教育王國

標題: 培僑 vs st Margaret coed [打印本頁]

作者: littlemonkey 時間: 16-2-13 23:42 標題: 培僑 vs st Margaret coed

2選1，唔知邊間好。求意見，請指教!

作者: siden 時間: 16-2-14 00:02

中學表現應該Smc 好些。

不過Pk是一間有心辦的學校，我估Dse慢慢會有進步。

最好聽用家分享。

另外住邊都要考慮。

作者: hippoo 時間: 16-2-14 01:01

兩間中學邊間中學升大學成積好D?

作者: mokimui 時間: 16-2-14 08:24 標題: 回覆：培僑 vs st Margaret coed

一間4500，一間2500，價錢差一倍，地點也要考慮啊

作者: mokimui 時間: 16-2-14 08:27 標題: 引用：2選1，唔知邊間好。求意見，請指教!

原帖由 littlemonkey 於 16-02-13 發表
2選1，唔知邊間好。求意見，請指教!

樓主不是有仁立offer嗎？

作者: rognfan 時間: 16-2-14 12:56 標題: 回覆：培僑 vs st Margaret coed

push. 我都想知

作者: teambuilder 時間: 16-2-14 15:27

我當年沒有smc offer, 但我其實都心儀smc的。說實話我想揀間英文語境好既學校，類似陳守介果d，而陳守仁我小朋友只入到2nd in。

但一諗到smc 學費(同陳守仁比差double)再望多眼培橋個校舎，我覺得有培橋offer真係好幸運。而培橋既校長同老師同家教會家長又真係又好人又投入喎，如果唔係一定要入免費名校的話，培橋真係非常唔錯。今年到我細女考我都未必會考smc，學費4字頭感覺幾貴。

作者: mokimui 時間: 16-2-14 17:03 標題: 引用：我當年沒有smc+offer,+但我其實都心儀smc的

原帖由 teambuilder 於 16-02-14 發表
我當年沒有smc offer, 但我其實都心儀smc的。說實話我想揀間英文語境好既學校，類似陳守介果d，而陳守仁我 ...

No ar, 陳守仁1500， SMC 4500, 3倍啊！

作者: 9284 時間: 16-2-15 13:52

本帖最後由 9284 於 16-2-15 14:03 編輯

SMC個地點真係好吊腳, 南昌站行好鬼遠先出到閘, SMC附近好多地盆, 培僑個位置雖然唔好得好多, 但起碼叫係市中心, 坐完地鐵, 行上山15分鐘又得, 坐小巴又得, 校舍又大, 淨係校舍都羸哂, 山上空氣超好, 而且培僑背靠祖國, 真係好鬼多資源, 培僑中文都幾深, 而家中文真係難學過英文好多好多, 而且培僑小朋友讀得好開心, 佢地除了中英數常主科, 其他科目真係比小朋友放鬆心情的(例如PE一星期上3個鐘, 無咩邊間學校做到), 英藝中藝音樂都係比學生擴闊視野為主, 唔洗考和測, 我覺得呢D先係有人性的學校, 唔會一味谷到D小朋友死

作者: hosinai2012 時間: 16-2-15 16:16 標題: 回覆：littlemonkey 的帖子

Smc學多一門外語，一條龍學到中學可作外語考試，中學DSE成績又好，培僑考大學成績和英文語境無Smc好，但校舍大，視乎你點衡量想要咩

作者: beautyhar 時間: 16-2-15 22:54 標題: 引用：+本帖最後由+9284+於+16-2-15+14:03+編輯+\

原帖由 9284 於 16-02-15 發表
本帖最後由 9284 於 16-2-15 14:03 編輯

SMC個地點真係好吊腳, 南昌站行好鬼遠先出到閘, SMC附近好多地 ...

哈哈...好一句人性化學校, 非常讚成 !! 無論你小朋友系邊一方面有長處, 培僑都吾會埋末, 令小朋友好有自信, 有好多機會去發輝。

作者: October 時間: 16-2-17 11:02

小朋友K2, 要想想了, 這所學校難入嗎?? 會考什麼?? 要見家長嗎??

謝謝.

