教育王國

標題: 係小朋友學習進程上, 你地點安排自己時間? [打印本頁]

作者: vvitaa 時間: 16-3-4 00:09 標題: 係小朋友學習進程上, 你地點安排自己時間?

自己係在職媽媽, 所以真係要計劃下同小朋友讀書/學習的時間, 一來唔想做直昇機家長, 二來唔想錯過同小朋友讀書/學習所帶來的益處你地花幾多時間係小朋友讀書身上呢?
我地做個非正式統計呀
1. 只跟功課
2. 跟功課,默書和考試
3.跟功課,默書和考試, 仲有定時定侯親子閱讀/學習時間(即看課本或課外書都好)
4.只跟默書考試
5.只有親子閱讀
6.任何課外活動或學術上的, 都參與(小朋友學校上的學習進度會跟, 小朋友去學野都係自己帶)
7.其他(可注明)

我係5

作者: jane-wang 時間: 16-3-4 06:48 標題: 回覆：vvitaa 的帖子

只有5亲子阅读，现在小一，成绩中等，从来都是自己回家即刻完成作业，考试和平日都没有温书习惯（包括她自己不温书，父母也从不帮手温书），不过她自己有爱好阅读的习惯

作者: Yanamami 時間: 16-3-4 08:03

本帖最後由 Yanamami 於 16-3-4 08:06 編輯

阿女小六升中了~從來係只跟考試同課外活动、比賽、義工家長。温考試都係佢自己溫，我make sure佢識哂~小—(其实幼稚園已自己搞掂)已自己做好功課自己温默書。

作者: babywoman 時間: 16-3-4 08:12

我係半職媽，算一個跟得媽咪。估計跟多兩三年，亞仔就唔要我跟，所以，享受又痛苦中

現在只係唔駛跟功課，其它乜都跟到足。

作者: MASAYA 時間: 16-3-4 09:07

小學前只有親子閱讀，小學開始先接觸學術，小一教默書溫習方法，小一已自己做功課，唔識做自己搵課本搵課外書解決，考試溫習只溫中英常宗生字，但小二下學期開始小朋友要求畀數學練習，暫時仲諗緊畀咩形式既練習

作者: joe12211981 時間: 16-3-4 11:02 標題: 回覆：係小朋友學習進程上, 你地點安排自己時間?

3，現讀小一，有專注力不足，成績中等，阿媽我要返工但都盡量跟足

作者: karen55407 時間: 16-3-4 11:45 標題: 回覆：係小朋友學習進程上, 你地點安排自己時間?

我係6號媽

作者: Jane1983 時間: 16-3-4 12:15

本帖最後由 Jane1983 於 16-3-4 12:16 編輯

我係7號媽，我女既野樣樣我都好關心，但我係企開d甘關心，比佢自己搞吓先。如果佢自己得，我吾會跟到實，但佢有需要，我會幫佢，但佢係主導，我係幫手。課外活動都係，我出錢出力好鼓勵佢，9成時間自己接送，但我吾會介入學習、課程的細節。一來我吾識，二來要佢知係佢既野，吾係為其他人。

作者: little_yolky 時間: 16-3-4 12:31

vvitaa 發表於 16-3-4 00:09
自己係在職媽媽, 所以真係要計劃下同小朋友讀書/學習的時間, 一來唔想做直昇機家長, 二來唔想錯過同小朋友 ...

大女：6號媽。佢學乜我要跟手學埋, 因為要幫手練習。

細女：3號媽。最初諗住用家姐果招, 乜都唔理等佢自己知驚, 自己做。點知, 細女係做大事既人, 泰山崩於前而色不變, 你放peah, 佢仲peah過你, 完全唔識個死字點寫。

不過, 功課唔識佢第一時間搵家姐, 第二時間至搵我。有時真係覺得C6好幸福, 無人搵佢教功課的。

作者: MASAYA 時間: 16-3-4 12:51

little_yolky 發表於 16-3-4 12:31
大女：6號媽。佢學乜我要跟手學埋, 因為要幫手練習。

細女心諗：搵爸爸不如自己做

作者: S-Kwok 時間: 16-3-4 18:13 標題: 回覆：係小朋友學習進程上, 你地點安排自己時間

每個小朋友都有唔同嘅需要，我仔有專注力不足嘅問題，所以我會緊跟幾時有默書、測驗、考試……，我會要求仔有這些特別事情要返嚟跟我講，然後自己mark在white board上，做齊全套有貼紙，儲到一定數量換取獎品。

