教育王國
標題: 秘密收入 [打印本頁]
作者: 慢咪咪 時間: 16-2-23 15:18 標題: 秘密收入
如發現小朋友在校賣野賺錢,你們會用咩打開話題問佢呢?
最近發現小朋友開了間公司在校賣野(公司只是自己給名),賣東西如名星卡,文具之類,當中有買得多有禮品等推廣手法,又有職員滿意問卷調查,并發現有三千多元(我冇比零用錢習慣,只有每天零食錢15元). 佢公司糸秘密,所以想問下大家用咩打開話題問佢又吾會傷感情呢? 佢現讀小六,由幼稚園已喜歡在家玩店舖賣野之類角色扮演,我真怕被校發現會紀維規. 我覺得佢可能想當老闆引,錢對佢不太重要的.
請給點意見你們會用咩打開話題問佢呢? 我又不想傷感情.
作者: rainbowcov 時間: 16-2-23 15:50
你話佢秘密, 但點解你會知佢在校賣野? 仲知道有三千元?
BTW, 佢咁成功, 將來一定很識做生意。
作者: oooray 時間: 16-2-23 15:54 標題: 引用：如發現小朋友在校賣野賺錢,你們會用咩打開
原帖由 慢咪咪 於 16-02-23 發表
如發現小朋友在校賣野賺錢,你們會用咩打開話題問佢呢?
最近發現小朋友開了間公司在校賣野(公司只是自己給 ...
作者: 慢咪咪 時間: 16-2-23 16:16
回覆 rainbowcov 的帖子
是偷偷睇佢買賣記錄，有晒買家簽收同收貨日期。3000蚊我在她牀找到的，唉！點算呢？在校做呢d始終吾糸咁好囉，我都知佢有d呢樣天份。而家就糸煩點開口問佢，一陣佢問翻我點知咪反感我偷睇佢d野。
作者: 慢咪咪 時間: 16-2-23 16:21
回覆 oooray 的帖子
講笑咩，佢d文具網購冇人要囉，普通野，我都吾知佢d韓星卡响邊度來貨的，一斑同學仔湊熱鬧吧
作者: MASAYA 時間: 16-2-23 16:26
唔想佢係校內搞，細細地租個幾日既攤位試下畀佢一手一腳搞買賣
作者: Jane1983 時間: 16-2-23 16:30
同佢傾計，講吓名人白手興家的故事，睇吓佢會吾會忍吾住分享。
其實小朋友有呢d想法，對金錢有概念，吾係壞事，但如果學校知道，或者有一兩個吾满意的家長嘈起來，可以好煩，都要同小朋友講吓。
作者: judy 時間: 16-2-23 16:31
最近發現小朋友開了間公司在校賣野(公司只是自己給名),賣東西如名星卡,文具之類,當中有買得多有禮品等推廣手法,又有職員滿意問卷調查,并發現有三千多元(我冇比零用錢習慣,只有每天零食錢15元). 佢公司糸秘密,所以想問下大家用咩打開話題問佢又吾會傷感情呢? 佢現讀小六,由幼稚園已喜歡在家玩店舖賣野之類角色扮演,我真怕被校發現會紀維規. 我覺得佢可能想當老闆引,錢對佢不太重要的.
我就會問佢參股得唔得。
作者: loveDD 時間: 16-2-23 17:05 標題: 回覆：秘密收入
我會直接同佢講，話佢聽你知道佢賣野一事，令佢同時明白咩叫「若要人不知 除非己莫為」，秘密唔可以守一世。繼而再同佢講賣野本身唔係一件壞事，但有咩地方要註意。
作者: 慢咪咪 時間: 16-2-23 17:08
回覆 MASAYA 的帖子
這個提議都好，但我會留翻比佢中學同同學自己挍年宵。
作者: 慢咪咪 時間: 16-2-23 17:10
回覆 Jane1983 的帖子
咪就糸囉，一陣挍到學校都知就煩
作者: 慢咪咪 時間: 16-2-23 17:15
回覆 loveDD 的帖子
都糸咁想，定糸收起佢3000蚊，等佢問我就講呢？
作者: Jane1983 時間: 16-2-23 18:16
回覆 慢咪咪 的帖子
等佢發現吾見左，你先同佢講，驚佢話你翻佢d野。佢小六，開始大，你係一心為佢好，母女倆打開天窗說良話，吾好引起猜忌。
作者: oooray 時間: 16-2-23 18:25 標題: 引用：回覆+oooray+的帖子
講笑咩，佢d文具網購
原帖由 慢咪咪 於 16-02-23 發表
回覆 oooray 的帖子
講笑咩，佢d文具網購冇人要囉，普通野，我都吾知佢d韓星卡响邊度來貨的，一斑同學仔湊 ...
