教育王國

標題: 做嘢超慢係咪ADHA一大特徵? [打印本頁]

作者: JeannieCheung    時間: 16-2-17 22:53     標題: 做嘢超慢係咪ADHA一大特徵?

阿囡5歲半。由K2開始見每次家長老師都係話佢專注力比較差,做嘢慢。嚮屋企我對住佢都經常俾佢搞到情緒失控。教佢放學回家先洗手再拎毛巾盒水杯出來,差唔多兩年,仲係每次要我提。食飯每餐都要食個幾兩個鐘。因為番下午班,已經無辦法要將早餐連午餐一起吃,10:30食到12點番學。早上起床叫佢刷牙,入咗廁所就好似唔識番出來。望住佢就好地地,眼睛一移開,佢就會發夢兼遊魂。放學做功課又係要搞成兩個鐘。試過觀察佢,發現佢打開本功課,但係點都唔落筆,佢會自言自語,唱歌,睇番之前做過啲功課,玩文具,玩自己啲衫褲鞋襪,又會搵D話題趁機走開。每日都同佢同時間競賽,好怕上到小一唔知點算。問咗社工,佢話未到小一都唔應該確診ADHA。所以建議我小一先check, 但如果係嘅話我搵學校都可以有個心理準備。其實我個囡好懂事,每次都喊哂同我講會記住,又會氹番我,但係佢好似控制唔到自己咁。我怕再咁落去,我哋嘅關係會越來越差




作者: kitty8088    時間: 16-2-17 23:18

JeannieCheung 發表於 16-2-17 22:53
阿囡5歲半。由K2開始見每次家長老師都係話佢專注力比較差,做嘢慢。嚮屋企我對住佢都經常俾佢搞到情緒失控 ...
其實係專注力不足的特徵

作者: metrochung    時間: 16-2-18 15:43     標題: 引用:阿囡5歲半。由K2開始見每次家長老師都係話

原帖由 JeannieCheung 於 16-02-17 發表
阿囡5歲半。由K2開始見每次家長老師都係話佢專注力比較差,做嘢慢。嚮屋企我對住佢都經常俾佢搞到情緒失控 ...
我仔幼稚園時食飯慢到同校長一齊食,有D似adhd ,同老師傾下,可轉介




作者: wan_sosin    時間: 16-2-18 16:29     標題: 回覆:做嘢超慢係咪ADHA一大特徵?

你打算去邊度評估?除非去私家,否則上到小一先排政府就遲!排到都可能小三了!你囡囡明顯專注力弱,其實都5歲半了,早些搵出原因好D,就算未能確診都最少可以有得跟進!




作者: lillymarie    時間: 16-2-18 18:51

我仔K2時被老師改花名叫佢做「慢世魔王」,話個個學生入到課室第一時間到書包櫃拎毛巾盒出來,放好書包然後到座位坐好。我個仔去到書包櫃就企咗响度唔郁,提一提佢就做一樣然後再定鏡口一口一郁。當時老師仲話佢「無野飛過都可以分心」。

我當年立即替他轉去間全日的幼兒園,那間學校每天都有特定的時間表,阿仔開心咗好多。但老師在成績表仍提及他專注力弱。因為學生每天都要完成四樣活動,阿仔每次只能夠完成最多三樣。

因我仔唔會彈來彈去,又唔會攪同學或和老師搞對抗,所以無人覺得佢係ADHD。直到升上小學才出現問題,成日因上課在座位上扭來扭去,書包課本散在一地,被老師罰。做功課好慢,又成日犯大意錯誤,功課改正完再改正,改到老師放棄。小三下學期才確診是ADHD!

不過咁,當年做評估發現阿仔除了ADHD之外,小肌肉發展較同齡小朋友慢了三年!空間感亦好差!這是他寫字寫得好慢和中文字永遠都寫唔靚的原因!
作者: CathyChan1126    時間: 16-2-19 18:07     標題: 引用:阿囡5歲半。由K2開始見每次家長老師都係話

原帖由 JeannieCheung 於 16-02-17 發表
阿囡5歲半。由K2開始見每次家長老師都係話佢專注力比較差,做嘢慢。嚮屋企我對住佢都經常俾佢搞到情緒失控 ...
我仔仔都係咁,
一樣,
依家評估左係adhd,
我仔上到小一先做評估,我覺得太遲,
最好係上小學個暑假評估,
因為到時可以交報告比學校,
早早準備




作者: CathyChan1126    時間: 16-2-19 18:13     標題: 引用:我仔K2時被老師改花名叫佢做「慢世魔王」,

原帖由 lillymarie 於 16-02-18 發表
我仔K2時被老師改花名叫佢做「慢世魔王」,話個個學生入到課室第一時間到書包櫃拎毛巾盒出來,放好書包然後 ...
請問依家你阿仔係咪都係咁慢?
食左藥會唔會好小小
因為我仔都係咁
成日比老師罰




作者: lillymarie    時間: 16-2-19 20:34

CathyChan1126 發表於 16-2-19 18:13
請問依家你阿仔係咪都係咁慢?
食左藥會唔會好小小
因為我仔都係咁
食咗藥:脫胎換骨
作者: lillymarie    時間: 16-2-19 20:59

寫字當然比同學慢啦,因為肌肉發展無得急,但亦改善了
作者: JeannieCheung    時間: 16-2-20 01:30     標題: 回覆:CathyChan1126 的帖子

其實如果有報告學校會點跟進?好怕阿囡會俾人標籤。係咪好多時係學校覺得有問題而叫家長check?




