教育王國

標題: 請敎我囝小一，讀傳統學校，但好活潑(曳)! 好困擾 [打印本頁]

作者: fingerbb 時間: 16-1-27 08:18 標題: 請敎我囝小一，讀傳統學校，但好活潑(曳)! 好困擾

請問我囝小一，成績測驗/考試全部9字頭，數學/中英文oral有滿分，但係學校生活好活潑，有人同佢玩就忘型，有時仲比老師罰企課室外，1個月有1次係學校撞倒/仆損，佢可以差不多識哂小二至小六既學生甚至校工都識佢，幼稚園到小一永遠冇班長/行長做，佢好似唔識疲倦甘，早上6:30-21:00係冇停過，我諗我囝真係好活潑，其實我小朋友係咩有D咩病症？😭😭😭好困擾，有咩方法可以幫助佢唔好甘活潑？

作者: Kim2014 時間: 16-1-27 09:50

提示: 作者被禁止或刪除內容自動屏蔽

作者: jcaling 時間: 16-1-27 10:03

本帖最後由 jcaling 於 16-1-27 10:05 編輯

fingerbb 發表於 16-1-27 08:18
請問我囝小一，成績測驗/考試全部9字頭，數學/中英文oral有滿分，但係學校生活好活潑，有人同佢玩就忘型， ...

擔心的話可以去做評估小朋友係咪有過度活躍. 另外曾經睇過有報導寫呢D小朋友係將來的CEO...因為CEO小時候好好多都就是百厭星

. 可試下上D親子YOGA或小朋友YOGA, 等佢有寧靜既一面

作者: aptcan 時間: 16-1-27 10:04

搵學校社工幫手，因就算老師無投訴，但成日撞親都唔好，同埋畀少糖&有色素嘅食物佢食!

作者: wan_sosin 時間: 16-1-27 10:16 標題: 回覆：請敎我囝小一，讀傳統學校，但好活潑(曳)! 好困擾

我仔間唔中就被班主任寫手冊，間唔中晨早就接到學校電話話佢整親入咗醫療室，我本身唔覺得呢D有幾大問題，我仔幼稚園已經係咁嘅情況，但如果你同個小朋友都唔希望呢D情況再發生，咁叫佢自己諗下辦法自己去避免，家長係屋企做唔到D乜，性格嘅嘢，唔係話你想就可以扭轉！男仔好多都好動，跟成績無關，好多貪玩嘅男仔一樣成績好，好乖嘅男仔亦有成績唔理想！
小朋友頑皮唔緊要，唔好係壞就得，唔好傷害到同學，唔尊重老師！
如果學校真係覺得大問題，相信會同家長商量如何處理，甚至做下評估，但如果唔影響到學習，社交又好，應該評估唔到什麼出來，最多家長去上下堂，學下行為管理！

作者: karen55407 時間: 16-1-27 10:34 標題: 引用：請問我囝小一，成績測驗/考試全部9字頭，數

原帖由 fingerbb 於 16-01-27 發表
請問我囝小一，成績測驗/考試全部9字頭，數學/中英文oral有滿分，但係學校生活好活潑，有人同佢玩就忘型， ...

你可以同班主任傾下，提意學校轉介支援服務，一般官津校均有安排心理專家，以識別SEN學童。

作者: Jane1983 時間: 16-1-27 11:03

只要確定吾係過度活躍或者係需要尋求專業協助的問題，細路哥活潑少少，係好事。你只要提醒佢要小心安全，吾好得意忘形就得。

我小朋友一樣係百厭星，日日係學校喪跑，小朋友放到電，身心舒暢，開心d，對佢成長係好。

作者: 思思baby 時間: 16-1-27 12:05

同我小朋友好似, 佢好鐘意返學, 成績都唔錯, 佢話小息可以同同學玩好開心, 話識左好多朋友, 一日到黑講唔停, 有時失控起上來就被老師罰/ 寫手冊, 但佢要做功課時又可以好專心....所以暫時我唔太擔心佢行為上有咩大問題.

作者: fingerbb 時間: 16-1-27 12:16 標題: 回覆：請敎我囝小一，讀傳統學校，但好活潑(曳)! 好困擾

唔該哂大家，可能係我擔心，我老公都話無野好正常😄。🙏🙏

作者: bopui0607 時間: 16-1-27 12:18

fingerbb 發表於 16-1-27 08:18
請問我囝小一，成績測驗/考試全部9字頭，數學/中英文oral有滿分，但係學校生活好活潑，有人同佢玩就忘型， ...

津校 ? 如果學校覺得你小朋友要同社工傾傾, 應該會主動同你講. 或如果你擔心佢有可能有過度活躍, 可以去做評估.

