教育王國

標題: 私人S位及普通幼稚園點安排好﹖懇求各媽媽意見 [打印本頁]

作者: love_son 時間: 16-2-10 16:45 標題: 私人S位及普通幼稚園點安排好﹖懇求各媽媽意見

囝囝現在兩歲半，他去年八月尾到CAC做評估，由於一入房就狂喊，醫生未能親身為囝囝做評何，但根據我對囝囝日常生活的描述，醫生也認為他很大機會是自閉症，所以評估備註為「不合作」並排S位，到三歲再去評估。接著我安排仔仔於去年九月尾開始讀一星期5天的密集班(因S位有排先排到)，密集班姑娘都話佢都走唔甩係自閉症，上了幾個月後，老師說他現在較之前較能安坐，開始對他們課堂講教的東西有時會有點興趣(但不是次次)，開始肯排隊(可能每日都有相同既聲音/視覺提視)，但仍未有任何有意義既言語(爸媽也沒有，但好似想數手指一至十，ar ar 聲)，剛教到他要東西時要指著那件物，我教每晚他生果名稱，他肯指果陣能準確指出(二選一)，脾氣尚可，發脾氣唔理佢一陣就冇事，暫沒有自殘行為，會自己食飯。最大問題是叫佢唔應，對很多東西都冇興趣(唔做所以小手肌唔係咁好，唔係太入到形狀積木，因為佢都冇心機專心望住入(有時話比佢聽果個窿唔岩死都要入)，但有興趣的如食野拎”spoon”就幾ok，佢鐘意的例如拉野出黎佢可以一路「吞」後行一路拉出黎(D野係唔輕的)，冇模枋動機，玩開關門巳少左好多(唔開關但呢排要閉哂D門)，都是喜愛重覆性行為，亦不會跟其他小朋友玩，同齡小朋友在家看他其中一本書時，佢搶返果陣開始會返比另一本個小朋友(唔知係咪學校教)。

面試後有一間有I位的幼稚園(全日)收他，I位老師知道他沒有言語，感到老師都包容(但不知他有自閉)，但呢間I位幼稚園是全日的，請問如果返呢間全日有辦I位既幼稚園每日飯後早走下午上私人S位是否可行﹖還是另外搵間下午班普通幼稚園(最好有學前到校服務)然後上上午私人S位好D﹖好想聽下咁多位有經驗既媽媽既意見，好驚為囝囝安排錯誤，謝謝大家！

作者: YANMA0724 時間: 16-2-10 22:57

本帖最後由 YANMA0724 於 16-2-10 23:00 編輯

我囡囡都係2歲半，初初都無乜言語，返咗密集下午班一三五，慢慢開始學我地講野有，同自己讀單字，我自己選擇了讀半日N班，下午返密集私人，如果全日I位可能唔夠治療比仔仔，如果仔仔精神夠，我覺得上午返密集，下午返普通幼稚園會較好，因為我自己覺得亞囡返咗密集各方面都好咗，不過當然要自己係屋企都教先得，我都係不停同佢講野，同佢要食乜都要望我先比

我都同亞囡練眼神練咗好耐，拎佢鐘意食既野，例如餅，要佢望你先比佢食，一秒都好即比又讚佢乖，如果佢喊曬都唔好比，留返下次，每日可以的話同一個時間練，總有一日佢明白望你就有得食，但唔好係佢肚餓時試，係佢精神夠又唔太餓時比佢，慢慢再試其他野，練咗眼神對於學講野都有用，你返嗰間密集有無少少時間比個人言語治療？

大家一齊加油

作者: love_son 時間: 16-2-11 15:22

回覆 YANMA0724 的帖子

Yanma, 好多謝你既回覆呀！你囡囡都係自閉症嗎﹖返左密集幾耐開始有語言﹖如果另外搵下午幼稚園，上午返密集，我只係擔心另外搵既幼稚園冇而家呢間咁包容及唔識處理(因為而家全日呢間本身有做I位所以我唸點都有D處理有特殊需要小朋友既經驗，如果唔係我都覺得好似上午密集下午普通幼稚園好D，所以先十五十六唔知點好。另外我返果間私人密集一個月有普通單對單及言語各兩堂，你囡囡讀邊間密集﹖如埋你話佢讀N班你而家讀緊﹖咁黎緊會讀下午K1?

