教育王國
標題: 發脾氣就訓地 點解決？ [打印本頁]
作者: newsky 時間: 16-2-1 23:41 標題: 發脾氣就訓地 點解決？
仔仔剛三歲 未識講嘢 有玩手行為
有很多固執行為 要行同一條路線 見到同電梯就沖埋去搭 唔肯入餐廳同店舖 去便利店會手多多攞嘢 總之唔服從佢就訓地 有時仲除鞋襪 請問媽媽們會點處理？ 萬分感謝
作者: KCHK 時間: 16-2-2 08:16 標題: 回覆：發脾氣就訓地 點解決？
請問小朋友做左評估未? 有無轉介精神科？如果有是有堂上的，因為好難一下子教你點解決, 因為首先要知道你小朋友邊方面出左問題, 然後先可能想辦法。請問佢為咩事訓地？ 是否你唔比佢上電梯？ 是否自動電梯？ 是否佢一直睇著佢點郁？ 搭完是否好興奮？ 另外， 佢唔鐘意入shop， 有無留意佢為咩唔鐘意? 好嘈? 好多人?
作者: KCHK 時間: 16-2-2 08:24 標題: 回覆：發脾氣就訓地 點解決？
其實我的辦法都幾crazy， 就係由得佢訓地, 如果鞋都除左我就話你唔要我幫你掉左佢, 試過都要同佢大戰超過半小時以上, 等佢心情好返先讚佢乖， 努力吧！
作者: newsky 時間: 16-2-2 10:17 標題: RE: 發脾氣就訓地 點解決？
回覆 KCHK 的帖子
多謝你分享！我仔仔係中度自閉症 停左幾個月密集訓練 行為問題就多左！ 佢訓喺條街度 啲路人望住曬 我通常會抱起佢 因為影響到其他人！ 尋日同佢出街想買個外賣返去食 一入餐廳排隊排到一半就訓地 佢想離開餐廳 要有糖食先乖乖跟住我！ 我去左兩間餐廳 都係排隊排到一半就被逼離開！ 十分無奈 我就痴線 去邊都去唔到！去到supermarket 排隊賣單佢又會手多多攞收銀枱附近啲貨品！ 我叫佢停佢好似聽唔到甘！呢排特別多行為問題！我覺得自己好失敗！
作者: KCHK 時間: 16-2-3 18:59 標題: 回覆：發脾氣就訓地 點解決？
其實是咩原因停左密集？ 有無其他訓練比佢？ 因為現在佢地真的好需要訓練。 政府方面除左醫院應該每隔一段時間就有開幾日training (在健康院)的, 有無去呢？你有無跟開你地case 的社工幫下你? 因為除左小朋友要training 之外，家長有時都需要找過來人傾下
作者: money82 時間: 16-2-3 22:39 標題: 回覆：newsky 的帖子
其實好多A仔呢個年紀都是這樣，唔係你做父母做得失敗。＂等待＂對A仔來講好難，如果真系要買野，兩個人夾住出去。如果只是想他去玩下，一個人帶就咩都簡D快。有時我都系買個包，買盒外壽司算。講真一個帶一個特殊小朋友出街好大壓力，跑來跑去，跪地要抱，鏟地，不停尖叫，咩情況都有。你同距鬥耐力吾理距，距可以同睡成半鐘。最好抱距站起，用少力擁抱距，等距冷靜。再問返距，引導距講返咩事。如果小朋友系超級難搞，發晒癲，最好抱離現場。
作者: newsky 時間: 16-2-3 23:59
回覆 money82 的帖子
十分認同！有時都想慢慢教佢 等佢自己起身 但影響到人無辦法要抱起佢！
作者: idak 時間: 16-2-24 01:56 標題: 回覆：發脾氣就訓地 點解決？
我個女細時都係咁，有次特登揾間近屋企的餐廳，入去前同佢講瞓地乜地方都唔去，立即返屋企。我哋排咗一陣隊，佢就四圍走，叫佢停就瞓地，當時即刻抱佢返屋企，喊到周街d人都望住，好在近屋企。之後每次入餐廳前同佢講聲，就算去其他地方，我都同佢講瞓地即刻返屋企，瞓地情況就減小咗。如去d唔近屋企的地方，佢一瞓地我就立即抱佢入後巷或後樓梯。希望幫到你！
作者: newsky 時間: 16-2-24 09:38
回覆 idak 的帖子
多謝你！好好的建議！你囡囡而家幾歲？ 情緒行為係咪大個左會減少？
作者: idak 時間: 16-2-25 00:58 標題: 回覆：newsky 的帖子
我個女6歲了，其實佢情緒同行為係好咗，但我做咗好多嘢，乜都試，包括各樣訓練、中醫調理身體、針灸、戒口、髗底、自然療法及求神拜佛等。
作者: Jorfei 時間: 16-2-25 15:12 標題: 回覆：newsky 的帖子
有無試下預告? 我覺得有幫助。我女細d嘅時候，出街都好唔合作。跟著每次出街前講定晒俾佢知一陣會做咩，有預告佢會安心d, 合作d
