教育王國

標題: 懇求指教 [打印本頁]

作者: cosyfook 時間: 16-1-21 17:10 標題: 懇求指教

本帖最後由 cosyfook 於 20-4-23 15:27 編輯

亞仔喜歡閱讀中英文書，每天均有閱讀習慣，可以書不離手，我從沒有俾補充練習，真心請各位高手家長指教。

作者: palmchristy 時間: 16-1-21 18:26

這是輸入與輸出問題. 大量閱讀, 是輸入.

一直只輸入沒輸出, 就好像店員一直把藥材放進百子格, 但不懂在百子格內執適當的藥材出來去治病.

所以, 要開始教孩子執藥.

如果是填充出問題, 可以你自己出題目給孩子做, 務求她懂得運用課文已學過的詞語.

但如果問題出在寫作, 煩請高手家長指教.

作者: MASAYA 時間: 16-1-21 18:34

平時多唔多說話？閒時會唔會諗故事？記得以前聽過一個教寫作既老師分享過一件事，有次接觸一位小朋友都係成績唔太好，主要係寫作方面，老師了解呢位學生既時候發現平時冇人同佢傾偈，係屋企都係做功課溫習咁就一日，咁老師嘗試同佢傾下東傾下西，畀呢個學生有傾訴對象，慢慢學生開始健談，連帶寫作都流暢好多

作者: skkeung 時間: 16-1-21 18:39 標題: 引用：平時多唔多說話？閒時會唔會諗故事？記得以

原帖由 MASAYA 於 16-01-21 發表
平時多唔多說話？閒時會唔會諗故事？記得以前聽過一個教寫作既老師分享過一件事，有次接觸一位小朋友都係成 ...

坊間有本課堂............, 教得不错!

作者: SoLM 時間: 16-1-21 18:46 標題: 回覆：已有大量閱讀習慣, 但作文及詞語填充都唔掂，懇求指教

提示: 作者被禁止或刪除內容自動屏蔽

作者: cosyfook 時間: 16-1-21 21:13

回覆 MASAYA 的帖子

平時多說話，仲有文有路有連接詞，駁咀更流利。一叫佢作文作句作故仔就頭都實晒，作一句又問一句，我覺得佢完全提唔起興趣，唉⋯⋯

作者: CALVEN 時間: 16-1-21 21:23

cosyfook 發表於 16-1-21 21:13
回覆 MASAYA 的帖子

平時多說話，仲有文有路有連接詞，駁咀更流利。一叫佢作文作句作故仔就頭都實晒，作一 ...

我仔有位同學仔都有以上情況,佢仲講大話好叻,轉數之快連大人都比不上,但作文好差,仲成日比老師點名話佢差.

之於我仔,講野唔叻,除左面對父母外,其他人佢就問一句答一句,少閱讀,但作文佢ok,今次考試仲係全級最高分,

可能同平日對詞意,文章既理解有關係?

作者: MrBeast 時間: 16-1-21 21:41

寫日記

作者: simonwan 時間: 16-1-21 22:43

樓主孩子詞語認得但唔記得點寫。應該系寫字寫得少，要比佢多些抄寫練習。

作者: stockmike 時間: 16-1-22 08:39 標題: 回覆：已有大量閱讀習慣, 但作文及詞語填充都唔掂，懇求指教

我記得有人話過作文操藝係唔同語言學習，是無分黃金學習年紀，所以 input 夠樓主不用太過擔心，但都明白考試帶來的壓力

作者: Yanamami 時間: 16-1-22 08:41

simonwan 發表於 16-1-21 22:43
樓主孩子詞語認得但唔記得點寫。應該系寫字寫得少，要比佢多些抄寫練習。

係識寫不过唔醒起呢个詞語所以唔識填……

作者: MrBeast 時間: 16-1-22 09:26

寫日記初初要輔導下，間唔中看番回味下，佢覺得得意先會有心機寫。

作者: MASAYA 時間: 16-1-22 09:29

寫後續故事都可以試試, 例如睇過big hero 6, 可以諗下結局之後各人既發展

作者: oooray 時間: 16-1-22 12:03 標題: 引用：+本帖最後由+cosyfook+於+16-1-21+17:25+編

原帖由 cosyfook 於 16-01-21 發表
本帖最後由 cosyfook 於 16-1-21 17:25 編輯

小囡三年級，喜歡閱讀中英文書(神奇樹屋這類的程度），每天 ...

