教育王國
標題: 其實TSA對小學生究竟有幾大影響? [打印本頁]
作者: cmamum 時間: 16-1-21 12:12 標題: 其實TSA對小學生究竟有幾大影響?
本帖最後由 cmamum 於 16-1-21 14:55 編輯
其實TSA對小學生究竟有幾大影響?
點解要講到因為TSA而令到d細路冇哂時間做自己喜歡嘅嘢，摧毀咗佢哋開心嘅童年，仲講到教育局“離哂地” …
我自己d小朋友都經歷過TSA，當年學校會為TSA安排補課 (大約1星期1-2堂)，在週末或長假期給予TSA練習作為功課。我自己有跟小朋友功課，亦明白TSA內容同一般“正規”學習課程嘅題型有所不同，但係可以接觸到其他類型嘅知識、學習模式、答題技巧，有老師免費補課，我自己覺得小朋友係學多咗嘢，而且TSA考成點對小朋友本身學業成績係冇影響，咁點會造成對家長及學生都有好大壓力?
好多小學有好多功課，好多評估、測驗、考試，仲有好多額外嘅拔尖補底課程，但係冇人會投訴? 好多“名校”教嘅英文課程比一般小學教嘅艱深好多，但係冇人話“離哂地”?
我唔係幫教育局講說話，只係唔明點解d家長要咁抗拒小三考嘅TSA，但係小五、小六嘅呈分試，或者教育局安排嘅 Pre S1 中一分班試，呢d對小朋友本身有直接影響而壓力相對更大嘅就冇問題? 對佢哋嘅“快樂童年”就冇影響?
如果將TSA成績加在學生校內個人成績中 (例如: 佔總分10%)，又或者代替一年中其中一次嘅測驗或考試成績，咁係咪就唔會覺得浪費咗佢哋寶貴嘅時間去操練TSA?
TSA嘅目的係用來評核小學嘅學習情況，再加上呈分試及PreS1成績，對學校教學質素作出有系統嘅評估，其實呢個機制對家長及學生更加有保障。
可以keep住升中派位成績好嘅小學，就係大家心目中嘅Band 1小學，多功課、多考測都冇問題，“最緊要入到!”。 而現今派位嘅官津小學係靠計分和抽籤，唔係通過面試、測試而選擇學生，但到最後升中派位，有些小學有60-70%Band 1 學生，有些只有20-30%，所以小學本身教學質素都好重要，而有機制去監察當然更有保障。
(以上純粹本人有感而發的個人意見。)
作者: Ryan_baba 時間: 16-1-21 12:56
本帖最後由 Ryan_baba 於 16-1-21 12:56 編輯
回覆 cmamum 的帖子
你嘅講法係好啱, 只可惜呢個話題已經俾人用作政治工具. 再加上有D呢對TSA嘅誤解, 就發酵成今日嘅局面. 我覺得最離譜嘅係有少數校長竟然對家長講TSA係會影響升中派位, 又有D講話TSA嘅題目深. 究竟呢D校長有冇好認真咁去睇件事, 定係受到大圍壓力而去傳遞錯誤訊息.
之前有校長話TSA的題目轉彎, 不符合學生嘅程度. 我之後睇翻我個仔同一類嘅問題嘅書, 書中嘅例題已經有果位校長所講嘅轉彎題目. 究竟係題目有問題定個位校長有問題? 大家自己去判斷一下啦.
作者: cmamum 時間: 16-1-21 13:43
Ryan_baba 發表於 16-1-21 12:56 
回覆 cmamum 的帖子
你嘅講法係好啱, 只可惜呢個話題已經俾人用作政治工具. 再加上有D呢對TSA嘅誤解, 就發 ...
作者: skkeung 時間: 16-1-21 13:50 標題: 引用：+本帖最後由+cmamum+於+16-1-21+12:20+編輯
原帖由 cmamum 於 16-01-21 發表
本帖最後由 cmamum 於 16-1-21 12:20 編輯
其實TSA對小學生究竟有幾大影響?
作者: cherrieshum 時間: 16-3-28 08:00 標題: 回覆：其實TSA對小學生究竟有幾大影響
我讀書年代，一直都有學能測驗，每年也有類似TSA的系統測驗，又有中三淘汰試，中五會考，中七高考，明顯測考更考，現在小三只有TSA又不斷吵鬧。其實只要家長安排少一些課後補習或課外活動，小孩怎會沒時間玩樂？
作者: cherrieshum 時間: 16-3-28 08:01 標題: 引用：我讀書年代，一直都有學能測驗，每年也有類
原帖由 cherrieshum 於 16-03-28 發表
我讀書年代，一直都有學能測驗，每年也有類似TSA的系統測驗，又有中三淘汰試，中五會考，中七高考，明顯測 ...
作者: ChiChiPaPa 時間: 16-3-28 09:33 標題: 引用：Quote:Ryan_baba+發表於+16-1-21+12:56+回
原帖由 cmamum 於 16-01-21 發表
同意，已經比人利用作為政治工具。某些學校亦可能會利用呢次機會，希望取消TSA監察。
...