作者: prettydora 時間: 16-2-17 11:05

提示: 作者被禁止或刪除內容自動屏蔽

作者: ykk9y 時間: 16-2-17 12:17

本帖最後由 ykk9y 於 16-2-17 12:18 編輯

培僑 has lots of resources, and at the end, resources is important!!!

作者: littlemonkey 時間: 16-2-17 13:14

本帖最後由 littlemonkey 於 16-2-17 13:14 編輯

回覆 prettydora 的帖子

好多謝各位的寶貴意見。Dora, 請問培僑比SMC邊方面好啲?

作者: karaqueenie 時間: 16-2-20 20:49

本帖最後由 karaqueenie 於 16-2-26 16:10 編輯

其实每間学校也有好和不好的地方,我經歷插班後,真的感受到只有合適的学校,沒有最好的学校

作者: pamelasusu 時間: 16-2-24 12:34 標題: 引用：其实每間学校也有好和不好的地方,我經歷了

原帖由 karaqueenie 於 16-02-20 發表
其实每間学校也有好和不好的地方,我經歷了小二的插班後,真的感受到只有合適的学校,沒有最好的学校 ...

結果插班成功了麼。。想聽關於 “適合，不適合” 的感想

作者: karaqueenie 時間: 16-2-26 16:09

我小朋友比較坐唔定, 你要佢在家坐定定做功課, 真係無可能, D功課本身1.5小時可完成, 但響佢手就要3個鐘, 小一入左一間學術型學校(有小小名), 除了PE堂, 小息, 其他時間全程要乖乖全低聽書, 如果PE堂下雨, 就更加連PE堂都要上堂, 唸起都慘, 所以呢D咪唔適合我小朋友, 早走早著

入左培僑, 雖然未至於勁FREE, 但起碼我會知道我小朋友有足夠的活動(最少三小時/WEEK的PE堂), 每星期會有D課堂比小朋友去佢地1/F的超大圖書館借書(係上緊堂的時間), 有中藝(大戲, 京劇等), 英藝(DRAMA) , 音樂(學中/西式鼓) , 電腦堂, 就算有時中文堂, 我聽佢講都話有部份時間係玩遊戲的(應該RELATED TO 課文內容), 又有OUTING活動, 我只見我小朋友開朗左好多

作者: gillielam 時間: 16-2-26 17:13

karaqueenie 發表於 16-2-26 16:09
我小朋友比較坐唔定, 你要佢在家坐定定做功課, 真係無可能, D功課本身1.5小時可完成, 但響佢手就要3個鐘, ...

請問你考培僑插班要交推薦信，係邊個寫的推薦信？而課外活動證明，是交甚麼？收據？謝謝

作者: hoihoima 時間: 16-2-26 18:55

October 發表於 16-2-17 11:02
小朋友K2, 要想想了, 這所學校難入嗎?? 會考什麼?? 要見家長嗎??

謝謝.

舊年不用見家長

作者: karaqueenie 時間: 16-2-27 01:03

gillielam 發表於 16-2-26 17:13
請問你考培僑插班要交推薦信，係邊個寫的推薦信？而課外活動證明，是交甚麼？收據？謝謝 ...

咩推廌咩奬咩活動都係假,他們一律以插班筆試為主,考插班做了三小時的中英數卷,眼見六七十人考,其實都係得幾個有second in, 面見以為只係傾計,原來對話當中也要叫小朋友寫D野的,所以雖然此校愉快学習,但此終世界就係咁現實,做卷就係想收有質素的好学生

作者: gillielam 時間: 16-2-27 09:11

回覆 karaqueenie 的帖子

Thanks!