作者: agatechung 時間: 16-2-29 11:29
本帖最後由 agatechung 於 16-2-29 12:18 編輯
回覆 newsky 的帖子
我記得我個囝(而家2歲11個月) 之前都有訓街,吾肯排隊,入超市會有亂跑同亂囉野的習慣。當時佢喊住訓街我好開心好大聲同佢講88啦,我走啦~,之後轉身眼尾都冇比過佢(有透過玻璃望佢),之後走左去,但慢慢行。佢見我行左去好遠就起身喊追我，見我停低轉身望佢又訓過,之後我又走左去，轉個灣,我可以透過玻璃望佢,佢又見我吾到,佢肯起身黎找我時,我要佢收聲先抱,又講下其他野引開佢注意,總之一停左少少吾喊就即讚佢(收左聲)同抱佢錫佢。總之我對佢訓地的行為冇反應~~~
排隊方面我係比人教,一開始係2個人排隊玩玩具,到佢開始接受到就加至3個人。慢慢黎,我囝到而家都吾係好肯排隊,不過已有好多改善。我會起排隊時比任務佢幫我，如叫佢囉住些錢/要買的東西,一陣交比姐姐(收銀員),佢企定幾秒都讚佢企得好企得好定,好幫得手之類,佢聽吾明都會感覺你係讚緊佢。慢慢佢肯等的時間會變長。
我會比佢起超市特定的地方由佢亂囉,(牙刷牙膏地方),其他野比佢囉黎睇,就叫佢放好佢(放好就讚),佢吾放就吾比再囉，好老實講,我係講得出就一定做得到的人,亦吾怕起街上教仔,吾會怕左佢抱佢離開現場(有時都會影響到人，不過人地知你教緊,都吾會有咩野講),有時吾聽話就即回家罰企，當然我都有忍吾住大巴大巴的時候。我平時會用讚佢,話佢知邊些係正確。
預告係好重要, 亦會令佢合作些!(有次去搭電梯,點知個電梯越左,要轉去搭另一個電梯,佢就喊同吾肯走，我話佢知,我知你想搭電梯，搭開依個電梯,你想搭佢,不過電梯壞左呀!你睇下! 圍住左整緊呀,而家冇人可以用到個電梯呀!不如我地搭另一個電梯呀,(指一指方向)我地搭佢去火車站呀!我囝就答我"好啦",就肯跟我行。真係下下都要佢點頭先得......
你講的野我都有走過,係就係辛苦些,我好比心機去學點教,睇左好多書,請教左好多人,得出岩我家庭的教法,(我同我C6係一致教法) 亦有做RDI,親子治療,共振治療,氣功有試過(醫小腦加情緒~吾知有冇效)~各式各樣訓練,食營養食品(之前依度有POST話食什麼蘋X素同咩XX脂,吾記得個名,都有食過下~都OK~但食夠就要停) 。
我仔本身係高功能自閉,由歲半發現開始幫佢,我有個特性===>吾係老師/導師講咩我就信咩!~我會自己思考下,了解下先~吾會跟晒佢,吾會太過依靠老師教佢,家人的教導先重要,吾識咪學點教囉,我個囝而家停晒訓練啦~基本上冇咩自閉特徵~不過RDI同親子治療的心得有KEEP住用!~,共振治療有做,因為直接醫個腦,強化腦部能力~營養食品有食~由歲半開始返學到而家都冇大病~講野吾叻不過同我有對答!~~加油啦!!!一步一步黎啦!
作者: newsky 時間: 16-2-29 18:10
回覆 agatechung 的帖子
好多謝你甘用心的分享 我會努力咖！
作者: peonybibi 時間: 16-3-1 09:53 標題: 引用：仔仔剛三歲+未識講嘢+有玩手行為有很多固執
原帖由 newsky 於 16-02-01 發表
仔仔剛三歲 未識講嘢 有玩手行為
有很多固執行為 要行同一條路線 見到同電梯就沖埋去搭 唔肯入餐廳同店 ...
作者: newsky 時間: 16-3-1 15:15
回覆 peonybibi 的帖子
有 不過無而家甘多！
作者: peonybibi 時間: 16-3-1 19:26 標題: 引用：回覆+peonybibi+的帖子
有+不過無而家甘多
原帖由 newsky 於 16-03-01 發表
回覆 peonybibi 的帖子
有 不過無而家甘多！
作者: newsky 時間: 16-3-1 19:43
回覆 peonybibi 的帖子
協康應該有 你仔仔情況如何？係咪兩歲？ 點解覺得有問題？見你好擔心甘！
作者: peonybibi 時間: 16-3-2 10:54 標題: 引用：回覆+peonybibi+的帖子
協康應該有+你仔仔
原帖由 newsky 於 16-03-01 發表
回覆 peonybibi 的帖子
協康應該有 你仔仔情況如何？係咪兩歲？ 點解覺得有問題？見你好擔心甘！ ...
