教育王國

標題: 面試衣着 [打印本頁]

作者: nkknkknkk 時間: 16-2-24 15:13 標題: 面試衣着

女仔着恤衫裙定polo裙好D？有沒有其他建議？

作者: lovecupid 時間: 16-2-24 15:20

最好著襪褲加套裙…..以防女孩子走光被老師覺得儀態欠妥。
但有些面試會撞學校返學，所以有時都會著校服去面試。

作者: five555 時間: 16-2-24 16:27

簡潔, 不要太over, 輕鬆自在的衣物令小朋友更自然。
不要穿新鞋, 太新令小朋友唔慣。如考CKY, t- shirt n jeans, sport shoes.

作者: happyshirley 時間: 16-2-24 19:18

簡潔整齊便可

作者: ozduckie 時間: 16-2-24 19:19 標題: 回覆：面試衣着

我直頭係著返學黑鞋，最舒服，小朋友著得最自然

作者: HappyCheerBaby 時間: 16-2-24 22:46

本帖最後由 HappyCheerBaby 於 16-2-24 22:47 編輯

回覆 nkknkknkk 的帖子

阿囡著one piece dress, 簡單就可以。

作者: conniemar 時間: 16-2-25 08:58

建議穿裙褲或one piece 加打底褲，以免小朋友忘形時走光

作者: mayyylai 時間: 16-2-25 09:32

回覆 nkknkknkk 的帖子

著小朋友認為最舒服嘅衫，當然都要大體，但我個人覺得未必需要裙，因為有時會玩遊戲，最緊要乾淨企理，件衫唔好有污積。

作者: mayyylai 時間: 16-2-25 09:33

仲要記得梳頭，對鞋最好乾淨，當然最緊要要有充足精神。

祝樓主好運！

作者: yyshiu 時間: 16-2-27 10:02

我見好多人著校服去面試，其實有冇影響?

作者: BabyAndre 時間: 16-2-27 23:08 標題: 回覆：nkknkknkk 的帖子

今年我見女仔好多會撞衫，尤其是 Nxxx Bxxx 牌子嘅裙

個人覺得法國牌子Jacadi嘅裙都好大方得體，但我買得太遲，自己最心儀的款式賣晒，只好買另一款，幸好我後來Polo買到一條全黑小白圓領裙, 一睇就係戰衣（如圖），係 Sales 介紹因為無show出來，so far冇撞衫。所以各位媽咪想買interview衫裙就要早啲買如果唔係好嘅款式會好快售罄。

圖片附件: myphoto.jpg (16-2-27 23:08, 68.27 KB) / 下載次數 30
/forum.php?mod=attachment&aid=NjQ1NzV8ZDczYmI3MTZ8MTc3MTkxNTgxMHww

作者: tianyingmama 時間: 16-2-28 09:51

本帖最後由 tianyingmama 於 16-2-28 10:04 編輯

建議女生一件裙,如果分上衣下裙下褲⋯小朋友不會自己塞好上衣，看起來就很邋遢! 不要選粉紅鵝黃有大花或像公主（≧∇≦）人靠衣裝佛靠金裝, 穿的整齊、有氣質,自己和孩子們在「氣勢」上就「先聲奪人」^^ 至於如果去考CKY，就算學校說穿T-shirt「輕鬆自在」都可以，都別相信⋯ 看看學費就知道⋯ 穿著合適整齊是尊重的表現！！！我們去女拔2nd-in，就算面試不用見家長，大部分的爸爸都是西裝筆挺的坐在那裡等（利申，CKY家長：）

作者: HappyCheerBaby 時間: 16-2-28 23:26

BabyAndre 發表於 16-2-27 23:08
今年我見女仔好多會撞衫，尤其是 Nxxx Bxxx 牌子嘅裙個人覺得法國牌子Jacadi嘅裙都好大方得體，但 ...

今年的確好多女仔都係著 NB牌子，我見過一小時見同一條裙有五個女仔都著。我就係轉季時買裙，買D唔使熨又簡單既條，所以，我未試過撞裙。基本上，爸爸去邊間學校要唔要見埋家長都會著一套西裝，我就都係著套裝。

作者: bbrabbit2011 時間: 16-2-29 09:25 標題: 回覆：面試衣着

請教男孩子的面試服裝應該怎樣才合宜？

作者: lydia_keng 時間: 16-2-29 09:54 標題: 回覆：面試衣着

面試衣服斯文整齊舒服就可以。小女面試初段穿了一套貴價牌子連身裙，可惜全軍覆沒。後來見CKY只係着T-shirt牛仔褲波鞋，third in才穿一條普通裙子，最後有offer.
回想其他有offer和second in的學校，小女都是穿普通衣裙去的，所以我覺得不一定要買牌子衣服去面試。

作者: BabyAndre 時間: 16-2-29 10:08 標題: 引用：面試衣服斯文整齊舒服就可以。小女面試初段

原帖由 lydia_keng 於 16-02-29 發表
面試衣服斯文整齊舒服就可以。小女面試初段穿了一套貴價牌子連身裙，可惜全軍覆沒。後來見CKY只係着T-shirt ...

當然最重要還是小朋友的表現，但如果兩位孩子旗鼓相當，那麼小朋友衣著是否得體也可能會有影響。但同意不一定要牌子，淘寶都 OK㗎！

作者: gloria_cwy3 時間: 16-2-29 10:14

回覆 bbrabbit2011 的帖子

我仔仔只係著 POLO T-SHIRT 同短褲 (夏天) , 毛衣、深色牛仔褲(冬天)。不過, 我地著的顏色較SHARP，看上去O個樣好似醒目O的。

作者: five555 時間: 16-2-29 10:19

CKY 簡介會老師講要穿著輕鬆，因面試都多遊戲，跑跑跳跳，穿得太隆重反而令老師覺得家長無聽學校講座，不知道要穿著自然。我小朋友考完出來一身汗，跑得很開心。當然去到第二輪或第三輪面試便要穿得大方有禮些。

作者: browneyebaby 時間: 16-3-1 20:08 標題: 回覆：tianyingmama 的帖子

請問點解唔好著黃色？咪唔係活潑啲咩？！

歡迎光臨教育王國 (/)