作者: teambuilder 時間: 16-2-28 05:07

回覆 karaqueenie 的帖子

培橋係愉快學習，但課程都幾深，尤其係中英文，如果小朋友學術基礎麻麻地又想唔溫習以逸待勞，應該好大機會會跟唔上。再加上近幾年出生率高多人競爭，間間學校基本上都多人爭左。

作者: Jane1983 時間: 16-2-28 09:17

回覆 karaqueenie 的帖子

課程編排很有心思，👍！

作者: beautyhar 時間: 16-2-28 12:13 標題: 回覆：培僑 vs st Margaret coed

小一下學期今期module系animal, 已經學到mammal, amphibian,reptiles,etc, 重要分vertebrate and invertebrate animals. 因為结合部份常識,課程好有趣,小朋友睇完youtube, 又有group discussion。老師會叫小朋友每人带2張動物圖晝返去互動同回答老師問題。我冇比較其它學校, 但最緊要我囝會喜歡學習又吾會悶。

作者: bbb330 時間: 16-3-2 16:38

回覆 beautyhar 的帖子

真心請教培僑英文程度好嗎??課程如何

作者: karaqueenie 時間: 16-3-2 18:25

ykk9y 發表於 16-2-17 12:17
培僑 has lots of resources, and at the end, resources is important!!!

同意你講法,以前間学校, 睇牙科保健,要家長放学後帶小朋友去,而家培僑, 学校包埋車,成班小朋友一次過在上堂時間去,老師睇住,所以学校資源多與少,都可以影响好大

作者: catcatbaby121 時間: 16-3-3 07:50 標題: 回覆：karaqueenie 的帖子

而家好多學校的牙保和健康檢查都係健康院會安排專車接送，唔同以前了。

作者: catcatbaby121 時間: 16-3-3 07:52 標題: 回覆：catcatbaby121 的帖子

車上的褓母都係健康院和牙保中心派。政府資源好好。

作者: karaqueenie 時間: 16-3-3 08:09

本帖最後由 karaqueenie 於 16-3-3 08:13 編輯

catcatbaby121 發表於 16-3-3 07:50
而家好多學校的牙保和健康檢查都係健康院會安排專車接送，唔同以前了。

...

此言差矣,起碼我之前間私校仲係要家長放学自行帶小朋友去,我意思係想講,私校可能人手不足,行政工作無咁多人手,所以私校小朋友又比起出面D小学小左D人為的福利

作者: hkpapa852 時間: 16-3-3 08:17

karaqueenie 發表於 16-3-2 18:25
同意你講法,以前間学校, 睇牙科保健,要家長放学後帶小朋友去,而家培僑, 学校包埋車,成班小朋友一次過在上堂 ...

其實好多津校都有呢個安排，無乜特別。

作者: stockmike 時間: 16-3-3 10:43 標題: 回覆：培僑 vs st Margaret coed

小弟意見係如屋企未能安排英普語境學習，小學時應揀相關強的學校，小童學習外語有黃金年期，錯過咗小學便很難在中學攪得好 (我指的是 oral 及 listening). 可能有人話有好小學上好中學上埋大學。但出來做事，英普自信流利一定行前過口窒窒個班，機會俾人多。如唔滿意中學，最多啜完小學中學轉校，有實力不怕没有中學。

作者: karaqueenie 時間: 16-3-3 13:18

hkpapa852 發表於 16-3-3 08:17
其實好多津校都有呢個安排，無乜特別。

津校有無呢个安排我唔知,我未讀過！我一直都只係話資源比較少的私校,好難安排足夠人手去處理呢D行政野,培僑只係一間我認為資源充足的学校之一,compare番之前果間私校,對我來說已經很特別了,這可以嗎？

作者: 麥子仲肥 時間: 16-3-3 14:21

回覆 karaqueenie 的帖子

請問你之前係邊間私小

作者: daddykei 時間: 16-3-3 15:07 標題: 回覆：培僑 vs st Margaret coed

我知道好多津校為咗追課程，唔想浪費上課時間，所以叫家長自行帶小朋友去檢查，我身邊嘅朋友大多係自行帶去，每間學校做法不一而已！

但我非常認同為小朋友選擇合適學校的重要性，每位小朋友都是獨立個體，需要嘅都唔一樣，只有家長最清楚，有些注重英語外語發展，有些注重各方面平均發展，每間學校特色不同，何須比較高低，只須比較合適不合適便好。

我的小朋友在培僑各方面都發展得不錯，喜歡上學，自信好學，學校給家長的自主度也大。對我而言平均發展很重要，這便是合適我小朋友的學校。

作者: 9284 時間: 16-3-3 16:49

stockmike 發表於 16-3-3 10:43
小弟意見係如屋企未能安排英普語境學習，小學時應揀相關強的學校，小童學習外語有黃金年期，錯過咗小學便 ...