非常認同樓上"有入冇出"的比喻。或可嘗試看完書後叫佢retell(家長當然要先睇一次)，同時可知道所讀的內容是否已煙消雲散，還是只鎖在記憶中，經retell過程慢慢釋放出來。

作者: grandview 時間: 16-1-22 12:19

提示: 作者被禁止或刪除內容自動屏蔽

作者: cosyfook 時間: 16-1-22 14:35

回覆 oooray 的帖子

小囡睇書嘅速度的確快，有時真係懷疑佢有無用心睇，但佢又講到個內容大意俾你聽。我試過叫佢將書入面嘅金句寫低，不過寫咗一排又無繼續，我又衰唔夠堅持，又擔心影響佢睇書嘅心情同反感。睇嚟我要持之以恒先得。

作者: 200904 時間: 16-1-22 15:09

回覆 cosyfook 的帖子

我兩個女小一，與你的女一樣，好中意看書，書不離手，都喜歡看《神奇樹屋》。

我都有些擔心她們的作文表達能力，所以也要多多入你的post學下。

作者: oooray 時間: 16-1-22 17:42 標題: 引用：回覆+oooray+的帖子小囡睇書嘅速度的確快

原帖由 cosyfook 於 16-01-22 發表
回覆 oooray 的帖子

小囡睇書嘅速度的確快，有時真係懷疑佢有無用心睇，但佢又講到個內容大意俾你聽。我試 ...

寫金句可免則免啦。佢吸收到不用寫，吸收唔到寫都冇用。
講得出大意，家長可以試下問幾個问题得(例如邊個character叫咩名，做過D咩)，比佢做下open book quiz,順便practice埋 comprehension,但前题係你要先睇完本書。

作者: oooray 時間: 16-1-22 17:46 標題: 引用：回覆+cosyfook+的帖子我兩個女小一，與你

原帖由 200904 於 16-01-22 發表
回覆 cosyfook 的帖子

我兩個女小一，與你的女一樣，好中意看書，書不離手，都喜歡看《神奇樹屋》。

孖B？可以叫佢地睇完書互相問問題，睇下邊個啱多D。做家長更輕鬆!

作者: hoihoima 時間: 16-1-22 18:57

cosyfook 發表於 16-1-21 17:10
小囡三年級，喜歡閱讀中英文書(神奇樹屋這類的程度），每天均有閱讀習慣，可以書不離手，奈何中作常說沒有 ...

我小朋友都有呢個有入無出的問題。苦苦掙扎幾年后，終見點點成效，過程包括：

- 寫隨筆
- 把老師在作文時提供的好詞好句抄在筆記本，經常大聲朗讀抄下來的好詞好句。抄好詞好句時最好分門別類，方便作文時找出適用的
- 在小朋友做作文時，鼓勵她翻開筆記本，抄抄裏面的好詞好句。久而久之，好詞好句入了小朋友的腦海，隨時可以自行運用
- 繼續鼓勵小朋友大量閲讀

作者: cosyfook 時間: 16-1-22 19:04

唉！我囡今日話要同我講一件壞消息：就係要做作文功課。我相信作文對佢嚟講已經係一份苦差

作者: cosyfook 時間: 16-1-22 19:05

回覆 hoihoima 的帖子

請問咩係“寫隨筆”？多謝指教

作者: hoihoima 時間: 16-1-22 19:18

cosyfook 發表於 16-1-22 19:05
回覆 hoihoima 的帖子

請問咩係“寫隨筆”？多謝指教

就是沒有設定題目，任由小朋友決定寫什麽。可以慢慢對小朋友提出要求，例如包括3個形容詞，兩個4字好詞等等（由少開始）。最重要還是你的鼓勵和對小朋友的信心，深信小朋友終有一天可以運用到閲讀得來的知識

作者: 200904 時間: 16-1-22 22:56 標題: 回覆：hoihoima 的帖子

GOOD, 謝謝分享

作者: cosyfook 時間: 16-1-22 23:31

回覆 hoihoima 的帖子

你這句“最重要還是你的鼓勵和對小朋友的信心”說得很對，也對我是當頭棒喝，我必須要提醒自己～“鼓勵＋信心”

作者: MrBeast 時間: 16-1-23 05:30

本帖最後由 MrBeast 於 16-1-23 05:47 編輯

我不會後加太多練習，otherwise, 好易將閱讀變成功課／苦差，得不嘗失。不過我自己之前也有要孩子朗讀，有一定的好處，the trick is in the balance.