然後要佢每日做完功課睇white board做人，自己要安排温習，温習嘅方法由佢自己摸索，測考前做坊間練習，中英寫作比題目佢寫。

其餘科目如science 、常識，即使唔使考都要温習，仔就會自己寫notes、畫圖，內容我大概睇過就算，目的只係培養温習嘅習慣及自己摸索温習嘅方向。

最近有返睡前有親子閱讀（10分鐘左右）（好開心仔有這要求），我多數用這10分鐘去講/讀一些想佢睇嘅書，當中會誘導成功嘅時候。
仔只有畫班，自己接送。

作者: HaYi 時間: 16-3-4 21:12

我個剛上高小, 本身都是專注有問題. 我全職返工, 又放工好晚, 另有個細的(幼稚園)要理, 我做到的只可以是  #3.

跟功課,默書和考試
------>只限睇實佢在限時前做晒, 佢冇咩不識所以內容其實不需教,  但由佢自己做, 中文會勁拖, 最煩的是簡單如生字抄野之類, 同識不識無關, 只是欠時間管理能力
---------->默書需跟中默因一向中文好一般.
---------->考試前會每科花時抽問睇下有咩可補足, 平時就冇溫.
---------->功課不多的時候, 中文會逼佢做多少少額外補充, 間中中英文加作文.

定時定侯親子閱讀/學習時間(即看課本或課外書都好)
----> 只限抽讀中文報紙, 了解時事同一般人的評論方式.
----> 冇陪課本同課外書.  英文算好同自動波睇, 中文佢仍是淺的書.
----> 學野大部份在校, 周未找近家的, 冇陪去學野, 一早已自己搞定.

作者: hippoo 時間: 16-3-5 00:22 標題: 回覆：係小朋友學習進程上, 你地點安排自己時間?

Up

作者: miriam 時間: 16-3-5 01:43

本帖最後由 miriam 於 16-3-5 01:44 編輯

P.1 時只係開學頭三個月有跟功課, 之後對齊做晒就簽手冊, 有錯都唔理.

P.1 時溫默書又係開頭幾次會讀默, 慢慢要佢背課文, 習慣左我連讀都慳返, 剩係默詞語, 有時我都未講到佢已經默埋下組字.

係到測考前畀校外練習佢做, 課內只係默生字, 另外就係重做一次學校既作業同校本練習, 知道咩唔識先再解.

去到 P.4 真係甩晒手, 衰到做完校外練習我未必全部對晒, 所以我只係一個負責簽名為主既阿媽.

跟得最足既係課外活動, 排上堂時間, 帶出帶入, 要比賽就全日做阿四.

作者: Ocean419 時間: 16-3-5 06:11 標題: 回覆：係小朋友學習進程上, 你地點安排自己時間?

6，連佢課外活動學的我都跟埋一齊學

作者: Hoining 時間: 16-3-9 20:31 標題: 回覆：vvitaa 的帖子

提示: 作者被禁止或刪除內容自動屏蔽

作者: neko1234 時間: 16-3-15 13:00

本帖最後由 neko1234 於 16-3-15 13:02 編輯

我應該算係6號

平日
我個都有專注力不足, 對功課只對有無做齊已經係一大挑戰, 少錯唔理, 大錯就問一問,睇下係佢係唔小心定係唔識...

默書, 叫佢自己溫, 但佢通常無溫就話溫左, 我就抽默睇下係咪識, 結果變相都係我同佢溫..

其他非必要既功課, 網上練習, 讀課文, 預習之類一概不理...佢唔做就算..

親子閱讀
佢基本已經自行閱讀, 如果佢要求伴讀, 唔係因為想唔入房訓的拖延戰術, 就應要求讀個十五分鐘左右..

週末
自己帶佢去興趣班, 同玩, 爭取親子時間...

測考
抽默之前默過的生字
同默書一樣, 佢書唔掂就話識, 我唯有測考前準備一D坊間的練習比佢做當溫書..遇到做錯既就再解比佢聽..

歡迎光臨教育王國 (/)