近幾日培僑安排每班的每個小朋友都有機會在大操場在小息時間,在全校同学面前表演普通話劇及詩, 很欣賞校方經常比機會小朋友站出來表演,培養自信,不会只有叻叻的才有表演機会！值得鼓勵

作者: stockmike 時間: 16-3-3 17:25 標題: 回覆：培僑 vs st Margaret coed

我都好欣賞培橋是一間肯俾機會非尖子作表演練胆練表達，我今年也有考培橋但只得 waiting. 但我上文所說的理想語境是要有 interacting ，同學與同學間私下在校都會講嗰種。單向接收或上堂老師講同學答個種非生活化語境始終是不足夠。我在此單指 Margaret 語境較好，所以才說家中未能提供相關語境或揾人增潤語境的可以將 Margaret 作較前考慮，而我個人是相信培橋課程較佳的。

作者: 9284 時間: 16-3-3 18:13

沒有絕對好,或絕對差的学校,正如我之前也有考st Margaret一樣,只是不收而已,但我相信培僑更適合我小朋友。培僑每班也有幾位非廣東話生,説英又有,說普也有,我相信是学校特別编排的,而教英或教普的老師不論任何時候和学生說話也是全英/普的

作者: daddykei 時間: 16-3-7 18:03 標題: 回覆：培僑 vs st Margaret coed

其實在培僑，每日都很多時間需要講英文，因為每位老師都有特定語言，所以每天學生都要不停轉台，英/普/粵都需要用到，三語並行。囝囝今年兩位班主任特定語言都是英語，所以大部分時間都在講英文，而在班中跟同學交談都要用英語，當然如老師不在時都會偷雞講廣東話啦。每天和班主任相處的時間其實都頗多的，所以囝囝今年英文進步得很快。

作者: Catjuicy 時間: 16-3-16 19:48 標題: 引用：2選1，唔知邊間好。求意見，請指教!

原帖由 littlemonkey 於 16-02-13 發表
2選1，唔知邊間好。求意見，請指教!

小朋友讀培僑個人感受
中文，課程內容無意見，默書兩三星期一次
英文，教得深，但小朋友學得有興趣，唔驚英文，反而最喜歡英文，學校自定課程，不用買市面上的補充練習。一年幾次project ,著重過程，製成品其次。英文通常無功課，功課係上網睇英文書。每星期默簡單嘅詞語，每個詞語真係知道點用，識運用。
數學，無教深，所以留心上堂已應付，每日二至三版功課，合理量
成長，無教深，但考試題目要靠上堂專心
音樂，有系統
英藝，小朋友識多左外國嘅歌同歌星，每星期好期待
中藝，要唱下中國歌仔，三字經
運動，無意見

整體我小朋友返學開心，培僑俾我小朋友最大得著係，每晚有時間玩，有時間睇自己鍾意的書。又唔洗成日默書，所以我地星期六俾小朋友學鍾意的興趣班，星期日family day.

以小朋友需要黎講，培僑課程真係為小朋友而做，而唔係為左show漂亮成績而做

間間都係好學校，睇下小朋友性格，睇下家長想小朋友條路係點，想谷出好成績，培僑就唔多岩。

作者: steveppc 時間: 16-3-17 12:22

回覆 Catjuicy 的帖子

想CONFIRM 多次, 大家講梗培僑係培僑小學定培僑書院, 驚搞錯~~~

作者: Joycemom 時間: 16-3-17 13:46 標題: 回覆：培僑 vs st Margaret coed

係講緊大圍嘅培僑書院，直資學校，要自行報名考入。

作者: beautyhar 時間: 16-3-17 16:26 標題: 回覆：培僑 vs st Margaret coed

講D好笑野..我囝囝英文都算吾錯, 但有時上英文堂同小朋友交談吾小心講着中文, 即時俾隔壁個女同學"舉發"佢講中文

结果就要小息去高一年级選一本書仔讀出來。返来報告我知..笑死

作者: DevilPig 時間: 16-3-17 18:59 標題: 引用：小弟意見係如屋企未能安排英普語境學習，+

原帖由 stockmike 於 16-03-03 發表
小弟意見係如屋企未能安排英普語境學習，小學時應揀相關強的學校，小童學習外語有黃金年期，錯過咗小學便 ...