作者: tsangnamnam 時間: 16-1-23 07:03

Thanks for sharing!

作者: skkeung 時間: 16-1-23 09:34 標題: 引用：+本帖最後由+MrBeast+於+16-1-23+05:47+編

原帖由 MrBeast 於 16-01-23 發表
本帖最後由 MrBeast 於 16-1-23 05:47 編輯

我不會後加太多練習，otherwise, 好易將閱讀變成功課／苦差 ...

近似做法

作者: hoihoima 時間: 16-1-23 15:27

MrBeast 發表於 16-1-23 05:30
我不會後加太多練習，otherwise, 好易將閱讀變成功課／苦差，得不嘗失。不過我自己之前也有要孩子朗讀，有 ...

同意，所以我從不要求小朋友閲讀課外書后抄詞語

作者: Rachelmummy2008 時間: 16-1-23 16:00

一直盼望小女能自己寫文章，小一已經想她開始但不太成功，原因是我太心急。
我自己會寫一些生活上的趣事和她一齊讀，她開始有興趣，原來寫字不是一件苦差，一份功課。
升小二暑假有多些時間，她開始一句兩句地作句，好像樓上所說的隨筆。
開學後老師給她的作句已加入形容詞及成語，老師的讚賞又成為她下次作文的動力。

作者: skkeung 時間: 16-1-23 19:31 標題: 引用：一直盼望小女能自己寫文章，小一已經想她開

原帖由 Rachelmummy2008 於 16-01-23 發表
一直盼望小女能自己寫文章，小一已經想她開始但不太成功，原因是我太心急。
我自己會寫一些生活上的趣事和 ...

由日記開始!

作者: cosyfook 時間: 16-1-23 21:49

回覆 skkeung 的帖子

暑假時我試過叫佢一齊寫日記，一句都好，佢就敷衍了事又唔想寫，跟住開學就更加無時間同佢紏纏。

作者: cosyfook 時間: 16-1-23 22:00

其實我已經教佢寫埋大綱畫埋腦圖，一落筆就話諗唔到點開頭點連接，寫一句問一句，激到你死，完全唔用心諗吓，你提佢一句佢係可以答到下文，但硬係自己寫出嚟就百般艱難，我實在覺得好痛苦，搞到關係又差，真想由得佢唔理

作者: fishchow 時間: 16-1-23 23:41 標題: 回覆：cosyfook 的帖子

可以好簡單。去買小學生作文範文書，天天讀一篇，佳句 highlight 佢。要買啱佢年級用的，買至少2、3個出版社的。有 format 跟，字數、文章結構又 similar 學校的作文的, 不會學唔識。加油！

作者: MrBeast 時間: 16-1-24 06:35

cosyfook 發表於 16-1-23 22:00
其實我已經教佢寫埋大綱畫埋腦圖，一落筆就話諗唔到點開頭點連接，寫一句問一句，激到你死，完全唔用心諗吓 ...

傳統教育的好處是有個‘郎’跟，每日找件有趣或開心的事，跟時地人事寫就得，我初比用ipad手寫板，孩子當玩game，又有predictive text，易入手（但可能會做成依賴）

作者: skkeung 時間: 16-1-24 15:47 標題: 引用：其實我已經教佢寫埋大綱畫埋腦圖，一落筆就

原帖由 cosyfook 於 16-01-23 發表
其實我已經教佢寫埋大綱畫埋腦圖，一落筆就話諗唔到點開頭點連接，寫一句問一句，激到你死，完全唔用心諗吓 ...

大的堅持最重要!

作者: s.andp 時間: 16-1-25 07:51 標題: 回覆：已有大量閱讀習慣, 但作文及詞語填充都唔掂，懇求指教

提示: 作者被禁止或刪除內容自動屏蔽

作者: MrBeast 時間: 16-1-25 08:28

cosyfook 發表於 16-1-23 22:00
其實我已經教佢寫埋大綱畫埋腦圖，一落筆就話諗唔到點開頭點連接，寫一句問一句，激到你死，完全唔用心諗吓 ...

好奇問下，你有否要求孩子朗讀？另外個mind map有冇mark低時地人？

作者: gg123321 時間: 16-1-25 09:47

提示: 作者被禁止或刪除內容自動屏蔽

作者: MASAYA 時間: 16-1-25 12:13

cosyfook 發表於 16-1-23 21:49
回覆 skkeung 的帖子

暑假時我試過叫佢一齊寫日記，一句都好，佢就敷衍了事又唔想寫，跟住開學就更加無時 ...

