教育王國

標題: 如果幼稚園老師建議做評估，一定要去做評估嗎？ [打印本頁]

作者: bksummer 時間: 16-2-22 16:39 標題: 如果幼稚園老師建議做評估，一定要去做評估嗎？

老師提過幾次，不過我覺得小朋友無咩問題，小小缺少耐性和怕麻煩，可以專心玩和聽講，自己鐘意既玩具或者書可以坐定定玩/睇半小時至1小時，鐘意同人互動，同同學玩有時會比較high(不至於失控). 偶爾會激動大叫(是事發有因的果種，不是無啦啦大聲嗌),但稍稍安撫可以好快可以冷靜落o黎（除非比人一路嚴厲批評). 我擔心健康院評估主要參考學校老師意見而無法詳盡觀察小朋友表現，而且香港標準比較嚴格。如果唔去做評估，會唔會得罪個老師?因為提過好幾次.

健康院評估後如果確診是否一定要食藥呢? 第日考小學系未都要話比學校知呢?

請各位JM比d意見,

作者: metrochung 時間: 16-2-22 20:10 標題: 回覆：bksummer 的帖子

老實講，老師叫到，我覺得必定要去評估，老師見小朋友必定比我多，或者問下老師點解要評估，自己再觀察下先。可况評估咗又未必一定有問題，最重要係大家都係想幫小朋友，如果真係要治療的話，就唔好錯過治療的黃金期。

作者: wan_sosin 時間: 16-2-22 20:50 標題: 回覆：如果幼稚園老師建議做評估，一定要去做評估嗎？

健康院只會初步判斷下小朋友是否需要做詳細評估，如需要，會寫醫生紙再去排期，現在政府一般要排9個月，所以去健康院見下醫生唔係大問題，即管去見下吧！

作者: COE1205 時間: 16-2-23 13:30

我仔幼稚園k2時老師覺得仔有問題, 叫帶阿仔去評估,雖然覺得仔當時并沒有老師講得咁多問題,(脾氣大,口多手多,好容易情緒高漲,一玩就失控),但仍帶了仔去政府做詳細評估,因為覺得阿仔無問題,所以只等政府排期,無睇私家,排9個月在cac做了評估,懷疑adhd,但眼中仍是可接受,後轉介排了1年半睇精神科,仔升小二adhd愈來愈明顯,這年,一星期最少收到2次學校老師電話投訴(操行及成績直線向下),學校內沒有人同佢玩,升小三暑假終於排到見醫生,醫生建議試用藥,仔表現有明顯進步,三年級上學期已完,未有收過老師投訴,剛家長日老師對阿仔係學校表現讚不絕口

作者: bksummer 時間: 16-2-23 17:25

多謝o甘多位媽咪意見

作者: bksummer 時間: 16-2-23 17:32

回覆 COE1205 的帖子

多謝您的分享，請問您當時小一擇校有同校方主動講小朋友有輕度ADHD嗎？因為6歲前是很難確定的，如果同學校講左會唔會令到相關老師同學對小朋友另眼相看?有d學校也許會勸退個小朋友。

作者: lillymarie 時間: 16-2-23 17:50

其實無咩特別問題的話，係唔需要同學校講的。
我仔讀書小學至中學都無主動話俾學校老師聽，因為佢確診後一直食藥控制病情，功課跟到唔需要特別調適。

講真好多老師都唔認識ADHD，講咗都唔明。

咁多年，我好少話俾人知阿仔有ADHD，仔仔亦唔會話俾佢同學知道。無需要。

老師多次叫你帶小朋友去做評估，就即管先到健康院約見醫生，醫生覺得有需要就排政府。既然你自己覺得孩子問題不大，沒甚麼好急的，就慢慢排期囉

作者: bksummer 時間: 16-2-23 20:07

回覆 lillymarie 的帖子

謝謝回覆和分享!!!

作者: COE1205 時間: 16-2-24 12:55

bksummer 發表於 16-2-23 17:32
回覆 COE1205 的帖子

多謝您的分享，請問您當時小一擇校有同校方主動講小朋友有輕度ADHD嗎？因為6歲前是很 ...

仔升小一時尚見心理醫生,即尚未算懷疑個案,所以報學校時並沒有向學校申報,到入小一後才見心理醫生,列為懷疑個案, 才通知學校,再排期見精神科小一時老師包容,問題唔算嚴重,仔係學校情況算理想,所以學校並沒有"特別"照顧, 但升小二後老師有要求,仔多咀,多手,周身郁,小二呢年情況差了很多, 成績同操行跌了很多, 比老師投訴多,無同學唔願意同阿仔玩,呢一年明顯見仔唔鐘意返學,連帶在家時都出現好多問題

作者: fishcowcow 時間: 16-2-24 14:13

既然老師建議評估, 最好就去排期做喇, 做左出黎睇下咩RESULT先再作打算, 唔洗咁快諗到去食藥階段, 因為評估係唔會開藥的(評估巳經要排1年多), 如有問題再轉介精神科又要再排2,3年, 所以咩都排左隊先, 唔排就咩都無

作者: a_for_apple 時間: 16-2-24 21:45 標題: 回覆：如果幼稚園老師建議做評估，一定要去做評估嗎？

老師見好多小朋友，相信一定有原因地叫你去做評估。幼稚園階段只係初步評估，冇咁快確診，但排期都需要時間，建議都係排咗先。

其實你仔嘅老師好細心，睇到小問題就同你講，我仔當年幼稚園老師原全冇留意到阿仔有問題，好彩有小童群益會社工同我哋講，唔係等佢上小學，問題好嚴重先排期就太遲了

作者: bksummer 時間: 16-2-25 12:02

多謝o甘多位熱心媽咪意見

作者: I_O_U_baby 時間: 16-2-25 14:27

老師建議咪排下,睇左無壞, 睇左唔係咪唔駛跟進.

我囝K2時老師叫我同佢CHECK資優,
去小童群益會做, CHECK 左只係智商高少少,未到資優,
但就話佢九成係ADHD.
排左CAC 同精神科, 做過專注力評估,
都係KEEP 住跟進.
最近再見臨床, 話覺得佢都唔係好活躍,
亦唔覺佢有專注力不足.
等上小學時再跟進. 如果到時真有問題就可以即時跟進,
其實我覺得最主要係睇小朋友學習有無問題,
如跟唔跟到課程,做功課會唔會有困難,如果學習無問題,
亦唔會在課室搞搞震,基本上都唔駛點跟進.
可以CLOSE FILE. 總之有得睇咪排下先.

歡迎光臨教育王國 (/)