好中學亦唔多，插班亦唔易，轉學對小孩子身心唔好，理想真係好既一條龍讀上去。

作者: DevilPig 時間: 16-3-17 19:04 標題: 引用：回覆+karaqueenie+的帖子培橋係愉快學習

原帖由 teambuilder 於 16-02-28 發表
回覆 karaqueenie 的帖子

培橋係愉快學習，但課程都幾深，尤其係中英文，如果小朋友學術基礎麻麻地又想唔 ...

有時唔明，新興直資私校課程好，點解 DSE 成績仍然追唔上傳统名校？

作者: Catjuicy 時間: 16-3-17 19:21 標題: 回覆：steveppc 的帖子

我小朋友讀大圍果間

作者: babaxmama 時間: 16-3-17 19:24 標題: 回覆：培僑 vs st Margaret coed

傳統名校學生intake 個個已經band one, 新校開校初期的intake quality多數麻麻, 假以時日，過多幾年，自己親生仔考dse 先見真章。不過培僑去年入U%(堅係ugc degree) 都有44%, 都比得上一般band 1C 英中了。

作者: littlemonkey 時間: 16-3-24 13:51

回覆 babaxmama 的帖子

好多謝各位的寶貴意見，週圍的朋友都話培僑唔錯。但校長點解咁強調親生仔哩樣嘢反而令我起疑。培僑已開辦好幾年，假設1個小朋友係培僑讀了3-5年，成績方面，學校應該都能够幫小朋友追上落後的地方。但為何校長仍特別強調親生仔哩樣嘢。

作者: JadeW 時間: 16-3-24 14:18 標題: 回覆：littlemonkey 的帖子

因為校長覺得親生仔成績會更上一層樓！

作者: babaxmama 時間: 16-3-24 15:41 標題: 引用：回覆+babaxmama+的帖子好多謝各位的寶貴

原帖由 littlemonkey 於 16-03-24 發表
回覆 babaxmama 的帖子

好多謝各位的寶貴意見，週圍的朋友都話培僑唔錯。但校長點解咁強調親生仔哩樣嘢反 ...

親生仔係指學生由grade 1 開始讀起的那一批，培僑12年來的栽培就會見真章，正正意味著校長充滿信心。

作者: stockmike 時間: 16-3-25 00:21 標題: 引用：Quote:原帖由+stockmike+於+16-03-03+發表

原帖由 DevilPig 於 16-03-17 發表
好中學亦唔多，插班亦唔易，轉學對小孩子身心唔好，理想真係好既一條龍讀上去。

...

小學轉中學我諗大部份家長都經歴過，只講小弟並無因此有不快經驗，嗰個時期正常小朋友重想識多啲唔同朋友，見吓唔同人都係進步的機遇，所以轉校應該問題不大。至於好中學難插問題，就如呢度大師兄師姐成日講，大部份家長都諗自己小朋友將會是 band 1, 實際 band 2甚至 band 3都想法子放入 band 1 中學，唔夠實力自然難考無實力咪原校上囉！都係中一啫，計考 DSE 重未輸。

作者: teambuilder 時間: 16-3-25 16:30

回覆 littlemonkey 的帖子

起初我都同你一樣質疑親生仔說法，認為就算唔係親生，好多學生都讀左十年八年，點都算係培橋教出黎。但自我小朋友上左小學之後，我發現每個小朋友資質同程度都有好大分別，而99%家長都會首選名校。所以直接d講，十年前培橋收番黎的學生程度應該唔方好，如果咁都有44%入八大資助學位，叫幾好。

作者: littlemonkey 時間: 16-3-25 21:17

回覆 teambuilder 的帖子

謝謝你提醒，有可能係小朋友本身資質問題。

作者: littlemonkey 時間: 16-4-4 23:08

回覆 Catjuicy 的帖子

請問培僑往年有冇搞小一體驗班? 如果有，通常係幾時?