語文科的改革其實進行了一段時間，現在是能力導向的課程，而不是直接考課本的知識，因此DSE亦沒有必考的範文。不過，初小的語文考核應則重鞏固課堂的知識，還是語文能力的測試，是有爭論的。教育局錯用TSA去評價學校的教學，因此做成大部分的小學改動學校的測考去考TSA的題型。雖然這不影響私校和名校的校內考核，但會否做成其他學校學生更難追上？
如果要用小三TSA來評價學校能效，政府能否告知家長一線小學的學生強弱的地方和為何他們在教學上有這些取捨？這也可讓其他學校借鏡。至於水平較低的學校，他們共通的弱項又是那些，會否是教材問題？課程問題？教育局又有那些措施助他們改善。
作者: ANChan59 時間: 16-3-28 10:25 標題: 引用：Quote:原帖由+cmamum+於+16-01-21+發表同意
原帖由 ChiChiPaPa 於 16-03-28 發表
大家只係講小三TSA，而沒人說取消小六或中三TSA。
語文科的改革其實進行了一段時間，現在是能力導向的課程 ...
EDB成日話TSA咁重要咁有用，講極，證據又攞唔到出嚟，點樣幫哪些較弱的小學！
作者: wingsma 時間: 16-3-28 21:31
小三TSA之為害，在於部份題目過深，促使學校狂操學生，遺背教育原則。督學又會因學校成績差而向學校質詢。
題目過深，改善便是；督學會因學校成績差而向學校質詢，不是理所當然嗎？學校也應檢討，如因小一新生本身資質就是差，也可向督學解釋，而不應將壓力轉解給學生。
小學生由小一到小三，小則有6次考試，另最少6次測驗，多則有18次考試(例如聖XX男女)。每次測考，學生的每科分數和排名，老師都知得一清二楚，學生和家長也會知道分數，即使未必知道排名。所以學生已照了十多次X光，考得差一點都可能會有後果！一是達不到自己的目標，會很失望(小朋友這般懂性就可放心了。)一是被老師家長責罵，而小朋友的壓力主要就是來自這裏！
TSA要到小三才考一次，學校家長以至學生都不知個別同學的成績，學校亦只知整體達標率，所以個別學生絕不會因為考得差而被責罵，極其量是全級考得差，全級被訓話，壓力也會分薄了很多。所以你說壓力從何而來？
CHICHIPAPA︰「政府能否告知家長一線小學的學生強弱的地方」？
政府就是怕增加學校的壓力，所以不公報學校成績，就連學校本身也被禁止公報本校的成績，免得強校公報了她們的好成績，便暗示了不願公報成績的學校是考得差的學校，給了她們無形的壓力(這點在DSE的成績公報大家都可以看到)。
高鐵超資200億，政府監管不力，責無旁貸！學校教育也主要來自公帑，我們真的放心叫政府等小學生讀了6年才做一次QC嗎？
「唔怕官，最怕管？」一般人不想別人來QC自己，無可厚非，但作為教育者，真會不想別人以較客觀的方法來給自己的學生驗一驗身嗎？
小女的小學是私校，不必要考TSA，但校長主動要求學生應試。她說︰「我們不用教科書，用圖書教學，也想知道效果如何。」當然她是胸有成竹的。我是在小四家長會才知道小女考了TSA，證明學校全無操練，小女說只在試前做了一次mock exam。TSA就是考平日的學習，何需操練？
作者: karen55407 時間: 16-3-28 22:38 標題: 引用：小三TSA之為害，在於部份題目過深，促使學
原帖由 wingsma 於 16-03-28 發表
小三TSA之為害，在於部份題目過深，促使學校狂操學生，遺背教育原則。督學又會因學校成績差而向學校質詢。
...
作者: MASAYA 時間: 16-3-29 01:12
wingsma 發表於 16-3-28 21:31
小三TSA之為害，在於部份題目過深，促使學校狂操學生，遺背教育原則。督學又會因學校成績差而向學校質詢。
...
只知整體達標率，冇具體情況，其實真係有助改善教學？同d家長只睇分數，唔知錯乜唔理點錯，然後就話搵補習，唔覺得有乜分別
作者: wingsma 時間: 16-3-29 02:07
分別在於學校的教師受過訓練，理應從單一個達標率就知有何問題。
作者: MASAYA 時間: 16-3-29 02:52
真係？警察單從犯罪率、破案率就知問題所在？醫生單從存活率、復發率就知問題所在？受過訓練更應該知道要搵問題源頭，唔係睇一個數字去做野，政府就係只睇個數字做野，先咁多問題解唔到
p.s. TVB只睇收視率都唔知自己d節目有幾爛
作者: little_yolky 時間: 16-3-29 09:51
MASAYA 發表於 16-3-29 01:12
//學校亦只知整體達標率//
只知整體達標率，冇具體情況，其實真係有助改善教學？同d家長只睇分數，唔知錯乜 ...
即係該科學校的教學策略無問題。
至於個別同學仔既弱項, 就個別執。
好似我哋學校, 原來整體數學平均水平唔差的, 試過全體學生100%達標。上學期尾, 學校發咗份問卷俾同學, 其中問最鐘意乜科, 正常前幾個緊係術科啦, 但居然數學係排第三位, 百份比仲要好高添。(中英兩科係包尾), 音樂仲要排第四
。數學科老師真係老懷安慰。
作者: hha 時間: 16-3-29 17:53 標題: 回覆：其實TSA對小學生究竟有幾大影響?