作者: annie40 時間: 16-2-23 21:03
本帖最後由 annie40 於 16-2-23 21:04 編輯
依家D細路有很多零用錢, 在學校做生意賺錢不是難事，孩子不缺錢,但道德教育和良心上要分辨要否賺這些錢，如何賺，才合理,有否隠瞞和欺騙成份？學校認為違規也是合理。
多年前友人孩子在學校fair買了小玩意，隔十分鐘，用三倍價格轉賣給同學，媽媽讚孩子很聰明。今天孩子已經十九歲，在瑞士貴族學校讀書多年，連合格考美國大學的成績也欠奉。前年晚飯，男孩說在等世界大戰，可以發戰爭財云云，真是後生可畏。
樓主，孩子這麼年幼，有興趣做生意的必然是聰明頂透了，只是聰明人也有不少盲點，更需家長管教引導，以免走錯路。
作者: Lchlau66 時間: 16-2-23 23:51
直接問，呢啲小朋友諗嘢咁大個，當佢大人咁傾計仲好
作者: ANChan59 時間: 16-2-24 08:42 標題: 回覆：秘密收入
直接同她傾，話執房見到一大筆錢，她怕妳想錯隔離，會講清楚。
上面家長的問題及解決方案都有參考價值，但我會更有興趣知道她為什麼這樣做，有什麼得着，知不知道有風險，上中學後又如何.......
妳越打開話題，越開通，她越跟你易溝通！
文具買賣及韓星相是階段性，利潤空間亦微薄，好快沒有市場。
妳發現有現金，有沒有存倉？值多少。如果沒有存倉，她可能收手了，就不用太擔心。
作者: Wonderlady 時間: 16-2-24 11:00 標題: 引用：如發現小朋友在校賣野賺錢,你們會用咩打開
原帖由 慢咪咪 於 16-02-23 發表
如發現小朋友在校賣野賺錢,你們會用咩打開話題問佢呢?
最近發現小朋友開了間公司在校賣野(公司只是自己給 ...
作者: PY-Sing 時間: 16-2-24 11:28
其實有不少名人, 小時都有自己小生意. 如無記錯愛迪生, 畢非特都有.
可唔可以借講名人故事CHOK 吓佢??
作者: rhythm 時間: 16-2-24 13:06 標題: 回覆：秘密收入
又不是壞事，自由發展，無謂干預
作者: Artie 時間: 16-2-24 14:19
本帖最後由 Artie 於 16-3-4 11:30 編輯
-----
作者: icecool 時間: 16-2-25 02:35 標題: 引用：Quote:最近發現小朋友開了間公司在校賣野(
原帖由 judy 於 16-02-23 發表
我就會問佢參股得唔得。
作者: awah112 時間: 16-2-25 12:51
提示: 作者被禁止或刪除 內容自動屏蔽
作者: 慢咪咪 時間: 16-2-25 21:39
回覆 awah112 的帖子
多謝各位的意見,我只是怕學校發現記維規對升中好大影响,仲有几個月就完小六了, 若不是這樣, 其實我都覺得不是太大件事,反正也是零錢價值的文具及星卡而已.
我會同佢講并了解佢呢個生意的玩法,一齊探討下.
作者: simonwan 時間: 16-2-26 16:49
佢有生意人的business sense 、膽色及執行力，可喜可賀！現在衹要教佢兩樣野：一個真正成功的企業家系要正直誠信；第二，做事要不怕失敗，有毅力。
令千金成功可期！恭喜！恭喜！！
作者: 2boba 時間: 16-2-26 19:02 標題: 回覆：秘密收入
大家真係睇得好正面，如果換成發生在我小朋友身上，我一定擔心死！我真係諗唔到在學校可以做乜＂生意＂揾到成三千幾蚊！又唔知當中有無不誠實及欺詐行為。小朋友每日只有十五元，現有超過二百倍財富！試諗一個月入一萬的人，唔洗唔食，做乜生意可以儲到二百萬！
作者: HaYi 時間: 16-2-26 19:35
我覺得在學時試做生意不是一件壞事, 我自己都在大學玩過年宵, 同有參加財經學會玩模擬投資. 其實在外國小學生做小生意都好普通.
但香港小學生做哩D, 錢銀都不少, 同埋對象是同學, 我都會有點擔心佢地的作法會影響同學間的情誼, 因錢銀交手始終煩D, 同埋一般學校都會不讚成,
所以如樓主的想法, 如是我, 都會假說朋友的女有在校賣野, 但被校知道要見校長, 問佢點睇, 帶出個話題... 再問清楚到底佢地的交易過程是如何, 提出可能的後果, 要小心的問題.... 如果可以, 改在假期才做可能學校都不會理會等..
樓主的女是叻女, 會易明白事件的後果.
