教育王國

標題: 操練失控　TSA害苦學生 [打印本頁]

作者: elbar 時間: 16-2-29 12:31 標題: 操練失控　TSA害苦學生

本帖最後由 elbar 於 16-2-29 12:32 編輯

湯頌儀認為，現時TSA催谷情況已失控，嚴重影響學生的身心發展。

功課日夜無間做，是現今學生及家長的心聲。TSA關注組成員張豔璿（Annie）及湯頌儀（Rachel）的子女均面對小三全港性系統評估（TSA）的壓力，Annie指，其八歲的女兒的校方每年「三測一考」外，每星期均有小測及默書，功課更是排山倒海，「根本小朋友就冇得停，開始放棄學業，我已經幫佢轉咗學校，我唔想等佢出事先轉。」

Rachel亦指，教育局稱TSA用作測試學生的基本能力，惟題目愈趨刁鑽及艱深，校方卻為了爭取好成績博取資源，不斷催谷學生，「教育局從來冇解釋『基本能力』嘅定義，（題目）出到咁深，真係測緊學生基本能力咩？」她形容現時情況已失控，嚴重影響學生的身心發展。

制度多問題宜全面檢討

「如果制度好，唔應該出現咁多問題，制度有問題就應該暫停。TSA只係切入點，其實成個香港嘅教育制度都應該要檢討。」Annie指，教育局應聘請本地或外地專業的教育學者，成立獨立小組全面檢討本港的教育制度，並製作研究報告，向公眾交代教育政策的成效。

作者: palmchristy 時間: 16-2-29 13:04

其實, 邊個小學學童唔係面對眾多測驗默書功課, 攪到有壓力?

我覺得如果去到小朋友開始放棄學業呢個程度, 真係幾嚴重, 反映到該學童跟不上該學校的學習模式, 轉校係一個正確做法.

同一班學生, 總有人考得好或考得差, 有人輕鬆達標又有人覺得辛苦. 個別同學辛苦或失去學習動力, 肯定係錯配, 但呢個係教育制度出現問題, 學童根底問題, 定係家庭育出現問題, 真係值得探討.

歡迎光臨教育王國 (/)