試下交換日記，父母同子女，一人寫一日，或每日雙方都寫，較能維持動力

作者: skkeung 時間: 16-1-25 13:34 標題: 引用：Quote:cosyfook+發表於+16-1-23+21:49+回覆

原帖由 MASAYA 於 16-01-25 發表
試下交換日記，父母同子女，一人寫一日，或每日雙方都寫，較能維持動力

筆友也可－試

作者: 蛋爸爸 時間: 16-1-25 14:17

我手寫我心，開始學習寫作時，可以先由講故事起步，用部電話錄起佢，任佢自由發揮，之後寫成文章。白字、連接詞、助語詞通通唔識就畫圖表示，重點是六何（6W1H)要齊，寫後家長贊吓，選幾個唔識既字教佢，好快就有大把靈感，這是培養興趣的逆供求。

作者: Ahbee02 時間: 16-1-25 16:06

我系這樣不知不覺中鍛練小女的作文能力的，有少少似是無心插柳。或可供樓主參考下：

語言是按聽丶說丶讀丶寫的次序來學習的。中文我們每天大量接觸，但我發現吾少周圍的孩子，有些到中學了，也總是難以講述清楚一件小事。

于是每天接放學，我都以輕鬆態度邀請女兒講學校趣事。佢講得開心，我聽得過癮。這種無任何壓力下的＂練習＂從她二年級開始，持續至今。日子有功，小女表達能力有很大進歩。某日佢仲繪聲繪色講了學校發生的一件大事，由於她緢述得實在太太逼真，太緊湊，我竟信以為真。後來問其他家長，才知原來阿女在那件事情上加了很多佢自己的想像。佢真系好似響度講故仔一樣。

聽丶說之余當然伴隨大量閱讀。在佢開始自行閱讀時，我曾叫佢大致講返個故事比我聽。後來就覺得再無必要了。

寫作上我沒教她什麼技巧。佢真系會留意到一些好詞。有時候我會同佢玩下，比如鬥講得多關於生氣的形容詞。佢可以噼嚦啪啦講一串，我是甘拜下風的。

另外，她還在一年級的時候吧，我都想了吾少辦法，千方百計tun佢將佢心中想象的故事寫出來。所以佢從來不畏惧作文。玩時作文不時被老師拿作範文全班朗讀，佢就更有自信。

孩子的教育方法因人而異。希望對你有所啓發。

作者: cowboybaby 時間: 16-1-26 12:52 標題: 回覆：skkeung 的帖子

我仔小一，他的日記就係...我今天上學，每天食左d乜，去游泳，去公園，去公公婆婆家，無其他野寫，完全無想像力

作者: cosyfook 時間: 16-1-26 17:02

回覆 fishchow 的帖子

我已經有買兩三個出版社嘅小學生作文範文書，佢仲話好睇，睇嚟我要佢朗讀出嚟，highlight佳句先得，謝謝你的鼓勵

作者: MrBeast 時間: 16-1-26 17:03

或者你試下叫孩子朗讀，不過佢可能會唔中意

作者: skkeung 時間: 16-1-26 22:02 標題: 引用：我系這樣不知不覺中鍛練小女的作文能力的，

原帖由 Ahbee02 於 16-01-25 發表
我系這樣不知不覺中鍛練小女的作文能力的，有少少似是無心插柳。或可供樓主參考下：

語言是按聽丶說丶讀丶 ...

好方法

作者: NC9 時間: 16-1-27 02:06

請問大家有無小學作文範文書推介呢? 先謝過 !

作者: PeggieLam 時間: 16-1-27 14:43

呢個post很好, 我都要學下嘢, thanks!!

我女一年級, 佢都喜愛看書, 好快可以完成一本, 不過經常問返佢故事講乜, 佢又話唔記得, 但又會話好好睇喎, 其實係咪閱讀出見問題? 可以點解決? 以致作句作文都難以寫出...

作者: 青春常駐 時間: 16-1-27 23:47

其實反而俾去鍾意做自己鍾意做嘅嘢，都可以激發佢嘅靈感

作者: skkeung 時間: 16-1-28 08:18 標題: 引用：呢個post很好,+我都要學下嘢,+thanks!!我女

原帖由 PeggieLam 於 16-01-27 發表
呢個post很好, 我都要學下嘢, thanks!!

我女一年級, 佢都喜愛看書, 好快可以完成一本, 不過經常問返佢故事 ...

