教育王國
標題: 馬會免費資助 1.6萬小一生學游水救命 [打印本頁]
作者: elbar 時間: 16-2-5 19:23 標題: 馬會免費資助 1.6萬小一生學游水救命
【明報專訊】有人話生意淡薄，不如賭博，但馬會行政總裁應家柏就唱反調，話受經濟下行影響，預計今年賽馬投注額或會減少3％至5％，不過佢強調馬會將繼續回應社會需要，唔會影響到慈善捐款額。佢哋今年夏季會推出一個免費教1.6萬小一生學游水嘅項目，目標係教學童至少游到20米嘅「救命」距離。
馬會慈善及社區事務執行總監張亮同Emily講，未來3至5年馬會重點推動青年、長者及體育3個範疇嘅社區項目，其中今年夏天與游泳總會合作，資助全港約一半小一學生，即約1.6萬人學游水，詳情4月再公布。
點解教一半小一生游水？張亮解釋，據統計本港約一半人唔識游水，澳洲識游水嘅人高達85％，而觸發全民學游水嘅意念，係同2012年南丫海難有關。呢個項目估計要花逾千萬元，但張亮話唔係有錢就可以解決問題，好似要安排咁多細路學游水，要搵到泳池、配對到足夠教練，又要夾學生放假，所以同泳總及康文署研究咗幾個月。
「世界慈善指數」馬會第六 亞洲紀錄
去年馬會投注額創新高，連帶喺2014/15年度撥出做慈善嘅款額都達到38.7億元。應家柏話據倫敦財經報章City A.M.發布嘅「世界慈善指數2015」，馬會位列第六位，係首次有亞洲公益機構晉身前10名。排首位嘅係蓋茨兩夫婦嘅基金會。
作者: Yanamami 時間: 16-2-6 20:33
原來hk有—半人唔識游水，真係有d估唔到……話哂係—个有海既地方。如果似澳洲禁有85%識游就好d. 我女幼稚園時就学游水，都係希望跌蕗水都無禁易浸親~
作者: ABC-DAD 時間: 16-2-6 22:35
本帖最後由 ABC-DAD 於 16-2-7 08:13 編輯
回覆 Yanamami 的帖子
如果統計小一香港識游水人口，而落海游水嘅會更令人意外
作者: annie40 時間: 16-2-7 08:59
如果社區熱愛和推崇運動，夏日就是池邊海邊活動，不用資助，大部份孩子也會懂得游泳。
作者: Yanamami 時間: 16-2-7 09:51
本帖最後由 Yanamami 於 16-2-7 09:52 編輯
annie40 發表於 16-2-7 08:59 
如果社區熱愛和推崇運動，夏日就是池邊海邊活動，不用資助，大部份孩子也會懂得游泳。 ...
对呀~~澳洲大部份人也愛户外活动｡
作者: Jane1983 時間: 16-2-7 11:10
小一可能仲細，計小六學童懂游泳的，應該高好多。
作者: annie40 時間: 16-2-7 12:21
阿女四歳第一次去pool party, 十五個孩子，只有兩個唔識游水，阿女是其中之一。一起玩樂時，齊在太危險，面對現實，只好盡快學識游水。
作者: Yanamami 時間: 16-2-7 12:59
annie40 發表於 16-2-7 12:21
阿女四歳第一次去pool party, 十五個孩子，只有兩個唔識游水，阿女是其中之一。一起玩樂時，齊在太危險，面 ...
作者: ANChan59 時間: 16-2-7 13:24 標題: 回覆：馬會免費資助 1.6萬小一生學游水救命
海難自救跟學游水是兩回事，在 lMO 的統計海難絕大部份死者，在靠岸者是窒息，在遠岸者多是死於低温，就算識游水都不應落水求救及求生。
減少海難危險及增加生還機會，是學水上救生，而非學游水！學水上求生只要學兩日，以前理工大環山學，現在 VTC 的大欖海事訓練中心有得學。
可能大家覺得奇怪，但如果上遠洋船工作，不需要識游水，但一定要有水上求生證書。
作者: Yanamami 時間: 16-2-7 14:13
ANChan59 發表於 16-2-7 13:24
海難自救跟學游水是兩回事，在 lMO 的統計海難絕大部份死者，在靠岸者是窒息，在遠岸者多是死於低温，就算 ...
作者: ANChan59 時間: 16-2-7 14:25 標題: 引用：Quote:ANChan59+發表於+16-2-7+13:24+海難
原帖由 Yanamami 於 16-02-07 發表
明呀~~所以阿細話学拯溺我好贊成呀~
作者: annie40 時間: 16-2-7 14:57
本帖最後由 annie40 於 16-2-7 15:03 編輯
回覆 Yanamami 的帖子
懂得溜冰的孩子去學滑雪，一個星期就學得很掂了。
作者: annie40 時間: 16-2-7 15:02
需要甚麼求生技術，不容易全部通曉，只是多張刀，多一份安全。能駕馭多一種技能，是行船跑馬少分險。
作者: MC1128 時間: 16-2-7 15:15
文中話一半人口, 係整體一半人口, 都唔奇, 成年人口佔咁大比例。
咁,台灣, 菲律賓,泰國幾多人口比例識游泳?
作者: ANChan59 時間: 16-2-7 18:14 標題: 引用：文中話一半人口,+係整體一半人口,+都唔奇,+
原帖由 MC1128 於 16-02-07 發表
文中話一半人口, 係整體一半人口, 都唔奇, 成年人口佔咁大比例。
咁,台灣, 菲律賓,泰國幾多人口比例識游泳 ...
| 歡迎光臨 教育王國 (/) |
Powered by Discuz! X1.5 |