作者: siden 時間: 16-1-27 12:25 標題: 回覆：請敎我囝小一，讀傳統學校，但好活潑(曳)! 好困擾

只要上堂坐得定，做事時肯專心，你仔性格將來前途無可限量。

將來出社會做事最如魚得水的不會是狀元，而是成績中上，而且能對上對下都混得在一起的醒目仔。

作者: fingerbb 時間: 16-1-27 12:41 標題: 回覆：請敎我囝小一，讀傳統學校，但好活潑(曳)! 好困擾

係津校，學校冇打嚟比我，班主任只是話有時乖有時曳，冇叫我做D咩評估，只是訓導主任叫我做下資優test，係因為亞囝同訓導傾計話而家學緊分數，所以叫我去做下。

作者: wan_sosin 時間: 16-1-27 12:47 標題: 引用：係津校，學校冇打嚟比我，班主任只是話有時

原帖由 fingerbb 於 16-01-27 發表
係津校，學校冇打嚟比我，班主任只是話有時乖有時曳，冇叫我做D咩評估，只是訓導主任叫我做下資優test，係 ...

你自己比佢出面學，定佢自己學返嚟先？上年我仔小一都有同學識分數，因為出去學，呢D唔可以就推測係資優！

作者: skkeung 時間: 16-1-27 14:20 標題: 回覆：wan_sosin 的帖子

運動不错

作者: bopui0607 時間: 16-1-27 14:37

fingerbb 發表於 16-1-27 12:41
係津校，學校冇打嚟比我，班主任只是話有時乖有時曳，冇叫我做D咩評估，只是訓導主任叫我做下資優test，係 ...

check下囉.如果係資優學校會有特別安排嗎 ?

作者: fingerbb 時間: 16-1-27 14:51 標題: 回覆：請敎我囝小一，讀傳統學校，但好活潑(曳)! 好困擾

我自己教, 另外我囝對數也有興趣, 自己成日出數比我計, 在上一次奧數比賽拎到一等獎, 運動方面也不錯, 我只擔心佢過份活躍。

作者: wan_sosin 時間: 16-1-27 15:03 標題: 引用：我自己教,+另外我囝對數也有興趣,+自己成日

原帖由 fingerbb 於 16-01-27 發表
我自己教, 另外我囝對數也有興趣, 自己成日出數比我計, 在上一次奧數比賽拎到一等獎, 運動方面也不錯, 我只 ...

你無講你囝囝係屋企或平日有行為問題，如果只係在學校有嚴格規則才覺得唔妥，咁ADHD嘅機會好細！

作者: 小曳人 時間: 16-1-27 15:07

fingerbb 發表於 16-1-27 14:51
我自己教, 另外我囝對數也有興趣, 自己成日出數比我計, 在上一次奧數比賽拎到一等獎, 運動方面也不錯, 我只 ...

如果响奧數大賽中有一等獎，而又無响外面學奧數，天才波上陣，都有咁嘅成績，佢一定係聰明仔！係資優嘅機會都幾高

你試試留意下佢，會唔會覺得學校教嘅嘢好淺，老師講嘅嘢好無聊之類...
有時佢地唔係曳，而係太悶... 特別係興奮玩完收唔返，好hyper！

作者: fingerbb 時間: 16-1-27 16:03 標題: 回覆：請敎我囝小一，讀傳統學校，但好活潑(曳)! 好困擾

屋企行為也活潑，如果我不在家工人姐姐就會打好多次電話比我，係屋企同妹妹玩捉迷藏、跳sofa、跳床、趴床、係toilet玩水、撕 /畫簿，成日玩具/書，係non-stop，直到我鬧人才停止。所以好困擾。

作者: wan_sosin 時間: 16-1-27 16:57 標題: 引用：屋企行為也活潑，如果我不在家工人姐姐就會

原帖由 fingerbb 於 16-01-27 發表
屋企行為也活潑，如果我不在家工人姐姐就會打好多次電話比我，係屋企同妹妹玩捉迷藏、跳sofa、跳床、趴床、 ...

似乎係比較活躍，有種比ADHD輕微的講法是活躍過度！overactive但未到hyper, 未去到有問題要見醫生嗰種！但比一般小朋友活躍D,如果你仍然叫得停，都唔叫差，ADHD係叫唔停的，失控的！你鬧佢，罰佢隨時更加癲的！
而且你話工人姐姐湊才會有咁情況，始終小朋友唔會睇姐姐頭，作反唔出奇！但如你太困擾，覺得影響生活，即管問下學校社工，向學童保健反映都可以，佢哋覺得有需要的話都會轉介你！或者你可以留意下有無ADHD,或是資優講座，了解多D先！
我小朋友係ADHD border case, 其實網上都有好多資料可以搵到，你花D時間睇睇先啦！

作者: skkeung 時間: 16-1-27 20:00 標題: 引用：Quote:原帖由+fingerbb+於+16-01-27+發表屋

原帖由 wan_sosin 於 16-01-27 發表
似乎係比較活躍，有種比ADHD輕微的講法是活躍過度！overactive但未到hyper, 未去到有問題要見醫生嗰種！但 ...

给他學遊水

作者: jaycee_mami 時間: 16-1-27 20:16

我覺得學校會對非常活躍 (甚至曳) 但成績好的同學特別包容, 只要keep住成績好就ok, 老師會較少投訴. 如果又曳成績又差, 好快會接到老師的投訴電話.

