教育王國

標題: 真的要食藥嗎？ [打印本頁]

作者: joe12211981 時間: 16-2-28 13:08 標題: 真的要食藥嗎？

仔K1-k3都比老師話專注力低，k2做了評估，醫生都話專注力弱d,但又未到好差，話佢屬於擲界，於是排期至下月見兒童精神科。現在仔讀緊一年班，我亦同班主任交待咗仔的情況，而我覺得學校的程度都幾深，今次考試全級106人佢排59，老師話要再加緊努力，亦同我講仔的專注力的確影響到佢，老師話佢自理差，上堂玩文具，平時導修堂其他同學已完成的功課，佢先啱開始，同時亦都讚佢中文比同班的人outstanding,上堂作句其他同學往往千篇一律，唯獨佢作得與眾不同，好有創作力，中文和常識成績應該唔止呢個分數（佢中文89，常識88），老師話佢都教過d專注力不足的學生，食藥後真的改變好多，亦5覺食藥的學生有什麼副作用...，言下之意，即係覺得我仔可以食藥改善，聽完老師咁講，心情好低落，亦都好掙扎是否真的要比仔食藥

作者: kitty8088 時間: 16-2-28 16:21

好似第一次見唔會即時比藥你,除非你極力要求或精神科醫生見議要食

作者: joe12211981 時間: 16-2-28 16:59 標題: 回覆：真的要食藥嗎？

我只是想早點打算

作者: aryemyem 時間: 16-2-28 18:05 標題: 回覆：真的要食藥嗎？

人生拼不是只有讀書再讀書，排名又排名！全級考59名亦不差！反而要吃藥同睇醫生應該是考包尾果堆至啱，自理做野慢大大下自然會改善

作者: lillymarie 時間: 16-2-28 19:01

自己覺得無迫切需要的話，又無行為問題，忍住暫不要食藥啦

自理或組織管理技巧，可以先在家訓練，就算食藥，都要教小朋友這些，他不會自動學識的，尤其是ADHD仔！一定要教架

我仔小三下學期才確診食藥，追得返的。你不要讓仔仔成績跌穿80就好了，成績太差的話，好難追返

作者: joe12211981 時間: 16-2-29 09:28 標題: 引用：自己覺得無迫切需要的話，又無行為問題，忍

原帖由 lillymarie 於 16-02-28 發表
自己覺得無迫切需要的話，又無行為問題，忍住暫不要食藥啦

自理或組織管理技巧，可以先在家訓練，就算食藥 ...

咁你仔仔幾年班確診？平時又如何管教呢？

作者: joe12211981 時間: 16-2-29 09:55 標題: 回覆：真的要食藥嗎？

我都唔知點形容我仔，佢明顯同身邊的小朋友好唔同，做野甩甩漏漏，成日要人提，舉個例子，每次玩飛行棋，10次有8次行到同色的位置都唔記得跳，數學理解力好差，但中文就幾好，鍾意認字，對住d車就叻到飛起，完全認到型號，成日睇車書，平日功課我要坐喺佢隔離做紙板人，佢先可以完成，我7點回到家，佢唔算做得快，但每日完成後都有時間睇下書同玩，然後9:30上床瞓

作者: COE1205 時間: 16-2-29 10:02

小朋友除咗成績仲有無其他問題?

作者: joe12211981 時間: 16-2-29 10:30 標題: 回覆：COE1205 的帖子

咪就係甩甩漏漏咁，成日漏嘢，乜都要提嗰隻，但唔算過渡活躣，會發夢聽錯指令，做一半又唔做一半嗰種人，有次去評估大肌肉，姑娘叫咗佢2次攞d野放喺媽咪後面張枱，佢2次都係放喺我隔離嗰張，要叫第三次先放得啱，大肌肉冇問題，小肌肉就差dd,佢同阿妹差一年，一齊學縛鞋帶，阿妺教幾次就識，佢到現在都未掌握

作者: piglet0529 時間: 16-2-29 13:17 標題: 引用：咪就係甩甩漏漏咁，成日漏嘢，乜都要提嗰隻

原帖由 joe12211981 於 16-02-29 發表
咪就係甩甩漏漏咁，成日漏嘢，乜都要提嗰隻，但唔算過渡活躣，會發夢聽錯指令，做一半又唔做一半嗰種人，有 ...