作者: SoLM 時間: 16-2-26 20:24 標題: 引用：如發現小朋友在校賣野賺錢,你們會用咩打開
提示: 作者被禁止或刪除 內容自動屏蔽
作者: fishchow 時間: 16-2-28 00:03 標題: 回覆：秘密收入
用 $3K 報下一些 小朋友可上投資理財 course，或可以幫助一生！
作者: stockmike 時間: 16-2-28 00:08 標題: 回覆：秘密收入
我舊中學同學當年在校內買嘢， 而家在排檔做小販。
作者: MASAYA 時間: 16-2-29 11:13
我識人小學做買賣，後來白手興家做跨中港集團主席，除左頭腦，際遇都好重要既
作者: 964000 時間: 16-2-29 11:42 標題: 回覆：秘密收入
你小朋友係叻仔，千其吾好鬧佢，好好引導。
作者: augkBB 時間: 16-2-29 12:07
好叻! 教佢大個好好孝順你。你就一世無憂。
作者: 已刪除用戶 時間: 16-2-29 13:05 標題: 回覆：秘密收入
小朋友係叻，但一定要正確引導。幾千蚊對個小學生係好大數目。試想：你係同學媽媽，發現個仔用幾倍價錢買左d野，你係家長，知道個仔利是錢俾同學賺晒（難聽講呃晒）。你會唔會一句：同學仔真聰明哈哈哈一笑置之？
如果件事暴光，小朋友分分鐘記過都有份！
我個仔返學校賣童軍獎券我都叫佢唔好。小學生之間唔應該有錢錢瓜葛。
識投機理財，無錯係叻仔，但在學校做呢d野我一定唔同意。再講，今日小朋友豬豬下俾佢賺，如果有日發現成本只係xxx，要求賠償，發爛，玩杯葛，到時受嘅傷害用錢都補唔返。大人世界一講「傳銷」都無friend做啦。
作者: MC1128 時間: 16-2-29 14:00
建議樓主盡快處理, 要比學校快
如何介入, 若是我, 直接說:媽媽知道你最近在學校......
只要是真正溝通, 不是責駡, 不會傷感情
提醒孩子, 在學校不可以這樣做, 但媽媽支持他有創意/有組織能力......
作者: christy-chan 時間: 16-2-29 14:18
提示: 作者被禁止或刪除 內容自動屏蔽
作者: 慢咪咪 時間: 16-2-29 22:01
謝謝大家寶貴的意見.
作者: Jane1983 時間: 16-2-29 22:16
回覆 慢咪咪 的帖子
點呀，有無同小朋友傾？有也進展？
作者: bearwhat 時間: 16-3-1 11:59 標題: 回覆：秘密收入
租格仔鋪比1格佢玩下啦...識搵錢好有腦!不是非法，正常買賣我會真係幫下手
作者: 慢咪咪 時間: 16-3-7 18:45
已叫停, 同佢解釋拿大人錢去入貨是不對的, 告訴她大可同父母商量佢的想法,我們可從她利是錢拿一部份出來入貨,另外若她的健議好,父母會支持佢并會投資少少錢給買貨用. 基本上,我們是支持她有這個勇氣去做生意,但要做得光明又不會維校規. 現在叫停,等完成程三後會同佢再準備開網店試一試. 佢有這個興趣相信佢會學得好快, 希望佢從中學會成本的計算, 產品的選擇, 待人接物.
作者: 慢咪咪 時間: 16-3-7 19:12
回覆 慢咪咪 的帖子
其實現在的小朋友你估都估吾到,當中有人寄賣在她店內, 星卡各有喜好,你寄賣,我取之,我寄賣,你取之,交易完成仲有佣金給寄賣者. 平時是一個淩亂東西四處放的人, 她應很看重這個生意計劃, 錢其實是其次,只是1,2元一張卡的交易, 想她是享受做老闆的過程吧.
作者: Jane1983 時間: 16-3-7 20:06
回覆 慢咪咪 的帖子
慢慢傾，好好引導，這樣的過程如果你引導得好，佢真係可以學好多野 。
作者: 慢咪咪 時間: 16-3-7 21:09
Jane1983 發表於 16-3-7 20:06 
回覆 慢咪咪 的帖子
慢慢傾，好好引導，這樣的過程如果你引導得好，佢真係可以學好多野 。 ...
