教育王國

標題: 問: 打機遊戲點數 ? [打印本頁]

作者: andywmama 時間: 16-2-18 23:43 標題: 問: 打機遊戲點數 ?

本帖最後由 andywmama 於 16-2-18 23:54 編輯

請問而家大部分中學生打機都會買點數？因之前出手機比佢時，已同仔協議如打機唔可以買點數，唔可以用錢買咭等，因為會好似上引咁，收唔到，佢都應承咗，但而家我就發現佢買咗遊戲儲值卡,點數，而且見佢好似好大打機引，因我每月比零用錢應該唔夠佢買點數.
我見佢有玩全民槍戰之類既GAME.
請問而家打機是否大部份都要買點數？
請問我應該點做?

作者: Yanamami 時間: 16-2-19 07:37

收机｡趁F1仲可以控制到，再大㽼d佢同你反面~父母同佢一齐开大会，同佢正式講下用手机同讀書态度……

作者: TwinWong 時間: 16-2-19 07:58 標題: 引用：+本帖最後由+andywmama+於+16-2-18+23:54+

原帖由 andywmama 於 16-02-18 發表
本帖最後由 andywmama 於 16-2-18 23:54 編輯

請問而家大部分中學生打機都會買點數？因之前出手機比佢時 ...

換低存量G数電話比佢只夠上网check 野复whapsapp 同普通遊戲用
online Game 容量大今日夠力download 但更新同玩内咗就快爆儲存量玩唔到

作者: mrschan256 時間: 16-2-19 08:29 標題: 回覆：TwinWong 的帖子

要同佢傾，佢已經大過，佢唔明你點解要咁做，以後咩都唔同你講就麻煩！

可唔可以做d大家都會做嘅嘢，occupy佢嘅時間，例如 camping, playing bridge, even go to AIA Carnival?

作者: schumacher 時間: 16-2-19 09:37 標題: 回覆：問: 打機遊戲點數 ?

重新簽協議，打機可以，但係一定要在完成功課的前提，而且學業同運動要達到一定標準。

作者: palmchristy 時間: 16-2-19 11:25

打機用錢買點數, 係好大件事. 為了讓遊戲主角增強實力, 要不斷增強裝備, 咁就要用好多點數, 否則遊戲角色的能力會被大大限制, 跟唔上其他有買點數的網友, 所以未開始儲還好, 一開始儲的, 基本上無可能走返轉頭停儲, 除非放棄唔用該角色玩遊戲.

所以最好大刀闊斧, 要佢考慮停玩該角色. 做法係完全唔接觸該遊戲一個月, 咁佢角色的能力就會大幅降低, 再接手玩返都追吾返個失去的進度, 咁就無乜動力玩落去. 如果佢仲想玩, 就叫佢去新服開個新角色, 在絕不儲點數的情況下玩.

作者: andywmama 時間: 16-2-19 18:22 標題: 回覆：palmchristy 的帖子

我見佢玩全民槍戰game ,這game 是否不斷要買點數？
可唔可以唔買點數的？

作者: andywmama 時間: 16-2-20 00:51 標題: 回覆：andywmama 的帖子

我同佢傾咗，話唔想佢再玩啲要買點數game,佢話而且9成都係要買點數的，

，是否現在中學生玩的Game 真的大部分是要買點數的？我話原來打機就要不斷比買錢打囉

，
請問而家手機打機真的9成都要買點數？？
佢話唔果唔係就唔好玩。

作者: MariaTsui 時間: 16-2-20 11:57 標題: 引用：我同佢傾咗，話唔想佢再玩啲要買點數game,

原帖由 andywmama 於 16-02-20 發表
我同佢傾咗，話唔想佢再玩啲要買點數game,佢話而且9成都係要買點數的，
，是否現在中學生玩的Ga ...

你最好問清楚個game叫什麼名，上網check下是否真的要買點數卡，因為點數卡可能是增強武器，有時不是必須買，只是沒有強武器，就過不了關。

哥哥讀中二都有打機，他玩的game不需要買點數卡。

作者: andywmama 時間: 16-2-20 21:26 標題: 引用：Quote:原帖由+andywmama+於+16-02-20+發表

原帖由 MariaTsui 於 16-02-20 發表
你最好問清楚個game叫什麼名，上網check下是否真的要買點數卡，因為點數卡可能是增強武器，有時不是必須買 ...

請問唔使買點數係咩game?

作者: 洋蔥頭媽咪 時間: 16-2-20 23:00 標題: 引用：我同佢傾咗，話唔想佢再玩啲要買點數game,

原帖由 andywmama 於 16-02-20 發表
我同佢傾咗，話唔想佢再玩啲要買點數game,佢話而且9成都係要買點數的，
，是否現在中學生玩的Ga ...

我仔已高中經常打機，佢從來唔會玩要用錢買點數嘅game , 佢有同學有玩，但佢提過果啲game要不停用錢買武器/裝備，係無底深潭，不停比錢買又會比人偷，要用咁多錢玩好豬，佢玩好多類型嘅 game 都唔會用錢。
講番轉頭，初中生自我控制能力弱，容易沈迷玩 game 不能自拔，讀書成績亦會變差，既然孩子未能守之前承諾，建議你要收機，再與孩子從新定立守則，約法三章，在能控制範圍盡量控制，否則孩子一旦失控，想救就唔容易。

作者: MariaTsui 時間: 16-2-21 10:58 標題: 引用：Quote:原帖由+MariaTsui+於+16-02-20+發表

原帖由 andywmama 於 16-02-20 發表
請問唔使買點數係咩game?

我囝有玩神魔之塔，怪物彈珠……全部都可以不買點數卡，他不玩打仗game。

作者: aeiou_drm 時間: 16-2-23 15:53

我仔有玩 Clash of Cans，怪物彈珠…全部都可以不買點數卡

作者: 黃巴士 時間: 16-2-24 18:01

本帖最後由黃巴士於 16-2-24 18:03 編輯

我仔曾有用零用錢買點數打GAME, 之後被我們發現, 我們沒有收機, 沒有限制, 少少怪責, 再與他商討後, 指出這是非常愚蠢(ON居)的事, 他都認同買了點數後十分後悔, 有被引誘所欺騙而浪費金錢, 我說你用錢可買電話殼, 插座插線, 衣物等.... 買了點數卡, 只求一刻快感, 他明白了, 我亦相信以後他再不會重犯了. 當中, 他嘗試用其他方法轉移點數取回金錢, 當然地是沒結果啦. ANYWAY, 我不是認同孩子的做法, 但遇到這些事情, 不妨當是上了一堂課, 限制只可收一時之效, 要他們早日明白箇中問題, 才可令他們成長.

歡迎光臨教育王國 (/)