作者: lololala    時間: 16-2-25 11:30

lillymarie 發表於 16-2-19 20:34
食咗藥:脫胎換骨
請問正在服那一種藥?
作者: lillymarie    時間: 16-2-25 20:49

lololala 發表於 16-2-25 11:30
請問正在服那一種藥?
兩隻藥都食過,效果最好是Ritalin
作者: 準媽咪    時間: 16-3-4 16:39

吓??! 以為 慢條斯理 系性格呢 !!?.

因為爸爸都系咁!

作者: lillymarie    時間: 16-3-4 20:19

本帖最後由 lillymarie 於 16-3-4 20:31 編輯
準媽咪 發表於 16-3-4 16:39
吓??! 以為 慢條斯理 系性格呢 !!?.

因為爸爸都系咁!

相信慢條斯理和專注力不足做野慢是有分別的
慢條斯理 - 可以是好知道自己要做甚麼,用自己舒服的速度慢慢完成
專注力不足的慢 - 是企响度唔知自己要做乜,好耐都完成唔到指令



作者: zebrabb    時間: 16-3-5 00:10     標題: 引用:+本帖最後由+lillymarie+於+16-3-4+20:31+

原帖由 lillymarie 於 16-03-04 發表
本帖最後由 lillymarie 於 16-3-4 20:31 編輯
請問專注力不足的慢,是日常生活的慢,但是,在其他地方可以坐定定甘,如畫畫,寫字。有無機會是adhd呢?




作者: lillymarie    時間: 16-3-5 05:36

本帖最後由 lillymarie 於 16-3-5 05:38 編輯
zebrabb 發表於 16-3-5 00:10
請問專注力不足的慢,是日常生活的慢,但是,在其他地方可以坐定定甘,如畫畫,寫字。有無機會是adhd呢?



  ...

這個網頁有關於專注力不足的資料:http://www.heephong.org/webprod/cht/child-development-and-training/ADHD


了解兒童及青少年AD/HD
專注力不足/過度活躍症 (Attention Deficit/ Hyperactivity Disorder, AD/HD)是一種神經出現生理異常情況,根據一項調查顯示,全球兒童專注力不足及過度活躍症發病率約為3%-7% 1;而本港6 - 16 歲的兒童,AD/HD的發病率與國際數字相若;男比女的病發率為高,兩者的病發比例約為5比1 4。估計約有超過40,000名本港兒童及青少年是 AD/HD的患者,但確診人數遠低於此,所以發病率可能遠遠被低估。醫學界至今還未完全找出其成因,但相信跟腦部疾病、腦部化學傳遞或物質失去平衡,以及家族遺傳等因素有關。​


專注力失調:
與同齡的孩子相比,AD/HD兒童及青少年經常無法注意細節、容易因粗心大意而犯錯、在做功課或遊戲時難於維持專注力、無法專心聆聽別人與他說話、做事缺乏條理、不能完成指定工作,又或容易受外界干擾而使注意力分散等。
例如某些AD/HD孩子在測驗時,做一、兩條題目後已不能集中精神,或會在玩弄筆桿、或常大意出錯(不應錯的都可能會出錯!)。而其中部分孩子在做功課時,完成速度比較慢,例如正常兒童及青少年用1 個多小時已可完成所有功課,但他們可能需要花上4-5小時。因此,他們常因未能完成功課而欠交,即算能完成,也或會因忘記帶功課而不能遞交,甚至帶了功課回校也忘記交給老師,令他們的學業成績一般較差。


活動量過高:
AD/HD孩子在幼兒期已經表現出比同齡兒童的過高的活動量,症狀可維持至青少年期,部份甚至延至成年期。他們一般都無法安靜下來,但不少家長卻以為這些屬正常現象而不會特別處理,直至孩子入讀小學後,當校規及其他環境限制較嚴謹時,他們的AD/HD徵狀便容易被察覺,例如不停扭動身體、亂跑亂爬、無法安靜地參與活動,以及經常表現出精力旺盛等問題。


自制能力弱:AD/HD兒童及青少年經常騷擾別人,他們的自制能力明顯低於同齡孩子,例如在回答問題時,他們會經常搶著說出答案、打斷別人談話,或於排隊時插隊或在輪候時騷擾他人。

摘自 http://www.adhd.org.hk/child-adhd.aspx



作者: zebrabb    時間: 16-3-5 09:57     標題: 引用:+本帖最後由+lillymarie+於+16-3-5+05:38+

原帖由 lillymarie 於 16-03-05 發表
本帖最後由 lillymarie 於 16-3-5 05:38 編輯
謝謝




作者: 準媽咪    時間: 16-3-7 20:54

呢兩日睇左一本有關 ADHD 既書, 內有幾頁 "自行評估" 既小測, 做左之後, 我認為仔仔無咩問題; 如果硬要比個尺度佢, 就系最輕微既一個


不過, 既然醫生建議觀察, 我地都會照去既

作者: may_chung    時間: 16-3-9 13:46

提示: 作者被禁止或刪除 內容自動屏蔽




歡迎光臨 教育王國 (/) Powered by Discuz! X1.5