喜歡已足夠!

作者: MrBeast 時間: 16-1-28 08:56

PeggieLam 發表於 16-1-27 14:43
呢個post很好, 我都要學下嘢, thanks!!

我女一年級, 佢都喜愛看書, 好快可以完成一本, 不過經常問返佢故事 ...

可能佢只是表達能力未夠，不過你又要諗，咁測考又點答閱讀理解的問題呢？你可試下問一些close ended questions 先，作文就output，古詞有云：熟能生巧

作者: MrBeast 時間: 16-1-28 09:00

本帖最後由 MrBeast 於 16-1-28 09:01 編輯

MrBeast 發表於 16-1-28 08:56
可能佢只是表達能力未夠，不過你又要諗，咁測考又點答閱讀理解的問題呢？你可試下問一些close ended questi ...

Ps, parenting 技巧好重要，若孩子覺得你係考緊佢而佢能力又未到，咁自然就會抗拒

作者: PeggieLam 時間: 16-1-28 10:10

MrBeast 發表於 16-1-28 08:56
可能佢只是表達能力未夠，不過你又要諗，咁測考又點答閱讀理解的問題呢？你可試下問一些close ended questi ...

佢就係閱讀理解無咁好, 通常係照抄晒成句句子, 所以我都唔知應該點幫佢, 定係要做多啲練習呢? close ended questions 係點? 可以指教一下嗎? 謝謝!

作者: PeggieLam 時間: 16-1-28 10:17

Ahbee02 發表於 16-1-25 16:06
我系這樣不知不覺中鍛練小女的作文能力的，有少少似是無心插柳。或可供樓主參考下：

語言是按聽丶說丶讀丶 ...

我女自行閱讀時, 我都係叫佢大致講返個故事比我聽, 不過佢又講唔出, 或者只係記得講得好少好少就話唔記得, 會唔會因為佢好走馬看花咁睇? 其實我只想知道佢可唔可以理解到做故事內容...

作者: MASAYA 時間: 16-1-28 12:36

PeggieLam 發表於 16-1-28 10:17
我女自行閱讀時, 我都係叫佢大致講返個故事比我聽, 不過佢又講唔出, 或者只係記得講得好少好少就話唔記得, ...

佢講唔出或話唔記得，有可能佢知道成個故事，不過成舊野唔識表達返出黎，可以試下引導佢，例如有咩人物，發生係幾時，佢地一開始做咩，之後又點，如果佢睇得明，幫佢開左個頭應該可以講返晒出黎

作者: Ahbee02 時間: 16-1-28 13:02

PeggieLam 發表於 16-1-28 10:17
我女自行閱讀時, 我都係叫佢大致講返個故事比我聽, 不過佢又講唔出, 或者只係記得講得好少好少就話唔記得, ...

要講出一本書講乜，首先當然系理解，然後在大腦中進行歸納丶整理，最後再用自已的語言表述出黎。這個過程對於一個只有一年級的孩子而言并非易事。
我反而覺得，她喜愛閱讀，享受閱讀，這已很珍貴，值得開心了。至於她是否真的明白，目前階段對我來說不是重點。經過一段時間，當閱讀積累到一定水平的時候，佢自然會睇得明。你到時候會見到佢邊睇書，邊笑到cat cat聲。

至於目前階段對做閱讀理解可能幫助吾大，甘真系要睇家長對成績的長遠或近期要求了。中文學習，始終要浸，成績可能要等一段時間才有成效（仲要加埋指導考試技巧等等）。

作者: PeggieLam 時間: 16-1-28 13:27

本帖最後由 PeggieLam 於 16-1-28 13:27 編輯

MASAYA 發表於 16-1-28 12:36
佢講唔出或話唔記得，有可能佢知道成個故事，不過成舊野唔識表達返出黎，可以試下引導佢，例如有咩人物，發 ...

咁我試下引導吓佢先.... thanks!!

作者: PeggieLam 時間: 16-1-28 13:30

Ahbee02 發表於 16-1-28 13:02
要講出一本書講乜，首先當然系理解，然後在大腦中進行歸納丶整理，最後再用自已的語言表述出黎。這個過程對 ...

咁我又唔係為咗成績, 只係有時佢都同我講閱讀理解唔係好明, 唔係好識, 所以想幫下佢, 當然, 佢喜愛閱讀我已經好開心了, 佢而家睇書都會自己睇到笑...

