘅興趣, 實則係個父母心急, 想自己個小朋友快人一步, (好似)叻過其他小朋友.....講到尾又係"贏在起跑線"心態.
(我唔係話樓主呀,我知樓主唔係咁嘅意思).

作者: 大埔之友 時間: 16-3-31 23:07 標題: 回覆：請問仔仔應該大約幾多歲學樂器?

小朋友約兩歲上過音樂playgroup, 有些小朋友比佢再細的都一齊上. 坦白真係無咩用, 最(扮)開心是老師同家長, 小朋友真係一舊飯咁, 完全唔知做咩.

作者: bunboymom 時間: 16-4-1 00:12 標題: 回覆：請問仔仔應該大約幾多歲學樂器?

而家聽多d音樂先或者可以買d小型樂器俾佢接觸下

作者: HaYi 時間: 16-4-1 11:23

kindermuskic 個D 2歲多都ok, 玩多D

作者: yoyo29678 時間: 16-4-2 08:42 標題: 回覆：IJLo 的帖子

提示: 作者被禁止或刪除內容自動屏蔽

作者: s.andp 時間: 16-4-2 10:22 標題: 回覆：請問仔仔應該大約幾多歲學樂器?

提示: 作者被禁止或刪除內容自動屏蔽

作者: 綠林仙子 時間: 16-4-5 03:54 標題: 回覆：請問仔仔應該大約幾多歲學樂器

提示: 作者被禁止或刪除內容自動屏蔽

作者: iamadc 時間: 16-4-5 23:10 標題: 回覆：請問仔仔應該大約幾多歲學樂器?

阿仔四歲半自己話要學，現在學校唱的歌佢可以自己認音階彈奏，唔多洗教，而琴書的歌佢都係自己彈，上堂只是調細節，所以有本教了一半就唔教，教下一個level。佢最初幾個月學得很慢，之後就加快好多。

佢四歲前都唔覺佢有興趣，我彈琴佢就來搞鬼。無想過現在佢好似好鍾意，完全唔洗叫練琴，反而叫佢唔好彈到飯都唔食。

小朋友的興趣唔係迫到出來，時刻一到，佢地就會想學。

作者: newroom 時間: 16-4-6 12:29

我B都係兩歲半,星期六上柏斯個小小莫扎X班, 聽音槳,玩下三角玲,搖鼓之類. 不過佢興趣不大.

作者: Lsm948 時間: 16-4-6 15:02 標題: 引用：我B都係兩歲半,星期六上柏斯個小小莫扎X班,

原帖由 newroom 於 16-04-06 發表
我B都係兩歲半,星期六上柏斯個小小莫扎X班, 聽音槳,玩下三角玲,搖鼓之類. 不過佢興趣不大. ...

請問多少學費?

作者: debussymusic 時間: 16-4-9 22:15 標題: 回覆：Lsm948 的帖子

我記得二百多元一堂

歡迎光臨教育王國 (/)