全港TSA，有冇考慮過有d家長一直冇打算什麼贏在起跑線，只希望搵間輕鬆、小班的學校，為能力較低或有學習障礙的小朋友完成基本學習？！但一個TSA令呢d弱勢學校增加壓力，亦令呢d只應付基本課程都吃力的小朋友百上加斤。其實家長會睇升中歷史去選擇學校，學校亦為此會自我改善，冇需要一個唔透明的TSA去評估。有d家長覺得有人大造文章、大驚小怪，只因其子女能力比TSA考試綽綽有餘，但係咪咁就要對能力低的小朋友[懲罰］，要加操到別人眼中的水平先至有資格做學生呢？！
作者: karen55407 時間: 16-3-29 18:01 標題: 引用：全港TSA，有冇考慮過有d家長一直冇打算什麼
原帖由 hha 於 16-03-29 發表
全港TSA，有冇考慮過有d家長一直冇打算什麼贏在起跑線，只希望搵間輕鬆、小班的學校，為能力較低或有學習障 ...
作者: hha 時間: 16-3-29 18:44 標題: 引用：Quote:原帖由+hha+於+16-03-29+發表全港TSA
原帖由 karen55407 於 16-03-29 發表
學校加操係唔啱嘅，應該從改善課程著手。
作者: karen55407 時間: 16-3-29 19:12 標題: 引用：Quote:原帖由+karen55407+於+16-03-29+發表
原帖由 hha 於 16-03-29 發表
我又好想講，弱校收生已經有先天不足，學生資質唔係你話改善課程就可以逆轉，拉唔高band 1率又永遠都吸引唔 ...
作者: HaYi 時間: 16-3-31 00:14
其實一直有人說TSA 害人補課同太深或同學制不同, 現在的TSA 到底有幾多%的學生覺得好難(EG 考不到合格)?
因為身邊高小, 識的己考左的, 包括我自己個都不覺得難, 大部份識的學枚亦冇操, 自己看市面上有寫tsa 的補充反而是算淺, 所以有不明客觀的事實到底是甚麼
作者: ANChan59 時間: 16-3-31 10:16 標題: 回覆：HaYi 的帖子
可能你水平高，覺得補充練習淺。你是否有看小三的能力，而非成人的能力。
前一輪最嘈嘅時候，教育局反而話補充練習太深，問學校點解選擇這些練習，學校話因為考評局的TSA題目刁鑽，於是開委員會改小三TSA的題型，減閲讀理解文章篇數及搵50間學校試砂煲。這些動作表達什麼實況？
我覺得最初TSA是冇問題，考基本能力就老老實實考基本，無需要加深加難試卷，因為不是拔尖。
作者: HaYi 時間: 16-3-31 19:59
我不是以我自己大人的能力去看的, 而是問過約十個不同官津直私小四生(包括我大仔同佢的朋友仔), 佢地上年P3剛考完, 應該都是正常小三能力, 冇人說好難, 最重要冇人說學校要加操, 當然幾間學校不足以令sample 有效, 但亦可能反應左一D事實. 而我自己都常常去留意市面各類補充, 看市面較熱門的TSA補充, 來來去去都同學校課程差不多, 不知有邊part 深.
我覺得而家官家說改淺題目, 是純應付下大家,到底改淺左咩又有誰知. 難道官家可以完全不理社會聲音而繼續原本的試 ? 另搵50間學校試其實同TSA 原意取全港sample 都不符, 都是另一個下台階而已.
不過一切一切, 如果TSA 的消失會幫到大部份學生去更好地學習, 我覺得尤它去吧, 反正我地家長都不知有咩損失
作者: CrabPincers 時間: 16-4-1 07:56 標題: 回覆：其實TSA對小學生究竟有幾大影響
我仔是sen, 依家已經中一啦，之前都經歷過兩次tsa, 我仔間小學都算果區爭崩頭入的小學，但如果話操練，放假多份tsa練習算是的話，甘學校都有操練
至於話練習深，我從來不看佢做成點，佢做到錯晒又好，岩晒都好（無乜可能），家長做到無所講，不好一見錯晒（錯得多）就開口鬧，學校亦無比壓力學生，壓力來自何處？
作者: Huchimum 時間: 16-4-2 09:58 標題: 引用：+本帖最後由+cmamum+於+16-1-21+14:55+編輯
原帖由 cmamum 於 16-01-21 發表
本帖最後由 cmamum 於 16-1-21 14:55 編輯
其實TSA對小學生究竟有幾大影響?
作者: Yanamami 時間: 16-4-2 10:08
CrabPincers 發表於 16-4-1 07:56
我仔是sen, 依家已經中一啦，之前都經歷過兩次tsa, 我仔間小學都算果區爭崩頭入的小學，但如果話操練，放假 ...
| 歡迎光臨 教育王國 (/) |
Powered by Discuz! X1.5 |