大家要繼續加加加加油!!!

作者: YANMA0724 時間: 16-2-11 16:21

回覆 love_son 的帖子

係呀，我囡囡都係輕度自閉，返咗密集大約3個月左右開始有d單字，我都唔知係咪因為返咗密集有言語定我地平時同佢講多D又大個囡咗所以有言語，但我覺得亞囡返咗密集比人教下真係好咗，聽多d別人既指令對第時返學都有幫助
我返緊既N班學校出年只係比後備亞囡，所以未必有得升而且K1係全日，所以都IN咗第二間收咗K1半日早上，當然都未知接唔接受亞囡，所以依家同佢返多d練多d希望進步好d

大家一齊努力加油

作者: love_son 時間: 16-2-11 23:42

回覆 YANMA0724 的帖子

可能你囡囡輕微所以咁快就有效果，我肯定囝囝唔係嚴重果種，但應該又唔係好輕微。。。我都好希望囝囝快啲開口，因為我啲A仔會大個都冇語言能力

作者: YANMA0724 時間: 16-2-12 22:44

其實我囡囡都係近1個星期先開始多d單字講，如果平時佢都鐘意睇書可以多d讀比佢聽，我初初都似為佢無聽入耳，後來問佢佢又識指返出來，近來就識講（都係有似既音唔係好準）我地一聽到都勁讚佢，比多些鼓勵佢
男仔比較上又會慢少少，唔好太大壓力，我上講座話唔好叫同迫佢地講，係大人不停係隔離幫佢講佢係度做緊乜（例如：XX食飯，XX上車車，XX開門，佢地有一日就會突然識講，我返嗰間密集有幾個家長都話佢地個仔細個嗰時唔講野唔望人，依家4歲我見都有言語會講句字，所以唔好太擔心，越細個開始練應該進步越快，加油

作者: love_son 時間: 16-2-16 13:45

回覆 YANMA0724 的帖子

我教佢生果如果佢用心既都指到出黎，我都係日日放工返屋企同不斷做D咩都重覆講一餐了，但就唔知佢吸收到幾多......其實都幾難令佢專心

作者: powersuite 時間: 16-2-21 17:44 標題: 引用：囝囝現在兩歲半，他去年八月尾到CAC做評估

原帖由 love_son 於 16-02-10 發表
囝囝現在兩歲半，他去年八月尾到CAC做評估，由於一入房就狂喊，醫生未能親身為囝囝做評何，但根據我對囝囝 ...

當年我兒子也是讀緊私人s位時政府派了I位。因怕I位的訓練不足，我們向I位的全日幼稚園要求只返下午，上午keep住上私人s位。

媽媽加油！

作者: love_son 時間: 16-2-21 23:15

回覆 powersuite 的帖子

Powersuite謝謝你的回應，你的意思係咪你小朋友當時上午私人密集，下午返i位？但我見幼稚園個上課rundown上午啲活動係主要啲，下午都係自由閣，故事等環節，會否幼稚園返上半晝私人密集返下午好一點？

作者: YANMA0724 時間: 16-2-22 22:45

回覆 love_son 的帖子

其實佢地係吸收緊架，我個囡都係呢兩個星期突然講多咗好多字，有時教佢都開始跟住我地講，雖然都係落後過同年既小朋友，見到有少少進步都已經好開心，大家努力加油
依家打算比佢每星期返多半小時個別感統，希望佢留意返多d周圍既野，因為佢一返到學校，人多新事物多又會遊雲

作者: powersuite 時間: 16-2-23 14:08 標題: 引用：回覆+powersuite+的帖子 Powersuite謝謝你

原帖由 love_son 於 16-02-21 發表
回覆 powersuite 的帖子

Powersuite謝謝你的回應，你的意思係咪你小朋友當時上午私人密集，下午返i位？但 ...