坊間有的專注力小組興趣班有冇玩過?

作者: COE1205 時間: 16-2-29 15:05

joe12211981 發表於 16-2-29 10:30
咪就係甩甩漏漏咁，成日漏嘢，乜都要提嗰隻，但唔算過渡活躣，會發夢聽錯指令，做一半又唔做一半嗰種人，有 ...

如果專注力差,其實可以試一下參加專注力小組訓練下,我仔小三係過度活躍,因為經常亂跑,容易發生意外.,同多手經常整到人,所以當時我先考慮比阿仔食藥,食藥後行為問題確實有改善

作者: 準媽咪 時間: 16-3-4 16:50

但親戚叫我儘可能唔比藥, 因為有副作用; 親戚個仔有過度活躍, 小一時確診, 一停藥就易打交; 佢媽媽好無奈; 佢話副作用系阻礙發育, 所以佢仔現在中學生了都唔太高大喎 !

作者: joe12211981 時間: 16-3-4 18:15 標題: 回覆：真的要食藥嗎？

我諗都唔會比佢食，唔知再大d專注力會否改善

作者: may_chung 時間: 16-3-9 14:01

提示: 作者被禁止或刪除內容自動屏蔽

作者: Dressup123 時間: 16-3-15 00:40

食藥擔心有副作用, 但唔食藥對佢係咪好呢? 我同我先生都曾經掙扎過, 結論係食藥. 原因1) 如果食咗藥令佢上堂專心啲吸收得好啲, 咁唔比藥佢食係咪會剝削咗佢學習呢? 原因2) ADHD的行為有時真係令到我哋管教上有壓力, 有時自己控制唔到會鬧佢, 小朋友比人鬧又唔開心自信心又低, 大人心情又唔好, 親子關係又差. 如果食咗藥令佢行為冇咁令人激氣自然唔會比人鬧, 對大家都好.

作者: joe12211981 時間: 16-3-16 14:36 標題: 回覆：Dressup123 的帖子

咁仔仔食咗藥後有乜改變，幾歲開始食？

作者: Dressup123 時間: 16-3-22 03:38

回覆 joe12211981 的帖子

六歲開始食４小時半粒加８小時—粒，老師話明顯上堂留心咗。在家都有曵，食藥前叫十聲好似聽唔到唔停，食藥後叫一兩聲會停。

作者: Tifftiff0115 時間: 16-6-1 17:25

唔係個個小朋友食藥都有副作用架,所以真係要試.試藥的話醫生會俾份問卷你,試兩個星期咁.
我仔仔食concerta 27mg,冇影響訓覺同食野,情緒又冇大影響.

作者: DollyCC 時間: 16-6-2 03:44 標題: 回覆：Dressup123 的帖子

我仔k3都諗住食，因唔想佢上小學大大動作整到人，影響課堂，比老師覺得佢係麻煩人。同我觀察佢上堂雖然無離位但真係踢來踢去。而家食可觀察佢反應，有咩唔妥搵醫生。上小學老師根本理唔到禁多，已經要適應新環境，仲要成日比人罰，不如試食藥。

作者: bestwish 時間: 16-6-2 12:00

本帖最後由 bestwish 於 16-6-2 12:08 編輯

我仔都係擲界or輕微. 但同樓主唔係好似, 成績唔錯, 全級10X, 考2X。只係情緒同行為最大問題, 但多數係屋企發生。成日掉野, 發皮氣, 打自己.......學校老師又暫未有投訴, 只係家長日時話佢都有周身郁, 都有唔專心, 導修堂就一定唔去做功課, 攪下同學仔禁。禁我仔係咪都係吃藥好D呢?

作者: COE1205 時間: 16-6-2 12:16

bestwish 發表於 16-6-2 12:00
我仔都係擲界or輕微. 但同樓主唔係好似, 成績唔錯, 全級10X, 考2X。只係情緒同行為最大問題, 但多數係屋企 ...

小朋幾大?