作者: peonybibi 時間: 16-3-2 10:58 標題: 回覆：peonybibi 的帖子
唔而家專登唔咁易俾嘢佢，佢喊，lur地，會拖我去佢需要嘅地方。叫佢佢成日唔應，佢一路識揮手，give me five,但唔鐘意做(見我哋咁會笑笑，但自己不做，偏偏考n班個鬼婆老師同佢five,佢肯，唔點解)。佢食嘢，用杯好好，擦牙亦好好
作者: peonybibi 時間: 16-3-2 11:02 標題: 回覆：peonybibi 的帖子
我發現自己做錯了一些東西：沒有好刻意教，成日佢做佢，我做我，佢唔學，我無自己一再重覆。二，佢睇太多電視，眼神溝通好弱，睇得開心忘我，反應唔正常。三，出街太少，刺激不足。暫時我覺得佢指令認知唔ok,所以擔心自閉。我講咗咁多有啲語無倫次，多謝大家聽我講！有咩意見或方法不防指教！
作者: peonybibi 時間: 16-3-2 11:04 標題: 引用：回覆+peonybibi+的帖子
協康應該有+你仔仔
原帖由 newsky 於 16-03-01 發表
回覆 peonybibi 的帖子
協康應該有 你仔仔情況如何？係咪兩歲？ 點解覺得有問題？見你好擔心甘！ ...
作者: agatechung 時間: 16-3-2 11:18
回覆 peonybibi 的帖子
如果你覺得有問題~吾好等啦,直接去找班上堂,可以先找個別綜合認知之類的堂上,因為好多班都要排隊,吾係報就有,下下等到評估完先申請就遲,而且就算你評估左,到上堂時都要再評多次~~
作者: newsky 時間: 16-3-2 11:37
回覆 peonybibi 的帖子
同我仔仔情況好似！睇你的描述似係自閉症 建議你去評估左快啲排訓練的服務 如果負擔到去私人機構評估 會快過政府機構好多 我嗰陣就係等政府評估等了半年有多 錯過了訓練的時間！ 你不要太擔心 訓練後會有改變的 你仔仔仲細！ 你甘早發現已經好叻！我仔仔快三歲了 訓練了半年 多左幾個單字 我已經好開心！唔急得 一步一步黎！加油！
作者: peonybibi 時間: 16-3-2 11:41 標題: 引用：回覆+peonybibi+的帖子
同我仔仔情況好似
原帖由 newsky 於 16-03-02 發表
回覆 peonybibi 的帖子
同我仔仔情況好似！睇你的描述似係自閉症 建議你去評估左快啲排訓練的服務 如果負 ...
作者: newsky 時間: 16-3-2 11:55
回覆 peonybibi 的帖子
呢個我唔清楚！我仔仔喺協康上過幾堂訓練 我感覺不錯！你可以打電話去問下有無評估同轉介服務 上網查下邊間近你嗰區！我係全職媽媽！
作者: yl88 時間: 16-4-2 15:34 標題: 引用：我個女6歲了，其實佢情緒同行為係好咗，但
原帖由 idak 於 16-02-25 發表
我個女6歲了，其實佢情緒同行為係好咗，但我做咗好多嘢，乜都試，包括各樣訓練、中醫調理身體、針灸、戒口 ...
除了針灸和臚底骨，其他我都試晒
唉，好累
請問可否給我臚底骨的資料？谢
作者: Happy寶寶 時間: 16-7-8 15:09
提示: 作者被禁止或刪除 內容自動屏蔽
作者: yetinwo1213 時間: 16-7-11 15:33 標題: 引用：+本帖最後由+agatechung+於+16-2-29+12:18+
原帖由 agatechung 於 16-02-29 發表
本帖最後由 agatechung 於 16-2-29 12:18 編輯
回覆 newsky 的帖子
作者: hamburgeer 時間: 16-7-11 21:14 標題: 引用：仔仔剛三歲+未識講嘢+有玩手行為有很多固執
原帖由 newsky 於 16-02-01 發表
仔仔剛三歲 未識講嘢 有玩手行為
有很多固執行為 要行同一條路線 見到同電梯就沖埋去搭 唔肯入餐廳同店 ...
作者: Happy寶寶 時間: 16-7-12 11:08
提示: 作者被禁止或刪除 內容自動屏蔽
| 歡迎光臨 教育王國 (/) |
Powered by Discuz! X1.5 |