教育王國

標題: 有冇黃埔德寶嘅家長 [打印本頁]

作者: baby7 時間: 16-3-1 21:02 標題: 有冇黃埔德寶嘅家長

好似無乜人講德寶，大家知道9期究竟發生什麼事？

作者: emilynos 時間: 16-3-3 13:06 標題: 回覆：baby7 的帖子

租約到期，要將d小朋友分配到二期同七期。但又唔早d講，並且一早收左學生既留位費，對學校咁樣的行為真係無嘢可講！

作者: lamhoilam 時間: 16-3-3 16:37 標題: 回覆：emilynos 的帖子

學校有意隱瞞？

作者: p_s_penny 時間: 16-3-5 22:53 標題: 回覆：baby7 的帖子

我大女係2期讀緊k3,有好幾個家長d大仔或女讀緊k2,細佬或妹同我細仔一樣今年報k1,之前問學校老師主任同副校都話收冇問題，大家都冇去報其他學校，點知都12月大家收到都係waiting 信，老師副校改哂口風，仲話太多人報，收唔到我地，叫我地去搵第二間，結果最近比我知道原來係因為9期冇得續租，將d學生轉哂過2期,唔收我地，真係非常嬲!!!!

作者: baby7 時間: 16-3-11 13:01 標題: 引用：租約到期，要將d小朋友分配到二期同七期。

原帖由 emilynos 於 16-03-03 發表
租約到期，要將d小朋友分配到二期同七期。但又唔早d講，並且一早收左學生既留位費，對學校咁樣的行為真係無 ...

唉，我大女在7期PL，細仔在9期PG....突然間收到咁嘅通知，真是覺得校方行政安排勁差！同個主仼講好似一啲歉意都無！仲要因為佢呢個安排講明下年要加10%學費！早知咁樣我同細仔出去報K1啦！

作者: p_s_penny 時間: 16-3-12 10:48 標題: 回覆：baby7 的帖子

快d去搵學校啦，我細仔12月知唔收，1月先搵都搵到（冇學卷），不過威廉你唔好試，佢都係租約期滿，好似連新校舍都未有，收咗你又要煩多次！
講真咁安排仲加學費真係好過份，交$4000仲有好多選擇，唔使選德寶，一d都唔值

作者: baby7 時間: 16-3-12 18:14 標題: 引用：快d去搵學校啦，我細仔12月知唔收，1月先搵

原帖由 p_s_penny 於 16-03-12 發表
快d去搵學校啦，我細仔12月知唔收，1月先搵都搵到（冇學卷），不過威廉你唔好試，佢都係租約期滿，好似連新 ...

咁你仔而家係有邊間學校offer???
黃埔仲有咩好學校呢？
原來威廉都唔續約。

作者: p_s_penny 時間: 16-3-12 20:15 標題: 回覆：baby7 的帖子

我只報了一間嘉德麗，收咗
我將我嘅情況講咗比學校知，佢地都話佢地一定會收番有家姐阿哥讀緊嘅細佬妹，唔會唔收，早知當年家姐唔報得寶，一肚氣

作者: doggy2013 時間: 16-3-13 16:03 標題: 引用：Quote:原帖由+p_s_penny+於+16-03-12+發表

原帖由 baby7 於 16-03-12 發表
咁你仔而家係有邊間學校offer???
黃埔仲有咩好學校呢？
原來威廉都唔續約。

李+x有冇攪錯呀，同時唔同兩間幼稚園續租?

作者: wing214 時間: 16-3-13 21:34 標題: 引用：Quote:原帖由+p_s_penny+於+16-03-12+發表

原帖由 baby7 於 16-03-12 發表
咁你仔而家係有邊間學校offer???
黃埔仲有咩好學校呢？
原來威廉都唔續約。

威廉都搬呀，我仔讀緊k2, 未知搬黃埔邊度，不過未搵到or未裝修好就原校繼續讀，冇嘢好擔心，不過威廉已經冇位， reject都好多，不如考慮同區其他幼稚園，寫信試吓都好

作者: baby7 時間: 16-3-13 22:58 標題: 回覆：有冇黃埔德寶嘅家長

咁下年二期係咪會無哂有學卷嘅N班？

作者: p_s_penny 時間: 16-3-13 23:55 標題: 回覆：baby7 的帖子

N班全港都係冇學卷，K1出年肯定冇，因為接收哂9期d學生，之後會點冇人知，學校乜都唔講

作者: yat2011 時間: 16-3-15 11:52 標題: 回覆：有冇黃埔德寶嘅家長 ...

我大囝讀緊K2,又係唔收細佬！細佬係大B都唔收！我同之前個家長一樣，俾學校跣左鑊甘！搞到我係咁揾學校，好彩有學校收左，不過下午班。宜家諗返起都好嬲

作者: emilynos 時間: 16-3-15 13:03

本帖最後由 emilynos 於 16-3-15 13:04 編輯

回覆 lamhoilam 的帖子

又唔系有意隱瞞，但上兩個星期先比通知家長。
講真，如果一早知唔續約，早d同家長講，可以早d安排小朋友入讀其他幼稚園，而唔系好似宜家咁，小朋友好難搵到第二間幼稚園（因為時間太倉促），而谷住要讀德寶二期或者七期（學費仲要加10%）。

而學校拖到依家先同家長講，我唸仲有另外一個原因，就系可以收咗學生下學期的留位費先。舊年12月左右，學校系咁追我哋，要我哋交住留位費先，但卻從未有同我哋講嚟緊唔續約的安排。

好彩我小朋友舊年九十月以大B的身份in咗幾間幼稚園，亦都好彩有好心怡的offer，但依然覺得學校的安排好不合理，對其它小朋友亦非常之不公平。而且學校并未有對自己造成的呢個情況感到抱歉，反而覺得非常理所當然。

講真，學校確實系優先安排九期的小朋友入讀二期同七期，但我哋當其時交留位費系for九期的（全英文班），有無人問過我哋願不願意讀二期或七期（一個系本地班，一個系中英文班）？

我覺得學校既行政安排真係好不合理。

作者: p_s_penny 時間: 16-3-15 13:46 標題: 回覆：emilynos 的帖子

佢對我地2期嘅家長都好不負責任，仲講大話，話因為今年好多人報，睇小朋友表現決定收生，所以比唔到位我地，叫我地唔好等，waiting都唔會比到我地，叫我地搵其他學校！
呢個集團嘅學校已唔係第一次咁，早2年天水圍又係未傾好租約照收生,到5月先話比家長知學校續唔到叫佢地搵學校，真係幾不負責任，仲講到好似只係地產商嘅責任唔租比佢地。點解唔可以諗下家長們嘅慘況，只掛住自己收生收學費

作者: SinmanL 時間: 16-9-20 12:48

提示: 作者被禁止或刪除內容自動屏蔽

作者: SinmanL 時間: 16-9-20 12:49

提示: 作者被禁止或刪除內容自動屏蔽

作者: kari817 時間: 17-5-26 02:03