作者: DevilPig 時間: 16-4-5 16:19 標題: 引用：回覆+littlemonkey+的帖子起初我都同你一

原帖由 teambuilder 於 16-03-25 發表
回覆 littlemonkey 的帖子

起初我都同你一樣質疑親生仔說法，認為就算唔係親生，好多學生都讀左十年八年， ...

咁 smc 話自己第一屆有 7～8 成 local degree offer, 係咪質素仲好？

作者: teambuilder 時間: 16-4-6 08:28

回覆 DevilPig 的帖子

我都唔清楚smc成績，70% local degree 可以包括自資學位的，不過可能你講得啱架。
SMC 係學費貴d，校舎麻麻地，其他唔清楚。

作者: hkpapa852 時間: 16-4-6 10:33

2014-2015年度畢業生去向統計:

中學名稱	3大比例	本地學士課程比例	本地專上課程比例	專上課程比例 (本地+海外)	學士課程比例 (本地+海外)
聖瑪加利男女英文中學	32.84%	>=40.3%	83.58%	100.00%	>=40.3%
培僑書院	22.00%	47.50%	73.75%	92.50%	62.50%

作者: punlik 時間: 16-4-6 12:06

提示: 作者被禁止或刪除內容自動屏蔽

作者: punlik 時間: 16-4-6 12:30

提示: 作者被禁止或刪除內容自動屏蔽

作者: hkpapa852 時間: 16-4-6 13:30

本帖最後由 hkpapa852 於 16-4-6 13:39 編輯

punlik 發表於 16-4-6 12:06
以4主科平均5級或以上(%)聖瑪加利男女英文中學　

以4主科平均5級或以上(%)

聖瑪加利男女英文中學　<=19.85%，語文科低於全港平均水準

我不清楚妳資料從何以來, 至少我從校網和學校公開資料見唔到你講呢樣嘢.

而且聖瑪加利英文科和數學科既5或以上比例, 係遠高於全港平均, 呢點可以係校網見到:
http://www.smcesps.edu.hk/file/doc/1415_20150827_HKDSE_2015_result.pdf?ts=1459919808

可能通識同中文會差D, 不過入U唔一定要主科要有5級, 4級都足夠有餘 (除非你想係大學讀同語文有關既科目).

而且2015年全港4科主科平均5+只有~12%, 就算只有15%都已經高過全港平均.

當然佢中文科成績可能會差D, 因為非華裔學生較多. 但以100%GCSE中文攞最高級成績, 加埋其它科既成績, 要以Non-JUPAS入U一點都唔出奇

3大一向收Non-JUPAS既學生較多, 平均有~25%, 尤其最多人想入既醫科同法律系.

我見到妳每次人地一讚聖瑪加利既升學率妳就要以一D唔知係邊度收番嚟既風去質疑呢間學校, 莫非間學校同妳有仇?

作者: beautyhar 時間: 16-4-6 14:20 標題: 回覆：培僑 vs st Margaret coed

如果Smc用Non-Jupas成績拉高入U比例, 咁PKC明年開辦GCE/IGCSE, 亦會俾一组同學去考呢两個公開試, 咁又點睇呢? 尼班讀開DSE中文同學考GCE/IGCSEA中文, 基本上都可以攞5* 咁再要比較的就是其它科的比績了。

作者: hkpapa852 時間: 16-4-6 14:26

beautyhar 發表於 16-4-6 14:20
如果Smc用Non-Jupas成績拉高入U比例, 咁PKC明年開辦GCE/IGCSE, 亦會俾一组同學去考呢两個公開試, 咁又點睇 ...

如果又要玩apple to apple比較?
咁駛唔駛叫PKC收番相同比例既非華裔學生? 然後又將學費調整到一樣嚟比?