作者: cosyfook 時間: 16-1-28 19:58

回覆 PeggieLam 的帖子

其實你囡囡只是小一睇咁多書已經很叻喇！我囡小一時多數睇繪本，橋樑書擺晒度好少睇，係到小二先一本接一本嚟睇。

雖然有時見到亞囡作文作成咁好氣餒，好彩有呢度各位高手賜教同鼓勵先可以再戰鬥落去，我哋要同囡囡一齊努力加油呀！

作者: hippoo 時間: 16-1-28 22:49 標題: 引用：請問大家有無小學作文範文書推介呢?+先謝過

原帖由 NC9 於 16-01-27 發表
請問大家有無小學作文範文書推介呢? 先謝過 !

作者: Olympian 時間: 16-1-29 14:12 標題: 回覆：hippoo 的帖子

中華書局出版的作文百達通。文章是本地學童寫，每篇文章都有underlined及解釋寫得好的地方，總評，及升級技考。我在圖書館借。

作者: 201102 時間: 16-2-1 14:03

skkeung 發表於 16-1-25 13:34
筆友也可－試

請問現在那裡可以找到筆友?

作者: MASAYA 時間: 16-2-1 14:06

201102 發表於 16-2-1 14:03
請問現在那裡可以找到筆友?

我之前上網搵過筆友網，其實係有既，不過唔知安唔安全，最後冇試過

作者: skkeung 時間: 16-2-1 15:16 標題: 引用：Quote:skkeung+發表於+16-1-25+13:34+筆友

原帖由 201102 於 16-02-01 發表
請問現在那裡可以找到筆友?

同學, 憐居!

作者: GreenMaDad 時間: 16-2-2 15:18

我明白閱讀是很好，但它始終比較被動，引導小孩多說話會比較容易知道小孩的理解思考能力。

作者: Lchlau66 時間: 16-2-3 00:51

讀萬卷書不如行萬里路，見識同知道一樣重要呀

作者: MrBeast 時間: 16-2-3 10:08

Lchlau66 發表於 16-2-3 00:51
讀萬卷書不如行萬里路，見識同知道一樣重要呀

同意，有人生經驗才能產生共嗚，雖然相信很多家長未必同意，行萬里路前，都可以睇下Tv, 甚至Leverage tech, google 和utube 先

作者: cosyfook 時間: 16-4-19 20:38 標題: 回覆：已有大量閱讀習慣, 但作文及詞語填充都唔掂，懇求指教

亞囡終於有小小回報了, 中文作文今次成績良好, 被老師稱讚, 而中文考試成績更取得9×, 是有史以來最好。特此上來感謝各位的鼓勵和意見。

作者: oooray 時間: 16-4-19 21:03 標題: 引用：亞囡終於有小小回報了,+中文作文今次成績良

原帖由 cosyfook 於 16-04-19 發表
亞囡終於有小小回報了, 中文作文今次成績良好, 被老師稱讚, 而中文考試成績更取得9×, 是有史以來最好。特 ...

恭喜！開始有回報了！

作者: S-Kwok 時間: 16-4-19 22:57 標題: 引用：亞囡終於有小小回報了,+中文作文今次成績良

原帖由 cosyfook 於 16-04-19 發表
亞囡終於有小小回報了, 中文作文今次成績良好, 被老師稱讚, 而中文考試成績更取得9×, 是有史以來最好。特 ...

作者: flower9 時間: 16-4-20 09:47

提示: 作者被禁止或刪除內容自動屏蔽

作者: grandview 時間: 16-4-20 15:20

提示: 作者被禁止或刪除內容自動屏蔽

作者: grandview 時間: 16-4-20 15:24

提示: 作者被禁止或刪除內容自動屏蔽

作者: tjbb168 時間: 16-4-29 03:17

回覆 grandview 的帖子

我想知邊D網站可以找到, 已PM

作者: lhingw 時間: 16-4-29 08:26 標題: 引用：+本帖最後由+cosyfook+於+16-1-21+17:25+編

原帖由 cosyfook 於 16-01-21 發表
本帖最後由 cosyfook 於 16-1-21 17:25 編輯

小囡三年級，喜歡閱讀中英文書(神奇樹屋這類的程度），每天 ...

家長有沒有瞭解小朋友是不是會看的字也會寫？其實大人也會發生，看報紙、書完全沒問題，但要寫很多時也執筆忘字、唔識寫....... 多寫是其中的方法。不過先瞭解問題所在，然後才對診下藥。

歡迎光臨教育王國 (/)