作者: Jane1983 時間: 16-3-7 22:08
回覆 慢咪咪 的帖子
小朋友總有d野要父母擔心的，吾係呢樣就果樣。可以適時發現，同佢傾吓講吓，借d位教到佢人生道理，親子關係會更穩固。
作者: rhythm 時間: 16-3-8 19:39 標題: 回覆：Charlotte_mom 的帖子
學同之間一買一賣都是情願，公平交易，怎可以說是呃! 每樣東西在每個人的心目中的價值都是不同的。
古怪的是有些家長，為何要介入，看成呃，去告人，這種思維像紅衛兵。己所不欲，勿施於人。
如果認為孩子買了不值的東西，家長應從中教導孩子思考購買物品價值，是否需要等，而不是去針對別人。金錢上吃虧只是少事。如此緊張金錢，怕吃虧，又何必给這麼錢孩子手。
同學之間要信任，和睦，校園生活才會愉快。
家長勿给大人的心計猜忌给小孩。
作者: 喜樂果子 時間: 16-3-9 14:52
其實我反而有懷疑怎可以賣下文具, 名星咭都有幾千蚊, 佢自己都要成本啦, 比我會直接問佢為什麼有咁多錢, 我總是覺得幾千蚊既來源唔係咁簡單, 要盡快攪清楚和認真地再一次穩固小朋友的價值觀.
作者: Auathena 時間: 16-3-10 00:07
其實樓主的小朋友又不是做錯事，反而我覺得她很有創業智慧。
不如幫她好好發展，幫她擴展未來的人生觀。
作者: 慢咪咪 時間: 16-3-10 10:36
我覺得在今次事件已不在於買賣, 錢從何來了, 最重要是我們知道孩子佢有這一個想法并希望實行,我們做父母的就是要在當中調較上正軌, 生意可以試做, 但要做得光明, 怎樣令佢在有興趣的方面好好學習, 在道德, 待人接物和生意上做一個平衡, 亦要關顧一些弱勢社群. 除了物質,心靈上亦都要富足才有意義及有持續的動力.
作者: ANChan59 時間: 16-3-10 11:31 標題: 回覆：慢咪咪 的帖子
本帖最後由 ANChan59 於 16-3-10 14:11 編輯
見你大團圓結局，我又講多少少！
我阿仔當年都有買文具給同學，不單純為$，只是有品質好及便宜東西買給同學，他知道校規，所以在校外交收。後來我們知道了，跟他慢慢傾完，他主動停了！
到中學會 trade 電腦 mother board，他是小朋友，不在地鉄交收，怕會被人走數，他會用黃金的交易中心。
在網上 trade 網上遊戲咭，到他 trade 到海外，他要我們幫手開 PayPal account 收$，我們好緊張要開家庭會議，CEO唔想，我中立，最後我們看到，我們不幫他，他亦會搵外人幫手，最後，我替他開了，做了一年就停止了！過程中，他看到香港的討論區有人壟斷，他走去外國網站及討論區，生意更好做！
回頭望，溝通及期望很重要，他們做一段時間就會停，因為這些生意仔，好難持續，而且困身，不會長遠。
但他們學識找到機會，市場空間，訂貨，定價，推廣，收$，下綫都不簡單，比那些中、大學生擺年宵不相伯仲！
不用事事反對，互相溝通，及讓他們明白我們的期望。
利申：我多年前在日誌已經分享過，不是抽水！
作者: ANChan59 時間: 16-3-10 11:33 標題: 回覆：ANChan59 的帖子
是中、大學生才對！
作者: ANChan59 時間: 16-3-10 14:04 標題: 回覆：ANChan59 的帖子
本帖最後由 ANChan59 於 16-3-11 12:39 編輯
一個系列－另類親子方程式，共有4篇，其中一篇，click 入去，會看到其他3篇！
另類親子方程式
http://www.edu-kingdom.com/home.php?mod=space&uid=107125&do=blog&id=627
http://www.edu-kingdom.com/home.php?mod=space&uid=107125&do=blog&id=629
http://www.edu-kingdom.com/home.php?mod=space&uid=107125&do=blog&id=633
作者: 慢咪咪 時間: 16-3-11 09:59
作者: HaYi 時間: 16-3-11 22:57
我自己first degree 是学商，但我覺得我不合從商，讀商基本上為易找工，反而哩些小朋友天生喜歡做生意，真要留心栽培
作者: topyy 時間: 16-3-12 09:23 標題: 回覆：秘密收入
我小朋友都係
我直接同佢講，係學校的角度，大人的角度係唔接受，學校係學習的地方，我地要係適當時候做適當嘅野，佢地只想經歷呢個過程，我建議唔好收錢，用零食代替，同埋要低調，終於有啲老師家長比較敏感，同埋小朋友可以玩一個學期或者一年就唔玩，可能無人幫襯呢，慢慢傾，得閒又灌輸下正確的做生意手法（因實會有同學走數），觀察住，講個後果比佢知等佢驚下，不過其jm講得岩，試下用其他方法代替學校賣野，都幾好
| 歡迎光臨 教育王國 (/) |
Powered by Discuz! X1.5 |