作者: beautyhar 時間: 16-4-6 14:27 標題: 回覆：培僑 vs st Margaret coed

補充校長已宣佈已全力開辦國際課程已照顧不同程度學生,明年首先從英國招聘10名相關经驗老師,亦開始可以接受一些非中文為母語的學生。

作者: beautyhar 時間: 16-4-6 14:35 標題: 引用：Quote:beautyhar+發表於+16-4-6+14:20+如果

原帖由 hkpapa852 於 16-04-06 發表
如果又要玩apple to apple比較?
咁駛唔駛叫PKC收番相同比例既非華裔學生? 然後又將學費調整到一樣嚟比?
...

因為你地經常用入U率比較我先咁講。
好老實做父母有邊個吾想囝女入U,讀書叻。但不忘提醒適合是最重要, 選校亦要睇下間學校有冇補底,因自己囝女去到茫茫大海裡,未必系最叻!

作者: hkpapa852 時間: 16-4-6 14:42

beautyhar 發表於 16-4-6 14:20
如果Smc用Non-Jupas成績拉高入U比例, 咁PKC明年開辦GCE/IGCSE, 亦會俾一组同學去考呢两個公開試, 咁又點睇 ...

以Non-JUPAS拉高入U率? PKC本身都3.5%學生以Non-JUPAS資格入U.

以Non-JUPAS入U, 又豈只SMC? 以下又舉D例子:

中學名稱	聯招學士學位	3大比例	本地學士課程比例
嘉諾撒書院	39.60%		60.40%
聖言中學	58.89%	45.56%	70.56%
德信	6.32%	5.26%	15.79%

作者: punlik 時間: 16-4-6 15:22

提示: 作者被禁止或刪除內容自動屏蔽

作者: hkpapa852 時間: 16-4-6 15:36

punlik 發表於 16-4-6 15:22
對聖瑪加利絕無偏見，甚至我很尊敬此學校家長，吾去神校而直升中學. 資料來源：http://www.edu-kingdom.co ...

聖瑪加利資料來源? 自己去妳引用個帖睇清楚吧!

是否經由Non-JUPAS入, 的確是個人猜測

作者: punlik 時間: 16-4-6 15:54

提示: 作者被禁止或刪除內容自動屏蔽

作者: beautyhar 時間: 16-4-6 16:19 標題: deleted

本帖最後由 beautyhar 於 16-4-6 16:21 編輯

回覆 punlik 的帖子

作者: hkpapa852 時間: 16-4-6 16:23

hkpapa852 發表於 16-4-6 13:30
以4主科平均5級或以上(%)聖瑪加利男女英文中學　

忘記咗一件事, 非華裔學生, 係可以以"外語"代替中文參加JUPAS.

SMC外語有法文(84%)和日文(100%), 平均成績遠比全港平均高, 所以學生其實係透過DSE成績(+非華裔學生外語成績)經JUPAS入U, 亦非無可能

至於通識科, 其實對入U真係無乜幫助, 攞到2符合3322資格就OK (SMC通識達2係100%)

作者: punlik 時間: 16-4-6 16:24

提示: 作者被禁止或刪除內容自動屏蔽

作者: DevilPig 時間: 16-4-7 01:36 標題: 引用：2014-2015年度畢業生去向統計:+[table=98%]

原帖由 hkpapa852 於 16-04-06 發表
2014-2015年度畢業生去向統計:

即係 smc 入 local Degree offer 只有 40%？係咪咁理解？

作者: stockmike 時間: 16-4-7 02:03 標題: 引用：Quote:原帖由+hkpapa852+於+16-04-06+發表2

原帖由 DevilPig 於 16-04-07 發表
即係 smc 入 local Degree offer 只有 40%？係咪咁理解？

其實十個入四個是否算好？以前有 HKCEE 茜走一半人了

作者: hkpapa852 時間: 16-4-7 09:22

DevilPig 發表於 16-4-7 01:36
即係 smc 入 local Degree offer 只有 40%？係咪咁理解？

睇番SMC簡介會上既資料:
http://www.edu-kingdom.com/forum.php?mod=redirect&goto=findpost&ptid=3092735&pid=41900382&fromuid=1389083
畢業人數: 67人
入3大: 22人 (~32.8%, HKU: 10, CUHK: 8, HKUST: 4)
本地大學: 34人 (~50.8%)
海外升學: 11人 (~16.4%)