是的，因當年的私人密集是上午的。

作者: funghon 時間: 16-2-23 14:37 標題: 引用：Quote:原帖由+love_son+於+16-02-21+發表回

原帖由 powersuite 於 16-02-23 發表
是的，因當年的私人密集是上午的。

下，下午先返i位，即係一返到去就係食飯和訓覺

作者: love_son 時間: 16-2-23 19:11

回覆 funghon 的帖子

Funghon你你是否應為如全日制的幼稚園應返上午，然後下午返密集好啲？

作者: bbymc11 時間: 16-2-23 19:59 標題: 回覆：私人S位及普通幼稚園點安排好﹖懇求各媽媽意見

當年小朋友等s位時，試過(上午私人密集2日+下午n班)，之後(上午k1+下午私人密集3日),好慶幸我個小朋友頂得住咁嘅情況下返學，仲有好好嘅進步，所以要睇下你小朋友身體狀況好唔好，會唔會返得太辛苦而病，返2班會唔會太攰要瞓覺。

作者: love_son 時間: 16-2-24 09:23

回覆 bbymc11 的帖子

那麼即是你兩個方法都試過(上午密集下午普通幼稚園/上午普通幼稚園下午密集),你覺得邊個實排較有效？同埋我見你小朋友係返兩/三日密集，係咪因為怕小朋友倦？如果返五日密集係咪多數都頂唔順？謝謝

作者: bbymc11 時間: 16-2-24 15:05 標題: 回覆：love_son 的帖子

返密集幾多日嘅原因係，1)當年排密集間間都要排，有中心打嚟話有2日所以返左，之後3日密集因為地點近，而我亦覺得5日太多怕佢辛苦。所以你嘅考慮因素除左小朋友以家嘅情況外，仲有小朋友返5日體力得唔得，你財力能應付(5日私密集好貴)，地點(返齊2間上午時間好緊迫),祝你早日安排好早d去上堂。

作者: love_son 時間: 16-2-24 20:05

回覆 bbymc11 的帖子

謝謝你的回覆，你小朋友友最後有冇返政府S位吖，我見啲媽媽講係全日的，如果返左政府S位咪返唔到普通幼稚園稚園比同齡剌激囉？

作者: bbymc11 時間: 16-2-24 22:52 標題: 回覆：love_son 的帖子

讀完左k1就岩岩好排到s位，所以如果你排到s位後，都要搵d社交小組比佢，又或者比d興趣班佢上等佢多d機會接觸其他小朋友。

作者: love_son 時間: 16-2-26 20:39

回覆 bbymc11 的帖子

如果唔計錢既問題，你覺得讀全日政府s位定係半日私日s位加半日普通幼稚園好吖？

作者: Lingyau1221 時間: 16-2-26 23:58 標題: 回覆：love_son 的帖子

我覺得番全日學校+下午私人S位好D，因為小朋友可以係學校睡覺後才上下午S班，不過就有些浪費幼稚園下午的課程，都要取捨⋯可否也報半日班睇下收唔收才考慮？

作者: Lingyau1221 時間: 16-2-26 23:59 標題: 回覆：love_son 的帖子

相信全日S位好D因為全日班可以學埋自理，老師又更了解小朋友⋯

作者: love_son 時間: 16-2-27 00:26

回覆 Lingyau1221 的帖子

Ling Yau 1221, 謝謝你的回覆，因為呢間全日幼稚園有做i位，應該包容啲，所以我註冊左呢間先，所以好想睇下大家既意見，會唔會上午密集，下午普通好啲,再睇仲揾唔揾下午幼稚園。。。

作者: Lingyau1221 時間: 16-2-27 09:40 標題: 回覆：love_son 的帖子

I think morning in Kindergarden and afternoon in Training is better so u son can sleep in school, besides,kindergarden course is more important in morning...

作者: love_son 時間: 16-2-27 23:25

回覆 Lingyau1221 的帖子

我都有咁唸，我見幼稚園time table寫食飯時間係12:15-12:45,跟住就午睡，不過吖囝都未必睡到，可能叫做小休一吓，因為如下午返密集係返兩點，要撘車，最遲13:30就要走了，不過點計都鬆動過上午密集下午返普通幼稚園，因我見如多普通幼稚園都返點幾鐘，而上午密集放十二點，返到家12:30,食埋飯都差不多要出門口返下午班了。。。。

作者: Lingyau1221 時間: 16-2-27 23:44 標題: 回覆：love_son 的帖子

咁遲先睡的⋯

作者: Lingyau1221 時間: 16-2-27 23:45 標題: 回覆：love_son 的帖子

My son school lunch at 11 and sleep at 12

歡迎光臨教育王國 (/)