作者: wan_sosin 時間: 16-1-27 20:39 標題: 引用：Quote:原帖由+wan_sosin+於+16-01-27+發表

原帖由 skkeung 於 16-01-27 發表
给他學遊水

你講我個仔？我仔跑開步，佢對游水麻麻哋！
多謝你先！運動對ADHD係好重要！

作者: carolsbaby 時間: 16-1-28 05:11 標題: 回覆：fingerbb 的帖子

你有無成日俾佢食糖？
如果食糖既時候係，自小已經可以自己拎黎食？
食既糖係咪好多顏色？色素...
因為美國一早有講小朋友細細個如果成日食添加左色素既糖果，係好容易有過度活躍症
依d只係我個人意見，希望幫到手，唔好介意

作者: wan_sosin 時間: 16-1-28 11:46 標題: 引用：你有無成日俾佢食糖？如果食糖既時候係，

原帖由 carolsbaby 於 16-01-28 發表
你有無成日俾佢食糖？
如果食糖既時候係，自小已經可以自己拎黎食？
食既糖係咪好多顏色？色素...

色素或飲食習慣，只係其中多項原因引發ADHD的其中有機會的一樣，但唔代表必然，因為大把小朋友食好多糖，而很多後果都只係爛牙！點解有小朋友食糖有事，有人又會無事，必定還有其他因素係入面！ADHD是同其他兒童精神科問題一樣是腦部發展出現異常，有很多原因，有遺傳，污染，母親懷孕時是否接觸了某些物質或吸煙飲酒等等…但後天的生活方式，都有機會影響情況嘅發展！

作者: HaYi 時間: 16-1-28 15:40

P1上學期成績好難有指標性, 因讀下去, 年級高左, 只會更多需要小心同repeat (eg, answer in repeat sentense. ) 如小朋友很好動, 會好難做好.

對數學天份高是資優的指標, 但gift / 同ADHD 都可以共存, 所以就算是cfm gifted child, 亦不能排除ADHD 的可能性.

如果樓主自己覺得有問題, 最好找專家check, 因6歲都可以較準確有結論, 排期又要時間, 如不好彩是ADHD, 有要行動, 冇就不用成日心掛掛.

作者: joe12211981 時間: 16-1-28 16:02 標題: 回覆：fingerbb 的帖子

Fingerbb想問下你仔仔係咪讀舊華？

作者: bobbob 時間: 16-1-28 16:31

fingerbb 發表於 16-1-27 08:18
請問我囝小一，成績測驗/考試全部9字頭，數學/中英文oral有滿分，但係學校生活好活潑，有人同佢玩就忘型， ...

我發現少用電子產品少睇電視會令小朋友情緒穩定啲，如果經常跌到有機會感統有問題，ot可能會幫到佢。

作者: wan_sosin 時間: 16-1-28 17:05 標題: 引用：Quote:fingerbb+發表於+16-1-27+08:18+請問

原帖由 bobbob 於 16-01-28 發表
我發現少用電子產品少睇電視會令小朋友情緒穩定啲，如果經常跌到有機會感統有問題，ot可能會幫到佢。 ...

hyper唔hyper都好，小朋友都唔應該食咁多糖，呢個係常識！但有D家長鍾意比，甚至老師用來獎勵！阻止唔到人哋！

作者: bigboyenzo 時間: 16-1-28 18:43

提示: 作者被禁止或刪除內容自動屏蔽

作者: HaYi 時間: 16-1-30 10:09

"有人同佢玩就忘型，有時仲比老師罰企課室外" 樓主的小朋友如果被罰此, 相信學校老師都覺得佢不受控,過火或已影響他人, 6歲在家撕 /畫簿....相信情況不止於本身"好動",

作者: PotterLai 時間: 16-1-30 22:55

回覆 fingerbb 的帖子

你有給他吃美式垃圾食物（junk food）嗎？他小時候吃過H牌糊仔嗎？

這些食物，高熱量、低營養，而且很多材料都是化學品或基因改造食物，例如薯條不是薯仔做的，食之無益，食之有害。

如果有——馬上停止！

這只是從飲食改善健康、脫離疾病的第一步。

作者: Lifeisgood418 時間: 16-1-31 01:52 標題: 回覆：請敎我囝小一，讀傳統學校，但好活潑(曳)! 好困擾

我女女本身係活躍型，佢學琴既老師話，喺屋企播一d classical music or background music 小朋友會好好多，靜d,定d,
我試左之後真係好有幫助。可以喺youtube自己set個list add 哂d music 入去，由得佢喺屋企播，細細聲咁，幾好架！Search or

作者: Lifeisgood418 時間: 16-1-31 01:56 標題: 回覆：Lifeisgood418 的帖子

https://youtu.be/_V_RZoUUScY

作者: faithlove 時間: 16-1-31 09:43 標題: 回覆：請敎我囝小一，讀傳統學校，但好活潑(曳)! 好困擾

其實我覺得你個仔好叻，性格活潑可愛，讀到書之餘，又可以同咁多人做到朋友，係上天賜的恩典。好多成功人士唔係靠讀書叻，重點係良好人際關係。

歡迎光臨教育王國 (/)