參考SMC係2015年10月出版既Newsletter:
http://www.smcesps.edu.hk/file/doc/2015_school_newsletter_oct.pdf

可見到畢業生至少有以下升讀local degree:
HKU: 7
CUHK: 8
HKUST: 4
CityU: 1
HKBU: 2
HKIEd: 2

証明簡介會資料應該準確, 所以兩份資料合併考慮:
3大: 22人 (以簡介會既數據計算)
8大中升讀degree人數: 至少5人 (以Newsletter中確認既人數, 即入讀CityU, HKBU和HKIEd個5位)
所以升讀local degree比例: (22+5)/67=~40.3%, 即係至少有40.3%畢業生升讀local degree

作者: hkpapa852 時間: 16-4-7 09:30

本帖最後由 hkpapa852 於 16-4-7 09:30 編輯

stockmike 發表於 16-4-7 02:03
其實十個入四個是否算好？以前有 HKCEE 茜走一半人了

我會認為, 今時今日能夠恒常地有不少於1/3畢業生可以升讀local degree, 已經可以算係B1中學了 (其實我要求係35%+)

作者: punlik 時間: 16-4-7 11:06

提示: 作者被禁止或刪除內容自動屏蔽

作者: hkpapa852 時間: 16-4-7 12:34

本帖最後由 hkpapa852 於 16-4-7 12:50 編輯

punlik 發表於 16-4-7 11:06
畢業人數: 67人入3大: 22人 (~32.8%, HKU: 10, CUHK: 8, HKUST: 4)本地大學: 34人 (~50.8%)海外升學: 11人 ...

妳睇唔明我 #74 講甚麼嗎?

升讀3大以外既本地大學, 所謂既學位, 並不一定係degree, 所以我先會將升讀local degree以>=40.3%計算.

另外, 糾正一下妳既諗法:

NON-JUPAS入大學實在容易過DSE 好多好多.

可以話係, 亦可以話唔係, 睇吓你入邊間大學同讀邊科, 不能以偏概全.
JUAPS 都有D學位係較易入, 例如OU提供既自資學士學位

考慮到DSE成績四主科5或以上百分比, 其中兩科低於全港平均成績

中文和通識SMC沒有顯示5級以上比例, 可能較全港差, 亦可能唔係, 但重要嗎? 入U主科要求只需3322, 只要達標, 大學更看重既係其他選修科既成績. 主科其實只係雞肋科, 成績唔需要太標青, 達標或者好D就夠 (除非想做狀元啦!).

而且, 如我係 #70 所講, 非華裔學生係可以用外語代替中文, 再繼續透過 JUPAS 申請大學學位

瞭解清楚大學既收生要求, 唔好盲目追求各科目既 4+/5+ 成績, 尤其係主科.... 一般主科, 睇到4+就夠

作者: punlik 時間: 16-4-7 15:14

提示: 作者被禁止或刪除內容自動屏蔽

作者: hkpapa852 時間: 16-4-7 18:58

punlik 發表於 16-4-7 15:14
如果你喜歡拿Local Degree 來比較, 咁你認為 SMC既 Local Degree 率是幾多呢?你自己都唔會相信是83.6%. ...

其實當妳唔信人地係簡介會話佢得67個畢業生時，任何計算都無意義了。
整體入大學表現計，港同，培僑和聖瑪加利今年都叫做係同一水平。如果睇過去3年表現，應該係港同出色D

作者: punlik 時間: 16-4-7 23:06 標題: 引用：Quote:punlik+發表於+16-4-7+15:14+如果你

提示: 作者被禁止或刪除內容自動屏蔽

作者: prettyporky 時間: 16-4-8 13:57 標題: 回覆：培僑 vs st Margaret coed

請問講緊小西灣培僑小學？抑或大圍培僑書院小學？

作者: Joycemom 時間: 16-4-8 15:17 標題: 引用：請問講緊小西灣培僑小學？抑或大圍培僑書院

原帖由 prettyporky 於 16-04-08 發表
請問講緊小西灣培僑小學？抑或大圍培僑書院小學？

大圍培僑書院。

歡迎光臨教育王國 (/)