作者: bestwish 時間: 16-6-2 12:23

COE1205 發表於 16-6-2 12:16
小朋幾大?

7歲, 小一

作者: COE1205 時間: 16-6-2 17:13

bestwish 發表於 16-6-2 12:23
7歲, 小一

你小朋友同我仔小一時好似,都係成績唔差(2x/133)行為有點問題, 但一升上小二後我仔行為就出現好大問題,經常鍾意攪同學,又成日執地下D垃圾,又多口,呢年我經常收到學校投訴電話,仔係學校完全無人同佢玩。終於升小三暑假開始比阿仔食藥,今年情況好了很多,而且阿仔終於係學校有朋友同佢玩,最重要係成個人有自信咗我認為可以睇埋小二,如小朋友情況(行為)變差,可以考慮試用藥物幫下小朋友

作者: bestwish 時間: 16-6-2 17:23

COE1205 發表於 16-6-2 17:13
你小朋友同我仔小一時好似,都係成績唔差(2x/133)行為有點問題, 但一升上小二後我仔行為就出現好大問題,經常 ...

但我仔一向都係學校都好受歡迎, 好多同學仔鍾意同佢玩。尤其是女仔。

前幾日係書包仲收到一封信係女仔寫比佢。寫 I like you.

跟住我問佢有咩表示? 佢話回番信比人寫 I like you too.

作者: COE1205 時間: 16-6-2 17:27

bestwish 發表於 16-6-2 17:23
但我仔一向都係學校都好受歡迎, 好多同學仔鍾意同佢玩。尤其是女仔。

前幾日係書包仲收到一封信係 ...

小一我仔都無問題,重攞埋操行獎, 交報告返學校時老師都話仔唔似ADHD, 但升上小二後情況變化好大, 所以升小二後要多加留意

作者: bestwish 時間: 16-6-2 17:54 標題: 引用：Quote:bestwish+發表於+16-6-2+17:23+但我

原帖由 COE1205 於 16-06-02 發表
小一我仔都無問題,重攞埋操行獎, 交報告返學校時老師都話仔唔似ADHD, 但升上小二後情況變化好大, 所以升小 ...

其實我仔應該係讀小二，我當時比佢遲一年入學做大仔。就係上左小一覺得呀仔好失控。

作者: Ruby05 時間: 16-6-3 18:09

本帖最後由 Ruby05 於 16-6-3 18:10 編輯

回覆 bestwish 的帖子

我有比仔食緊藥,當初都考慮好耐先比藥, 因三年班第一次見醫生醫生己問我地食唔食藥,用了一年時間做行為冶療都重收到好多投訴先決定比藥佢食, 如只係成績問題,我係唔會考慮食藥.

作者: Jjchow2015 時間: 16-6-7 16:16 標題: 回覆：Ruby05 的帖子

邊到可以上行為治療？

作者: Missingyou0623 時間: 16-6-19 21:59 標題: 回覆：joe12211981 的帖子

我之前都掙扎咗好耐俾唔俾我仔食藥，如果只係輕度專注力不足而且成績又唔差，我係唔會俾佢食藥。我仔因為對抗性行為同衝動打人，我無辦法唔用藥。

作者: Musemusetse 時間: 16-6-21 01:01

成績不太差，功課不太慢，是不用食藥啦，我個人經驗食藥心情會低落d焦慮d。

作者: joe12211981 時間: 16-6-22 00:40 標題: 回覆：真的要食藥嗎？

上個月已經見了兒童精神科醫生，醫生話阿仔係有少少專注力不足，但不算太嚴重，不用食藥，暫時都係一路觀察，另外比佢排期睇鼻敏感，佢話鼻敏感都係一個好大的因素另佢有專注不足

作者: Jjchow2015 時間: 16-6-23 10:49 標題: 回覆：joe12211981 的帖子

點解鼻敏感會影響專注？

作者: bestwish 時間: 16-6-23 11:08

Jjchow2015 發表於 16-6-23 10:49
點解鼻敏感會影響專注？

都會架 ! 我鼻成日塞, 成日唔舒服, 做咩都冇心機啦

歡迎光臨教育王國 (/)